W3Lanka: Praja.lk Backup

Posts

පාර් (කෙටිකතාව)

October 03, 2024

අජිත් පැරකුම් ජයසිංහ පාර් ගැන කතාවක් ලියන්නට ඕනෑ යයි පසුගිය දිනෙක මම කීවෙමි. ඒ කවදා කුමක් නිමිති කරගෙනදැයි මට මතක නැත. මේ සතියේ ගෙදර එන්නට නොලැබෙන බව කීමට අම්මාට දුරකථනයෙන් කතා කළ විට පාර් මිය ගිය පුවත ඇය මට කීවාය. මා එය මගේ බිරිඳට කී මොහොතේ ඇය මහ හඬින් හඬා වැලපුණාය. පුංචි කාලයේ සුරතල් බල්ලකු, පූසකු මළ විට දැනුණ වාවාගත නොහැකි දුක මට නොදැනුණ මුත් නෙතට කඳුළක් නැගිණි. ගිය සති අන්තයේ ගෙදර ගිය විට පාර් පෙනෙන්නට නොසිටි බැවින් මම විපරම් කළෙමි. ඇය අසනීපෙන් බව අම්මා කීවාය. මා ඇය සොයා යන විට ඇය සිටියේ පිළිකන්නේ අත්හැර දමා තිබුණු මාළු ටැංකියක නිදාගෙනය. මා ‘පාර්’ කී විට ඇය වෙනදා පරිදිම හිස ඔසවා බැලුවාය. ඇදී ගිය මුහුණේ වූයේ වේදනාබර පෙනුමකි. ඇගේ නාසය මුල තෙත අඩවිය වියලි දුඹුරු පැහැති කබොල්ලක් සේ පෙනිණි. ඇදී ගිය ඇගේ සිරුරේ වෙනදා පැවති බැබලෙන සුද බොර පැහැයකට හැරී තිබිණි. අත්හැර දමන ලද මාළු ටැංකියේ තිබූ පස් නිසා විය හැකිය. ඇයට සුව වූ පසු නෑවිය යුතු යයි මම සිතාගත්තෙමි. එහෙත් ඇයට බෙහෙත් ටිකක් අරන් දිය යුතු යයි මට සිතුණේ නැත්තේ ඇයි? බළලුන් මෙසේ අසනීප වී සුව වීම අපට අලුත් දෙයක් නොවූ නිසාද? “අනේ මැරුණෙ

ජනාධිපතිගේ පුතා වැඩ කරන ශ්‍රීලංකන් පෞද්ගලිකකරණය නොවේ

October 03, 2024

අජිත් පැරකුම් ජයසිංහ ශ්‍රීලංකන් ගුවන් සේවයේ පසුගිය කාලයේ එකතු වූ විදේශ ණය ඩොලර් මිලියන 1,200කට වැඩිය. මේ අතර රජයේ ඇප මත නිකුත් කරන ලද ජාත්‍යන්තර ස්වෛරී බැඳුම්කර ණය ද ඇත. ඒවා ගෙවීමේ වගකීම ඇත්තේ රජයටයි. උදාහරණයක් ලෙස, 2022 දෙසැම්බරයේදී ශ්‍රීලන්කන් 7% වාර්ෂික පොළියට ලබාගත් රු. මිලියන 175ක ජාත්‍යන්තර ස්වෛරී බැඳුම්ක ණයක් ගෙවීම පැහැර හැරියේය. ශ්‍රීලංකන් ලංකා බැංකුවට, මහජන බැංකුවට හා තෙල් සංස්ථාවට ද අති විශාල වශයෙන් ණයය. ශ්‍රීලංකන් ණය නොගෙවන අතර ඒ පාඩු දරාගන්නේ මහජනතාවයි. ණය ප්‍රතිව්‍යූහගතකරණයට ශ්‍රීලංකන් විසින් පැහැර හැර ඇති ණය ද ඇතුළත් වේ. කෙසේ වෙතත්, රනිල් වික්‍රමසිංහ ජනාධිපතිවරයාගේ නායකත්වයෙන් ශ්‍රීලංකන් පාඩු අවම කරගන්නට කටයුතු කරන ලදි. 2022දී රු. බිලියන 75ක් පමණ පාඩු ලැබූ ශ්‍රීලංකන් 2023දී රු. බිලියන 1.5ක පමණ ලාභ ලැබීය. එහෙත්, ණය ආපසු ගෙවන්නේ නැත. ණය වාරික ද පොළිය ද අලුත් ණය බවට පත්වෙමින් තිබේ. පසුගිය රජය ශ්‍රීලංකන් ණය රජයට පවරා ගනිමින් ගුවන් සේවය පෞද්ගලිකකරණය කිරීමට උත්සාහ කරන ලදි. එහෙත්, ඒ සඳහා ලැබුණු ආයෝජන යෝජනා සම්බන්ධයෙන් රජය තෘප්තිමත් වූයේ නැත. වත්මන් රජය වන ජාතික ජන බලවේගය විරුද

රනිල්ගේ පාරෙ අනුරට යන්න පුළුවන්ද?

October 03, 2024

අජිත් පැරකුම් ජයසිංහ අනුර හදන්නෙ රනිල් හදල දීපු රාමුව ඇතුළෙම යන්නට බවයි පෙනෙන්නෙ. ජාත්‍යන්තර මූල්‍ය අරමුදල ගැන තමන් කලින් කියපු කාරණා අමතක කරලා ඒ ගිවිසුම අනුව කටයුතු කරන්නට බවයි පෙනෙන්නෙ. මුදල් අමාත්‍යාංශයේ ලේකම් මහින්ද සිරිවර්ධන, මහ බැංකුවේ අධිපති නන්දලාල් වීරසිංහ වගේ අය එක්ක එහෙම කරන්නට පුළුවන් කියා ඔවුන් හිතන බවක් පෙනෙනවා. ඒ වුණාට ඒ මූලෝපාය හැදුවෙ රනිල්ගේ නායකත්වයෙන් යුත් ධනේශ්වර ලිබරල් ආණ්ඩුවකට. අනුරගේ නායකත්වයෙන් යුත් සමාජවාදී මධ්‍යම පන්තික ආණ්ඩුවකට ඒක ගැලපෙන්නෙ නැහැ. උදාහරණයක් විදියට, රනිල්ගේ මූලෝපාය ඇතුළෙ තියෙන්නෙ සමාජයට මුදල් ගලා යාම. අනුර කරන්නෙ අරපිරිමැස්ම. ඒකෙන් ආර්ථික වර්ධනය අඩාල වෙනවා. වේගවත් ආර්ථික වර්ධනයක් ඉලක්ක කරමින් හදපු වැඩපිළිවෙලක් සෙමින් වර්ධනය වන ආර්ථිකයකට දරාගන්නට බැහැ. දූෂණය නැති කළ පමණින් සමාජවාදීන්ට ධනවාදය සාර්ථක කරන්නට පුළුවන් යයි සිතීමම මුළාවක්. ලංකාවේ සිස්ටම් එක හැදිලා තියෙන්නෙ චීනයේ හෝ වියට්නාමයේ වගේ නෙමෙයි. දූෂණය මේකෙ ප්‍රධාන අංගයක්. ඒක සංස්කෘතික වෙලා තියෙන්නෙ. උදාහරණයක් විදියට රාජ්‍ය සේවයේ ඉහළ මට්ටමේ අය අවුරුදු පහකට පාරක් තීරු බදු රහිත කාර් පර්මිට් එක ව

මිස්ඉන්වොයිසිංවලට තිත. රටින් පිට සැඟවූ ධනය ආපසු රටට?

September 27, 2024

අජිත් පැරකුම් ජයසිංහ රට ගොඩ දානවා නම් දාන්න පුළුවන් කෙනෙකු තමයි මේ බස්නාහිර ආණ්ඩුකාරවරයා ලෙස දිවුරුම් දුන්, එක්ස්පෝ ලංකා හෝල්ඩිං සමාගමේ ප්‍රධානී හනීෆ් යූසුෆ්. හේතුව ලංකාව රටවල් 25කට වැඩි ප්‍රමාණයක් එක්ක කරන ආනයන අපනයන හසුරුවන්නෙ එක්ස්පෝ හෝල්ඩිං සමාගමෙන්. අපනයන හා ආනයන වෙළඳාමට සම්බන්ධ ශ්‍රී ලංකාවේ ව්‍යාපාර, හිතාමතාම, වංචනික ලෙස ඉන්වොයිස් කිරීම සහ විදේශ විනිමය ඉපැයීම් රටින් පිට තැන්පත් කිරීම හරහා වසර නවයක් පුරා ඇමෙරිකානු ඩොලර් බිලියන 36.833ක් (රුපියල් ට්‍රිලියන 13.246ක්) කොල්ලකා ඇති බව 2022දී Global Financial Integrity විසින් වාර්තා කළා. ආනයනකරුවන් සහ අපනයනකරුවන් ශ්‍රී ලංකා රේගුවට ගොනු කරන ලද ඉන්වොයිස්වල ප්‍රකාශිත වටිනාකම හිතාමතාම වැරදියට ඉදිරිපත් කර, සෑම වසරකම සාමාන්‍යයෙන් ඇමරිකානු ඩොලර් බිලියන 4.093 (රුපියල් ට්‍රිලියන 1.471) අහිමි කරන බව වොෂින්ටන් ඩීසී පදනම් කරගත් ග්ලෝබල් ෆිනෑන්ෂල් ඉන්ටග්‍රිටි විසින් කරන ලද පුළුල් විමර්ශනයකින් හෙළි වූ බව වාර්තා කළා. ඔය පිංතූරෙ ඉන්න ජනාධිපති ලේකම්තුමා රේගුවේ හිටපු සුපිළිපන්භාවය පිළිබඳ උපදේශකවරයෙක්. ආණ්ඩුකාරතුමායි, ජනාධිපති ලේකම්තුමායි ජනාධිපතිතුමාට එක

රථ ගාය හා මාලිමා බෙහෙත්

September 27, 2024

අජිත් පැරකුම් ජයසිංහ මාලිමාවට මා කැමති එක් හේතුවක් තමයි රථගාය හොඳ කිරීමට ඔවුන් තුළ ඇති නැඹුරුව. හැබැයි, ඔවුන් මේක කරන්නෙ අර සමන්ත විද්‍යාරත්න ගමේ මිනිසුන්ට මන්ත්‍රීවරුන්ට තියෙන වරප්‍රසාද කිව්වට පස්සෙ උන් ‘හෙණ ගහන්න ඕනැ’ කිව්ව වගේ ගංකබර මානසිකත්වයකින්. ඒකෙ වරදකුත් නැහැ. මොකද, ඔය වාහන පෙරේතයන් ඉන්නෙත් ඒ වගේම ගංකබර මානසිකත්වයක. ඔය ජනාධිපති ලේකම් කාර්යාලයට රිංගගත්ත යූඇන්පීකාරයන් සමහරුන්ට ඇත්තෙන්ම තිබුණෙ හත් අවුරුද්දකින් නොකා හාමත් වුණා වගේ මළ පෙරේතකමක්. උන් වාහන එළෝගෙන එළෝගෙන ගියා. එකා දෙක තුන ගත්ත බවත් ඇත්ත. කරපු මළදානෙකුත් නැහැ. රනිල් වික්‍රමසිංහගේ පරාජයට වගකිව යුතු ප්‍රධාන පිරිසක් තමයි ඔවුන්. ඒ වුණාට උන් ඔය වාහන භාර දුන්නනෙ වහාම. ඇයි ඒවා මග දාලා ගිහින් වගේ බොරු නිර්මාණය කරන්නෙ? දැන් මාලිමාව ආණ්ඩුවක්නෙ. වාහන සම්බන්ධයෙන් යම් නීති විරෝධී ක්‍රියාවක් වෙලා තියෙනවා නම් දූෂණ මර්දන පනත හා වෙනත් නීති භාවිතා කරලා නීතිමය වශයෙන් කටයුතු කරන්නට පුළුවන්නෙ. පසුගිය කාලයේ රජය වාහන ආනයනය නැවැත්තුවට රජය තීරු බදු රහිත වාහන ආනයන බලපත්‍ර නිකුත් කරන එක නැවැත්තුවෙ නැහැ. දැන් රජයේ නිලධාරීන් දත මැදගෙන ඉන්නෙ එකතු

මොකක්ද මේ ගල්කිස්සෙ වැලි කේස් එක හා ජාජබ අමාත්‍යාංශ ලේකම්ගෙ සම්බන්ධය?

September 27, 2024

බී.කේ. ප්‍රභාත් චන්ද්‍රකීර්ති පරිසර, වනජීවි, වන සම්පත්, ජල සම්පාදන, වැවිලි සහ ප්‍රජා යටිතල පහසුකම් අමාත්‍යාංශයේ ලේකම්වරයා ලෙස ජනාධිපති අනුර කුමාර දිසානායක විසින් පත්කර තිබේ. ඒ සමගම ඔහු සම්බන්ධ වැලි ව්‍යාපෘතියක් පිළිබඳ සමාජයේ කතාබහක් ඇති වී තිබේ. එබැවින් එය කුමක්දැයි අපි සොයා බැලුවෙමු. සිද්ධිය සිදු වන්නේ කොවිඩ්-19 අධිවසංගතය අතරතුර 2020දීය. එම වකවානුවේදී චන්ද්‍රකීර්ති වෙරළ සංරක්ෂණ දෙපාර්තමේන්තුවේ අධ්‍යක්ෂ ජනරාල්වරයා විය. ගල්කිස්ස ප්‍රදේශයේ කෘත්‍රිම වෙරළ නිර්මාණය සඳහා ගල්කිස්ස වෙරළ පෝෂණ ව්‍යාපෘතිය (දකුණු කොළඹ වැලි පෝෂණය කිරීමේ ව්‍යාපෘතිය) සඳහා වැයවූ මුදල රුපියල් මිලියන 110ක් පමණ වේ. ඒ සඳහා අවශ්‍ය වැලි කියුබික් මීටර් ලක්ෂ අටක් ගෙන තිබෙන්නේ රත්මලාන දුම්රිය ස්ථානයේ සිට කිලෝමීටර් දෙකත් හයත් අතර දුරකින් පිහිටි වැලි නිධියකින් බව බීබීසී වෙනුවෙන් ෂර්ලි උපුල් කුමාර විසින් වාර්තා කරන ලදි. වෙරළ සංරක්ෂණ හා වෙරළ කළමනාකරණ දෙපාර්තමේන්තුවේ අධ්‍යක්ෂ ජනරාල් ප්‍රභාත් චන්ද්‍රකීර්ති බීබීසී සිංහල සේවයට කියා සිටියේ, වැලි ලබා ගන්නා ස්ථානයට අදාළව පරිසර අධ්‍යනයක් සිදු කර තිබුණ ද එම වැලි තැන්පත් කරන ස්ථානවල පරිසර

සාහිත්‍ය මාසය තුළ ජනාධිපතිතුමා පොත්වලට වැට් බද්ද අඩු කරයිද?

September 27, 2024

අජිත් පැරකුම් ජයසිංහ ඔය සාහිත්‍ය මාසය තුළ පොත්වලට වැට් බද්ද අඩුකරන්නය කියල මාලිමා සාහිත්‍යකාරයන් ඉල්ලීමක් කරනවා නේද? මේ වගේ ඉල්ලීම් ඉදිරිපත් කරන අය අඩු ගානෙ දන්නෙ නැහැ, දැනටත් ලංකාවේ පොත්පත් සහ අධ්‍යාපන උපකරණ වැට් බද්දෙන් නිදහස් බව. දේශපාලකයන් දීර්ඝ කාලයක් තිස්සෙ දෙසපු පට්ටපල් බොරුවලට රැවටිලා එක එක මගුල් හිතේ තියාගෙන දැන් ඉල්ලීම් කරනවා. දැන් කොරපන්කො පුළුවන් නම් මේ ලොවෙත් නැති ඒවා. පොත්පත් වැට් බද්දෙන් නිදහස් කළාට කඩදාසි නිදහස් නැහැ. එතකොට කඩදාසිත් වැට් බද්දෙන් නිදහස් කරන්න වෙනවා. කඩදාසි වැඩිපුර භාවිතා කරන්නෙ පොත් අච්චු ගහන්න නෙමෙයි. ඔය පැකේජස්, පෝස්ටර්, හෑන්ඩ් බිල්, බත් එතීම වගේ ඒවට. පොත් අච්චු ගහන්නය කියලා කඩදාසි වැට් එකෙන් නිදහස් කරගෙන ඒවයින් බත් ඔතනකොට, පස්ස පිහදානකොට කොහොමද දන්නෙ නැහැ ඒක වළක්වන්නෙ? තව සමහරු කියනවා, අධ්‍යාපන උපකරණ ලෝකෙ හැම රටකම බද්දෙන් නිදහස්ය කියලා. ලංකාවෙ නිදහස් වුණාට ලෝකෙ බොහෝ රටවල එහෙම නැහැ. නෝර්වේ, ඉන්දියාව, ලංකාව වගේ රටවල තමයි නිදහස්. ඩෙන්මාර්කෙ අධ්‍යාපන උපකරණ විතරක් නෙමෙයි පොත්වලටත් 25%ක් බදු ගහනවා. ෆින්ලන්තෙ 10%යි. කැනඩාවෙ එක එක ප්‍රාන්තවල 5% සිට 15% දක්වා.

ප්‍රභූ ආරක්ෂාව ගැන මාලිමා මල්ලිලාට නිවේදනයයි

September 27, 2024

අජිත් පැරකුම් ජයසිංහ දැන් ඔබේ අනුරයියා ශ්‍රී ලංකාවේ ජනාධිපති බැවින් ඔහු පිළිබඳ මෙහෙම හිතන්න. ඔහු දැන් රටේ පළමු පුරවැසියාය. ඉහළම ප්‍රභූවරයාය. ඔහුට ප්‍රභූ ආරක්ෂාව අවශ්‍යය. ප්‍රභූ ආරක්ෂාව සපයන්නේ ආරක්ෂක අමාත්‍යාංශය විසිනි. එහිදී ආරක්ෂක අවශ්‍යතා පිළිබඳ තක්සේරුවක් සිදු කර අවශ්‍ය ආරක්ෂාවේ ප්‍රමාණය විශේෂඥයන් විසින් තීරණය කරනු ලැබේ. ඒ අනුව ආරක්ෂාව සපයනු ලබන අතර ඒ සම්බන්ධ ප්‍රොටොකෝලවලට ජනාධිපතිවරයා ද යටත්ය. ඒ අනුව, දැන් ජනාධිපතිවරයාට ඉස්සර මෙන් යාළුවන්ගේ වාහන මාරු කර කර යන්නට බැරිය. නිල වාහනයක ආරක්ෂක රථ සමග ගමන් ගත යුතුය. එම ආරක්ෂක පිරිවරට ඇම්බියුලන්ස්, වෛද්‍යවරුන්, හෙදියන් වැනි අය ද අයත් වේ. හෙලිකොප්ටර්වලින් යාමට ද සිදු වනු ඇත. හෙලිකොප්ටරය යනු ඉක්මනින් ගමන් යාමට භාවිතා කරන වාහනයක් මිස උඩින් යන පළියට සුඛෝපභෝගී වාහනයක් නොවේ. ඒ නිසා බංකොලොත් රටේ අන්න අරූ යන හැටි කියා ප්‍රභූ ආරක්ෂක එස්කොට්වල, හෙලිකොප්ටර්වල වීඩියෝ සහිත ගොන් පෝස්ට් දමා මහජනයා අතර නායකයන්ට එරෙහිව වෛරය පතුරුවන්නට එපා. ඒ සම්බන්ධයෙන් කලින් නීතිය ක්‍රියාත්මක නොකළාට දැන් ක්‍රියාත්මක කළ යුතුව තිබේ. එවැනි වීඩියෝවක් ගැනීම මෙන්ම, ෂෙයා කිරීම

මීඩියා ආතල් ඉවරද? නෑ පින්වත

September 27, 2024

අජිත් පැරකුම් ජයසිංහ ලංකාවෙ මිනිස්සු තමන් ආතල් ගත්ත, තමන්ට විනෝදාස්වාදය දුන්න, ඩ්‍රාමා පක්ෂයට රට පාලනය භාර දුන්නා. දැන් ඩ්‍රාමාවලට අලුත් කට්ටියක් එන්න ඕනැ. මේක හොඳට දන්න කට්ටිය එළියෙ ඉන්නවා. පෙසප, ජන අරගල, ජෝසප් ස්ටාලින්, විමල්, උදය ආදී වශයෙන් එට්සෙට්‍රා එට්සෙට්‍රා. හෙට දවසේ වීරයෝ පුංචි අපි තමයි. කැටිපෙලා, බුද්ධදාස විතානාච්චිලා, සුරංගලා, පානදුරේ ලාල්ලා, සේපාල්ලා, ධර්ම ශ්‍රී කාරියවසම්ලා, හෙන්රි වර්ණකුලසූරියලා එහෙම ජාතික රූපවාහිනී, අයිටීඑන්, ලේක්හවුස් අල්ලගත්තට පස්සෙ දෙරණ, හිරු, සිරස, මොනරා, ලංකාදීප, සන්නා, සිඟිති යූටියුබ් චැනල් අරක මේක අර හෙට දවසේ වීරයන්ව තෙලට, මිරිසට, කිරට උයලා අපේ විනෝදාස්වාදය සඳහා සපයන්නට පටන් ගන්නවා. අන්‍රකුමාරගෙ, ලාල්කාන්තගෙ, හරිනිගෙ, චතුරංගගෙ, වසන්ත සමරසිංහගෙ, මහින්ද ජයසිංහගෙ, නාමල් කරුණාරත්නගෙ, සමන්ත විද්‍යාරත්නගෙ, නලින් හේවගේගෙ රෝල්වලට අර කට්ටියයි, තව අලුත් කට්ටියයි ස්ථානගත වෙනවා. කලින් බොරු විදපු උන්ට එක්කො ඇත්ත හරි අලුත් බොරු හරි කියන්න වෙනවා. මොනවා කිව්වත් උන්ට එච්චර මාකට් එකක් නැහැ. මාකට් එක තියෙන්නෙ විපක්ෂෙ. ඉතින් ඔන්න ඔය මාධ්‍ය සාගින්දර විසින් තමයි ලංකාව

ජාත්‍යන්තර මාධ්‍ය ජනාධිපති අනුර මාක්ස්වාදියකු ලෙස හඳුන්වයි

September 27, 2024

ජාතික ජන බලවේගයේ නායක හා ජනතා විමුක්ති පෙරමුණේ නිල නායක අනුර කුමාර දිසානායක 2024 ජනාධිපතිවරණය ජය ගෙන ජනාධිපති ධූරයට පත් වීම වාර්තා කරන බටහිර මාධ්‍ය රැසක් ඔහු හඳුන්වා තිබෙන්නේ මාක්ස්වාදියකු හා ක්‍රම විරෝධියකු ලෙසයි. බටහිර දේශපාලන කතිකාව තුළ මාක්ස්වාදියා බොහෝ දුරට ත්‍රස්තවාදියකු වැනි වන අතර, එය ලංකාවේ නායකයා ඒ අන්දමින් සන්නාමගත වීම ලංකාවට හිතකර තත්වයක් නොවේ. විශේෂයෙන්ම ලංකාව ගිලී සිටින වර්තමාන ආර්ථික අර්බුදය තුළ, රටට ජාත්‍යන්තර මූල්‍ය අරමුදල වැනි ආයතනවල සහාය අවශ්‍යව තිබෙන අවස්ථාවක මෙම සන්නාමකරණය ශ්‍රී ලංකාවට බාධාකාරී වීමට ඉඩ තිබේ. මේ පිළිබඳව ඉංග්‍රීසි බසින් කරන ලද විශ්ලේෂණයකට මෙතැනින් පිවිසෙන්න: Daily Reporter Adapted from praja.lk