නන්දන ගුණතිලක "ලොකු ආශ්චර්යයන්" පෙන්නන්නට සැරසෙයි.
(2009 ජුලි 02 - W3Lanka) රු. කෝටි නවයකට ආසන්න මුදලක් වැය කරමින් ලංකාවේ සංචාරක ව්‍යාපාරය ප්‍රවර්ධනය කිරීම සඳහා හඳුන්වා දෙන ලද “Sri Lanka Small Miracle” හෙවත් "පුංචි ආශ්චර්යයක්" යන ප්‍රවර්ධන පාඨය හා ඒ හා බැඳුණු ප්‍රචාරක වැඩසටහන අතහැර දැමීමට නව සංචාරක ඇමති නන්දන ගුණතිලක තීරණය කර තිබේ. ලංකාව වෙනුවෙන් "පුංචි" ලෙස භාවිතා කිරීම මෙම නාස්තියට හේතු වී තිබේ. ලංකාව පුංචි යයි කීම ගැන උරණ වන නන්දන ගුණතිලකගේ අනුගාමිකයන් බලය බෙදීමට විරුද්ධ වන්නේ ලංකාව පුංචි රටක් ය යන පදනමේ සිටයි. මෙම ප්‍රවර්ධන පාඨය හා ඒ හා සම්බන්ධ ප්‍රචාරක පෝස්ටර් හා පුස්තක ආදී ප්‍රචාරක ද්‍රව්‍ය නිෂ්පාදනය කිරීම සඳහා ෆීනික්ස් ඔගිල්වි සමාගමට රු. කෝටි හතරක් ගෙවා ඇති අතර, මේ හා සම්බන්ධ වාර්තා චිත්‍රපටය නිර්මානය කිරීමට බොම්බායේ රෙඩ් අයිස් සමාගමට රු. කෝටි තුනක් පමණ ද මෙය දියත් කිරීම සඳහා රු. එක් කෝටි අසූ ලක්ෂයක් පමණ ද ගෙවා ඇත. සාමාන්‍යයෙන් ධනවාදය මෙවැනි කාරණාවලදී ප්‍රචාරක සමාගම් යොදා ගන්නා අතර, එම සමාගම් මේ සඳහා භාවිතා කරන විද්‍යාත්මක ක්‍රමවේදයක් තිබේ. මෙම කාර්යයම "සමාජවාදී" නන්දන ගුණතිලක කියන පරිදි ...