ශ්‍රී ලංකා යුද හමුදාවට දෙමළ වාර්ගික ඒකකයක්

ලංකාවේ හමුදාවේ අති බහුතරයක් සාමාජිකයන් සිංහල වුවත්, එය ශ්‍රී ලංකා හමුදාව ලෙස මිස සිංහල හමුදාව ලෙස වාර්ගික අනන්‍යතාවකින් මෙතෙක් හඳුන්වනු ලැබුවේ නැත. එහෙත් රජයේ ජාතික ඒකාබද්ධතා ඇමති වන කොටි සංවිධානයේ හිටපු සන්නද්ධ අංශ නායක කරුණා අම්මාන් පවසන පරිදි ළඟදීම හමුදාවට දෙමළ රෙජිමේන්තුවක් එක් වනු ඇත.මෙය අප දන්නා පරිදි ලංකාවේ හමුදා ඒකකයකට වාර්ගික අනන්‍යතාවක් ලබා දෙන පළමු අවස්ථාවයි.



කරුණා අම්මාන් සමග සිට රජයේ අතුරු හමුදා බවට පත් වූ හිටපු කැරැළිකරුවන් 900ක් ‍යුද හමුදාවට බඳවාගැනීම මේ දිනවල සිදුවෙමින් ඇති බවද, 600ක් දැනටමත් බැඳී අවසන් බවද කරුණා අම්මාන් මාධ්‍යවලට කීවේය. 


මීට කලින්ද හමුදාවට වතුතරයෙන් හා මුස්ලිම් ජනයා අතරින් පිරිස් සුවිශේෂ කොට බඳවා ගනු ලැබූමුත් වෙනම හමුදා ඒකක එකී වාර්ගික කණ්ඩායම් නමින් ගොඩනඟනු ලැබුවේ නැත.