පොලිස් නිලධාරීන්ට මහජනයා අමතන හැටි උගන්වන රටක් හදමු

(මේ සටහන තබන්නේ පොලිස් නිලධාරියකු මගියකුට අම්මා මතක් කරන අන්දම දැක්වෙන පහත පළ කර ඇති වීඩියෝව සම්බන්ධයෙනි)

පොලිස් නිලධාරියා යනු මහජන සේවකයකු මිස මහජනතාව පොලිස් නිලධාරියාගේ යටත් වැසියකු නො වන රටක් අපට අවශ්‍ය ය.

පොලිස් නිලධාරියා යනු මිනිසුන් වැරදි කිරීම වළක්වන්නට සිටින අයකු මිස වැරදි කරන තුරු බලා සිට දඬුවම් කිරීමෙන් ප්‍රීති වන්නකු නො වන රටක් අපට අවශ්‍ය ය.  

පොලිස් නිලධාරියා යනු තමන්ට වැටුප් ගෙවන මහජනතාවට අම්මා මතක් කරන්නකු නො වන ශිෂ්ට මිනිසකු වන රටක් අපට අවශ්‍ය ය. 

පොලිස් නිිලධාරියා යනු නීතිය තමන් යයි නො සිතන නීතියේ ආධිපත්‍යයට හිස නමන්නකු වන රටක් අපට අවශ්‍ය ය. 

පොලිස් නිලධාරියා යනු මහජනතාවගේ අයිතිවාසිකම්වලට ගරු කරන නිලධාරියකු වන රටක් අපට අවශ්‍ය ය. 

ස්වාධීන පොලිස් සේවයක්, නීතියේ ආධිපත්‍යයක්, මහජන අයිතිවාසිකම්වලට ගරු කරන පාලනයක් වෙනුවෙන් ඔබේ ඡන්දය දෙන්න. 

(මගේ අත්දැකීමක්: ගාලු නගරයේදී දිනක් දේශපාලකයකුගේ රථ පෙළක ආරක්ෂාවට සිටි මෝටර් රියක නැගුණු පොලිස් නිලධාරියකු මගේ කාරය අයින් කර ගන්නැයි කීවේ මෙසේ ය: ඔය හු_ _ අයින් කර ගනින් කැ_ යො. මොවුන් පොලිසියේදී ජනතාවට සංග්‍රහ කරන ආකාරය කවුරුත් දනිති. මේ මහමග ය.)



මේ ලිපිය වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න

ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි. අසභ්‍ය යයි සාමාන්‍ය ව්‍යවහාරයේ පිළි ගැනෙන වචන සම්බන්ධයෙන් සදාචාරවාදී නො වන මුත්, අනුන්ට අපහාස කිරීම සඳහා එවැනි වදන් භාවිතා කර තිබෙන අවස්ථාවලදී ඒවා ඉවත් කිරීමට සිදු වන බව කරුණාවෙන් සලකන්න. එසේම, නීතිමය ගැටලු මතු කරන අදහස් පළ කිරීම් ද ඉවත් කරනු ලැබේ. අදහස් පළ කිරීම සම්බන්ධ කාරණාවලදී සංස්කාරක වගකීම් සමග සහයෝගයෙන් කටයුතු කිරීම බලාපොරොත්තු වෙමු.