W3Lanka: Praja.lk Backup

මනුෂ නානායක්කාර විසින් අලවන ලද 'දැන් ඉතින් ඔළු හෝදමු' නම් පෝස්ටරයේ 'ඔළු' උඩින් 'පුක' අලවමින් සිටි පුද්ගලයකු මෙම පෝස්ටරය ඇලවූ අය විසින් පොලිසියට භාර දීමෙන් පසුව අධිකරණය විසින් රුපියල් දෙලක්ෂයක ඇප මත මුදා හැර තිබේ. එම පුද්ගලයාගේ මානසික තත්වය පිළිබඳ වාර්තාවක් ලබා ගැනීම පිළිබඳව ද, පුක යන්න සභ්‍ය වචනයක් ද අසභ්‍ය වචනයක් ද යන්න පිළිබඳව සිංහල භාෂා විශාරදයකුගෙන් වාර්තාවක් ලබා ගැනීම පිළිබඳව ද අධිකරණයේදී සාකච්ඡා කළ බව වාර්තා වේ.  'ඔළු' යන වචනයේ තේරුම මොකක් ද යන්න සම්බන්ධයෙන් ද වාර්තාවක් කැඳවූවා නම් හොඳ ය.හිටපු මාධ්‍යකරුවකු වන මනුෂ නානායක්කාර 'ඔළු' හා ඔලු අතර වෙනස දන්නේ නැති වීම පුදුමයට කරුණක් නො වේ. පාලි, සංස්කෘත, දෙමළ, පෘතුගීසි, ලන්දේසි මොකවත් ගෑවී නැති ඔරිම ඔරිජිනල් සිංහල වචනයක් වන ඔලුව ද මේ හාදයා සංකර කර දමා ඇත. ආරංචි හැටියට නම් මෙම පෝස්ටරය ද නීති විරෝධී ය. ඒ අනුව, පොලිසිය අත්අඩංගුවට ගෙන තිබෙන්නේ නීති විරෝධී වැඩක් උඩින් නීති විරෝධී වැඩක් කළ අයෙකි.  කෙසේ වෙතත්, මෙම සභ්‍ය අසභ්‍යවාදය සංස්කෘතික වශයෙන් ඉතා වැදගත් ය. මන්ද, ලොව කොහේවත් භාෂාවක වචන නීතිය ...

නිවේදනයයි: W3Lanka බ්ලොග් අඩවියේ රචකයා ජනරළ පුවත්පත හැර වෙනත් කිසිදු සිංහල පුවත්පතක‍ට හෝ වෙබ් අඩවියකට හෝ ලියන්නේ නැති බව ද කරුණාවෙන් සලකන්න.  මේ බව සඳහන් කරන්නට සිදු වූයේ අප විසින් ලියන ලද ලිපියක් ලංකා ඊ නිව්ස් විසින් තමන්ට ලියන ලද ලිපියක් ලෙස පෙනෙන සේ පළ කර තිබෙන ආකාරය දැකීමෙනි.  මෙම බ්ලොග් අඩවියෙන් උපුටා ගත් බව සඳහන් කරමින් ලිපි නැවත පළ කිරීම අපි හැම විට ම උනන්දු කරන්නෙමු. එහෙත්, මේ අන්දමින් අනවසරයෙන් ලිපි නැවත පළ කිරීම ආචාර ධාර්මික නො වේ.  කරුණාකර අප අපහසුවට පත් වන අයුරින් ලිපි නැවත පළ නො කරන ලෙස අපි සහෝදරත්වයේ හා මාධ්‍ය ආචාර ධාර්මිකත්වයේ නාමයෙන් ඉල්ලා සිටිමි.  අද පැවැත්වෙන  'හිරුගෙන් පසු විකල්ප පත්තර වලංගුද?' යන මැයෙන් වූ සම්මන්ත්‍රණයට අදාළව අප විසින් ලියන ලද ලිපි දෙකක සබැඳි මෙහි නැවත පළ කරමි. සමාජවාදය වෙනුවෙන් විකල්ප පත්තර සමාජ මාධ්‍ය යුගයේ විකල්ප පුවත්පත් මෙම කරුණට අදාළව 'රාවය' පුවත්පත විකල්ප පුවත්පතක් ලෙස සලකා බැලිය හැකි ය. ඇත්තෙන් ම රාවය වනාහි ප්‍රධාන ධාරාවේ අදහස් හා මතවාදවලට වෙනස් අදහස් හා මතවාද ඇති ප්‍රභූ මාධ්‍යකරුවන් පිරිස‍කගේ නිර්මා...

සමහර වාමාංශික කොටස්ද රාජපක්ෂ මාෆියාවේ හැඩ තල හඳුනා ගැනීමට නොහැකිව වල්පල් දොඩනු දැකිය හැකිය. අයෙක් ෆොන්ටේරා සමාගම බහුජාතික සමාගමක් බැවින් උන්ට මොනවා උනත් අපිට පාන් දැයි අසති . තවත් සමහරු කිරිපිටි අවුල මතින් දේශීය කිරි ගොවියා සමෘද්ධිමත් වන බවට හීන දකිති. මේ කණ්ඩායම් වලට රාජපක්ෂ මාෆියාව රාජ්‍ය මෙන්ම පුද්ගලික ව්‍යාපාර ගිල ගන්නා බූවල්ලකු ලෙස වැඩී ඇති ආකාරය නොපෙනේ. රාජපක්ෂලාට කප්පම් නොදී තවදුරටත් මේ රටේ කිසිවකුට ව්‍යාපාර කළ නොහැකි බව නොපෙනේ. වල් පල් හරහා රාජපක්ෂ මාෆියාවේ සැර බාල කරන්න හදන මේ වාමාංශිකයන්ට කිව යුතුව ඇත්තේ රාජපක්ෂලා හෙට දින ගෙන්වීමට නියමිත තුට්ටු දෙකේ චීන කිරිපිටි ගිලින්න දැන් සිටම සුදානමින් සිටින ලෙසයි. රාජපක්ෂලා යටතේ වේගයෙන් රට මුගාබේකරණය වෙමින් තිබේ. මෙහි අවසානය දැවැන්ත ව්‍යසනයක් වීම වැළැක්විය නොහැකිය. -විසල් කරුණාරත්න විසිනි- (ලංකා ඊ නිව්ස්) ෆොන්ටෙරාට මොනවා වුණත් අපට පාන්දැයි ඇසුවේ අප ය. අප එහෙම අසන්නේ හේතු ඇතිව ය. "ෆොන්ටෙරා යනු නවසීලන්තයේ කිරි ගොවියන් 10,600 ක් අයිතිය කියන බහුජාතික සමාගමකි යි අරුණි ශපීරෝ පෙන්වා දෙයි. එහිදී මගේ නම් හිතට එන්නේ ඉතින් ...

"පැහැදිලිවම කිව යුතුයි මම ක්‍රිකට් ගහන්නේ සල්ලි නිසා.මගේ රැකියාව තමයි ක්‍රිකට් ක්‍රීඩාව. ඉතින් ක්‍රීඩා කර සල්ලි හම්බ කිරීමේ වැරැද්ද මොකක්ද? ශ්‍රී ලංකා ක්‍රිකට් ආයතනයේ කොන්ත්‍රාත්තුව ගැන මොකවත් කතා කර නැහැ.හැබැයි කිව යුතුයි, මම ක්‍රීඩා කරන්නේ සල්ලි නිසා. කව්රුහරි නිකම් ක්‍රිකට් ගහනවා නම් එක ලොකු දෙයක්." - ලසිත් මාලිංග (2012 අප්‍රේල්) ලසිත් මාලිංග ජනමාධ්‍යවලට පාට් දමන වීඩියෝ දර්ශන ඔබ දකින්නට ඇතැයි සිතමි. මේවා අන්තර්ජාලයේ ප්‍රකට නිසා හා අප මෙවැනි අඥානයන් අගය නොකරන නිසා එය මෙහි නැවත පළ නොකරමි. ඇත්තෙන්ම මෙම සිද්ධිය මාධ්‍ය හැසිරීම හා මාධ්‍ය ඉදිරියේ ක්ෂණිකව ප්‍රසිද්ධ වූ පුද්ගලයන්ගේ හැසිරීම පිළිබඳ සාකච්ඡා නිමිත්තක් සපයයි. ශ්‍රී ලංකා ක්‍රිකට් ක්‍රීඩකයෝ තමන් ලබන ලක්ෂ හතළිහකට අධික මාසික වැටුපට අමතරව ඔවුන්ට පිරිනැමෙන දීමනා හා වරප්‍රසාද කප්පාදුවට එරෙහිව ඉදිරි වර්ෂය සඳහා ගිවිසුමට අත්සන් නොකර තෙපරබාමින් සිටියහ. එහෙත්, ඇමති මහින්දානන්ද අලුත්ග‍මගේ දැම්මේ එක සැල් එකකි. මේ ක්‍රිකට් වීරයෝ පිත්ත කඩුල්ලේ දැවටී දැවීගිය පිතිකරුවන් පිරිසක් සේ පෝලිමේ පැමිණ ගිවිසුම අත්සන් කළහ. ක්‍රීඩා ඇමත...

සිද්ධියක් පුවතක් බවට පත් කරන්නේ ජනමාධ්‍ය විසිනි. ජනමාධ්‍ය විසින් පුවත් බවට පත් කරනු නොලබන සිද්ධි ඕනෑතරම් තිබේ. එසේම විකෘති පුවත් බවට පත් කරනු ලබන සිද්ධිද තිබේ.  පොල් සිද්ධිය පිළිබඳ අපේ විශ්ලේෂණය අපි ඉදිරිපත් කළේ ඒ සිද්ධිය සිදු වූ අලුතමය. ප්‍රධාන ධාරාවේ ජනමාධ්‍ය මෙ සිද්ධිය භාවාතිශය ලෙස ඉදිරිපත් කරමින් විකෘති ප්‍රවෘත්තියක් නිර්මානය ‍කළහ. ලංකාවේ වැඩිදෙනෙකු කැමති බාල ජනප්‍රියත්වයට ප්‍රිය කරන ජනාධිපතිවරයා පවා මෙම සිද්ධිය පසුපස එල්ලුණේය.  මේ දිනවල තවත් සුවිශේෂ ජනමාධ්‍ය මෙහෙයුමක් දැකගත හැකිය. ඒ ඇමති මෛත්‍රීපාල සිරිසේනගේ පුත් දහම් සිරිසේන නැගෙනහිර පළාතේ නියෝජ්‍ය පොලිස්පතිවරයකුගේ පුතකුට පහරදීම හා සම්බන්ධ සිද්ධියයි.  දහම් සිරිසේන පොලිස් පුතාට පහර දුන්නේ 'මම අනාගත අගමැතිගේ පුතා'ය කියමින් බව ජනමාධ්‍ය වාර්තා කරයි.  මීට කලකට ඉහතදී ඇමති ඩිලාන් පෙරේරා උතුරුමැද පළාත් සභා මැතිවරණ රැළියකදී ඇමති මෛත්‍රීපාල සිරිසේනව අනාගත අගමැතිවරයා ලෙස හඳුන්වා ආපසු කොළඹට එනවිට ඔහු දරමින් සිටි එක් නියෝජ්‍ය ඇමති තනතුරක් අහිමි වී තිබිණි. ශ්‍රී ලංකා නිදහස් පක්ෂයේ ලේකම් මෛත්‍රීපාල සිරිසේන යනු රා...

හැදෙන ගහ දෙපෙත්තෙන් පෙනේ අනුන්ගේ වත්තක හොරෙන් පොල් අහුලද්දී අත්අඩංගුවට ගත් හොරණ ප්‍රදේශයේ ශිෂ්‍යාවක් අධිකරණයට පවසා ඇත්තේ පාසලේ තීන්ත ආලේපනය සඳහා ඉල්ලා ඇති රු. 800ක මුදලක් ගෙවීමට පවු‍ලට මුදල් නැති බැවින් එම ක්‍රියාව කළ බවයි.  මෙම සිද්ධියට දෙමින් තිබෙන මාධ්‍ය ප්‍රචාරය අනුව නොබෝ දිනකින් මෙම ශිෂ්‍යාවද වීරවරියක සේ විවිධ පුද්ගලයන්ගේ තෑගි, සම්මාන ආදිය ලබන්නට ඉඩ තිබේ. මන්ද, ලංකාවේ සමාජය ප්‍රශ්න වැරදි තැන්වලින් ග්‍රහනය කරගැනීමට දක්ෂ බැවිනි.  සොරකම ශිෂ්ට සමාජයක අනුමත කළ හැකි ක්‍රියාවක් නොවේ. එහෙත් ලංකාවේ මිනිස ්සු සාමාන්‍යයෙන් ලොකු හොරකම් කරන මින ි සුන්ට වඳිති; පුදති. ජාතියේ අනාගතය සොරකම් කරන්නන් ජාතික වීරයන් බවට පත් කරති. පොල් ගෙඩි, කොස් ගෙඩි වැනි දේ සොරකම් කරන්නන් මරන්නට වුවද ඉදිරිපත් වෙති.  මේ දැරිය කියූ ප්‍රකාශය ඇතැම්විට බොරුවක් වන්නට ඉඩ තිබේ. මන්ද, ස ොරකම් කළ දරුවකුට බ ොරු කියන්නටද බැරිකමක් තිබිය න ොහැකි බැවිනි. පාසල්වල විවිධ කටයුතු සඳහා මුදල් එකත ු කරනබව සැබෑය. එහෙත්, ඒ වනාහි සංකීර්ණ සමාජ ප්‍රශ්නයක් වන ජනප්‍රිය පාසල් තරගයේම කොටසකි. රජයෙන් ප්‍රතිපාදන ලබාදෙනතෙක් බල...

කාර්ලාභී ආරියනන්ද දොඹගහවත්ත - කර්තෘ, ඉරිදා ලංකාදීප මේ කියවන ඔබට ආණ්ඩුවෙන් ලැප්ටොප් එකක් ලැබුණාද? ලැබේවිද? එහෙනම් ඔබ මාධ්‍යවේදියෙකි.  ඔබ්‍ට වාහනයක් ගන්න පොලී රහිත බැංකු ණයක් ලැබෙන්නට යනවාද? එසේනම් ඔබ කලාකරුවෙකි.  ඔබට මේ කිසිවක් ලැබී නැද්ද?  එසේනම්, අද සිටම මාධ්‍යකරුවකු, කලාකරුවකු වීමට උත්සාහ කරන්න.  මාධ්‍යකරුවකු, කලාකරුවකු වන්නේ කෙසේද?  මේවා ලැබුණු අය ග ේ අතීත හා අනාගත ක්‍රියකලාපය අ ධ ්‍ය යනය කරන්න. ඔවුන් අනුගමනය කරන්න. මේ අය මේ ගැන පුහුණු පාඨමාලාවන්ද පවත්වන්නට යන බව දැනගන්නට ලැබී ඇත. මේ ලිපියට ඔබ කැමති වුණත්, අකැමැති වුණත් වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න -->

පසුගිය දිනෙක අහම්බෙන් මෙන් මේරියන්සි සංගීත කණ්ඩායමේ වීඩියෝවක් යූටියුබ්හි දුටුවෙමි. 'ඇද්ද ලනුව - දැම්ම කොඩිය - සිලෝන් එකට' යන ගීය ගැයීමට පෙර නලින් පෙරේරා හා සුද්දකු ලෙස ඇඳ ගත් අනෙක් ගායකයා අතර ඇති වන සංවාදයේදී සුද්දා චෝදනා කරන්නේ ලංකාව තමන් ගියපසු හරිහමන් සංවර්ධනයක් කරගෙන නැති බවයි. එහිදී නලින් පෙරේරා අහන්නේ 'ඇයි ඔයා පත්තර බලන්නේ නැද්ද?' කියාය.  අද වනවිට ලංකාවේ බොහෝ කටයුතු සිදුවන්නේ ඇත්තෙන් මහපොළවේ නොව ජනමාධ්‍ය තුළයි. විශේෂයෙන්ම රට සංවර්ධනය කිරීම හා ජනතා ප්‍රශ්න විසඳීම සිදුවන්නේ තනිකරම ජනමාධ්‍යවලයි. ඇස් පනාපිට ඇති ලෝකයත් ජනමාධ්‍ය ඔස්සේ ප්‍රබන්ධ කර ඉදිරිපත් කරන ලෝකයත් අතර විශාල පරස්පරයක් ඇතිමුත්, යථාර්ථය වෙනුවට එම ප්‍රබන්ධ ලෝකය පිළිගැනීමට ජනතාව ‍තුළ පෙළඹවීමක් ඇතිවේ.  මාධ්‍ය ප්‍රබන්ධයක් සමග මනසින් සම්බන්ධ වෙමින් වඩා නරක යථාර්ථයක සැබැවින් ජීවත්වීම නූතන ලෝකයේ අලුත් අත්දැකීමක් වී තිබේ.  මෙහි විසුළු ස්වභාවය නිර්මානය වන්නේ පවත්නා තත්වය වෙනස් කිරීමට සටන් කරන්නෝද එයම කරන්නට යාමත් සමගයි. කොටින්ම දැන් දැන් බොහෝ වෘත්තීය සමිති කටයුතු පවා සිදුවන්නේ ජනමාධ්‍ය හරහාය. වෘත්තීය සමිත...

අධිකරණයට බලපෑම් එල්ල වන බවට අධිකරණ කොමිෂන් සභාවේ සභාපතිවරයා ප්‍රකාශක් නිකුත් කළේය. දිවි නැගුම පනත පාර්ලිමේන්තුවේ සම්මත කිරීමට පෙර පළාත්සභාවල සම්මත විය යුතු බවට ශ්‍රේෂ්ඨාධිකරණය දුන් තීන්දුවටද ආණ්ඩුව ඉන්නේ නැගලාය. ඊයේ ජනාධිපතිවරයා හමු වූ අවස්ථාවේදී මාධ්‍ය ආයතන ප්‍රධානියෙකු ජනාධිපතිට කලින් සැලසුම් කළ ෆුල්ටොස් පන්දුවක් යැව්වේ මෙසේය. දිවයින පුවත්පතේ පළවූ පරිදි මෙහිදී කතුවරයකු විසින් ප්‍රශ්නයක්‌ නගමින් විමසා සිටියේ අධිකරණ සේවා කොමිසමේ ලේකම්වරයාට අපචාර චෝදනා තිබේද යන්නයි. ජනාධිපතිවරයා: (සිනාසෙමින්) ඔබ සඳහන් කරන චෝදනාව කුමක්‌ද? ලේකම්වරයා ඇතැම් කාන්තා විනිසුරුවරියන්ට අයථා යෝජනා කළ බවට චෝදනා තිබෙනවා. ජනාධිපති: ඔව්. මම ඒවා මෙහිදී විස්‌තර කිරීම උචිත නෑ. එහෙත් ඔබ කියන ආකාරයේ චෝදනා මා වෙත ලිඛිතව ලැබී තිබෙන බව පමණක්‌ මා කියන්නම්. (සිනාසෙයි) අධිකරණය ා ආණ්ඩුව අතර ඇති වී තිබෙන ඝර්ෂණය ගැන රාජපක්ෂ පවුල කලබලයට පත් වී තිබෙන බවට මේ නිදසුනකි. මේ නාට්‍යය දැන් ඇරඹුණා පමණි. හොඳ හොඳ සෙල්ලම් එළි වන ජාමෙටය.  බයවේවා! මේ ලිපියට ඔබ කැමති වුණත්, අකැමැති වුණත් වෙන අයත් එක්කත් බෙදා ගන්න. උපුටා ...

දිනමිණ ලංකා ඊ නිව්ස්ට එරෙහිව නඩු පවරා ඇති බව දිනමිණේ පළවූ පහත සඳහන් වාර්තාවෙන් කියැවේ. ඒ අසත්‍ය ප්‍රවෘත්තියක්, ද්වේශසහගතව, අගතියක් කිරීමේ චේතනාවෙන් පඝ කිරීම නිසාලු. හත්ඉලව්වේ එතකොට දිනමිණ කරන්නේ ඒක නොවේද? ලංකා ඊ නිව්ස්හි පළවන වාර්තාවලට සමාන හා ප්‍රතිවිරුද්ධ වාර්තා නොවේද දිනමිණේ පළවන්නේ? ඉතින් මේ වාර්තාකරණය නිව්ටන්ගේ තුන්වන නියමය අනුව තුලනය වන්නේ නැද්ද? මේ ජනමාධ්‍ය දෙකම ප්‍රබන්ධ සාහිත්‍යය පැත්තෙන් ගත් කල එකකට එකක් නොපරදින අන්දමින් තරගකාරීය. ද්වේෂය පැත්තෙන්ද එසේමය. එකම කාසියේ දෙපැත්ත වැනිය.  වෙනසකට ඇත්තේ දිනමිණ බලවත් පාර්ශ්වයත්, ලංකා ඊ නිව්ස් ජනප්‍රිය පාර්ශ්වයත් නියෝජනය කිරීමයි. කෙතරම් මුදල් තිබුණත්, කෙතරම් සම්පත් තිබුණත්, රාජ්‍ය බලය තිබුණත් ලංකා ඊ නිව්ස් අභිභවායන්නට නොහැකිවීම ගැන දිනමිණ කණගාටු වනබව පෙනේ.  අහෝ දුකකි! ද්වේශ සහගත අසත්‍ය ප්‍රවෘත්තියක් පළකිරීමෙන් සිදු වූ අගතියට රුපියල් මිලියන සියයක වන්දියක් ඉල්ලා සීමාසහිත එක්සත් ප්‍රවෘත්ති පත්‍ර සමාගම “ලංකා ඊ නිවුස්” වෙබ් අඩවියට විරුද්ධව පැවරූ නඩුව දෙසැම්බර් 12 දින විභාගයට ගන්නා බව කොළඹ දිසා අධිකරණය ඊයේ (20) දන්වා සිට...

( 2010 දෙසැම්බර් 10,  W3Lanka )  කටුනායක ගුවන් තොටුපළේදී යම් මාධ්‍යවේදියකුට පහරදීමක් සිදු වී තිබේ නම් ඒ පිළිබඳව ජනමාධ්‍ය හා ප්‍රවෘත්ති අමාත්‍යාංශයට පැමිණිලි කරන්නැයි ඇමැති කෙහෙළිය රඹුක්වැල්ල ඊයේ කැබිනට් පුවත් සාකච්ඡාවේදී පැවසී ය. ඔහුගේ ප්‍රකාශයෙන් කාරණා කීපයක් ගම්‍ය වේ. එනම් යම් නීති විරෝධී සිදුවීමක් නිසා කිසිවකු අගතියට පත් වී නම් මේ රටේ එම පුද්ගලයාට යුක්තිය අපේක්ෂා කළ හැක්කේ රජයට පැමිණිලි කළොත් පමණි. පැමිණිලි කළොත් පරීක්ෂණයක් කළ හැකි ය. පරීක්ෂණයෙන් පසු කුමක් වේ ද යන්න දෙවන කාරණයකි. 'මාධ්‍යවේදියකුට පහර දීමක් සිදු වී තිබේ නම් ' කියා කීමෙන් ගම්‍ය වන තවත් අදහසක් වන්නේ කෙතරම් වාර්තා වී තිබුණත්, රජය පරීක්ෂණයකින් ඔප්පු වන තුරු එය පිළි නො ගන්නා බවයි. තර්කානුකූල ය. දැන් මතු වන ඊළඟ ප්‍රශ්නය වන්නේ ලංකාවේ තිබෙන එක ම ජාත්‍යන්තර ගුවන් තොටුපළ කෙතරම් ආරක්ෂිත ස්ථානයක් ද යන්නයි. එතැනින් රටට පැමිණි පිරිසකට තවත් පිරිසක් පහර දෙන තෙක් පොලිසිය සිටියේ කොහි ද? පහර දුන් මැරවරයෝ මෙම පිරිස එළවාගෙන ගොස් ඔවුන්ට පහර දී ගමන් ගත් වාහනයේ වීදුරු කුඩු කරන තෙක් පොලිසිය සිටියේ කොහි ද? නැතිනම්, මේ පිරි...

( 2010 ඔක්තෝබර් 20,  W3Lanka )  විකල්ප දැනුම හා සන්නිවේදනය ප්‍රවර්ධනය කිරීම අරමුණු කර ගත් නව ජනමාධ්‍ය පිළිබඳ වැඩමුළුවක් ජාතික ඉඩම් හා කෘෂිකර්ම ප්‍රතිසංස්කරණ ව්‍යාපාරයේ තරුණ අංශය විසින් ආරම්භ කර තිබේ. තරුණයන් සඳහා වන මෙම වැඩමුළුවට සහභාගි වීමට කැමැත්ත දක්වන නව මාධ්‍ය කෙරෙහි උනන්දුවක් ඇති අයට අවස්ථා සීමිත ගණනක් විවාතව ඇති බව අප වෙත දැනුම් දි තිබේ. පළමු වැඩමුළුව මෙම සති අන්තයේ ආරම්භ වීමට නියමිත ය. වසරක් පුරා දිවෙන මෙම වැඩමුළු මාලාව සඳහා කිසිදු ගාස්තුවක් අය කරනු නො ලැබේ. සහභාගි වීමට කැමැත්තක් දක්වන අය සිටී නම් අද ම ජාතික ඉඩම් හා කෘෂිකර්ම ප්‍රතිසංස්කරණ ව්‍යාපාරයේ 011 2865534 දුරකථන අංකය ඔස්සේ චින්තක අමතන්න. (ජාතික ඉඩම් හා කෘෂිකර්ම ප්‍රතිසංස්කරණ ව්‍යාපාරය රාජ්‍ය නො වන සංවිධානයක් නිසා ඒවාට බිය අය කරුණාකර නො අමතන ලෙස එම ආයතනය ඉල්ලා සිටියි.) Bookmark, remember easily and come again   www.w3lanka.com

( 2010 ඔක්තෝබර් 10,  W3Lanka )   අද අපි ප්‍රවෘත්ති කියා කියන්නේ මොනවාට ද? රාත්‍රී අටට රූපවාහිනී තිරයේ උඩින්, යටින්, වටෙන්, මේසය මත ඇති පරිගණකයේ හා තේ කෝප්පයේ පවා වෙළඳ දැන්වීම් ය.  නිවේදිකාවන්ගේ රත් දෙතොල්, ළමැද සරාගී ය.  ඔවුන් කියවන්නේ මොනවා ද? ජනාධිපති ළමයකු වඩා ගත්තේ ය. මවක් දරුවකු ගඟට විසි කළා ය. පාන් ගෙඩියක හූනු වලිගයක් තිබී ඇත.  ඔවුන් තෝරා ගන්නා සිද්ධි මොනවා වුණත් පුවත් වේ. තෝරා නො ගන්නා යම් සිද්ධියක් වේ ද එය පුවතක් නො වේ. ඔවුන් ප්‍රවෘත්ති බවට පත් කරන්නේ මිනිසුන් අසන්නට කැමති හෙවත් මිනිසුන්ට පහසුවෙන් විකිණිය හැකි දේ සහ දේශපාලකයන්ට, ව්‍යාපාරිකයන්ට, නිලධාරීන්ට මිනිසුන්ගේ හිස් කුහර තුළට ඇතුළු කිරීමට අවශ්‍ය දේ ය.  ගුරුවරුන් හිඟ, ලෝකයෙන් ඈත, ජීවිතය දුෂ්කර ගම් පෙදෙසක පාසලක ඉතිහාසයේ පළමු වතාවට සිසුවකු පහේ ශිෂ්‍යත්වය සමත් වී ඇත. එය පත්තරේ දා ගන්න බැරිදැයි විදුහල්පතිවරයකු අසයි. බැරි ය. එය පුවතක් නො වේ.  ප්‍රවෘත්ති ජීවිතයට ඉතා වැදගත් ය. වරක් අපගේ හිතවත් ගුරුවරයෙක් බස්නාහිර පළාතේ අර්ද නාගරික පෙදෙසක සිංහල මධ්‍ය මහා විද්‍යාලයක උසස...

ලාංකීය තරුණයාගේ කාර්යභාරය සංකේතවත් කරන මනුෂ නානායක්කාර (ආරක්ෂිත මාධ්‍ය භාවිතාව අනුව පළ කරන ලද උද්ධෘතයකි.)  ( 2010 සැප්තැම්බර් 13,  W3Lanka )  18වන ආණ්ඩුක්‍රම ව්‍යවස්ථා සංශෝධනයෙන් පසු නව ඒකාධිපති රාමුව තුළ ලංකාවේ මාධ්‍යකරුවන් වෙනුවෙන් ආරක්ෂිත මාධ්‍ය භාවිතාවක්  රාමුගත කිරීමක් සඳහා කෙටුම්පතක් ඔබගේ සංවාදය පිණිස මෙහි පළ කරනු ලැබේ. මාධ්‍යකරුවන් හැම විට ම ජනාධිපතිගේ, කේන්ද්‍රීය පවුලේ සහ විස්තෘත පවුලේ ගුණ පමණක් වර්ණනා කළ යුතු ය. ලොකු පුතාගේ අනාගතයට ගැටලුවක් විය හැකි මල්ලීට යම් විවේචනයක් එල්ල කෙරුණාට කමක් නැත. හැබැයි වගකීම භාර ගත නො හැක. අර සැර මල්ලී ගැන නම් කට අරින්නේ නැතිව සිටීම ශරීර සෞඛ්‍යයට හිතකර ය. මාධ්‍යකරුවන් හැසිරිය යුත්තේ කැලනිය කියා තැනක් රටේ නැති අන්දමිනි. ඕනැම නම් කැලනිය ගැන පුවත් විදෙස් පිටුවේ පළ කරන්න. පවුල කිසිදු දූෂණයකට සම්බන්ධ නැති බව අවධාරණය කළ යුතු ය. දූෂණවල යෙදෙන්නේ නිලධාරීන් හා කොන්ත්‍රාත්කරුවන් බව පැවසිය යුතු ය. පවුලේ ආධිපත්‍යයට අභියෝගාත්මක විය හැකි ආණ්ඩු පක්ෂයේ ඇමතිවරුන් හා දේශපාලන නායකයන්ට එළව, එළවා පහර දීමෙන් තමන් දූෂණයට මාර විදිය...

(2010 මාර්තු 18- W3Lanka )   මෙම සිද්ධියට අදාළව ඡායාරූප ගැනීමට මව දැඩිලෙස අකමැත්ත පළකළ නිසා පින්තූර ගැනීමට “දිනමිණ”ට නොහැකි විය. මේ යක්කලමුල්ලේ මවක විසින් බිහි කරන ලද දෙබිඩි දරුවන් පිළිබඳව දිනමිණ පුවත්පතේ පළ වූ වාර්තාවකින් කොටසකි. මේ දරුවන් දෙදෙනා විකෘතිතාවක් සහිතව ඉපදීමට නියමිත බව මෙම මව දැනගෙන සිට ඇත. එවන් දරුවන් බිහි කරන බුද්ධිමත් මවක් පත් වන්නේ අතිශය පීඩිත තත්වයකටයි. දැන් ඇති ප්‍රශ්නය වන්නේ මේ දෙදරුවන් ආරක්ෂිතව වෙන් කර ඔවුන්ගේ අනාගතය සුරක්ෂා කිරීමයි. එහෙත් මාධ්‍යකරුවන් මෙවැනි සිද්ධියක් දෙස බලන්නේ විකුණාගෙන කෑ හැකි නියම භාණ්ඩයක් ලෙසයි. විද්‍යුත් මාධ්‍යවලට නම් මෙය දවසින් දවස පුවත් මවමින් විකිණීමට පුළුවන. ‍එසේ කරන ආකාරය ගැන හොඳම උදාහරණය මේ දිනවල ස්වර්ණවාහිනිය කලුතරදී ගඟට විසි කරන ලද බිළිඳාගේ සිහිසුන් සිරුර විකුණාගෙන කන ආකාරයයි. ඊයේ රාත්‍රී ස්වර්ණවාහිනියෙන් පෙන්වූයේ ඒ දරුවා බේරා ගත් බව කියන හිත හොඳ, එහෙත් ජීවිතාරක්ෂක පිහිනුම් උපක්‍රම ගැන අබ මල් රේණුවක අවබෝධයක් නැති ලොරි රියදුරා ගැනයි. එම පුද්ගලයාට කළ හැකි හොඳම ගෞරවය වන්නේ ඔහු දරුවා බේරා ගන්නා වැරදි ආකාරය පුන පුනා නොපෙන්...

(2010 ජනවාරි 29 - W3Lanka )    ' රාජ ආණ්ඩුවක් හදන්නට වන්දි භට්ටයින් විනා විමසන ප්‍රශ්න කරන මිනිසුන් අවශ්‍ය නොවන බැවින්' තමන් බ්ලොග් ලිවීම නවතන බව මැතිවරණ ප්‍රතිඵල නිකුත් කිරීමෙන් පසු බියොන්ඩ් ෆ්‍රේම් සිය අවසාන සටහන තබමින් කීවේය. අවශ්‍ය නො වුණාට, මිනිසුන් හිතන, විමසන එක වැළැක්වීම ලෙහෙසි නැත. හිතා විමසා ලිවීම නම් අනතුරුදායක විය හැකි ය.  එහෙත් අප නම් දිගට ම ලියන්නට අදහස් කරන්නෙමු. ඒ අප දන්නා දෙය වන්නේ ලිවීම නිසා ය. මේ දිනවල රටේ ප්‍රධාන ම ජනමාධ්‍යය වී තිබෙන කටකතා අංශය සමග සම්බන්ධ වනවාට වඩා මෙය විධිමත් කාර්යයකැයි අපි විශ්වාස කරමු.  නව තත්වයන් යටතේ අප කරුණු කියන්නේ ආණ්ඩුවට සිය පිටපත්වල අඩුලුහුඬු පෙන්වා දීමට මිස වෙනස් ආකාරයකට හිතන්නට හෝ කරුණු විමසන්නට මිනිසුන් පෙළඹවීම සඳහා නොවේ. මෙය සම්පූර්ණයෙන් ම රාජපාක්ෂික ක්‍රියාවක් බව කරුණාවෙන් සලකන්න.  ෆොන්සේකා කොයි තරම් නරක මිනිහෙකුදැයි ඊයේ රාත්‍රී මහජන දේපලක් වන ජාතික රූපවාහිනියෙන් විකාශය වූ ඇඟිලි සලකුණ වැඩසටහනෙන් අපේ ඇසට ඇගිල්ලෙන් නොව බෝල්පොයින්ට් පෑනෙන් ඇන පෙන්වා දුන්නේ ය. ෆොන්සේකා විසින් කණ කපන ලද කරණවෑමියා හා කණ පලන...

(2010 ජනවාරි 09 -W3Lanka) විපක්ෂ පොදු අපේක්ෂක සරත් ෆොන්සේකාගේ යුද අවි ගනුදෙනු දූෂණ පිළිබඳ විවාදයක් ලෙස හැඳින්වුණු ඊයේ රාත්‍රී ස්වර්ණවාහිනිය විසින් විකාශය කිරීමට නියමිතව තිබුණු රතුඉර විශේෂ වැඩසටහන ආණ්ඩුවත්, විපක්ෂයත්, ස්වර්ණවාහිනියත් එක්ව ජනතාව ගොනාට ඇන්දූ මගඩි නාටකයක් විය.  දූෂණ සම්බන්ධයෙන් සිදු විය යුතුව ඇත්තේ විවාද නොව විධිමත් පරීක්ෂණ හා නීතිය ක්‍රියාත්මක කිරීමයි. එකට හොරකම් කර, තමන්ගේ ෆයිල් හංගාගෙන සරත් ෆොන්සේකාගේ ෆයිල් එළියට ඇද, ඒ සොරකම් සිදු වූ බව කියන කාලයේ සරත් ෆොන්සේකාත් සමග සම්බන්ධයක් නොතිබුණු එක්සත් ජාතික පක්ෂය සමග විවාද කරන්නට යාම ගෙදර ඉන්න කාලේ පතිවෘත්තාව නැති කර ගත් කෙල්ල ගැන පසුව ඇය කසාද බැඳගත් බෑණාගෙන් විමසීම වැන්නකි. බෑණා කෙල්ල දකින විටත් ඇගේ පතිවත කෙළෙසී තිබිණි. කෙල්ලට කන්‍යාභාවය නොතිබූ බව දන්නා බෑණා ඒ ගැන කන්‍යාභාවය නැති වූ ආකාරය ගැන හොඳටම දන්නා මාමණ්ඩිලා සමග විවාදයට යාම අමු ගොන්කමකි. අනෙක් පැත්තෙන් යුද අවි ගනුදෙනු දූෂණ පිළිබඳ චෝදනා මහින්ද රාජපක්ෂටද විරුද්ධව නැඟී තිබියදී සරත් ෆොන්සේකාගේ ඒවා ගැන පමණක් විවාද කරන්නේ කුමටද? මේ දෙපළගේ හා වාද විවාද කරන්නට එන සියල්...

(2010 ජනවාරි 08 -W3Lanka) ලංකාවේ හමුදා සාමාජිකයන් යයි සැක කරන කීපදෙනෙකු සිංහලෙන් කතා කරමින් දෙමළ යයි සැක කෙරෙන පුද්ගලයකු වෙඩි තබා මරා දමන ආකාරය දැක්වෙන හමුදා සාමාජිකයකු විසින් ම ජංගම දුරකථනයකින් වාර්තාගත කරන ලද්දක් යයි කියැවුණු බ්‍රිතාන්‍යයේ චැනල්-4 රූපවාහිනිය විසින් විකාශය කරන ලද වීඩියෝව අව්‍යාජ එකක් බව නීති ප්‍රකාර නොවන අත්තනෝමතික ඝාතන පිළිබඳ එක්සත් ජාතීන්ගේ විශේෂ සම්බන්ධීකාරක පිලිප්ස් ඇල්ස්ටන් එක්සත් ජාතීන්ගේ සංවිධානය වෙත ලිඛිත වාර්තාවක් ඉදිරිපත් කරමින් පවසයි. ඒ සඳහා පශ්චාත් මරණ ව්‍යාධිවේද, පශ්චාත් මරණ වීඩියෝ විශ්ලේෂක, ගිනි අවි සාක්ෂි විශේෂඥ උපදෙස් ලබා ගෙන ඇත. එම විශේෂඥ වාර්තා විසින් වීඩියෝව සත්‍ය බවට ප්‍රබල ලෙස යෝජනා කරන බව ඇල්ස්ටන් පවසයි. "I retained three experts: in forensic pathology (Dr Spitz), forensic video analysis ( Mr Spivack), and firearm evidence ( Mr Diaczuk). Together, the reports by these experts strongly suggest that the video is authentic." ශ්‍රී ලංකා හමුදාවට සේවය කළ දෙදෙනෙකු ඇතුළු 'ස්වාධීන' විශේෂඥයන් සිව්දෙනෙකු මගින් ලබා ගන්නා ලද වාර්තා...

(2010 ජනවාරි 08 -W3Lanka) මහින්දගේ ආගිය කතා ඉස්සර පළ වුණේ ලක්බිම රිද්ම අතිරේකයේ ය. පසුව පොතක් ලෙස පළ වූ ඒ කතාවලට අපි මහත් සේ ඇලුම් කළෙමු. එහෙත් දැන් ඒ ආගිය කතා ලියවෙන්නේ දිනමිණේ හා රජයේ රූපවාහිනීවල ප්‍රවෘත්තිවලින් පසුවයි. දිනමිණ පුවත්පතේ නම් මේවා පළ වන්නේ කතුවැකිය ලෙසයි. මොන නමින් පළ කළත් පැරණි 'මහින්දගේ ආගිය කතා'වල රසය තවමත් ඒවායේ තැවරී තිබේ. මේවා අපේ බ්ලොග් පාඨකයන් කියවිය යුතු ය. ඒ නිසා අපි අද දිනමිණ කතුවැකිය හෙවත් 'මහින්දගේ ආගිය කතා' අලුත් පිටපත වෙත ඔබේ අවධානය යොමු කරමු. මවුබිම ඉවරයි! වි ශ්‍රාමික ෆොන්සේකා මහතා දෙමළ ජාතික සන්ධානය සමඟ ගිවිසුමක් අස්සන් කර තිබේ. මේ ගිවිසුමට විපක්ෂනායක රනිල් වික්‍රමසිංහ මහතා ද අස්සන් කර තිබේ. කොළඹ රාජකීය මාවතේ පිහිටි ජනරාල්වරයාගේ නිවසේ දී දෙපිරිස අතර සාකච්ඡාවක් ද පවත්වා ඇත. මේ අනුව ජනාධිපතිවරණයේ දී දෙමළ ජාතික සන්ධානය විශ්‍රාමික ෆොන්සේකා මහතාට සහාය දක්වනු ඇත. උතුර හා නැඟෙනහිර නැවත ඒකාබද්ධ කොට ප්‍රාන්ත රාජ්‍යයක් ලෙස පවත්වාගෙන යෑම හෙවත් නැවත ඊළම ලබාදීම අත්අඩංගුවේ පසුවන සියලුම කොටි ත්‍රස්තවාදීන් නිදහස් කිරීම ඇතුළු භයානක පොරොන්...