රු. අටසිය කෝටියක වෙට්ට පිත්තලයෝ කවුරුද?

(2009 ඔක්තෝබර්  08 - W3Lanka) එකමත් එක රටක යුද හමුදාවක් සතුව ඇති පිත්තල මෙට්‍රික් ටොන් 80,000ක් චීන ගැනුම්කරුවකුට විකිණීමේදී කිලෝවක් සඳහා හමුදාවට ලැබෙන මිළත් චීන වෙළෙන්දා සැබැවින් ම ගෙවන මිළත් අතර ඇමරිකන් ඩොලරයක පරතරයක් ඇති බව මේ දිනවල එම රටේ හමුදා සහ දේශපාලන අංශවල කතා බහට ලක් වී තිබේ.

පිත්තල කිලෝවකට ඩොලරයක අයථා ලාභයක් ඒ එකමත් එක රටේ යම් කිසි බලවතකු විසින් ලබා ගන්නේ ද යන කරුණ සාකච්ඡාවට භාජනය වී තිබේ.

පිත්තල කිලෝවකින් ලබා ගන්නා කොමිස් මුදල රු.100කැයි ගණන් හැදුවොත්, පිත්තල කිලෝ අට කෝටියකින් ලබා ගන්නා මුදල රු. අටසිය කෝටියකි.

මෙය ලංකාවේ නම් ඒ කාලයේ සමස්ත මහවැලි සංවර්ධන ව්‍යාපෘතියට ම ගිය වියදම හා සමාන ය.

මේ පිත්තල වනාහි ඒ රටේ පැවති මහා යුද්ධයක අවසාන අදියරවලදී භාවිතා කරන ලද අවිවල හිස් පතුරම් කොපු වේ.