දෙමළ විදෙස්ගත ප්‍රජාව කැප්ටන් අලි පිටේ එවූ සහන බඩු නැව ඔන්න ලංකාවට එනවා
ඒ එන්නේ කලින් ලංකාව විසින් අත්අඩංගුවට ගෙන පිටමං කරන ලද කැප්ටන් අලි නෞකාවෙන් නොව කේප් කොලරාඩෝ නම් වෙනත් නැවකිනි. ලංකාව මෙම සහන ද්‍රව්‍ය භාරගැනීම ප්‍රතික්ෂේප කළ මුත් එම නැව චෙන්නෛ වරායෙන් පිටත නැංගුරම් ලාගෙන සංවිධායකයන් තමිල්නාඩු මහඇමති කරුණානිධි මාර්ගයෙන් ඉන්දීය රජය හරහා කරන ලද බලපෑම් හේතුවෙන් පසුව භාර ගැනීමට එකඟ විය.
දෙමළ විදෙස්ගත ප්‍රජාව මේ වන විට රජයේ කඳවුරුවල සිටින දෙමළ අවතැන් වූවන්ගේ ප්‍රශ්න කෙරෙහි අවධානය යොමු නොකරන අතර, ඒ වෙනුවට, දෙමළ ඊලාම් අරගළය ඉදිරියට ගෙන යාම සඳහා පාරජාතික ඊලාම් පාලනයක් පිහිටුවීම සඳහා වෙහෙසෙමින් සිටිති.
මෙට්‍රික් ටොන් 884ක් බර වන මෙම සහන ද්‍රව්‍ය කන්ටේනර් 27 කාට කෙසේ වෙතත් අවතැන් කඳවුරුවල සිටින දෙමළ ජනයාට නම් තම දුක්ඛිත ජීවිත මඳකින් හෝ ඉහළට එසවීමට උපකාරී වනු ඇත.
මේ අතර කැප්ටන් අලි නැව කල්කටාවට විකුණා ඇති බව වාර්තා වේ.
Comments
Post a Comment
මාතෘකාවට අදාළ නැති හා වෛරී අදහස් ඉවත් කිරීමට ඉඩ ඇති බව කරුණාවෙන් සලකන්න.