ශාස්තෲ දොරට වඩින දා එන්න ඔබටත් ආරාධනා!

ප්‍රිය සහෘදය,


මා විසින් ලියන ලද ශාස්තෲ නවකතාව නොවැම්බර් 30දා අඟහරුවාදා සවස තුනට කොළඹ 07, නිදහස් මාවතේ, ජාතික පුස්තකාල හා ප්‍රලේඛන සේවා මණ්ඩල ශ්‍රවණාගාරයේදී එළි දකී.


නවකතාව පාදක කරගෙන ආචාර්ය සුනිල් විජේසිරිවර්ධන හා ආචාර්ය නිර්මාල් රංජිත් දේවසිරි ලංකාවේ කැරැලි හා සාහිත්‍යය තේමා කරගෙන කතා කරති.


අග්නීමා සංගීත කණ්ඩායම සමග අප නිර්මානය කළ ගී කීපයක් ද ගැයේ.


සුපුන් පොගේ පිටු කීපයක් කියවනු ඇත. සුරේඛා වැඩසටහන මෙහෙයවන්නී ය.


මෙදිනට ශාස්තෲ නවකතාව 20%ක් මිළ අඩුවෙන් රු. 200කට මිළ දී ගත හැකි ය. පොතේ මිළ රු. 250කි.


පැමිණිය නො හැකි ඔබ වෙනුවෙන් දෙසුම් ලියා පළ කරන්නට අදහස් කරන්නෙමු.


ලංකාවේ ඕනෑම තැනකට ශාස්තෲ නවකතාව රු. 250ක මිළකට තැපැල් කරන්නට කටයුතු යොදා ඇත. ගෙවන කාර්යාලය මතුගම ලෙස යොදා රු. 250ක මුදල් ඇණවුමක් එල්. ඒ. පී. ජයසිංහ, මහවත්ත පාර, ඉද්දගොඩ, මතුගම යන ලිපිනයට එවන්න. විදේශ රටවල තැපැල් ගාස්තු පිළිබඳ විස්තර පසුව දැනුම් දෙන්නෙමු.


ඉදිරි සතියේදී ශාස්තෲ ප්‍රධාන පොත් වෙළඳසල්වලට එනු ඇත.


-අජිත් පැරකුම් ජයසිංහ, W3Lanka සංස්කාරක


පහත පළ වන්නේ කෘතියෙන් උපුටා ගත් කොටසකි.


''මෙයා කියනවා මැඩම්, කැරැලිකාරයන් මෙයා හමු වෙලා රංජිත්ගේ මරණයට පළි ගන්න මෙයා එක`ග කර ගත්තාලූ. ඉන් පස්සේ දෑස් බැඳලා උන්ගේ තැනකට මෙයාව එක්කගෙන ගිහින් සිහි නැති කරලා ඇ`ග ඇතුලේ බෝම්බයක් තැන්පත් කළාලූ."


මේ කතාව අසා අන්දුන් කුන්දුන් වූ මට සෙව්වන්දිගේ එකතු කිරීම නිසා හීන් දාඩියත් දැම්මා.


"ඒක දුරස්ථ පාලක බෝම්බයක්. ඒක පුපුරවන්න දන්න කෙනෙක් මගේ පස්සේ කැරකෙනවා. මම ඒගොල්ලන්ගේ ඉලක්කයක් ළ`ගට ගියා ම එයා ඈත ඉඳන් බෝම්බය පුපුරවනවා."


මේ අද්භූත කතාව අහලා මම මහත් සේ බිය පත් වුණා. ඒත්, මොකක්දෝ හේතුවක් නිසා ඒ කතාව ඇත්තක් වෙන්න බැරි ය කියලාත් මට හිතුණා.


"මෙයා ගැන සැක හිතිලා මම කාලයක් මෙයා පසුපස පැන්නුවා. දැන් මෙයා කියනවා අර දුරස්ථ පාලකය තියෙන්නේ මා ළඟලු. මේක මට හරි ප්‍රශ්නයක් වෙලා තියෙන්නේ."


"ඒ කියන්නේ දැන් දඩයක්කාරයාත් උගුලක පැටළිලා කියල ද?" මම ඇසුවා. ඇත්තෙන් ම මට සියුම් සතුටක් ද දැනුණා.


"මේකයි මැඩම්. පිටින් අල්ලලා බැලුවාට එහෙම බෝම්බයක් එයාගේ ඇ`ග ඇතුලේ තිඛෙන බවක් මට දැනුණෙ නැහැ. සෙව්වන්දි කියන්නේ ශල්‍යකර්මයකින් ඒ බෝම්බය එයාගේ සිරුරේ තැන්පත් කළා ය කියලායි. මෙයාව මම දවසක් මගේ කාමරයට එක්ක ගියා. එහෙම කළේ ඔය කියන ශල්‍යකර්මයේ තුවාල කැළල බලන්න. එහෙම එකක් තිබුණෙ නැහැ. එදා පටන් සෙව්වන්දි කියන්නේ මම එහෙම කළේ සංවිධානය එයාට දුන් උපදෙස් අනුව ය කියලායි."


සෙව්වන්දි මගේ දෙපතුල් ළඟ වැඳ වැටුණා.


"මැඩම්, මට මැරෙන්න බැහැ. මට ජීවත් වෙන්න ඕනෑ."


"කවද ඉඳලද සෙව්වන්දිට මැරෙන්න බැහැ කියලා හිතෙන්නෙ?" මම ඇසුවා.


"මෙයා මාව කාමරයට එක්ක ගිය දා ඉඳලා. දැන් මට මැරෙන්න බැහැ. මට ඕනැ මෙයා එක්ක එකට ජීවත් වෙන්න." සෙව්වන්දි කියනවා.


"මැඩම්, මම කසාද බැඳපු, ළමයින් ඉන්න කෙනෙක්. මම සෙව්වන්දිට ආදරෙයි. මම බෝම්බ ගැන, බෝම්බකාරයන් ගැන දන්න දේ අනුව මට මේ කතාව විශ්වාස කරන්න බැහැ." දිල්හාන් කියනවා. "මේ කාලයේ මේ කතාවල ඇත්ත, නැත්ත හොයන්න කවුරුවත් මහන්සි වෙන්නේ නැහැ. මට සෙව්වන්දි ගැන බයයි. කවුරු හරි එයාව මරලා දාවි."


"ඒ 'කවුරුහරි' ඔයා ම වුණත් වෙන්න පුළුවන්. එහෙම නැද්ද?" මම දිල්හාන් කෙරෙහි තිබුණු මගේ අප්‍රසාදය වචනයට නඟා ඔහුට එයින් දමා ගැහුවා.


දිල්හාන් සාවඥ ලෙස හිනා වුණා. "එහෙම නම් මම මැඩම් හමු වෙන්න ඒවිද?"


"ඒකත් ඇත්ත." මම කීවා. මට හිතුණා මේ කාරණේදි ඔහු අවංකයි කියලා.


Bookmark and Share
Bookmark, remember easily and come again  www.w3lanka.com

Comments

  1. Best of luck!
    Having taken so much of labour, I hope you have done justice to your writing skill. If possible please publish the prologue.

    ReplyDelete
  2. බලන කොට මෙයත් අපේ ගම පැත්තෙමනෙ....
    හැකි වුනොත් මුණ ගැහෙමු....
    ජය වේවා......!!!!!!!!

    ReplyDelete
  3. එන්නනම් ඕනි. වෙලාව තමයි අවුල් වෙලාව.

    ReplyDelete
  4. This comment has been removed by the author.

    ReplyDelete
  5. සුභ පැතුම්. පොතක් ගන්නවා මමත්.

    ReplyDelete
  6. අසෙනිය කුසුම 2010 හොඳම කාලීන බ්ලොග් අඩවිය බවට නැවත වරක් පත්වීම ගැන මගේ සුභ පැතුම්

    ReplyDelete
  7. ඇවිත් ගියෙමි. පොත ලබා ගැනීමේ අවශ්‍යතාවයක් ඇත.

    ReplyDelete

Post a Comment

මාතෘකාවට අදාළ නැති හා වෛරී අදහස් ඉවත් කිරීමට ඉඩ ඇති බව කරුණාවෙන් සලකන්න.

Popular posts from this blog

තේරවිලි: සුපුන් සඳක් ඇත. මැදින් හිලක් ඇත.

පාසල් අධ්‍යාපනය ගැන කතා තුනක්

හමුදා කුමන්ත්‍රණ ගැන ලෝකෙට දුරකථනයෙන් කිව්වෙ බීලා වෙන්න ඇති -ෆොන්සේකා