2010-01-22

සරසවි සිසුන් 140ක් ආගිය දිහාවක් නැහැ -අන්තරේ

(2010 ජනවාරි 22 -W3Lanka) යුද්ධයේ අවසන් සමයේදී පීඩාවට පත් සරසවි සිසුන් 140ක් පිළිබඳ තවමත් තොරතුරු නැති බව අන්තර් විශ්ව විද්‍යාලීය ශිෂ්‍ය බල මණ්ඩලයේ කැඳවුම්කරු උදුල් ප්‍රේමරත්න පවසයි. 


උතුරේ අවතැන් කඳවුරුවල සිටි විශ්වවිද්‍යාල සිසුන් 343ක් පසුගිය දිනවල නිදහස් කර ඇති බව ද ඔහු පවසයි. 


පසුගියදා මහත් ආන්දෝලනයක් ඇති කළ සිද්ධියක් වූ පේරාදෙනිය විශ්වවිද්‍යාලයේ කලා පීඨ ශිෂ්‍යා රාසයියා ද්වාරකා පැහැර ගෙන ගොස් ත්‍රස්ත විමර්ශන කාර්යාංශය විසින් රහසිගත ස්ථානයක සඟවා තබා ගැනීමෙන් මාස ගණනකට පසු මෑත කාලයේදී ඇගේ මව්පියන් විසින් ඇය බූස්ස රැඳවුම් කඳවුරේදී මුණ ගැසී තිබේ. එම දෙමාපියන් ද පසුගිය කාලයේ අවතැන් කඳවුරුවල සිරගතව සිට ඇත.