නන්දන ගුණතිලක "ලොකු ආශ්චර්යයන්" පෙන්නන්නට සැරසෙයි.
ලංකාව වෙනුවෙන් "පුංචි" ලෙස භාවිතා කිරීම මෙම නාස්තියට හේතු වී තිබේ. ලංකාව පුංචි යයි කීම ගැන උරණ වන නන්දන ගුණතිලකගේ අනුගාමිකයන් බලය බෙදීමට විරුද්ධ වන්නේ ලංකාව පුංචි රටක් ය යන පදනමේ සිටයි.
මෙම ප්‍රවර්ධන පාඨය හා ඒ හා සම්බන්ධ ප්‍රචාරක පෝස්ටර් හා පුස්තක ආදී ප්‍රචාරක ද්‍රව්‍ය නිෂ්පාදනය කිරීම සඳහා ෆීනික්ස් ඔගිල්වි සමාගමට රු. කෝටි හතරක් ගෙවා ඇති අතර, මේ හා සම්බන්ධ වාර්තා චිත්‍රපටය නිර්මානය කිරීමට බොම්බායේ රෙඩ් අයිස් සමාගමට රු. කෝටි තුනක් පමණ ද මෙය දියත් කිරීම සඳහා රු. එක් කෝටි අසූ ලක්ෂයක් පමණ ද ගෙවා ඇත.
සාමාන්‍යයෙන් ධනවාදය මෙවැනි කාරණාවලදී ප්‍රචාරක සමාගම් යොදා ගන්නා අතර, එම සමාගම් මේ සඳහා භාවිතා කරන විද්‍යාත්මක ක්‍රමවේදයක් තිබේ. මෙම කාර්යයම "සමාජවාදී" නන්දන ගුණතිලක කියන පරිදි ලංකාවේ උගතුන් කීපදෙනෙකු එකතු කර දින කීපයකින් කර ගත හැකිය. නන්දන ගුණතිලක ඉස්සර හිටපු පක්ෂයේ අය නම් මෙවැනි කටයුතු කරන්නේ ශ්‍රමදාන ආකාරයටයි. ධනවාදී අලෙවිකරණය හදාරා ඇති ගුණතිලකගේ මෙම අදහස්වලට හිනා වෙනවා ඇත්තේ අධෝමුඛයෙනි.
ධනවාදී වෙළඳ ප්‍රචාරණය පුහු ආටෝප, සාටෝපවලින් පිරී ඇති බව සත්‍යයකි. එහෙත්, අපට තේරෙන පරිදි නම්, ලංකාවේ සංචාරක ව්‍යාපාරය පිටරට අලෙවිකරණය 'ආයුබෝ වේවා - මහරජා‍ණනේ' ගීතය නිර්මානය කරනවා වැනි දෙයක් නොවේ.
අවසානයේදී මෙම කාර්යය නැවත වතාවක් අමුණුගමගේ දියණියගේ ප්‍රචාරක සමාගමට ලබා දී තවත් කෝටි කීපයක් වියදම් කරනවාට මොනවද ඔට්ටු?
Sri Lanka; Small Miracle වාර්තා වැඩසටහන මෙතැනින් පිවිස බලන්න
නැහැ මේ පාර මේකට යන්නේ තේ කෝප්ප හත අටකට යන සල්ලි කියලා මේතුමා කියලා තිබ්බා
ReplyDeletehttp://www.lankaenews.com/Sinhala/news.php?id=9793
ඔවා මොනාද ඇමරිකාවේ බර්ත් ඩේ පාටි එකට ලකෂ ගාණාක් ගත්ත ඇමතියලා ඉන්න රටේ රට ලොකු කරන්න අමතර මුදලක් වැය උනාට අවුලක් නෑ.
ReplyDeleteමමනම් හිතන්නේ තේ කෝප්ප හත අටකට යන සල්ලිත් වඩියී. රුපියල් දෙකක රට කජු දීලා, වදුරන්ගේන් කොර ගන්න එක තවත් ලාබයී.
ReplyDelete