බලය බෙදීමට ලංකාව සහතික වූ බව ඉන්දීය විදේශ ඇමති පාර්ලිමේන්තුවට කියයි
ජනාධිපතිවරයා ජුනි මාසයේ ඉන්දියාව බලා යන බව මුලදී කියැවුණමුත් එය සිදු වූයේ නැත. ඒ වෙනුවට අවස්ථාව ලැබුණේ ඉහළ පෙළේ නියෝජිත පිරිසකටයි.
"සියලු පක්ෂ සමග පුළුල් සංවාදයක් ඇති කර ගැනීමට, 13වන ආණ්ඩු ක්‍රම ව්‍යවස්ථා සංශෝධනය පූර්ණ අන්දමින් ක්‍රියාත්මක කිරීමට හා අරුත්බර බලය බෙදීමක් සඳහා එය ඉක්මවා යාමට දේශපාලන ක්‍රියාවලියක් අනුගමනය කිරීමට ශ්‍රී ලංකාව සහතික වී ඇති බව" ඉන්දීය විදේශ ඇමතිවරයා එරට පාර්ලිමේන්තුව අමතා පැවසීය.
සටන් නතර වීමත් සමග ශ්‍රී ලංකාවට අලුත් ඇරඹුමක් සඳහා සහ තම ජනයා වෙනුවෙන් මෙන්ම කලාපයම වෙනුවෙන් වඩා යහපත් අනාගතයක් ඇති කිරීමට ලංකාවට අවස්ථාවක් ඇති බවද ඇමතිවරයා වැඩිදුරටත් කීවේය.
ඉන්දීය රුපියල් කෝටි 500ක් වෙන් කරමින් ඉන්දියාව උතුරේ බිම් බෝම්බ ඉවත් කිරීමේ හා ජනයා යළි පදිංචි කිරීම සඳහා අවශ්‍ය යටිතල පහසුකම් නැංවීමේ කටයුතු සඳහා උදව් කරයි.
Comments
Post a Comment
මාතෘකාවට අදාළ නැති හා වෛරී අදහස් ඉවත් කිරීමට ඉඩ ඇති බව කරුණාවෙන් සලකන්න.