පුහුල් හොරා (මහින්දානන්දගේ) කරෙන් දැනේ

රජයේ දේශපාලකයන්ට එරෙහිව තිබෙන අල්ලස්, දූෂණ චෝදනා ගැන විධිමත් අන්දමින් පරීක්ෂණ සිදු නො වීම නිසා පහත වීඩියෝවේ ඇති දර්ශනය වැනි තත්වයන් ඇති වී තිබේ.

අල්ලස් හෝ දූෂණ විමර්ශන කොමිසම ස්වාධීන ආයතනයක් නො වීම පිළිබඳ ගැටලුව ද මෙහි තිබේ. කොමිසමේ සභාපතිවරයාට එරෙහිව ඇති අල්ලස් චෝදනාවක් ගැන ද හරි හමන් පරීක්ෂණයක් සිදු වන්නේ නැත.

මහින්දානන්දට කේන්ති යන්නේ ඇයි? මේ චෝදනාව බොරු ද? තමන් උපයා ගත් වත්කම් සාධාරණ ආකාරයට ම ඉපැයූ ඒවා බව ඔප්පු කිරීමට ඔහුට පුළුවන් ද? 

බැලූ බැල්මට ඇති සාක්ෂි මත චෝදනා ඉදිරිපත් කරන්නට ජනතාවට හැකි විය යුතු ය. නිර්දෝෂීභාවය ඔප්පු කිරීම මහජන නියෝජිතයන්ගේ වගකීමකි. ජනතාව චෝදනා ඔප්පු කළ යුතු නැත. ජනතාවට එය කළ නො හැකි ය. ජනතාව ඒ සඳහා වගකිව යුතු ආයතන පත් කර නඩත්තු කරයි. නියෝජිතයන් ඒ ආයතන කිඩ්නැප් කර තිබේ නම් එහි වරද ජනතාවගේ නො වේ.

ආණ්ඩුවට සම්බන්ධ දෙරණ රූපවාහිනියේදී ඔහුට ඇන්නවීමේ වැඩේ ආණ්ඩුවේ ම ඇතුළේ වැඩක් වන්නට ද පුළුවන. දෙරණට ලයිසන් දුන්නේ ආණ්ඩුව නො වේ. මේ රටේ රජයයි. රජය හා ආණ්ඩුව යනු දෙකකි. ඒ නිසා මෙතැන කන්න දීපු අත හපා කෑමක් නැත. බල්ලෙකු සේ බුරන්නට ගොස් නාගත්තේ මහින්දානන්ද ය.

ජනතාව මේ දේශපාලකයන් ද, අල්ලස් හෝ දූෂණ විමර්ශන කොමිසම ද, සමස්ත අධිකරණ පද්ධතිය ම ද, ජනමාධ්‍ය ද සැක කරති. එය වහා වෙනස් කළ යුතු තත්වයකි. 

ජනාධිපතිවරණයේදී ඔබේ ඡන්දය ඒ වෙනුවෙන් පාවිච්චි කරන්න. ජනාධිපතිවරණයෙන් පසු ද එම තත්වය ඇති කිරීමේ සටන අත නො හැර ගෙන යන්න. 
 



මේ ලිපිය වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න

ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි. අසභ්‍ය යයි සාමාන්‍ය ව්‍යවහාරයේ පිළි ගැනෙන වචන සම්බන්ධයෙන් සදාචාරවාදී නො වන මුත්, අනුන්ට අපහාස කිරීම සඳහා එවැනි වදන් භාවිතා කර තිබෙන අවස්ථාවලදී ඒවා ඉවත් කිරීමට සිදු වන බව කරුණාවෙන් සලකන්න. එසේම, නීතිමය ගැටලු මතු කරන අදහස් පළ කිරීම් ද ඉවත් කරනු ලැබේ. අදහස් පළ කිරීම සම්බන්ධ කාරණාවලදී සංස්කාරක වගකීම් සමග සහයෝගයෙන් කටයුතු කිරීම බලාපොරොත්තු වෙමු.