මහින්දට අසීමිත+ විනාඩි 90; සෙසු අපේක්ෂකයන්ට විනාඩි 90

(2009 දෙසැම්බර් 23 - W3Lanka) නපතිවරණ අපේක්ෂකයකුට ප්‍රචාරක කටයුතු සඳහා මිනිත්තු 90 බැගින් ගුවන් විදුලි සංස්ථාවේ හා රූපවාහිනි සංස්ථාවේ ගුවන් කාලය නො මිළේ වෙන් කර දීම මැතිවරණ කොමසාරිස් දයානන්ද දිශානායක විසින් ජනපතිවරණ අපේක්ෂකයන් හෝ ඔවුන්ගේ නියෝජිතයන් සමග ඊයේ (22) පැවැත්වූ සාකච්ඡාවකදී සිදු කරන ලදී. 

එහෙත් මේ දිනවල එක් ජනාධිපති අපේක්ෂකයකු වන ජනාධිපති මහින්ද රාජපක්ෂගේ ප්‍රචාරය සඳහා මේ වන විට රූපවාහිනී සංස්ථාවේ හා ගුවන් විදුලි සංස්ථාවේ කාලය අසීමිත ලෙස වෙන් කර දී තිබේ. අසීමිත ප්‍රචාරක කාලයට අමතරව තවත් විනාඩි 90ක් ද මේ අනුව මහින්ද රාජපක්ෂට හිමි වේ.


එක් අපේක්ෂකයකුට මිනිත්තු පහළොවකට නො අඩු සහ මිනිත්තු තිහකට නොවැඩි අවස්ථා තුනකට නොවැඩි මිනිත්තු අනූවක කාලයක් බැගින් ගුවන්විදුලි හා රූපවාහිනියේ ගුවන් කාලය හිමිවේ.

අපේක්ෂකයන්ගේ ගුවන්විදුලි හා රූපවාහිනි කතා ලබන ජනවාරි 1 වැනිදා සිට 20 වැනිදා දක්වා පැවැත්වීමට නියමිතය.

විරුද්ධවාදීන්ට අපහාස නො කර ඉතා සදාචාරාත්මකව මේ ගුවන් කාලය පාවිචචි කරන ලෙසත් වෙනත් අපේක්ෂකයන් වෙනුවෙන් ප්‍රචාරක කටයුතුවල නොයෙදී තම ප්‍රතිපත්ති වෙනුවෙන් පෙනී සිටින ලෙසත් කොමසාරිස්වරයා මෙහිදී අපේක්ෂකයන් හා නියෝජිතයන් දැනුවත් කෙළේය.

එහෙත්, මේ වන විට මහින්ද රාජපක්ෂ වෙනුවෙන් රජයේ මාධ්‍ය විසින් ලබා දී තිබෙන අවකාශය බොහෝ දුරට පාවිච්චි කෙරෙන්නේ  විරුද්ධවාදීන්ට අපහාස කිරීමටයි.




Comments

  1. විනාඩි 90 ක් නෙවෙයි පැය 24 ම දුන්නත් මහින්ද කියන ඒවා ජනයා අසන්නේ නැත.

    ReplyDelete

Post a Comment

මාතෘකාවට අදාළ නැති හා වෛරී අදහස් ඉවත් කිරීමට ඉඩ ඇති බව කරුණාවෙන් සලකන්න.

Popular posts from this blog

තේරවිලි: සුපුන් සඳක් ඇත. මැදින් හිලක් ඇත.

පාසල් අධ්‍යාපනය ගැන කතා තුනක්

හමුදා කුමන්ත්‍රණ ගැන ලෝකෙට දුරකථනයෙන් කිව්වෙ බීලා වෙන්න ඇති -ෆොන්සේකා