W3Lanka: Praja.lk Backup

මේ වන විට ආණ්ඩුවත්, විපක්ෂයත් පැහැදිලිව හඳුනාගත නො හැකි අමුතුම පාලනයක් ලංකාවේ බිහි වී තිබේ. එය කෙතරම් අවුල් සහගත තත්වයක් ද යත් පාර්ලිමේන්තුවේ විපක්‍ෂනායක ධුරය හිමිවිය යුත්තේ කාටද යන්න තමන්ටද ගැටලුවක්‌ව ඇතැයි කතානායක චමල් රාජපක්ෂ මාර්තු 24 දා පාර්ලිමේන්තුවේදී ප්‍රකාශ කළේ ය. මේ පිළිබඳ කතා කරමින් ජවිපෙ නායක අනුර කුමාර පෙන්වා දුන්නේ මෙය හවුල් ආණ්ඩුවක් බවත්, ආණ්ඩුවට සම්බන්ධ වූ පක්ෂයේ ම කොටසක් විපක්ෂයේ ද සිටීම පාර්ලිමේන්තු සම්ප්‍රදායට හා ප්‍රජාතන්ත්‍රවාදයට හිතකර නැති බවත් ය. එහෙත්, 2005 සිට ම මේ තත්වය තිබිණි. විපක්ෂ එක්සත් ජාතික පක්ෂයේ මන්ත්‍රීවරු පිරිසක් ආණ්ඩුව සමග එක් වී හවුල් ආණ්ඩුවක ස්වරූපයෙන් කටයුතු කරද්දී එජාපය විපක්ෂ නායක ධුරය ද හෙබවූයේ ය. මහින්දගේ දෑත් ශක්තිමත් කරන්නට ගිය එජාප මන්ත්‍රීවරු කිසිවෙක් තමන් එජාපයෙන් ඉවත් වූ බව නිල වශයෙන් පිළි ගත්තේ නැත. එදා තත්වයත් අද තත්වයත් අතර වෙනස වන්නේ එදා විපක්ෂ නායකයා එය අනුමත නො කිරීම හා අද විපක්ෂ නායකයා එය අනුමත කිරීම පමණි. මේ අනුමත කිරීම ද ඇත්තෙන් ම වචන පමණි. එදා මේ චමල් රාජපක්ෂට ම මෙවැනි ගැටලුවක් එදා ඇති වූයේ නැත. මහින්ද රාජපක්ෂගේ මූලික...

රනිල් වික්‍රමසිංහ හා මහින්ද රාජපක්ෂ අතර අශුද්ධ සන්ධානයක් පිළිබඳ බරපතල සැකයක් මතු වේ. අපි මේ පිළිබඳව මුල් ම අනතුරු ඇඟවීම කළේ ජනවාරි 09 උදෑසන කුමන්ත්‍රණ සිද්ධි සමගයි. එම ලිපිය ‍මෙතැනින් කියවන්න >> ජන අරගලය පාවා දුන්නා ද? ආණ්ඩුව බලයට පත් වී මාසයකුත් සතියක් ඉක්ම ගොසිනි. දින සීයේ වැඩසටන තරමක් දුරට සාර්ථකව ක්‍රියාත්මක වෙමින් තිබේ. එහෙත් එක් ප්‍රබල අඩුපාඩුවක් ඇත. ඒ රාජපක්ෂ රජයේ මහා වංචනිකයන්ට හා දූෂිතයන්ට එරෙහිව නීතිය ක්‍රියාත්මක වන ආකාරයක් දක්නට නො ලැබීමයි.  මහින්ද, ගෝඨාභය, බැසිල්, නාමල්, යෝෂිත, රෝහිත අබේගුණවර්ධන, ඩලස් අලහප්පෙරුම, දුමින්ද සිල්වා, මහින්ද බාලසූරිය වැනි අංක එකේ දූෂිතයෝ නිදැල්ලේ සිටිනවා පමණක් නොව  දැන් දැන් ඔවුන්ගේ ඇම්බැට්ටයෝ දූෂණ විරෝධී ජන බලවේගවලට කෝචොක් කිරීමට ද පටන් ගෙන තිබේ. " කෝ තොපි දූෂණ ඇල්ලුවා ද?" යි ප්‍රසිද්ධියේ අසන ඔවුහු ඉහත කී පුද්ගලයන් නිර්දෝෂී බව ප්‍රවර්ධනය කරන්නට එම තත්වය භාවිතා කරති.  එපමණකින් නො නැවතී මේ ප්‍රතිගාමීන් නැවත දේශපාලනයට ගෙන ඒම සඳහා පිඹුරුපත් ද සකස් කර තිබේ. පෙබරවාරි 18දා කොළඹදී පැවැත්වෙන රැළිය උදාහරණයකි.  මෙම තත්ව...

එක්සත් ජාතික පක්ෂයේ ගැටුම මාතරදී පොලු මුගුරු ලෙලවා ගැනීම දක්වා උත්සන්න විය.  පහර දීම පිටුපස මංගල සමරවීර සිටි බවට චෝදනා එල්ල වේ. මංගල චන්ද්‍රිකාගේ කාලයේ මෙවැනි දේ කිරීමෙන් අත්දැකීම් ලබා ඇති පරිණත පුද්ගලයෙකි.  එහෙව් මංගලට පසුගිය දිනෙක සජිත් ප්‍රේමදාස නපුංසකයා යි කීවේ ය. මංගලට පිරිමිකම පෙන්වන්නට ඕනෑ වුණාදැයි අපි නො දනිමු. මන්ද, බොහෝ අය චන්ඩිකම පිරිමිකම සමග සම්බන්ධ දෙයකැයි සලකති. එක්සත් ජාතික පක්ෂයේ කුළල් කා ගැනීම් ගැන අපට කීමට දෙයක් නැත. මන්ද, එක්සත් ජාතික පක්ෂය මේ රටේ ප්‍රශ්නයේ ම කොටසක් මිස ප්‍රශ්නවලට විසඳුමක් නො වේ. රනිල් පන්නන පෙළපාලිය මාතරට පිවිසෙන විට එය පිළි ගන්නට පොලු මුගුරු ගත් මැරවර පිරිසක් සූදානම්ව සිටියදී මාතර පොලිසිය සිටියේ කොහේදැයි අපි නො දනිමු. ප්‍රහාරයට ආණ්ඩුවේ සහයෝගය තිබෙන්නට ඇති බව පෙනේ.  මහින්ද රාජපක්ෂ ජනාධිපතිවරයාට සිය පැරණි මිතුරා වන මංගල සමරවීර ගැන අලුත් ආදරයක් ඇති වී තිබෙන බව පෙනේ.  එහෙත් අපි මහින්දට මල් මිටක් දෙන්නට යන්නේ ඒ නිසා නො වේ. සජිත් මංගලට කී නපුංසක කතාව සම්බන්ධයෙන් මහින්ද දක්වන ලද ප්‍රතිචාරයක් නිසා ය. පසුගියදා කතරගම පැ...

කරුණු කීපයක් නිසා මහින්ද රාජපක්ෂ පාලනය අර්බුදයට ගොස් තිබේ. ඉන් පළමුවැන්න ආර්ථික කළමනාකරණයේ අසමතුලනයයි. ඔවුන් විසින් ලංකාවේ ප්‍රවර්ධනය කරමින් සිටින සංචාරක කර්මාන්තය (හා විදේශ රැකියා) මූලික කරගත් ආර්ථිකය සඳහා අවශ්‍ය යටිතල පහසුකම් සංවර්ධනය සඳහා ඔවුන් දරන පිරිවැය මේ වනවිට ලංකාවේ ජනතාව මත සුවිසල් බදුබරක් පටවා ඇත. මෑතදීම කරන ලද පෙට්‍රල් මිළ වැඩිකිරීම මේ බදුබරේ අලුත්ම පියවරයි. සියලු බර දරා සිටින මහජන බූරුවාගේ කොන්ද කැඩෙන පිදුරු ගස කොයි මොහොතේ හෝ පටවන්නට ඉඩ තිබේ. දෙවැන්න, ප්‍රජාතන්ත්‍රවාදය පිළිබඳ කාරණයයි. ස්වභාවිකවම ප්‍රජාතන්ත්‍රවාදයට නැඹුරුවක් නැති ග්‍රාම්‍ය මානසිකත්වයක් සහිත පාලක පවුල තමන් විසින්ම පත් කරගන්නා ලද දූෂිත අගවිනිසුරුවරියට එරෙහිව මතු කරගෙන ඇති දෝෂාභියෝග අර්බුදය සියතින්ම කරගන්නා ලද හානියකි. දුර්වල පෞරුෂයක් වන අගවිනිසුරුවරිය පාලනය කරගැනීම සඳහා ඇය විසින්ම ඇද දී තිබුණු රැහැන් පාවිච්චි නොකර, ඒකාධිපතිවාදී සංදර්ශනයක් පවත්වන්නට යාමෙන් මේ වනවිට පාලක‍ රෙජිම පස්ස බිම ඇනගෙන ඇත. බටහිරට ලෝක ආධිපත්‍යය අහිමි වෙමින් තිබෙන වත්මන් සංදර්භය තුළ බටහිරට ගැලවුම ඇත්තේද ප්‍රජාතන්ත්‍රවාදය ප්‍රවර්ධනය...

සුබ උපන්දිනයක් වේවා! මෙම ලේඛකයා කිසිකලෙක ඔබතුමාට ඡන්දයක් දී නැත. දැනටනම් දෙන්නට බලාපොරොත්තුවක්ද නැත. එයට හේතුව ඔබතුමාගේ ජාතිවාදයෙන් තෙම්පරාදු කරන ලද ධනවාදී හා ඒකාධිපතිවාදී දේශපාලන ප්‍රතිපත්ති අපට කිසිසේත්ම ගෝචර නොවීමයි. සුළුතරයක් වන අප වැනි අයට ගැලපුණත්, නැතත්, ඔබේ ප්‍රතිපත්ති මේ රටේ බහුතරයක් වන දූෂිත ජනතාවට හොඳින් ගැලපේ. ඒ නිසා ඔබතුමා මේ රටේ ජනාධිපති ලෙස වැජඹෙනඑකට අප විරුද්ධවීමෙන් පලක් නැත. ඔබතුමා මේ රටේ ජනතාවට ඉදිරියෙන් සිටිමින් ඔවුන්ට මග පෙන්වන නායකයකුට වඩා ඒ ජනතාව පස්සේ සිට උන් යන අත බලා, කෙවිටෙන් තළා රැළම ඒ පැත්තට දක්කමින් තමනුත් හයියෙන් හයියෙන් ඒ පැත්තට යන අපූරු ගොපල්ලෙකි. ඔබතුමාට විරුද්ධ අය මොන මොනවා කීවත්, ඔබතුමා විසින් ලංකාවේ දැවැන්ත විප්ලවයක් සිදුකර තිබෙන බව පිළිගැනීමට සිදුවේ. මේ විප්ලවය කුමක්ද කියා හඳුනාගතයුතුය. පසුගිය දිනවල ලංකාවේ සැරිසැරූ ලෝකබැංකු කළමනාකාර අධ්‍යක්ෂවරිය ඔබේ ආණ්ඩුවට ප්‍රශංසා කළාය. ඒ ලෝකබැංකුවට ලංකාව සම්බන්ධ කළ ප්ලග් ගැලෙව්වාය කී ඔබ රනිල් වික්‍රමසිංහටත් වඩා හොඳට ලෝකබැංකු වැඩසටහන හෙවත් ධනවාදය ලෝකබැංකුවේ ආධාරත් නැතිව ගිනි පොළියට ගත් ණයවලින් ඉදිරියට ...

මියුසියස් විද්‍යාලයේ රංග ශාලාවක් විවෘත කිරීමේ උත්සවයකදී ජනාධිපතිතුමා හරවත් කතාවක් කර ඇත. එහි එක් කරුණක් කෙරෙහි අවධානය යොමු විය. එතුමා මෙසේ කියයි: හොඳ රස්‌සාවක්‌, හොඳ ආදායමක්‌ ගොඩනඟා ගත්තාම හොඳ ජීවිතයක්‌ ගොඩනඟා ගන්න පුළුවන් කියලා හිතන්න එපා. හොඳ රසවින්දන ශක්‌තියකුත් අපේ දරුවන්ට තියෙන්න ඕනෑ. ඒත් දුවේ මේ වින්දනය කියන දේ දැන් බොහොම පටු තේරුමකින් තමයි අපේ තරුණ පරම්පරාව භාර අරගෙන තියෙන්නේ කියලයි මට නම් හිතෙන්නේ. බඩු විකුණ ගන්න ඕනෑ නිසා, කෑමෙන්, බීමෙන්, ශරීර ස්‌පර්ශයෙන් විතරක්‌ වින්දනය ලැබෙනවා කියලා අපේ අය හිතන්න පුරුදු වෙලා. ඒ නිසා තමයි අපි වින්දනයට සීමා නොවී ආනන්දය සොයා යන පරපුරක්‌ ගොඩනඟා ගන්න ඕනෑ. කලාව රසාස්‌වාදයෙන්, කලාවේ යෙදීමෙන්, මනස සිතුවිලි පෝෂණය කර ගැනීමෙන් විතරයි ආනන්දය ලබන්න පුළුවන්. ඒ නිසා ආනන්දය කියන්නේ වින්දනයට එහායින් තියෙන දෙයක්‌. වින්දනය යනු විඳීමයි. ආනන්දය යනු සතුටයි. වත්මන් සමාජය වින්දනයෙන් ආනන්දයක් හෝ නො ලබන ඔහේ විඳගෙන, විඳගෙන යන සමාජයක් ලෙස ජනාධිපතිතුමා හඳුනාගෙන ඇත. එය සත්‍යයකැයි අපට ද සිතේ. එවන් සමාජයක් නිර්මානය කරන්නට ජනාධිපතිතුමා සිය දේශපාලන භූමිකාවෙන් විශාල දා...

(2011 අප්‍රේල් 18,   W3Lanka )   ටයිම් සඟරාවට සිටින පාඨක පිරිස අතරින් වැඩි දෙනා ලාංකිකයන් බව ඔප්පු වෙමින් තිබේ. මේ පිටුව බලන්න . මෙහි ඇති කමෙන්ටු අතරින් වැඩි හරියක් ලංකාවේ ජනාධිපති ගැනයි. 'ටයිම් 100' ලෙස නම් කර ඇති මෙම තරගයේ තෝරන්නේ ලොව වඩා ම influential පුද්ගලයන් 100යි. influential people නම් යෙදුමෙහි අරුත දිනමිණේ කියන අන්දමට නම් 'ආකර්ෂණීය පුද්ගලයා' ය. දිවයිනේ සඳහන් වන අන්දමට නම් 'බලගතුම පුද්ගලයා' ය. ඒ වදන් තෝරා ගන්නට ඇත්තේ ඒ ඒ පුවත්පතේ කර්තෘවරුන්ගේ රාජ පක්ෂපාතිත්වයට සරිලන අන්දමින් වන්නට ඇත.  අප ශබ්ද කෝෂ පරිශීලනය කර සොයා ගත් දේ අනුව influential යනු influence එකක් ඇති කිරීමේ හැකියාව තිබෙන යන අරුත දෙයි.  ඒ අනුව, influential යන වදන ලේඛකයාට පරිවර්තනය කළ හැකි හොඳ ම ආකාරය වන්නේ 'බලපෑමක් ඇති කළ හැකි' යනුවෙනි. මේ වන විට ජනාධිපති මහින්ද රාජපක්ෂ ලොව වැඩි ම බලපෑමක් ඇති කළ හැකි පුද්ගලයන් අතරින් පාඨක ඡන්දයෙන් සිව්වන ස්ථානයට තේරී පත් වී තිබේ. ඔහුට පළමු ස්ථානයට පත් වන්නට ඔබට ද උදව් කළ හැකි ය. ඔබේ මනාපය හෝ මනාප ලබා දීමට මෙතැනින් පුළුවන.  බිය විය ...

මාව බය කරන්න එපා කොල්ලො! ( 2011 ජනවාරි 12,  W3Lanka )  මේ රටේ හිටපු ඇතැම් නායකයන් කොටින්ට ලබාදුන් ගිනි අවිවලින් අපේ සොල්දාදුවන් වෙඩි වැදී මිය යැමට හා ආබාධ වීමට සිදුවූ යුගය ඇතැමුන්ට අමතක වී ඇතැයි ජනාධිපති මහින්ද රාජපක්‍ෂ මහතා පැවැසීය. දිවයින පුවත්පතට අනුව, හෙතෙම මේ බව කියා සිටියේ පෙරේදා (10 වැනිදා) පූජ්‍ය ඇල්ලේ ගුණවංශ ස්‌වාමීන් වහන්සේගේ පුරෝගාමීත්වයෙන් සහ ධර්මායතන ආරක්‍ෂක සභාවේ සහයෙන් බත්තරමුල්ල, පැලවත්ත ඩෙන්සිල් කොබ්බෑකඩුව මාවතෙහි අභිනවයෙන් ඉදිකරන ලද "ලක්‌විරු සෙවන" ආබාධිත රණවිරු නිෂ්පාදන අලෙවි සංකීර්ණය විවෘත කිරීම නිමිත්තෙන් පැවැති උත්සවය අමතමිනි. වහෙන් ඔරෝ නො කියා කෙළින් කියනවා නම් මේ කියන නායකයා අන් කවරෙකුවත් නො ව රණසිංහ ප්‍රේමදාස ජනාධිපතිවරයා ය. ඇල්ලේ ගුණවංශ හිමි ප්‍රේමදාස ජනාධිපතිවරයා සමග සමීප ව සිටි අයෙකි. කොතරම් සමීප ද යත්, ‍ඩෙන්සිල් කොබ්බෑකඩුවගේ ආදාහනය අවස්ථාවේ අවමංගල්‍ය පෙරහරේ ගමන් ගත් පිරිස් ගුණවංශ හිමියන්ගේ බෞද්ධාලෝක මාවතේ ආරාමයට ද ගල් ගැසූ හ. හේ දැනුත්‍ ප්‍රේමදාස පවුලට හිතවත් ය.  උන්නාන්සේවත් ළඟින් තබාගෙන ජනාධිපතිතුමා මේ කණේ පාර ගහන්නේ එතුමන්ගේ කණ්...

‍ ( 2010 දෙසැම්බර් 12,  W3Lanka )  මීළඟ ජනාධිපතිවරණය සාමාන්‍ය තත්වයන් යටතේ නම් පැවැත්වෙනු ඇත්තේ 2016දී ය.  ලේඛකයා අනාගතය කියන්නට දන්නා කෙනෙකු නො වුණත්, දේශපාලනිකව බැලු කල ඒ වන විට මෙවැනි තත්වයක් තිබෙන්නට පුළුවන.  පාන් ගෙඩියක මිළ රු. 250ක් ද හාල් කිලෝවක මිළ රු. 300ක් ද විය හැකි අතර රජතුමා රු. 10,000ක වැටුප් වැඩි විමක් ලබා දීම පිණිස තමන්ට ඡන්දය දෙන්නැයි ඉල්ලා සිටියි. සංවර්ධනයේ අමාරු හරිය පසු කරමින් සිටින බව ද, හෙට සිට උදා වන්නේ ඵල නෙළා ගන්නා සමය බව ද ඔහු කියනු ඇත.  මේ වන විට ඔහුට ඇති ලොකු ම ප්‍රශ්නය පුතා හා බාප්පා අතර ඝට්ඨනයයි. ඊළඟ අවස්ථාව පුතාට දෙන පොරොන්දුව පිට, අගමැකි අපේක්ෂක තනතුරට බාප්පා නම් කරන්නැයි නංගිලා ඉල්ලා සිටිති. එහෙත්, "ඔයගොල්ලන්ගේ මහප්පා ඔයගොල්ලන්ගේ තාත්තාට චාන්ස් එක දුන්නායින් පසු මහප්පලාගේ පරම්පරාවට වුණ දේ නිරූපමාගෙන් පේන්නේ නැද්ද?" යි අසන ආර්යාව නංගිලාට බම්බු ගහ ගන්න යයි කියා පුතාට අගමැතිකම දෙන්නැයි ඉල්ලා සිටියි.  ෆොන්සේකා නන්දක්කාගේ 'ගිනි ගන්නා රටක කෙළින මීහරකුන් වැනි පුතුන් - කුමටද මට මහ විරුවෙකි සිරගෙයි මළ මගෙ පුතුන්' ගීතයේ පදයක්...

( 2010 දෙසැම්බර් 07,  W3Lanka )   විකිලීක්ස් වෙබ් අඩවියේ පළ වී ඇති ඇමරිකානු තානාපතිනි පැට්‍රීෂියා බියුටිනිස් ලංකාවේ දෙමළ නායකයන් කීපදෙනෙකු සමග කළ සාකච්ඡාව පිළිබඳ තොරතුරු අනුව, දෙමළ නායකයන්ටත්, ඇමරිකාවටත් ලංකාවේ යුද අපරාධ පිළිබඳ පරීක්ෂණයක් අවශ්‍ය අතර ඒ සඳහා දැනට කාලය නො වන නිසා, කල එළඹෙන තෙක් ඒ පිළිබඳ උද්ඝෝෂණය ප්‍රාණවත්ව තබා ගත යුතු ය. දෙමළ ඩයස්පෝරාවේ මේ මොහොතේ ප්‍රධාන දේශපාලන කාර්යය එය වී තිබේ. ආණ්ඩුවේ ප්‍රජාතන්ත්‍ර විරෝධී දේශපාලනය නිසා එක්සත් ජාතික පක්ෂය, ජවිපෙ වැනි විපක්ෂ දේශපාලන පක්ෂ පවා එයට අනියමින් උදව් කිරීමට පෙළඹීම වළක්වා ගත නො හැකි ය. මේ සියල්ලට වඩා රාජපක්ෂලා‍ට භයානක වන්නේ සිය දෙපා ලෙව කමින්, පා මුල ලැග සිටින සතුරන් කරන දේ ය. ඉදිරියට ඒම සඳහා රාජපක්ෂලාගේ කර ද, විනාශය ද ප්‍රාර්ථනා කරන මෙම පිරිස මේ මොහොතේ හැසිරෙන්නේ රාජපක්ෂවරුන් කෙරෙහි අන්ධ භක්තියකින් කටයුතු කරන තොත්ත බබ්බු පිරිසක් ලෙස ය. පාර්ලිමේන්තුවේදී ජයලත් ජයවර්ධනට පහර දීම, බ්‍රිතාන්‍ය මහ කොමසාරිස් කාර්යාලය ඉදිරිපිට ගොන් පාට්, කරු ජයසූරියට එරෙහිව විශ්වාස භංග ආදී මේ හැමෙකක් ම අවසානයේදී ඉවහල් වන්නේ යුද අපරාධ ...

( 2010 දෙසැම්බර් 06,  W3Lanka )  කොටි සංවිධානය පරාජය කර ආණ්ඩුව යුද්ධය දිනනවාත් සමග ඇති වූ රාජපක්ෂ වීර වන්දනාව හා සමාන්තරව 'ආයුබෝ වේවා - මහ රජාණනේ' යි ගීයක් ගයා එක රැයින් ජනප්‍රිය වූ, එහෙත්, ක්ෂේත්‍රයේ ස්ථාවර වන්නට බැරි ව අද නො ඇසී යමින් ඇති හඬක් බවට පත් වෙමින් සිටින සහේලි ගමගේ නමින් මහරගම පාරක් නම් කිරීම පිළිබඳ ආන්දෝලනයක් ඇති වී තිබේ. ඇය නමින් පාරක් නම් කිරීම පිළිබඳ පුවත අප මිත්‍ර කල්‍යානන්ද පෙරේරා අපට දැන්වූයේ මාස කීපයකට පෙරයි. එවේලේත් අප කල්පනා කළේ මෙය එතරම් ආන්දෝලනාත්මක ද යන්නයි. ලංකාවේ පාරවල් නම් කර ඇත්තේ කෙසේ ද? ගම්වල පාරවල් රැසක් මිය ගිය සොල්දාදුවන් වෙනුවෙන් නම් කර තිබේ. බංඩාරනායකවරු බලයේ සිටින තාක් කල් පාරවල් රැසක් බංඩාරනායක මාවත ලෙස නම් විය. දැන් නම් පාරවල් නම් වන්නේ පරම්පරාවක් තිස්සේ නො ඇසුණු නමක් වන ඩී.ඒ. රාජපක්ෂ නමිනි. කොළඹ නගරයේ ඇති බැස්ටියන් මාවතට නම දුන් බැස්ටියන් කවුරුද, කොටා පාරට නම දුන්නේ කොටෙක් ද දිගෙක් ද, ඩික්මන් පාරේ සිටි ඩික්මන් කවුරු ද ආදිය දැන් සැමට අමතක වී ඇත. ආර්. ඒ. ද මැල් මාවත ද මොකක් ද කියා නම් කර දශක ගණනාවක් වුණත්, ඩුප්ලිකේෂන් පාර තවමත්...

අපේ දඟ මල්ල ගෙදර ඇවිත් ( 2010 දෙසැම්බර් 04,  W3Lanka ) ජනාධිපති ම හින්ද රාජපක්ෂගේ ලන්ඩන් ගමන නිසා ඔහුට පෞද්ගලිකව ද රටට ජාත්‍යන්තරව ද අවමානයක් ඇති වන තත්වයක් නිර්මානය විය. එහෙත් ජනාධිපතිවරයා යනු ජාත්‍යන්තර මිනිසෙක් නො ව සිංහල ජාතික නායකයෙකි. සිංහල ජාතියේ සීමාවන් ඉක්මවා යන්නට බැරි වීමෙන් ඔහුට ලාංකීය ජාතියේ ම නායකයා ද යන්න තවමත් ප්‍රශ්නයකි.  ලෝකෙන් කුමන ප්‍රතිචාර ලැබ ආවත් චෝල රට ආක්‍රමණය කර පැමිණි ගජබා රජු සේ කටුනායකින් ලක් පොළවට ගොඩ බසින්නට ඔහුට පුළුවන. ඒ ඔහු වට සිටින මාධ්‍ය හා දේශපාලක නඩය ඔහුගේ සිත් දිනා ගැනීම සඳහා පොර කන පොර කෑම නිසා ය.  ජනාධිපතිගේ පෞද්ගලික චාරිකාව බ්‍රිතාන්‍යයේ නිල ආරාධනාවක් මත සිදු වූවක් සේ කලින් හුවා දැක්වූ ලංකාවේ ජනමාධ්‍ය දැන් බ්‍රිතාන්‍යය පතුරු ගසන්නට පටන් ගෙන ඇත. බ්‍රිතාන්‍ය මහ කොමසාරිස් කාර්යාලය ඉදිරිපිට ඇමති මණ්ඩලය උද්ඝෝෂණ කරති. ආරක්ෂක රථ පිරිවරාගෙන යන අතර කොහොමත් මහජනතාවට පාරවල් අවහිර කරන මොවුහු දැන් එළිපිට ම පාරවල් අවුරති. බැලූ බැල්මට විහිළු සේ පෙනුණත් මේවායින් හෝ ගොඩ යන්නට පාරවල් කපා ගන්නට එතුමා හපනා ය. රටට හා රණවිරුවන්ට එර...

( 2010 සැප්තැම්බර් 24,  W3Lanka )  එක්සත් ජාතීන්ගේ 65වන සමුළුව අමතමින් ලංකාවේ ජනාධිපතිවරයා කළ කතාවේ මෙම ප්‍රකාශය අඩංගු විය. "අන්තර් ජාතික මානුෂිය නීති නූතන අවශ්‍යතාවන්ට කොතරම් අනුකූලද යන්න අප හැදෑරිය යුතුය. එම නීති සම්පාදනය කළේ ත්‍රස්ත කණ්ඩායම් සමඟ සටන් කළ රාජ්‍යයන් උදෙසා නොව නීත්‍යානුකූලව බිහිවූ රාජ්‍යයන් අතර වූ සටන් පසුබිමක් තුළය." 'අන්තර් ජාතික මානුෂිය නීති' යනුවෙන් සාමාන්‍යයෙන් හඳුන්වනු ලබන්නේ යුද නීති, යුද චාරිත්‍ර හා සන්නද්ධ ගැටුම් සම්බන්ධ නීති ය. ජිනීවා සම්මුති, හේග් සම්මුති හා ඒවා පදනම් කරගෙන බිහි වූ ජාත්‍යන්තර නීති හා ගිවිසුම් ආදිය ද පිළි ගත් යුද සම්ප්‍රදායන් ද අන්තර් ජාතික මානුෂිය නීති ලෙස සැලකිය හැකි ය. එම නීති සකස් කරනු ලැබුවේ දබරකාරී රාජ්‍යයන් හා කණ්ඩායම්වලට මැදි වන ජනතාවගේ ජීවත් වීමේ නිදහස ඇතුළු වෙනත් අයිතිවාසිකම් ආරක්ෂා කිරීමටයි.  මෙම නීති සකසනු ලැබුවේ ත්‍රස්ත කණ්ඩායම් සමඟ සටන් කළ රාජ්‍යයන් උදෙසා නොවේ යයි ජනාධිපතිවරයා පවසයි. එහෙත්, මෙම නීති බිහි වූයේ වනාහි ත්‍රස්තවාදය ලෙස නුතන ලෝකයේ අර්ථ දැක්වෙන ප්‍රපංචයට වඩා බෙහෙවින් කෲර වූ, රාජ්‍ය බලය යොදවා මිනි...

How fortunate for leaders that men do not think. Adolf Hitler ( 2010 සැප්තැම්බර් 15,  W3Lanka )   18වන ආණ්ඩු ක්‍රම ව්‍යවස්ථාව විසින් ඇති කරන ලද ප්‍රජාතන්ත්‍රවාදයේ රඟ ඉදිරි සති කීපය තුළදී දැක ගත හැකි වනු ඇත. එමගින් පිහිටුවන ලද පාර්ලිමේන්තු කොමිසමේ සියලු සාමාජිකයන් ප්‍රායෝගිකව පත් කරනු ලබන්නේ ජනාධිපති විසිනි. ඒ කමිටුවේ නිල බලයෙන් සාමාජිකයන් වන අගමැති, කතානායක යන දෙදෙනා ම ජනාධිපති විසින් තෝරා ගන්නා ලද අය බව නො රහසකි. සමහර විට, විපක්ෂ නායක ද හෙට අනිද්දා ම ජනාධිපතිගේ උවමනාව පරිදි තෝරා ගැනෙනු ඇත. දැනට ඉන්න විපක්ෂ නායකට කොන්දක් ඇත්නම් ඔහු මෙම කමිටුවට සහභාගි නො වනු ඇත. එසේ ම සිය නියෝජිතයා ද පත් නො කරනු ඇත. අගමැති දි.මු. ජයරත්න පත් කරන්නේ ජනාධිපතිට උවමනා අයෙකු බව ඕනෑම කෙනෙකුට තේරුම් ගත හැකි ය. මක් නිසා ද යත්, නොවැම්බරයේ තිබෙන කැබිනට් සංශෝධනයේදී සිය තනතුර රැක ගන්නට නම් දි.මු. තමන් කොඳු නාරටිය නැති ජීවියකු බව පෙන්විය යුතු ය. මේ අනුව ජනාධිපති විසින් පාර්ලිමේන්තු කොමිසම පත් කරනු ඇත. ඉන් පසු ජනාධිපති විසින් 'ස්වාධීන' කොමිෂන් පත් කරනු ඇත. මේ පාර්ලිමේන්තු කමිටුවට පුළුවන් ඒවා ...