අපි විජයග්‍රහණය සමරමු | Let us commemorate the victory
ඊයේ පුත්තලමේදී සිංහල මිනිසකු අත්අඩංගුවට ගනු ලැබුවේ කොටි නායක වේලුපිල්ලෛගේ ඡායාරූපයක් රාමු කළ නිසා ය. දැන් පොලිසිය ප්‍රශ්න කරමින් ඉන්නේ ඔහු සිතන්නේ කෙසේ ද කියා ය.
නීතියක් නො කැඩුව ද ප්‍රභාකරන්ගේ ඡායාරූපය යනු රාමු කර ගත යුතු එකකැයි සිතීම ම වරදකි.
ලංකාවේ වැඩ කරන ජනයාට නිවාඩු දිනයක් දීම හොඳ ය. වැඩ කරගෙන ජනයාට නිවාඩු අවශ්‍ය ය. එහෙත්, මෙතැන ප්‍රශ්නය වන්නේ බොහෝ රජයේ සේවකයන් නිවාඩු නො වන සෙසු දිනවල ද වැඩ නො කිරීමයි.
යුද්ධයෙන් වසරක් ඉක්ම ගොස් හමාර ය. එහෙත්, ලංකාවේ තිබෙන එක ම වෙනස තැන තැන බෝම්බ නො පිපිරීම පමණි. රට සංවර්ධනයේ මාවතකට පිවිස නැත. නව ආයෝජන හෝ සංචාරක වැනි කර්මාන්තවලට අදාළව ආණ්ඩුව ගසන පම්පෝරිවලට සාපේක්ෂව සිදු වන දෙයක් නැත.
සිදු වන එක දෙයක් ඇත. එනම්, විවෘත මුල්‍ය වෙළඳපොළෙන් ඉහළ පොලියට ලබා ගත් ණයෙන් සිදු වන යටිතල පහසුකම් සංවර්ධනය නම් වන කොමිස් ජාවාරමයි.
රටේ ණය බර දිනෙන් දින ඉහළ යමින් තිබේ.
රටේ සියලු ප්‍රශ්නවලට වඩා දැන් ප්‍රමුඛ වී තිබෙන්නේ ජනාධිපතිවරයාට තව වාර කීයක් ජනාධිපති පුටුවේ වැජඹිය හැකිද යන්න හා ඔහුගේ අනුප්‍රාප්තිකයා කවුරුද යන්නයි.
අපි සිකුරාදා නිවාඩු දිනයේ දවල් වී අවදි ව රූපවාහිනිය ඉදිරිපිට වාඩි වී විජයග්‍රහණයක් සමරන්නෙමු.
You may also like to read our English blog Lanka Polity
Comments
Post a Comment
මාතෘකාවට අදාළ නැති හා වෛරී අදහස් ඉවත් කිරීමට ඉඩ ඇති බව කරුණාවෙන් සලකන්න.