ලිංගික ශ්‍රමිකයන්ගේ හිමිකම් ද මානව හිමිකම් ය | Sex workers rights are also human rights

(2010 නොවැම්බර් 06, W3Lankaලංකාවේ ආණ්ඩුව අසභ්‍ය බව කියන වැඩිහිටි වෙබ් අඩවිවල දර්ශනවලට පෙනී සිටි බව කියන පුද්ගලයන් 83කගේ ඡායාරූප ලබන සඳුදා අධිකරණයේ අවසරය ඇතිව ප්‍රසිද්ධ කරනු ලැබේ. 


කියන්නේ නම්, එසේ කරනු ලබන්නේ ඔවුන් අල්ලා ගැනීමට ය කියා ය. 


අල්ලා ගන්නේ කුමට ද? 


ගල් ගසා මරන්නට නම් මෙන්න ගල්.


යම් ලිංගික ශ්‍රමිකයකුගේ ශ්‍රමිකාවකගේ රූපයකින් ආස්වාදයක් නො ලැබූ යමෙකු ‍මෙම අන්තර්ජාල ලෝකයේ සිටිත් නම් පළමු ගල ගසත්වා! 


හිතට එකඟව ගල් ගැසිය හැක්කෙක් සිටිත් නම් වහා මානසික සායනයක් වෙත යත්වා!


පරීක්ෂණ පැවැත්වූ පොලිස් නිලධාරීන් ද ඇතුළුව අප සැමට දුන් සතුට වෙනුවෙන් සොයුර, සොයුරිය ඔබට අපේ ස්තුතිය!


වහා අවධානය යොමු කරන්න. මරාගෙන මැරෙන බෝම්බකරුවන්ගේ රූප ලෙස ප්‍රසිද්ධ කිරීමට තරම් මේ අය කර ඇති අපරාධය කුමක් ද? ඔවුන්ගේ රහස්‍යභාවය ආරක්ෂා වන අන්දමින් පරීක්ෂණ පවත්වා අත්අඩංගුවට ගැනීමට පොලීසියට බැරි ඇයි? 


මෙම පරීක්ෂණය කරන බව කියන පොලිස් කාන්තා හා ළමා කාර්යාංශයට මෙම ඡායාරූප අතර සිටින්නන් සියලු දෙනා ම වරදකරුවන් බව සහතික ලෙස පැවසිය හැකි ද? මේ අතර, යම් රැවටීම්වලට හෝ වංචාවලට හෝ දූෂණයට හෝ ලක් වූ අය නැද්ද? ඡායාරූප සංස්කරණයෙන් වෙනත් අයගේ නිරුවත් රූපවලට මේ අයගේ මුහුණු යොදා තිබෙන්නට ඉඩ නැද්ද?


ප්‍රසිද්ධ කිරීමට භාජනය වන පුද්ගලයන් එසේ ප්‍රසිද්ධ කරනු ලැබීම නිසා මුහුණ දෙන ප්‍රශ්නවලට වග කියන්නේ කවුරු ද? 


යම් පුද්ගලයකු වරදකරුවකු වීමට පෙර, ඔහු හෝ ඇය හිංසනයකට ලක් වන තත්වයක් නිර්මානය කිරීම යුක්ති සහගත කරන්නේ කෙසේ ද? 


වරදකරුවන් පුනරුත්ථාපනය කිරීම නම් වන සංකල්පය වෙනුවට වරදකරුවන් සමාජය ඉදිරියේ ගර්හාවට ලක් කිරීම සාධාරණ ද? 


මෙම නින්දිත ප්‍රසිද්ධ කිරීමට විරුද්ධ වන්න. 


ලිංගික ශ්‍රමිකයන්ගේ හිමිකම් ද මානව හිමිකම් ය. 


Bookmark and Share
Bookmark, remember easily and come again  www.w3lanka.com

Popular posts from this blog

බාලචන්ද්‍රන් මරා දමන්නට සිදු වුණේ ඇයි?

විස්කෝතු කන ළමයා

ඔහු මරා දැමූ මිනිසා (The Man He Killed)