W3Lanka: Praja.lk Backup

දැන් කිඹුල් කඳුළු හැලුවාට සමහර රටවලට වුවමනා වුණේ අප ලව්වා ප්‍රභාකරන්ව ඝාතනය කරවන්නයි. පාර්ලිමේන්තුවේදී මේ ප්‍රකාශය කරන්නේ ඇමති බැසිල් රාජපක්ෂයි. දැන් අපි සිංහලයන්ගේ ආරක්ෂක උපදේශක කීර්ති වර්ණකුලසූරියගේ හා නලින් ද සිල්වා, චම්පික රණවක, විමල් වීරවංශ ඇතුළු ජාතිවාදීන්ගේ ඉදිරිපත් කිරීම් සමග තබා බැලුවා ම ලොකු පරස්පරයක් තිබෙනවා. ඔවුන් කියන පරිදි බටහිර අධිරාජ්‍යවාදීන්ට, ඉන්දියාවට එහෙම උවමනා වුණේ ප්‍රභාකරන් ලවා ලංකාව දෙකඩ කර ඔවුන්ට ගැති දෙමළ ඊලමක් බිහි කර ලෝකයේ උතුම් ම ජාතිය වන සිංහලයන්ට කෙළවන්න නේ. ඇමති බැසිල් කියන්නේ ඔය චම්පික රණවක වගේ ආප්පේ වාටිය කන කෙනෙක් නොවෙයිනේ. එයා ආප්පය තම්බන කෙනෙක්. ඇතිතට ම තතු දත් කෙනෙක්. ඒ නිසා මේක පැහැදිලි කාරණයක්. ඒ කියන්නේ බටහිරට උවමනා වුණා මහින්ද ලවා ප්‍රභාකරන්ට ගේම දෙන්න. හොඳයි, තව මොනවද ඕනැ වෙන්න ඇත්තෙ? ලංකාව චීනය වෙත නැඹුරු වෙන්නට නො දී ඉන්දියාවත් සමග සිටිමින් ගෝලීය ධනවාදයේ වැඩසටහන අනුගමනය කිරීම බලාපොරොත්තු වෙන්න ඇති. මීට කලිනුත් ‍මේ කඳවුර විසින් ලංකාවට ඒ වෙනුවෙන් ආධාර කරන්න පවා සූදානම් වුණා නේ. ලංකාවේ සුළුතර ජාතීන්ගේ බලය සඳහා ඉල්ලීම ඉටු වන පරිදි ...

ප්‍රභාකරන්ගේ උපන් දිනයත්, මොනරවිල කැප්පෙටිපොල ඝාතනය කළ දිනයත් නොවැම්බර් 26දා ය. 1818 නොවැම්බර් මස 26 වැනිදා පෙරවරු 8.00 ට බෝගම්බර වධකාගාරයේදී මොනරවිල කැප්පෙටිපොල සෙනෙවියා හිස ගසා මරා දමන ලදී. ප්‍රභාකරන් උපන්නේ ඉන් වසර 136කට පසුවයි. ඉංග්‍රීසීන් විසින් ලංකාව පාලනය කරන ලද සමය තුළ ලංකාවේ කැප්පෙටිපොල සමරන්නට ඉඩක් තිබුණේ නැත. එහෙත් කැප්පෙටිපොල සිංහල මිනිසුන්ගේ හදවත්වල වීරයකු ලෙස ජීවත් වූයේ ය. නිදහසින් පසු ඔහු ජාතික වීරයකු ලෙස නම් කරන ලදී. කැප්පෙටිපොල නායකත්වය දුන් වෙල්ලස්සේ කැරැල්ලේදී කැරැලිකරුවන්ගේ ප්‍රචණ්ඩත්වය සිය දහස් ගණනින් ඉක්මවා යන ප්‍රචණ්ඩත්වයක් පාලකයන් වෙතින් දියත් විය. ප්‍රභාකරන්ගේ තත්වය වෙනස් ය. ඔහු විසින් දියත් කරන ලද සටන ප්‍රචණ්ඩත්වය අතින් පාලකයින්ට නො දෙවෙනි එකකි. දශක ගණනාවක් තිස්සේ ඇදී ගිය එය අවසානයේදී තිරශ්චීන පරාජයකින් කෙළවර විය. ඔහු යටත් වූ බවක් වාර්තා වන්නේ නැත. ඔහු මිය යන්නේ සටනේදී ය. ප්‍රභාකරන් යනු දෙමළ ජාතික විමුක්ති අරගලයේ සංකේතයකි. ඔහු විසින් දෙමළ ජාතියටත්, පොදුවේ ලංකාවටත්, සමස්ත ලෝකයටත් කරන ලද දේශපාලනික මැදිහත්වීම සුළුපටු එකක් නො වේ. ඔහු වීරයෙකු හෝ ද්‍රෝහි...

1987 වසර. - ප්‍රභාකරන් ඉවුම් පිහුම්වල ඇලුම් කළ කෙනෙකු බව ඇඩෙල් බාලසිංහම්ගේ 'විල් ටු ‍ෆ්‍රීඩම්' පොතේ දැක්වේ.  මම පශ්චාත් යුද සංචාරකයකු ලෙස උතුර‍ට ගොස් නැත. එහෙයින් හමුදාව විසින් පසුගිය කාලයේ ප්‍රදර්ශනය කරමින් සිටි ප්‍රභාකරන්ගේ යයි කියන බංකරය ද දැක නැත්තෙමි. මට එය බලන්නට උවමනාවක් තිබුණේ ද නැත. ප්‍රභාකරන් සැතපුණ තැන් ඔය වන්නියේ හා ලංකාවේ උතුරේ තවත් බොහෝ තිබෙනවා විය හැකි ය. ඔහු‍ගේ මේ බංකරය ආණ්ඩුව විසින් හඳුන්වා දෙනු ලැබුවේ සුඛෝපභෝගී බංකරයක් ලෙසයි. වියන් ඇඳක්, පුටුවක්, දියවැඩියා රෝගියකු විසින් පාවිච්චි කරන්නට ඇතැයි සිතෙන ශීතකරණයකට ආදේශක උපකරණයක් වැනි දේ ඇති, වාතාශ්‍රය නැති, කළුවර, සීතල කුටියක් සුඛෝපභෝගී යයි සිතන්නට මට නම් හේතුවක් නැත. එහෙත්, ආණ්ඩුවෙන් කී නිසා බොහෝ ජනමාධ්‍ය ද එය ප්‍රභාකරන්ගේ සුඛෝපභෝගී බංකරය ලෙස හැඳින්වූයේ ය.  මේ බංකරය දෙස බැලූ විට මට නම් පෙනෙන්නේ ප්‍රභාකරන් විසින් ගත කර තිබෙන්නේ අතිශය කටුක ජීවිතයක් බවයි. ඔහුගේ සුඛෝපභෝගී ජීවිතය විස්තර කිරීම සඳහා යොදා ගනු ලබන සෙසු ඡායාරූප ද එවැනි ය. මිතුරකුගේ නිවසේ සාමාන්‍ය කෑම මේසයක්, සැබෑ පිහිනුම් තටාකයකට කිසි සේත් සමාන...

ප්‍රභාකරන්ගේ බාල පුත් බාලචන්ද්‍රන් මරා දමන්නට මොහොතකට පෙර ගත් බව කියැවෙන තවත් ඡායාරූප කීපයක් මාධ්‍යයට නිකුත් වී තිබේ. බාලචන්ද්‍රන් බාල දරුවෙකි. අත්අඩංගුවට ගෙන ඔහු මරා දැමුවානම් එය පැහැදිලිවම යුද අපරාධයකි.  කොටි සංවිධානය යුද අපරාධවල නියැලුණ බව කවුරුත් දනිති. කොටින් විසින් කපා කොටා මරා දමන ලද දරුවන්ගේ සිරුරු මේ ලේඛකයා පදවියේදී හා හේරත්හල්මිල්ලෑවේදී සියැසින් දැක තිබේ. කොටි සංවිධානය ළමා සොල්දාදුවන් යොදාගත් බවද සත්‍යයකි.  කොටි සංවිධානයේ නායකයා මේ යුද අපරාධවලට වගකිව යුතුය. එසේම, තවමත් ජීවතුන් අතර සිටින කරුණා අම්මාන්, කේ.පී. හා වෙනත් විදෙස්ගත කොටි නායකයන් මෙම යුද අපරාධ ච ෝදනාවලට වලට පිළිතුරු දිය යුතුය.  එහෙත්, ප්‍රභාකරන්ගේ පුත්‍රයා වූ බාලචන්ද්‍රන් බාල දරුවෙකි. ඔහු අත්අඩංගුවට ගෙන වෙඩි තබා මරා දැමීම යුද නීති, මානව හිමිකම් නීති පමණක් නොව සාමාන්‍ය මිනිස් ගුණධර්මවලටද පටහැනි තුච්ඡ ක්‍රියාවක් බව කිව යුතු නොවේ.  මේ පිළිබඳ කතා කිරීමේදී ප්‍රභාකරන් අච්චර මැරුවා, මෙච්චර මැරුවා ආදී වශයෙන් කීම තේරුමක් නැත. මන්ද බාලචන්ද්‍රන් බාල දරුවෙකි. එ ක් අපරාධයක් විසින් ඇති කරනු ලබන සමා...

(2010 ජුනි 18,  W3Lanka )  අද 2009 මැයි 18දා දෙමළ කැරැලි නායක ප්‍රභාකරන් මරා දමා රටේ සියලු ප්‍රදේශ මධ්‍යම ආණ්ඩුවේ ග්‍රහණයට යටත් කර ගත් විජයග්‍රහණයට වසරක් පිරීම නිමිත්තෙන් වසරකුත්, මාසයකට පසුව සමරුවක් පැවැත්වෙන දිනයයි. වසරක් පිරෙන දිනයේ අපට මෙම සමරුව පවත්වන්නට බැරි වුණේ මහ වැසි හේතුවෙන් ලක්ෂ පහක් ජනයා අවතැන් වී සිටි හෙයිනි. ඊයේ පුත්තලමේදී සිංහල මිනිසකු අත්අඩංගුවට ගනු ලැබුවේ කොටි නායක වේලුපිල්ලෛගේ ඡායාරූපයක් රාමු කළ නිසා ය. දැන් පොලිසිය ප්‍රශ්න කරමින් ඉන්නේ ඔහු සිතන්නේ කෙසේ ද කියා ය.  නීතියක් නො කැඩුව ද ප්‍රභාකරන්ගේ ඡායාරූපය යනු රාමු කර ගත යුතු එකකැයි සිතීම ම වරදකි.  ලංකාවේ වැඩ කරන ජනයාට නිවාඩු දිනයක් දීම හොඳ ය. වැඩ කරගෙන ජනයාට නිවාඩු අවශ්‍ය ය. එහෙත්, මෙතැන ප්‍රශ්නය වන්නේ බොහෝ රජයේ සේවකයන් නිවාඩු නො වන සෙසු දිනවල ද වැඩ නො කිරීමයි.  යුද්ධයෙන් වසරක් ඉක්ම ගොස් හමාර ය. එහෙත්, ලංකාවේ තිබෙන එක ම වෙනස තැන තැන බෝම්බ නො පිපිරීම පමණි. රට සංවර්ධනයේ මාවතකට පිවිස නැත. නව ආයෝජන හෝ සංචාරක වැනි කර්මාන්තවලට අදාළව ආණ්ඩුව ගසන පම්පෝරිවලට සාපේක්ෂව සිදු වන දෙයක් නැත.  ...

(2010 ජනවාරි 10 -W3Lanka) වේලුපිල්ලෛ ප්‍රභාකරන්ගේ පියා වන අභාවප්‍රාප්ත වීරසාමි තිරුවේංගඩාම් වේලුපිල්ලෛ (86) මහතාගේ අවමංගල්‍ය උත්සවයේදී කතාවක් පැවැත්වූ නව සමසමාජ පක්ෂයේ දේශපාලන මණ්ඩල සභික, මාධ්‍ය සේවක වෘත්තීය සමිති සම්මේලනයේ ලේකම් හා ජනාධිපති අපේක්ෂක ආචාර්ය වික්‍රමබාහු කරුණාරත්නගේ කලුතර දිස්ත්‍රික් නියෝජිත ධර්මසිරි ලංකාපේලි වැල්වැටිතුරෛ පොලිසිය විසින් අත්අඩංගුවට ගෙන තිබේ.  මේ වන විට විග්‍රමබාහු කරුණාරත්නගේ ප්‍රධාන මැතිවරණ නියෝජිතයා වන චමිල් ජයනෙත්ති ද වැල්වැටිතුරෛ පොලිසියේ සිටින බව පවසන ආචාර්ය කරුණාරත්න සිය මැතිවරණ නියෝජිතයන් මෙසේ අත්අඩංගුවට ගැනීම මැතිවරණ නීති උල්ලංඝනය කිරීමක් බව පවසයි. වේලුපිල්ලෛ මහතා වැල්වැටිතුරෛ කෝවිල් භාරකාර ප්‍රභූ පවුලකින් පැවත එන විශ්‍රාමික රජයේ සේවකයෙකි. සිය බාල පුත් වේලුපිල්ලෛ ප්‍රභාකරන්ගෙන් ඈත්ව දීර්ඝ කාලයක් දකුණු ඉන්දියාවේ සරණාගතයකු ලෙස ජීවත් වූ ඔහු සහ බිරිඳ පසුගිය සටන් විරාම කාලයේදී වන්නියට පැමිණ මල්ලාවිහි ජීවත් වූහ. ප්‍රභාකරන්ගේ පියා වීම නම් 'චෝදනාව' හැර අන් 'වරදක්' වේලුපිල්ලෛ කර ඇති බවක් කිසිවෙක් නො පවසති. යුද්ධයේ අවසානයත් සමග අවතැන්...

කීර්ති වර්ණකුලසූරිය (දිවයින 2009-12-19) ප්‍රභාකරන්ගේ සිරුර සොයාගත්තේ නන්දිකඩාල් කලපුවේ තිබියදී යෑයි මේජර් ජෙනරාල් ශවේන්ද්‍ර සිල්වා පෙරේදා සවස පැවසීය. රාජකීය ආසියාතික සමාජය මහවැලි කේන්ද්‍රයේදී සංවිධානය කළ දේශනයක්‌ අමතමින් හෙතෙම එලෙස කියා සිටියේය. සටන්බිමේදී කොටි නායකත්වය විනාශවීම රහසක්‌ නොවෙයි. මේ නිසා ප්‍රභාකරන්ගේ අවසානය කුමක්‌ වූයේ ද ඔහු කොළඹට ගෙන ගියා ද? ඔහුට කවුරුහරි කම්මුලට ගැහුවාද එසේම ඔහුගේ හිසට වෙඩි තිබ්බා ද නැත්නම් ඔහුගේ හිස කොළඹ තිබෙන්නේ ද වැනි ප්‍රශ්න මගෙන් නො අසනු ඇතැයි බලාපොරොත්තු වෙනවා යෑයි මේජර් ජෙනරාල්වරයා සඳහන් කළේය. රජය සහ හමුදාව ඒකාබද්ධව දියත් කළ සාමුහික ක්‍රියාදාමයේ ප්‍රතිඵලය වුයේ ඓතිහාසික ජයග්‍රහණයයි. ආරක්‍ෂක ලේකම්වරයා හමුදාව නංවාලීමට ක්‍රියා කළා. අපේ සේනාංකය අවසාන කොටි බලකොටුව වෙත ප්‍රහාරයක්‌ එල්ල කිරීමට කිලෝ මීටර් 203 ක්‌ ගමන් කළා යෑයි හෙතෙම පැවසීය. වන්නි යුද මෙහෙයුමේ අවසාන අවස්‌ථාවේ තම හමුදා මුහුණදුන් දුෂ්කරතා කොතෙක්‌ දැයි ශවේන්ද්‍ර සිල්වා මහතා මෙහිදී පැහැදිලි කළේය.

(2009 දෙසැම්බර් 18 - W3Lanka ) කොටි නායක ප්‍රභාකරන්ගේ දියණියගේ යයි කියන ඡායාරූප කීපයක් අන්තර්ජාලයේ පළ වී තිබේ.  මෙම ඡායාරූපය ප්‍රභාකරන්ගේ දියණිය ද්වාරකාගේ යයි තහවුරු වී නැතත් ඒ පිළිබඳව ආරක්ෂක හමුදා සමග ළඟ සම්බන්ධකම් ඇති දිවයින පුවත්පතේ ආරක්ෂක වාර්තාකරු කීර්ති වරණකුලසූරිය පවසන්නේ මෙසේ ය.  ශ්‍රී ලංකා හමුදාව විසින් ප්‍රභාකරන්ගේ දියණිය ද්වාරකාව අමානුෂික ලෙස ඝාතනය කර ඇති බවට ඇඟවීමේ අරමුණින් ඇයගේ ඡායාරූපයක්‌ කොටි වෙබ් අඩවි මගින් ඊයේ (17 දා) ලොව පුරා විකාශය කිරීම සම්බන්ධයෙන් රජය විමර්ශනයන් අරඹා ඇත. සයවැනි ජනාධිපතිවරණය සඳහා නාමයෝජනා බාරදීම සිදුවීමට පැය පහකට පෙර කොටි ජාත්‍යන්තර ජාලය විසින් මෙකී ඡායාරූප විකාශය කර ඇතැයි මේ වන විට හෙළිවී තිබේ. මෙය ඉතාම සැලසුම් සහගතව කළ කුමන්ත්‍රණකාරී ක්‍රියාවක්‌ යෑයි ජ්‍යෙෂ්ඨ ආරක්‍ෂක නිලධාරියෙක්‌ පැවසීය. මීට පෙර ප්‍රභාකරන්ගේ පුතුන් දෙදෙනාගේ යයි සැක කෙරෙන ඡායාරූප කීපයක් ද අන්තර්ජාලයේ තිබී අපට හම...

(2009 දෙසැම්බර් 13 - W3Lanka ) ලංකාවේ රජය කොටි නායක වේලුපිල්ලෛ ප්‍රභාකරන්ගේ මරණය පිළිබඳ ඉන්දියාවට ඊයේ නිල වශයෙන් දැනුම් දී ඇති බව පී.ටී.අයි. පුවත් සේවය වාර්තා කළේ ය. මුලතිව් දිස්ත්‍රික්කයේ නන්දිකාඩල්හි යුද මුක්ත කලාපයේදී සොයා ගන්නා ලද බව කියැවුණ මාරාන්තික තුවාල සහිත ප්‍රභාකරන්ගේ සිරුර මැයි 18දා ජනමාධ්‍ය විසින් ප්‍රදර්ශනය කරන ලදී. 1991 මැයි 21දා දකුණු ඉන්දියාවේ ශ්‍රීපෙරුම්බුදුර්හිදී ඉන්දියාවේ හිටපු අගමැතිවරයකු වූ රජීව් ගාන්ධි මරාගෙන මැරෙන බෝම්බකාරියක මගින් ඝාතනය කිරීම සඳහා නියෝග දුන්නේ ප්‍රභාකරන් විසින් යයි ද, එය ක්‍රියාත්මක කරනු ලැබුවේ ඔහුගේ ඔත්තු සේවා නායක පොට්ටු අම්මාන් විසින් බව ද නඩු විභාගයේදී ඔප්පු විය. මෙම නඩුවේ කටයුතු අවසන් කිරීම සඳහා ඉන්දියාව විසින් ප්‍රභාකරන්ගේ හා පොට්ටු අම්මාන්ගේ මරණ පිළිබඳ නිල තොරතුරු ඉල්ලා තිබිණි. පොට්ටු අම්මාන්ගේ මළ සිරුරක් හමු නොවූ මුත් ඔහුගේ මරණය නියත වශයෙන් ම සිදු වී ඇති බව ලංකාවේ රජය පවසයි.

(2009 නොවැම්බර් 26 - W3Lanka ) නැසී ගිය කොටි නායක වේලුපිල්ලෛ ප්‍රභාකරන්ගේ 55වන උපන් දිනය අදයි.  ඔහු රජයේ සේවයේ සිටියා නම් අද විශ්‍රාම යා යුතු ය. එහෙත් දේශපාලකයන්ට එවැනි විශ්‍රාම යන දිනයක් නැත. ඔහු දේශපාලකයකුටත් වඩා කැරළි නායකයෙකි. දේශපාලන අරමුණු සඳහා ත්‍රස්තවාදය පාවිච්චි කළ නායකයන් අතරින් එක් අයෙකි. පසුගිය වසරේ ඔහු සිය උපන් දින සැමරුම සඳහා වූ උත්සව අවලංගු කළේ ය. හේතුව ප්‍රකාශයට පත් නො කරන ලද මුත්, ඒ වන විට කිලිනොච්චි නගරය රජයේ හමුදා අතට පත් වන්නට ආසන්න වී තිබිණි. එදා ආරක්ෂක ලේකම් ගෝඨාභය රාජපක්ෂ පැවසුවේ ඒ ප්‍රභාකරන්ගේ අවසන් උපන් දිනය බවයි.  නොවැම්බරයේ උපන් මහින්ද රාජපක්ෂ නොවැම්බරයේ උපන් ප්‍රභාකරන්ගේ ජීවිතය අවසන් කළේ ය.  හෙට දෙමළ ඊලාම් විමුක්ති කොටි සංවිධානයේ මහ විරු දිනයයි. මේ වනාහි ප්‍රභාකරන් නැති ලෝකයක සැමරෙන හෝ නො සැමරෙන පළමු මහවිරු දිනයයි.

(2009 ඔක්තෝබර්  26 - W3Lanka ) කොටි සංවිධානයේ නායක වේලුපිල්ලෛ ප්‍රභාකරන් රජයේ හමුදාවලට යටත් වීමෙන් පසු වධ දී මරා දරන ලද බවට ශ්‍රී ලංකා ගාඩියන් වෙබ් අඩවිය විසින් අවසන් වෙහෙයුමෙන් බේරී රටින් පළා ගිය ප්‍රභාකරන්ගේ ශරීරාරක්ෂකයකු සහ රජයේ බුද්ධි නිලධාරීන් ඇතුළු මූලාශ්‍ර තුනක් පාදක කර ගනිමින් ලියන ලද ප්‍රවෘත්තිය රජය ප්‍රතික්ෂේප කරයි. මේ පිළිබඳ ප්‍රංශ පුවත් සේවයට රජයේ ප්‍රකාශකයකු පවසන්නේ හමුා නිලධාරීන් යුද අපරාධ අධිකරණ වෙත ගෙන යාමේ අරමුණින් මෙම පුවත් ප්‍රබන්ධ කරන බවයි.  කොටි නායකයා වීරයකු ලෙස මිය නො ගිය බව රජයේ හා හමුදා ප්‍රකාශකයන් වරින් වර කියා ඇති නමුදු රජය මෙන් ම කොටි සංවිධානය ද නිල වශයෙන් ප්‍රකාශ කර ඇත්තේ ප්‍රභාකරන් අවසන් සටනේදී සටන් කර මිය ගිය බවයි. හිසේ දරුණු කැපුම් තුවාලයක් සහිත ඔහුගේ සිරුර මාධ්‍ය ඔස්සේ ප්‍රදර්ශනය කරන ලදී.

(2009 ජුලි 19) නායකයා දැන් දැන් අපට විවෘතවම හා ලජ්ජා විරහිත අන්දමින් රජෙකි. එහෙත් ඇත්තෙන්ම ඔහු (නායකයා පිරිමියෙකි) හැසිරෙන්නේ දෙවියකු ලෙසයි.  ප්‍රභාකරන් උතුරේ සමාජය හමුවේ දෙවියකු ලෙස පෙනී සිටීමට උත්සාහ කළේය. දැන් මහින්ද රාජපක්ෂ රජකු ලෙස පෙනී සිටියි.  එහෙත් ඔබාමාගේ බලයට පැමිණීමෙන් සංකේතවත් වන සුසමාදර්ශීය වෙනස තුළ බටහිර සමාජයේදී නායකයා වැඩි වැඩියෙන් මිනිසකු බව හුවා දක්වනු ලැබේ.