පළාත් සභා හීතල වීම හා චූ බර වීම

නැගෙනහිර පළාත් සභාව සභාපතිනි ආරියවතී ගලප්පත්ති විසින් අත්තනෝමතික ලෙස ජනවාරි 12දා දක්වා කල් තබා තිබේ. කල් තැබීමේ හේතු කතා කරමින් ආරියවතී මුත්‍රා බර ගැන ද කියයි. ඇගේ සුළු දිය බෑමේ අවශ්‍යතාව ද මේ පළාත් සභාවේ කලබලය සමග සම්බන්ධ කරගෙන තිබේ. 

අයවැය විවාදය අතරතුර ශ්‍රී ලංකා මුස්ලිම් කොංග්‍රසයේ මන්ත්‍රීවරු හත් දෙනා සභා ලේකම් කාර්යාලයට පැමිණිය ද සභා ගර්භයට නොපැමිණ සිටීම හා ආණ්ඩුවෙන් වෙන්වී ස්වාධීනව කටයුතු කරන සමස්ත ලංකා මුස්ලිම් කොංග්‍රසයේ මන්ත්‍රීන් තිදෙනා ද නො පැමිණීම සමග බල තුලනය වෙනස් වීම මේ පසුපස ඇති ඇත්ත හේතුවයි. පළාත් සභාව කල් දමන්නේ අයවැයවත් සම්මත කර ගන්නේ නැතිව ය.

මේ හා සමාන අන්දමින් ම ගිය සතියේ උෟව පළාත් සභාව කල් දැම්මේ ඒ පැත්තට රැස් විය නො හැකි තරම් සීතලක් ඇති බව කියමිනි. 

ඇඟ හීතල වීම හා චූ බර වීම ඇත්තෙන් ම බියපත් වීම නිසා ද සිදු වේ. මේ සිදු වී තිබෙන්නේ එයයි. 

ආණ්ඩුව බිය වී තිබෙන්නේ පළාත් සභාවල බලය අහිමි වනු ඇතැයි කියා ය.

මේ ලිපිය වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න

ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි. අසභ්‍ය යයි සාමාන්‍ය ව්‍යවහාරයේ පිළි ගැනෙන වචන සම්බන්ධයෙන් සදාචාරවාදී නො වන මුත්, අනුන්ට අපහාස කිරීම සඳහා එවැනි වදන් භාවිතා කර තිබෙන අවස්ථාවලදී ඒවා ඉවත් කිරීමට සිදු වන බව කරුණාවෙන් සලකන්න. එසේම, නීතිමය ගැටලු මතු කරන අදහස් පළ කිරීම් ද ඉවත් කරනු ලැබේ. අදහස් පළ කිරීම සම්බන්ධ කාරණාවලදී සංස්කාරක වගකීම් සමග සහයෝගයෙන් කටයුතු කිරීම බලාපොරොත්තු වෙමු.