2009-11-14

ජනාධිපතිවරණය ප්‍රකාශයට පත් කරන ශ්‍රීලනිප සමුළුවට ලක්ෂයක් අද්දයි


(2009 නොවැම්බර් 14 - W3Lanka) හෙට පැවැත්වෙන ශ්‍රී ලංකා නිදහස්‌ පක්‌ෂයේ මහා සම්මේලනයට ලක්‌ෂයකට ආසන්න පිරිසක්‌ සහභාගි කරවීම සඳහා එම පක්ෂය උත්සාහ දරමින් සිටින බව වාර්තා වේ.

මෙම සම්මේලනය හෙට (15 වැනිදා) ජනාධිපති මහින්ද රාජපක්‌ෂ මහතාගේ ප්‍රධානත්වයෙන් කොළඹ ආර්. ප්‍රේමදාස ක්‍රීඩාංගණයේ දී පැවැත්වේ. ඉදිරි ජනාධිපතිවරණය ප්‍රකාශයට පත් කිරීම මෙම සමුළුවේදී සිදු වනු ඇතැයි බොහෝ දෙනෙක් අපේක්ෂා කරති.

පක්‌ෂයේ විදෙස්‌ රටවල ශාඛා නියෝජනය කරමින් විශාල පිරිසක්‌ සමුළුවට එක්‌වන අතර විදේශ රටවල දේශපාලන පක්‌ෂ නියෝජිතයන් මෙන්ම ලංකාවේ දේශපාලන පක්‌ෂවලටද මෙම සමුළුවට ආරාධනා කර ඇතැයි පක්ෂ ආරංචි මාර්ග පවසයි.