W3Lanka: Praja.lk Backup

(2011 ජනවාරි 26,  W3Lanka )  මහින්ද රාජපක්ෂ ජනාධිපතිවරයා දෙවන වරට ජනාධිපතිවරණය ජය ගෙන අදට වසරකි. එසේ ම, ඔහුගේ ප්‍රතිවාදී ජනාධිපති අපේක්ෂක සරත් ෆොන්සේකා දඩයමි කිරීම ආරම්භ වන්නේ ද වසරකට පෙර අද වැනි දිනෙකයි.  එසේ ම, වසරකට පෙර අද වැනි දිනක් උදා වන්නේ මාධ්‍යවේදී ප්‍රගීත් එක්නැලිගොඩ අතුරුදහන් වී තිබියදී ය.  වසරකට ඉහතදී ජනාධිපති මහින්ද රාජපක්ෂ ලැබූ ජයග්‍රහණය බොහෝ දෙනෙක් සැක කළ හ. දිනුවත්, දිනුවේ ලක්ෂ 18ක වැඩි ඡන්ද ප්‍රමාණයකින් ද යන්න රාජපක්ෂ පිලේ අයගේ පවා සැකයට භාජනය විය.  ජනාධිපති මහින්ද රාජපක්ෂගේ මැතිවරණ ප්‍රචාරක ව්‍යාපාරය නිල බලය හා රාජ්‍ය දේපල භාවිතා කරමින් කළ ප්‍රජාතන්ත්‍ර හා සදාචාර විරෝධී එකකි. එවැනි ජනාධිපතිවරණ ව්‍යාපාරයක් අවසානයේදී පවා තරගය තියුණු මට්ටමක තිබිණි. ජනවාරි 26 වන දින පස්වරු 1.30ට පමණ රාජ්‍ය ජනමාධ්‍ය විපක්ෂ ජනාධිපති අපේක්ෂකයා ඡන්දදායකයකු ලෙස ලියාපදිංචි වී නැති බැවින් ඔහු දිනුවත් ජනාධිපති ධුරයේ දිවුරුම් දිය නො හැකි බවට මතයක් ගොඩනැඟුවේ පැවති අවිනිශ්චිත තත්වය නිසා ය.   ඡන්ද විමසීම අවසන් වන්නට ආසන්නව තිබියදී ප.ව. 3.30 සිට පසුදින ප.ව...

පියාඹන්න ආසයි - ඔබ හා මා (2010 පෙබරවාරි 17- W3Lanka )   2010 ජනාධිපතිවරණයේදී මහින්ද රාජපක්ෂ ලැබූ ජය අභියෝගයට ලක් කරන ඡන්ද පෙත්සමක් විපක්ෂ අපේක්ෂක සරත් ෆොන්සේකා විසින් ශ්‍රේෂ්ඨාධිකරණයට ඉදිරිපත් කර තිබේ.  ප්‍රතිඵලය දූෂිත යයි පෙන්වීම සඳහා ගෙන එන ලද 'කොම්පියුටර් ජිල්මාල්' හෙවත් පරිගණක වංචාවක් පිළිබඳ පදනම් විරහිත තර්කය අතහැර දමා ජනාධිපතිවරණයේ පූර්ව මැතිවරණ සමයේ දූෂණ, අක්‍රමිකතා, අවනීතිය හා ප්‍රජාතන්ත්‍ර විරෝධී භාවිතාවන්ට එරෙහිව ඡ්න්ද පෙත්සම ගොනු කර තිබීම සුවිශේෂ ලක්ෂණයකි. මේ ඔස්සේ ජනාධිපතිවරණ විරෝධය නැවත දෙපයින් සිටුවා ඇති බව අපේ අදහසයි.  ජනාධිපතිවරණ පනත යටතේ මෙන් ම සාමාන්‍ය යුක්තිය යටතේ ද වැරදි ක්‍රියා වන රාජ්‍ය මාධ්‍ය අපහරණය, ජනාධිපති මන්දිරවල දන්සැල් පැවැත්වීම වැනි පොදු දේපල අපහරණයන්, රාජ්‍ය නිලධාරීන් හා හමුදා නායකයන් ප්‍රචාරණ කටයුතුවල යෙදීම, ඡන්දය දිනයේ සරත් ෆොන්සේකා පිළිබඳ වැරදි අදහසක් ඇති කරන ප්‍රචාරයක යෙදීම, ෆොන්සේකා-සම්බන්ධන් ගිවිසුමක් පිළිබඳ බොරුවක් ප්‍රචාරය කරමින් ජාතිවාදය ඇවිස්සීම, චරිත ඝාතනය වැනි භෞතික සාධක මත ඡන්ද පෙත්සම පිහිටුවීම ජනාධිපති මහින්ද රාජපක...

(2010 පෙබරවාරි 17- W3Lanka )   මැතිවරණ දිනයේදී ඡන්දදායකයන්ට සිය කැමැත්ත ප්‍රකාශ කිරීමේ නිදහස තිබුණමුත්, පූර්ව මැතිවරණ සමයේ පැවති අඩුලුහුඬුකම් හේතුවෙන් 2010 ජනාධිපතිවරණය මුළුමනින් ම ප්‍රජාතන්ත්‍රවාදී නොවන බව පොදුරාජ්‍ය මණ්ඩල මැතිවරණ නිරීක්ෂක කණ්ඩායමේ කමලේශ් ෂර්මා පැවසීය. ඔහු මේ බව පැවසුවේ ජනාධිපතිවරණය නිරීක්ෂණය කළ පොදුරාජ්‍ය මණ්ඩල විශේෂඥ කණ්ඩායමේ අවසන් වාර්තාව නිකුත් කරමිනි.  මෙම ගැටලු මීට ඉහත මැතිවරණවලදී ද දක්නට ලැබුණු බව හා මැතිවරණ කොමසාරිස්වරයා පවා ඒවා මත් කර පෙන්වූ බව ද, ඉක්මන් අවධානය ඒ වෙත යොමු කිරීම අවශ්‍ය බව ද ෂර්මා පැවසීය.  ඔහුගේ වචන පහත සඳහන් වේ. "Even though on the day of the election voters were free to express their will, shortcomings primarily in the pre-election period meant that overall the 2010 Presidential elections in Sri Lanka did not fully meet key benchmarks for democratic elections,"  "Many of the problems identified reflect the same problems identified during previous elections. These problems - which have also been highlighted by...

අජිත් පැරකුම් ජයසිංහ - විපක්ෂ ජනාධිපති අපේක්ෂක හිටපු හමුදාපති සරත් ෆොන්සේකා කළ බව කියන රාජ්‍ය විරෝධී ක්‍රියා හෝ හමුදා විනය විරෝධී ක්‍රියා පිළිබඳව ආණ්ඩුවේ හා හමුදාවේ ප්‍රකාශකයන් කරන ප්‍රකාශ ඔස්සේ තවමත් නිරවුල් අදහසක් ඉදිරිපත් වන්නේ නැත. කර ඇති මොකක් හෝ වරද හේතුවෙන් මේ වන විට ෆොන්සේකා අත්අඩංගුවේ ය. පාර්ලිමේන්තුව විසුරුවා හරිනු ලැබුවේ ෆොන්සේකා අත්අඩංගුවට ගත් පසුවයි. එනම් විපක්ෂයේ මතු වෙමින් තිබුණු සටන්කාමී නායකත්වය සිරගත කර මර්දනය කිරීමෙන් පසුවයි. ජනාධිපතිවරණය සඳහා එක්සත්ව කටයුතු කළ එජාප, ජවිපෙ, දෙමළ ජාතික සන්ධානය ඇතුළු පක්ෂ මහ මැතිවරණය වෙන වෙන ම තරග කිරීමට තීරණය කර තිබිණි. සරත් ෆොන්සේකා ජවිපෙ හා ප්‍රජාතන්ත්‍රවාදී ජනතා පෙරමුණ වැනි පක්ෂ සමග සන්ධානගතව හාවා ලකුණින්  තරග කිරීමට අදහස් කරමින් සිටි බව මාධ්‍ය වාර්තා කර තිබිණී. එජාපය අලියා ලකුණින් වෙන ම තරග කිරීමට කල් තබා ම තීරණය කර තිබිණි. එය එක්තරා අන්දමකින් ආණ්ඩුවට එරෙහි සටන අතහැර දමා විපක්ෂයේ සිය ශක්තිය වර්ධනය කර ගැනීමට ගත් පියවරකි. සරත් ෆොන්සේකා අත්අඩංගුවට ගැනීම සිදු වන විට විපක්ෂ නායක රනිල් වික්‍රමසිංහ සිටියේ ඉන්දියානු චාරික...

(2010 පෙබරවාරි 04- W3Lanka )   "දූෂිත ජනාධිපතිවරණයට එරෙහිව ජනතාව පෙළගස්වමු" යන තේමාවෙන් ඊයේ කොළඹ හයිඩ් පිටියේ පැවති විපක්ෂ ඒකාබද්ධ රැළිය ප්‍රජාතන්ත්‍රවාදය යළි දිනා ගැනීමේ අරගලයේ සාර්ථක ආරම්භක පියවරක් බව අපගේ නිරීක්ෂණයයි. රැස්වීමට සහභාගි වන්නන්ට හිරිහැර සිදු වනු ඇති බවට අඟවන පුවත් සහ කටකතා පැතිර තිබුණ ද දස දහස් සංඛ්‍යාත ජනකායක් ලිප්ටන් වටරවුමේ සිට පෙළපාලියෙන් පැමිණ හයිඩ් පිටියේ අතුරු සිදුරු නැති වන සේ පිරී ගිය අතර අවට මාර්ග ද සෙනග නිසා අවහිර විය. ජනාධිපතිවරණය දූෂිත බව හා ආණ්ඩුව මාධ්‍ය හා විපක්ෂ ආධාරකරුවන් මර්දනය කරමින් සිටින බව රැළි‍යේ කථිකයන්ගේ හා සහභාගි වූවන්ගේ චෝදනා විය. ඡන්ද ප්‍රතිඵලය කෙරෙහි අතෘප්තියක් ඇති කරන කටකතා පැතිර යමින් තිබුණත්, ඡන්ද ක්‍රියාවලියේදී ප්‍රතිඵලය වෙනස් කිරීමට තරම් හේතු වන දූෂණ ඇති වූ බව ඔප්පු කිරීම සඳහා කරුණු ඉදිරිපත් කිරීමට විපක්ෂය අසමත් වී තිබේ.  සරත් ෆොන්සේකාට සහාය පළ කළ දකුණේ දේශපාලන පක්ෂ සියල්ලේ ම පාහේ නායකයන්ට අමතරව වාමාංශික ජනාධිපති අපේක්ෂක වික්‍රමබාහු කරුණාරත්න ද වේදිකාවේ සිට ජනතාව ඇමතූ අතර විපක්ෂ පොදු අපේක්ෂක සරත් ෆොන්සේකා වේදිකාවට පිව...

(2010 පෙබරවාරි 03- W3Lanka )  ඕනෑම ජනමත සමීක්ෂණයක් කරන්නේ කිසියම් නියැදියක් යොදාගෙනයි. ජනාධිපතිවරණ ප්‍රතිඵලය පිළිබද අප විසින් පවත්වන ලද ජනමත සමීක්ෂණයේ ප්‍රතිඵලය අනුව ප්‍රතිචාර 340ක නියැදියකින් 63%ක් පවසන්නේ ප්‍රතිඵලය මුළුමනින් ම අසාධාරණ බවයි. අප මෙම ජනමත සමික්ෂණයේ ප්‍රතිඵල මෙහි පළ කළේ කිසියම් නිරීක්ෂණයක් ලෙස පමණි. ඇතැමුන් එයින් කුපිත වී ඇති බව අපට ලැබෙන අදහස් දැක්වීම් හා විද්‍යුත් ලියුම් වැනි ප්‍රතිචාරවලින් පෙනේ. ජයග්‍රාහකයන්ගේ මෙවැනි ප්‍රතිචාර විසින් ඇත්තෙන් ම ඇති කරනු ලබන්නේ හොඳ ප්‍රතිඵල නොවේ. මෙම ජනාධිපතිවරණ ප්‍රතිඵලය කෙරෙහි යම් කුකුසක් ජනතාව තුළ ඇති බව අන්තර්ජාලයේ පමණක් නොව සාමාන්‍ය මිනිසුන් ජීවත් වන සමාජයේ හැසිරෙන ඕනෑම කෙනෙක් දනිති. මෙය බරපතල තත්වයකි. මැතිවරණ හා ප්‍රජාතන්ත්‍රවාදය කෙරෙහි සමාජයක විශ්වාසය නැති වී යාම දියුණු ප්‍රජාතන්ත්‍රවාදයක් පිළිබඳ අපේක්ෂා ඇති සමාජයක නම් ඔල්වරසන් දීමට නොව හඬා වැටීමට හේතුවකි. 'රජ කාලෙ' දක්වා ආපසු යාමට කැමැත්තෙන් සිටින්නන්ට නම් එය ප්‍රශ්නයක් නො වන්නට පුළුවන. එහෙත්, රජුන් ඇසුර කෙතරම් අනතුරුදායකදැයි යළි වටහා ගන්නා විට සමාජය හිස්ගැසුම්...

(2010 පෙබරවාරි 03- W3Lanka )   ජනාධිපතිවරණයේ නාම යෝජනා කළ දිනයේ සිට සිදු වූ අසීමිත දූෂණ, අක්‍රමිකතා සහ ප්‍රතිඵලය විකෘති කිරීමට එරෙහිව සාමකාමීව විරෝධය පෑම පිණිස ඒකාබද්ධ විපක්ෂය විසින් මහජන රැළියක් අද සවස 3ට කොළඹ හයිඩ් පිටියේදී පැවැත්වෙන බව විපක්ෂ ප්‍රකාශකයෙක් පැවසීය. ජනාධිපතිවරණ ප්‍රතිඵලය අසාධාරණ බව පිළි ගන්නා සියලු දෙනාට සිය විරෝධය සලකුණු කිරීම පිණිස මෙම රැළියට සහභාගි වන්නැයි විපක්ෂ සන්ධානය ආරාධනා කරයි.  ප්‍රජාතන්ත්‍රවාදය යළි දිනා ගැනීම සදහා ජනතාව පෙළගැස්වීමේ ආරම්භක පියවර ලෙස මෙම රැළි මාලාව දිවයින පුරා පවත්වනු ලබන බව විපක්ෂය පවසයි.  ආරක්ෂක ප්‍රශ්න ඇති බව ද, එහෙත් විපක්ෂ පොදු අපේක්ෂක සරත් ෆොන්සේකා ද මෙම රැළිය ඇමතීමට අපේක්ෂා කරන බව ද පැවසූ විපක්ෂ ප්‍රකාශකයා විපක්ෂ‍යේ පක්ෂවල නායකයන් මෙම රැළියට සහභාගි වන බව පැවසී ය. 

(2010 පෙබරවාරි 02 - W3Lanka )  විදුලි සංදේශ නියාමන කොමිෂමේ අධ්‍යක්ෂ ජනරාල් ප්‍රියන්ත කාරියප්පෙරුමට ඉල්ලා අස් වන ලෙස බලපෑමි සිදු වී ඇත. ඒ අනුව ඔහු විසින් ඉදිරිපත් කරන ලද ඉල්ලා අස් වීම ජනාධිපති ලේකම්වරයා විසින් වහා භාරගෙන තිබේ.  ප්‍රියන්ත කාරියප්පෙරුම 2005 ජනාධිපතිවරණයේදී මහින්ද රාජපක්ෂට බැහැලා වැඩ කළ ප්‍රසිද්ධ නිළි සංගීතා වීරරත්නගේ සැමියාගේ සොයුරා ය.  ජනාධිපතිවරණයේ ප්‍රතිඵල ප්‍රකාශ කිරීමෙන් පසු ජනාධිපති මහින්ද රාජපක්ෂට සුබ පැතීම සඳහා අරලියගහ මන්දිරයට ගිය ප්‍රියන්ත කාරියප්පෙරුමට ජනාධිපති සහෝදර ආරක්ෂක ලේකම් ගෝඨාභය රාජපක්ෂ බැන වැදුණු බව සති අන්තයේ දිවයින පුවත්පතේ ඕපාදූප කොලමක පළ වී තිබිණි.  එහි සඳහන් වන පරිදි මෙම පවුල මේ ආණ්ඩුවෙන් ම හම්බ කරගෙන මේ ආණ්ඩුවට කෙළවීම පිණීස විපක්ෂයට මුදල් පවා දී ඇත.  ප්‍රියන්ත කාරියප්පෙරුම හා සරත් ෆොන්සේකා අතර රහස් හමුවක් පිළිබදව රජයට සම්බන්ධ වෙබ් අඩවියක් විසින් පසුගියදා වාර්තා කර තිබිණි.  සියත නමින් යුත් රූපවාහිනී හා ගුවන් විදුලි සේවා සහ පුවත්පත අයත් වන්නේ මෙම පවුලේ අයටයි. 

(2010 පෙබරවාරි 02- W3Lanka )  ජනවාරි 26දා පැවැත්වුණු ජනාධිපතිවරණයේ ප්‍රතිඵලය පිළිබඳව W3Lanka බ්ලොග් අඩවිය විසින් පවත්වන ලද අන්තර්ජාල ජනමත සමීක්ෂණය අනුව ජනාධිපතිවරණ ප්‍රතිඵලය මුළුමනින් ම අසාධාරණ බව 63%කගේ මතය වී තිබේ.  26%ක් එය සාපේක්ෂ වශයෙන් සාධාරණ බව පවසති. අසාධාරණ මුත් පිළිගත හැකි එකක් බව 10%ක් පවසති.  ප්‍රතිඵලය මුළුමනින් ම සාධාරණ යයි පවසන්නේ 16%ක් පමණි.  මෙම ජනමත විමසුමට සතියක් තුළදී පාඨක ප්‍රතිචාර 340ක් ලැබිණි.  ඒ අනුව අදහස් පළ කර තිබූ ආකාරය මෙසේ ය. මුළුමනින් ම සාධාරණයි   57 (16%) මුළුමනින් ම අසාධාරණයි   224 (65%) අසාධාරණයි, ඒත් පිළි ගත හැකියි   36 (10%) සාපේක්ෂ වශයෙන් සාධාරණයි   23 (6%)

(2010 ජනවාරි 29 - W3Lanka )   "මම හොඳින්ම දන්නවා මට මිලියන 5 කට අධිත ජනතාවක් විශ්වාසය තබා ඡන්දය පාවිච්චි කළා. ඒ බව අපි මීට පෙරදීමයි තහවුරු කර ගත්තේ. නමුත් මේ මැතිවරණයේදී වංචනිකව හා දූෂිතව ඒ ජනමතය වෙනස් කළා. නමුත් මා කෙරෙහි තැබූ ජනතා විශ්වාසය ඒ ආකාරයෙන්ම තිබෙනවා. මම ඒ බව හොඳින්ම දන්නවා." -විපක්ෂ ජනාධිපති අපේක්ෂක සරත් ෆොන්සේකා ජනවාරි 28දා සිය නිවසේ පැවති පුවත්පත් සාකච්ඡාවකදී " මෙම මැතිවරණයේ සිදුවූ බලපෑම්වල කම්පණය ප්‍රතිඵල නිකුත්කරන දවසේ මැතිවරණ කොමසාරිස්වරයාගේ මුහුණෙන්, වචනවලින් පෙණුනා. මැතිවරණ ප‍්‍රතිඵල නිකුත් කරමින් මැතිවරණ කොමසාරිස්වරයා කළේ මළගෙදර කතාවක්. ඔහු දැඩි ආතතියකින් කතා කළේ.   ඔහුට එවැනි ආතතියක් එල්ල කළේ ආණ්ඩුව.   එම නිසා රාජ්‍ය මාධ්‍ය, රාජ්‍ය දේපළ යොදා ගනිමින්, මාධ්‍යය මර්ධනය කරමින් සහ අවසානයේ මැතිවරණ කොමසාරිස්වරයා පවා බිය වද්දමින් ආණ්ඩුව පෙන්වූ මෙම මැතිවරණ ‍ප්‍රතිඵලය අප පිළිගන්නේ නැහැ. මෙය අග සිට මුලට, මුල සිට අගට දූෂිත මැතිවරණයක්." -ජවිපෙ නායක ටිල්වින් සිල්වා ජනවාරි 28 පැවති පුවත්පත් සාකච්ඡාවකදී " වංචාවක් සිදු වුණා කියන එක අද රටේම අය පිළිගන්නව...

අජිත් පැරකුම් ජයසිංහ-   2010 ජනාධිපතිවරණය පිළිබ පශ්චාත් විමසුම් පැවැත්වෙමින් තිබේ. ඒවා ප‍්‍රජාතන්ත‍්‍රවාදයේ මරණය පිළිබඳ පශ්චාත් මරණ පරීක්ෂණ ද වේ.  ජනවාරි 27දායින් උදා වී තිබෙන්නේ මැතිවරණ පිළිබඳ විශ්වාසය මුලූමනින් ම බිඳ වැටුණු යුගයකි. මේ මොහොතේ ජනතාව අභිමුව තිබෙන ප‍්‍රශ්නය වන්නේ විපක්ෂයේ සියල්ලන් ද මෙම තත්වය දරා ගන්නේ ද යන්නයි. එසේ නම් ජනතාවට සිදු වන්නේ කුමක්ද? ප‍්‍රජාතන්ත‍්‍රවාදය වළලා දැමූ පොළොවෙන් ඉපැදෙනු ඇත්තේ ත‍්‍රස්තවාදයයි. එය මහත් අවාසනාවකි.   ලංකාවේ ප‍්‍රජාතන්ත‍්‍රවාදය ආරක්ෂා කිරීම සඳහා මැදිහත් වන ලෙස විපක්ෂ පොදු අපේක්ෂක සරත් ෆොන්සේකා විදේශ රාජ්‍යයන්ගෙන් ඉල්ලා ඇත. ලංකාවේ සිදු වන සිදුවීම් පිටුපස මිතුරු ස්වභාවයකින් පෙනී සිටින ඇතැම් රාජ්‍ය ඇති බව පෙනේ. පශ්චාත් යුද සමයේ ලංකාව දීප්තිමත් ප්‍රජාතන්ත‍්‍රවාදයක් හා ආර්ථීකයක් බවට පත් වනවාට අකැමැති රටවල් අප අසල ම සිටින බව නිසැක ය. ඔවුන් කැමති වන්නේ ලංකාව ලෝකය ම විසින් පිටු දකින ලද බුරුමයක් වනවාටයි. අභ්‍යන්තර අවුල් වියවුල්වලින් ගහණ සිය රාජ්‍ය අභිභවනය කර ලංකාව ඉදිරියට යාම වළක්වා ගැනීමට තිබෙන හොඳම උපායමාර්ගය එයයි.   ...

(2010 ජනවාරි 27 - W3Lanka ) විපක්ෂ පොදු අපේක්ෂක සරත් ෆොන්සේකා, එක්සත් ජාතික පක්ෂය, ජනතා විමුක්ති පෙරමුණ, මුස්ලිම් කොංග්‍රසය හා දෙමළ ජාතික සන්ධානය වැනි විපක්ෂ සන්ධානයේ බලවේග 2010 ජනාධිපතිවරණයේ ප්‍රතිඵලය ප්‍රතික්ෂේප කිරීමට බොහෝ දුරට ඉඩ ඇති බව එම විපක්ෂ ආරංචි මාර්ග පවසයි.  ජනාධිපතිවරණ ප්‍රතිඵලය විකෘති එකක් බවට හා එය පිළි නො ගන්නා ලෙසට ඉල්ලා සරත් ෆොන්සේකාගේ මැතිවරණ මෙහෙයුම් කාර්යාලය විසින් ඊමේල් පණිවුඩ යවා තිබේ.  මැතිවරණ කොමසාරිස්වරයා විසින් අවසන් ප්‍රතිඵලය නිවේදනය කිරීමෙන් අනතුරුව එම පක්ෂ සිය අදහස් නිල වශයෙන් දැක්වීමට හා ක්‍රියාමාර්ග සැලසුම් කිරීමට නියමිත බව ආරංචි මාර්ග පවසයි. මේ වන විටත් විපක්ෂ පොදු අපේක්ෂක සරත් ෆොන්සේකා ට්‍රාන්ස් ඒෂියා හෝටලයේ රැඳී සිටින අතර එයින් පිටව යාම සදහා ආරක්ෂාව පිළිබඳ තහවුරු කිරීමක් රජයෙන් ඉල්ලා ඇත.  ඔහු අත්අඩංගුවට නො ගන්නා බව හා අත්අඩංගුවට ගනු ලබන්නේ ඔහු හා රැඳී සිටින හමුදාවෙන් පැන ආ පුද්ගලයන් පමණක් බව ආරක්ෂක අංශ පවසයි.  ආණ්ඩුව පාර්ශ්වයෙන් ද ජයග්‍රහණය පිළිබඳ ඇත්තේ දැඩි නිහැඬියාවකි.

(2010 ජනවාරි 27 - W3Lanka ) නිකුත් වෙමින් තිබෙන ප්‍රතිඵල අනුව ජනාධිපතිවරණයෙන් මහින්ද රාජපක්ෂ විශිෂ්ඨ ජයක් ලබා ගන්නා බව පැහැදිලි ය. පූර්ව මැතිවරණ සමයේ අතිශය දූෂිත ප්‍රචාරණය හා මැතිවරණය දිනයේ සිදු වූ සුළු සිද්ධීන් පවා මෙම අවසන් ප්‍රතිඵලයට සැලකිය යුතු බලපෑමක් කර ඇති බවක් නො පෙනේ.  එම ප්‍රතිඵල අනුව එක් 'රජ' පවුලක් විසින් කරනු ලබන මෙම පාලනය ලංකාවේ ජනතාවගෙන් අති බහුතරය අනුමත කර තිබේ. දූෂණය, අවනීතිය, ප්‍රජාතන්ත්‍ර විරෝධය, ජාතිවාදය, ජම්බෝ කැබිනට්ටුව, අධික බදු බර, බඩු මිළ, කොමිස්, මර්වින් සිල්වා, විමල් වීරවංශ, ජැක්සන් ඇන්තනි ආදී එකී මෙකී සියලු ප්‍රපංච ද ලංකාවේ බහුතරයක් ජනතාව හිස් මුදුනින් පිළිගෙන තිබේ.  එම ප්‍රතිඵල අනුව, එය ඉතා ප්‍රජාතන්ත්‍රවාදී තීරණයකි. මෙකී 'දුර්ගුණ'  පිළි ගත නො හැකි අයට දැන් තිබෙන්නේ ග්‍රීන් කාඩ් අයදුම් කිරීම හෝ බෝට්ටුවල නැඟී ඕස්ට්‍රේලියාවට හෝ ඉතාලියට පලා යාම ය.  රූකාන්ත මහින්ද රාජපක්ෂගේ ජනාධිපතිවරණ ව්‍යාපාරය වෙනුවෙන් ගැයූ ගීතය අසන්න. එහි එක් පදයක් අපට තේරෙන අන්දමට නම් 'අප පරමය ඔබ තව කල්පයකට!' ඔබට සුබ අනාගතයක්!

(2010 ජනවාරි 26 - W3Lanka ) සිංහල ඡන්ද සිංහල වීරයන් දෙදෙනෙකු අතර බෙදී යන මෙම මැතිවරණයේදී වඩාත් තීරණාත්මක වන්නේ සුළු ජාතික ඡන්ද වැටෙන ආකාරයයි. 2005දී මෙන් දෙමළ ජනයාගේ ඡන්දය වර්ජනය කර දීමට ප්‍රභාකරන් කෙනෙකු ද නැති 2010දී මහින්ද රාජපක්ෂ අනුගමනය කළේ උතුරු නැගෙනහිර දෙමළ ජනයාට නිදහසේ ඡන්දය දෙන්නට බැරි වන වාතාවරණයක් නිර්මානය කිරීමයි.  උතු‍රු පළාතේ මෙම උපායමාර්ගය අතිශය සාර්ථක වූ බව අපගේ ආරංචි මාර්ග පවසයි. අවතැන් කඳවුරුවල ජනයාට කිලිනොච්චියට පැමිණීමට බස් රථ කලට වේලාවට ලබා නොදුන් අතර ඇතැම් බස් රථ පොකුරු ඡන්ද මධ්‍යස්ථාන වෙත ළඟා වන විට සවස 3.50 වූ බව ද සවස 4.00ට ඡන්ද ප්‍රකාශ කිරීම සඳහා දී තිබුණු කාලය අවසන් වූ හෙයින් බොහෝ දෙනෙකුට ඡන්දය ප්‍රකාශ කිරීමට නො ලැබුණු බව ද වාර්තා වේ. බොහෝ දෙනෙකුට මෙම පොකුරු ඡන්ද මධ්‍යස්ථානවල තමන්ට හිමි ඡන්ද මධ්‍යස්ථානය සොයා ගැනීමට පවා නො හැකි වී ඇත. උතුරු පළාතේ දිස්ත්‍රික්ක බොහොමයක ඡන්ද කාඩ් පත් බෙදා හැර නො තිබිණි. මේ හේතුවෙන් ඡන්දය දැමීමට පැමිණි කිලිනොච්චියේ ජනයාට පළමුව තැපැල් කාර්යාලයට ගොස් ඡන්ද කාඩ් පත රැගෙන ඒමට සිදු විය.  හැඳුනුම්පත් නැතිකම බොහෝ දෙ...

(2010 ජනවාරි 26 -W3Lanka) ලංකාවේ හයවන ජනාධිපතිවරණය අද පැවැත්වේ. දිවයින පුරා මධ්‍යස්ථාන 11098කදී 1,40,88,500ක් ජනයා ඡන්දය දීමට සුදුසුකම් ලැබ සිටිති.  මෙය ඉතිහාසයේ දූෂිත ම ජනාධිපතිවරණයයි. ජනාධිපති මහින්ද‍ රාජපක්ෂගේ ප්‍රචාරණය සදහා සියලු රාජ්‍ය සම්පත් හිරිකිතයකින් භාවිතා කෙරුන අතර මහජන මුදලින් නඩත්තු වන රාජ්‍ය මාධ්‍ය යොදාගෙන මේ මොහොතේත් විපක්ෂ අපේක්ෂක සරත් ෆොන්සේකාට පහර ගසනු ලැබේ.  ඊයේ රාත්‍රියේ අලුවන ලද පෝස්ටරයක පිංතූරයක් අද දිනම්ණ මුල පිටේ ඇත.. දේශපාලන සටන් පාඨ නැති එක්සත් ජනතා නිදහස් සන්ධානයේ තේමාව 'කළ ගුණ සලකනු' යන භාවාතිශය අදේශපාලනික ඉල්ලීමයි. යුද්ධයේ විශාල කාර්යභාරයක් කළ සරත් ෆොන්සේකාට 'කළ ගුණ නො සලකනු' යන අදහස ද එතුළ ගැබ් වේ.  කළ ගුණ සැලකීම උතුම් දෙයකි. ඒ සඳහා නොයෙකුත් ක්‍රම තිබේ. රු. දාහේ නෝට්ටු මූණතේ මූණත්තහඩුව මුද්‍රණය කිර දුන් විට ඉවසා දරා ගැනීම එක් කළ ගුණ සැලකීමකි. පසුගිය කා‍ලයේ උදේ සිට රෑ වන තෙක් 'මහ රජාණනේ' ගිතය ඇසීම තවත් ආකාරයකි.  කළ ගුණ සලකනවා ය කියා රටේ නීතිය උල්ලංඝනය කිරීමට හා මහජන දේපල සූරා කෑමට ඉඩ දීමත්, ප්‍රජාතන්ත්‍රවාදය වෙනුවට පවුල්...

(2010 ජනවාරි 25 -W3Lanka) දෙමළ හා සිංහල සමාජයන් අතර යුද්ධයෙන් පසු කිසියම් සංහිඳියාවක් ඇති වෙමින් තිබුණේ නම් එය ද නැති කර දැමීමට මහින්ද රාජපක්ෂගේ ජාතිවාදී ජනාධිපතිවරණ ප්‍රචාරක ව්‍යාපාරය ඉවහල් වී ඇති බව නිසැක ය.  ෆොන්සේකා හා සම්බන්ධන් අතර ඇතැයි කියන 'හොර ගිවිසුමේ' ආණ්ඩුව විසින් ඉදිරිපත් කරන ලද පිටපතේ සම්බන්ධන් අත්සන් කර ඇත්තේ සිංහලෙන් යයි වාර්තා වේ. මෙය ඉතිහාසයේ ලොකු ම හාස්‍යය විය හැකිමුත්, එමගින් සිංහල සමාජ මනස තුළ ඇති කරන ලද භීෂණය හා දෙමළ ජනයා කෙරෙහි ඇති කරන ලද වෛරය ඉතිහාසයේ පාපතර ම දේශපාලන උපායමාර්ගයකි.  එල්.ටී.ටී.ඊ. සංවිධානය යුදමය වශයෙන් පරාජය කිරීමෙන් පසු දෙමළ-සිංහල සමාජයන් අතර සංහිඳියාව ඇති කිරීමේ හා ජාතික ප්‍රශ්නයට විසඳුමක් සෙවීමේ හැකියාව මහින්ද රාජපක්ෂගේ ජාතිවාදී ව්‍යාපාරය විසින් මුළුමනින් ම අවුල් කර දමා ඇත. මහින්ද බලයට පැමිණියහොත් සිදු වනු ඇත්තේ ලංකාවේ සමාජය තව තවත් භේද භින්න වීමයි. මෙය පරාජය වී විදේශයන්ට පසු බැස සිටින දෙමළ ජාතිවාදීන්ට මහත් වාසියක් වන අතර, ඔවුන් මහින්ද රාජපක්ෂගේ ජයග්‍රහණය ඉත සිතින් පතන බවට සැකයක් නැත. මන්ද, පරාජිත දෙමළ ඊලාම් රාජ්‍ය අරගලය යළි ප...

(2010 ජනවාරි 24 -W3Lanka) ජනවාරි 26දා පැවැත්වෙන ජනාධිපතිවරණයෙන් පරාජය වුවත් දිගට ම බලයේ සිටීමට ජනාධිපති මහින්ද රාජපක්ෂ සැලසුම් කර ඇති බව දේශපාලන ආරංචි මාර්ග පවසයි.  මේ බව ඉඟි කරන ප්‍රකාශයක් ඊයේ කළ ඔහු කීවේ තමන්ට තව දෙවසරක ධුර කාලය ඉතිරි වී ඇති හෙයින් දිවුරුම් දෙන දිනය තීරණය කරන්නේ තමන් බවයි.  ජනාධිපතිවරණයෙන් ඔහු පරාජය වුවත් ඔහුට බලය රැක ගැනීම සඳහා දේශපාලනයෙන් තනතුරු ලබා ගත් ආරක්ෂක ප්‍රධානීන් කිහිප දෙනෙකු ම සහාය පළ කර ඇති බව ද වාර්තා වේ. ජනාධිපතිවරණ දිනයේ සහ ඊට පසු දිනයේ ජාතික රූපවාහිනියේ තෝරා ගත් සේවක පිරිසක් හැර සෙසු අයට නිවාඩු දී ඇත්තේ මෙම මෙහෙයුමේ මාධ්‍ය භූමිකාවේ කොටසක් ලෙස බව ද දැගන්නට තිබේ.

(2010 ජනවාරි 24 -W3Lanka) ජනවාරි 26දා පැවැත්වෙන ජනාධිපතිවරණය දැඩි උණුසුම් මුහුණුවරක් ගැනීමත් සමග ම පරාජයේ භීතිකාවකින් පෙළෙන පාලක පක්ෂය 'කෙසේ හෝ ඡන්දය දිනීමේ' සැලැස්මක් ක්‍රියාත්මක කරමින් සිටින බව වාර්තා වේ. විපක්ෂයට ඡන්දය ප්‍රකාශ කරනු ඇතැයි අපේක්ෂා කළ හැකි පුද්ගලයන්ගේ හැඳුනුම්පත් පැහැරගෙන ඡන්දය දීමෙන් වැළැක්වීම හා විදෙස්ගත පුද්ගලයන්ගේ ඡන්දය හොරෙන් දැමීම ආදිය ඒ අතරින් ප්‍රමුඛ වේ. ‍ජනතාව බියපත් කිරීමේ, හොර ඡන්ද දැමීමේ, ඡන්ද පෙට්ටි පිරවීමේ හා ඡන්ද පෙට්ටි මාරු කිරීමේ සැලසුම් පවා ඇති බව විපක්ෂය පවසයි. දැනටමත් වතු කීපයක දෙමළ කම්කරුවන්ගේ හැඳුනුම්පත් මෙසේ පැහැරගෙන තිබේ.  'කෙසේ හෝ ඡන්දය දිනීමේ' සැලැස්ම මුහුණ දෙමින් සිටින ප්‍රධාන ම ගැටළුව වන්නේ බිම් මට්ටමේදී මෙම වැඩසටහන සඳහා ක්‍රියාකාරීව සහයෝගය දීම සඳහා පුද්ගල සම්පත් හිඟ වීමයි. ඒ නිසා ත්‍රිවිධ හමුදාව පවා එම කටයුතු සඳහා යෙදවීමට සිදු වී ඇති අතර ලොරියකින් සරත් ෆොන්සේකාට එරෙහි මඩ පෝස්ටර් හා අරක්කු ප්‍රවාහනය කරමින් සිටි නාවික හමුදා භටයින් දෙදෙනෙක් කුරුණෑගල පොලිසිය විසින් ඊයේ අත්අඩංගුවට ගන්නා ලදී. අත්අඩංගුවේ  සිටි කොටි සැකකර...

(2010 ජනවාරි 23 -W3Lanka) ඔබට කිරීමට වෙන වැඩක් නැතිනම් හා ජනමත සමීක්ෂකයකු ලෙස සුදුසුකම් ලැබ අනාගතයේදී යම් ප්‍රයෝජනයක් ලබා ගැනීමට අදහස් කරන්නේ නම් පහත සඳහන් ආකාරයේ රචනාවක් ලියා දිනමිණ කර්තෘවරයා වෙත තැපැල් කරන්න. මහින්ද රාජපක්ෂ 60%කට වැඩි ඡන්ද ප්‍රමාණයකින් ජය ගන්නා බව කියන වාර්තා දිනමිණ පුවත්පතේ පළ කරනු ලැබේ. කලින් ඉල්ලුවා නම්, මෙම ජනමත සමීක්ෂණ රචනා ලිවීම වෙනුවෙන් අරලියගහමන්දිරයෙන් මුදල් ලබා ගැනීමට ද තිබිණි.  ජනපති මහින්දට 60% ක ජයක් - කැලණි සරසවිය මෙවර ජනාධිපතිවරණයෙන් මහින්ද රාජපක්ෂ මහතා සියයට 60 ක ප්‍රතිශතයක් ලබා ජයග්‍රහණය කරන බව කැලණිය විශ්වවිද්‍යාලය විසින් සිදුකරන ලද සමීක්ෂණයකින් හෙළි කරයි. කැළණිය විශ්ව විද්‍යාලයේ ජනසන්නිවේදන අධ්‍යනාංශය සහ සෙසු අංශ ගණනාවක් එක්ව කළ සමීක්ෂණය මඟින් සරත් ෆොන්සේකා මහතා ලබාගෙන ඇත්තේ සියයට 38 ක (38%) ප්‍රතිශතයකි. මේ ප්‍රතිඵල අනාවරණය කළේ ඊයේ (21) ශ්‍රී ලංකා පදනම් ආයතනයේ පැවැති මාධ්‍ය සාකච්ඡාවේදීය. ජනපති මහින්දට 66% ක ජයක් - ගොවි පෙරමුණ ඉදිරි ජනාධිපතිවරණයේ දී මහින්ද රාජපක්ෂ මහතා සියයට 66 ක අති විශිෂ්ට ජයග්‍රහණයක් ලබන බව ජාතික ගොවි ...

(2010 ජනවාරි 22 -W3Lanka) රාජපාක්ෂික විශ්වවිද්‍යාල ආචාර්යවරයකු වන කැලනිය විශ්වවිද්‍යාලයේ ජනසන්නිවේදන අංශයේ ආචාර්ය රෝහණ ලක්‌ෂ්මන් පියදාස විසින් ජනවාරි 08දා දිනමිණ පුවත්පතට පවසන ලද පරිදි "දිස්ත්‍රික්ක විසිපහම නියෝජනයවන පරිදි ස්වාධීනව මෙම සමීක්ෂණය සිදු කළා. ඒ සඳහා විශ්වවිද්‍යාල ආචාර්යවරුන් සිසුන් ඇතුළු සියයක පමණ සමීක්ෂණ කණ්ඩායමක් ක්‍රියාත්මක වුණා. අවුරුදු දහ අටේ සිට විවිධ වයස් කාණ්ඩයන්හි පිරිස් මේ සඳහා යොදා ගැණුනු අතර එහි දී 73.32% ක් ප්‍රතාශ කරනු ලැබුවේ මහින්ද රාජපක්ෂ මහතා ජනාධිපතිවරණයේ ජය ගන්නා බවයි. විශ්‍රාමික ෆොන්සේකා මහතා ජයග්‍රහණය කරන බවට 24.17% ප්‍රමාණයක් පමණක් ප්‍රකාශ කරනු ලැබුවේ මෙම සමීක්ෂණය අනුව යුද්ධය ජය ගැනීම සඳහා ජනාධිපති මහින්ද රාජපක්ෂ මහතා මුල් වූ බවට 63.10% ක් ප්‍රකාශ කළ අතර ඒ සඳහා ෆොන්සේකා මහතා මුල් වූ බව ප්‍රකාශ කර තිබෙන්නේ 17.04%ක ප්‍රමාණයක් පමණි. මෙම වකවානුවේ ජනතාවට වඩාත් දැනුණු දේශපාලන දැන්වීම ලෙස ‘තාරුණ්‍යයට හෙටක්’ දැන්වීම සඳහා වැඩිම ජනතා ප්‍රසාදය ඇතැයි මෙම සමීක්ෂණයේ දී තහවුරු විය." ඔහු විසින් කරන ලදැයි කියන තවත් සමීක්ෂණයක් පිළිබද ජනවාරි 22 ...