ජවිපෙ නො කළ යුතුව තිබුණේ කුමක් ද?
ජවිපෙ නියෝජනය කරමින් පසුගිය පාර්ලිමේන්තුවේ සිටියේ මන්ත්‍රීවරුන් තිදෙනෙක් පමණි. ජවිපෙ 2004 මහ මැතිවරණයේදී ජාතික ලැයිස්තු ආසනයක් සමග ආසන හතරක් දිනා ගත්තේ සරත් ෆොන්සේකා සමග සන්ධානගතව තරග කිරීමෙනි. පසුව අජිත් කුමාර මන්ත්‍රීවරයා පෙරටුගාමී සමාජවාදී පක්ෂය සමග කැඩී ගියේ ය.
නාමයෝජනා භාර දෙන විට ඔවුන්ට තිබුණු ගණනය කිරීම අනුව එක් ආසනයක් හෝ ලබා ගැනීමේ විශ්වාසය තිබුණු කොළඹ දිස්ත්‍රික්කයෙන් අනුර කුමාර දිසානායක හා ලාල් කාන්ත ඉදිරිපත් වූ හ. ජවිපෙ ඉදිරි පෙළ නායකයන් දෙපළ වන මේ දෙදෙනා ම කලින් කුරුණැගල හා අනුරාධපුර දිස්ත්‍රික්වලින් තරග කර තේරී පත් වූ අයයි. සුනිල් හඳුන්නෙත්ති මාතරට පිටමං කරනු ලැබුවේ අසාධාරණ අන්දමිනි. ඔහුට මැතිවරණයට සූදානම් වීමට හෝ කාලයක් නො ලැබිණි. ඔහු යැවුණේ පරාජය වීම සඳහා ය. නායකත්වය වෙනුවෙන් හිස දන් දීම සඳහා ය.
ඉතා මධ්‍යගත, සංවෘත පක්ෂයක් වන ජවිපෙ සිය ජාතික ලැයිස්තුව පාක්ෂික නො වන සිවිල් සමාජ නායකයන්, විශ්වවිද්‍යාල ආචාර්යවරුන්, නීතිඥයන්, කලාකරුවන් ආදී පිරිසකට විවෘත කිරීමට ජවිපෙ ගත් මෙවර ජවිපෙ අලෙවියට තබන ලද ප්‍රධාන තේමාවයි. මොවුන්ගෙන් වැඩි දෙනෙක් දේශපාලන ක්‍රියාකාරිකයෝ නො වූ හ. දේශපාලන ක්‍රියාධරයන් වූ නිර්මාල් රංජිත් දේවසිරි, ලියනගේ අමරකීර්ති වැනි ජවිපෙ හිතවාදී බුද්ධිමතුන් මෙම ලැයිස්තුවට ඇතුළත් නො කරන්නටත් ජවිපෙ පරිස්සම් විය. උගත්, බුද්ධිමත් පිරිසක් මෙවර පාර්ලිමේන්තුවට ඉදිරිපත් කර තිබෙන බව ජවිපෙ ප්‍රවර්ධනය කළේ ය. උපාධිය අතහැර විප්ලවීය දේශපාලනයට සිසුන් කැඳවන ජවිපෙ තමන්ගේ අපේක්ෂකයන් උපාධිධාරීන් බව අවධාරණය කළේ ය.
එසේම, ශක්තිමත් විපක්ෂයක් හදන්නට තමන්ට ඡන්දය දෙන්නැයි ද ජවිපෙ ඉල්ලා සිටියේ ය. ජවිපෙ සම්ප්‍රදායික පදනම වන පීඩිත ජනයා වෙනුවට ජවිපෙ මෙවර ඉලක්ක කළේ මධ්‍යම පංතියයි. විශේෂයෙන් ම, ජවිපෙ ක්‍රියාධරයන්ගෙන් විශාල පිරිසක් පෙරටුගාමී සමාජවාදී පක්ෂය සමග කැඩී යාමෙන් පසු, බිම් මට්ටමේ ශක්තිය හීන වූ ජවිපෙ වැඩිපුර යොමු වී සිටියේ මධ්‍යම පංතිය වෙතයි.
මේ කුමන උපායමාර්ගය අනුගමනය කළත්, මහ මැතිවරණ ප්‍රචාරණ ව්‍යාපාරයේ මුල් වටයේදී ජවිපෙ අසාර්ථක වෙමින් තිබිණි. ජවිපෙ රැස්වීම් වේලෙන ඡායාරූප සමාජ ජාලවල පල වන්නට පටන් ගැනීමත් සමග ජවිපෙ කුඩා රැස්වීම් පැවැත්වීම අත්හිටවන්නට පියවර ගත්තේ ය. ඇදි ඇදී යමින් සිටි ජවිපෙ මහ මැතිවරණ ව්‍යාපාරයට තල්ලුවක් ලැබුණේ නිර්මාල් රංජිත් දේවසිරි ප්‍රමුඛ යහපාලන ව්‍යාපාරයේ සිටි බුද්ධිමතුන් පිරිසක් ජවිපෙට ඡන්දය දෙන්නැයි ව්‍යාපාරයක් දියත් කිරීමත් සමගයි. ඉන් පසු අලුත් පරපුර ද ජවිපෙට සහයෝගය දෙන්නට ඉදිරිපත් විය. මධ්‍යම පංතික කොටස් අතර ජවිපෙට රැල්ලක් ඇති වන බවක් පෙනිණි. එහෙත්, මේ රැල්ල වනාහි ජවිපෙ සමාජ ජාල ක්‍රියාකාරිකයන් විසින් නිර්මානය කරන ලද කෘත්‍රිම එකකි. භයානක ම තත්වය වූයේ ජවිපෙ තමන් විසින් නිර්මානය කරන ලද ප්‍රබන්ධයෙන් තමන් ම මෝහනය වීමයි.
ජවිපෙ මැතිවරණ ප්‍රචාරණය බිම් මට්ටම තෙක් විහිදුණේ නැත. කුඩා ප්‍රමාණයේ රැස්වීම් පැවැත්වීම, ගෙන් ගෙට කැන්වසිං යාම වැනි බිම් මට්ටමේ ක්‍රියාකාරිත්වයන් වෙනුවට ජනමාධ්‍ය ඔස්සේ ජනතාව ඇමතීම කෙරෙහි ජවිපෙ වැඩි බරක් තැබුවේ ය. ඉහළ මට්ටමේ ප්‍රචාරණය හා බිම් මට්ටම අතර තුලනයක් පවත්වාගෙන යාමේ වැදගත්කම කෙරෙහි ජවිපෙ අවධානය යොමු කළේ නැත. ජවිපෙට මෙවැනි ම ප්‍රතිඵලයක් අත් කර දුන් ඌව පළාත් සභා මැතිවරණයේ අත්දැකීම ජවිපෙ සැලකිල්ලට ගත් බවක් පෙනෙන්නට නො තිබිණි.
අනෙක් පැත්තෙන් ජවිපෙ බිම් මට්ටමේ සංවිධාන ජාලය මේ වන විට අන්තයට ම පිරිහී ඇත. ජවිපෙ ඇත්ත ශක්තිය තිබුණේ එතනයි. 2000 මහ මැතිවරණයේදී ආසන 10ක් ද, 2001 මහ මැතිවරණයේදී 9%කට වැඩි ප්‍රතිශතයක් සමග ආසන 16ක් ද ජවිපෙට දිනා ගත හැකි වූයේ මේ බිම් මට්ටමේ ශක්තිය නිසා ය. ඒ වන විට ජවිපෙ ජාතිවාදය වෙත ආකර්ශනය වී තිබුණේ ද අවම මට්ටමෙනි. මැතිවරණ ජයගැනීම සඳහා කෙටි ක්‍රම කෙරෙහි ජවිපෙ නැඹුරු වන්නට පටන් ගත්තේ 2004 මහ මැතිවරණයේ සිටයි.
ජවිපෙ සංවිධාන ශක්තිය පිරිහී තිබෙන යථාර්ථය වටහාගෙන තිබුණු ජවිපෙ 2015 මහ මැතිවරණයට මුහුණ දිය යුතුව තිබුණේ වෙනස් උපායකිනි. මහින්ද ක්‍රමය පැරදවීම, ප්‍රජාතන්ත්‍රවාදය ශක්තිමත් කිරීම හා යහපත් රාජ්‍ය පාලනයකට ඇතුළතින් බල කිරීම වැනි උපායමාර්ගයක් අනුගමනය කරමින් එක්සත් ජාතික පෙරමුණ සමග සන්ධානගත වීමේ අවස්ථාවක් ජවිපෙට තිබිණි. අවශ්‍ය නම්, තමන් ඇමති තනතුරු භාර නො ගන්නා බව ද අවධාරණය කරන්නට තිබිණි. මැතිවරණයෙන් පසු පාර්ලිමේන්තුවේ ස්වාධීනව කටයුතු කරන්නට ඉඩ සලසා දෙන ගිවිසුමකට එජාප සමග කේවෙල් කරන්නට තිබිණි. එහෙම කර, එක් දිස්ත්‍රික්කයට එක් අපේක්ෂකයකු පමණ බැගින් ඉදිරිපත් කර තරග කළා නම් ජවිපෙට විශිෂ්ට ප්‍රතිඵලයක් ලබා ගැනීමේ අවස්ථාව තිබිණි. එපමණක් නො ව, ආණ්ඩුව ඇතුළතින් ම දුරස්ථ පාලකයක් සවි කර ගන්නට ද තිබිණි. 2020දී සැබැවින් ම රාජ්‍ය බලය ලබා ගැනීමට ජවිපෙ අපේක්ෂා කරනවා නම් ඔවුන් ඇමති තනතුරු දරමින්, සිය හැකියාවන් ප්‍රදර්ශනය කරමින්, අත්දැකීම් ලබා ගන්නවා නම් එය ද නරක නැත.
ජවිපෙ මෙම අවස්ථාව අහිමි කර ගත්තේ කුමක් නිසා ද? පළමු හේතුව ජවිපෙ තමන්ගේ භූමිකාව තේරුම් නො ගැනීමයි. ජවිපෙ යනු තව දුරටත් සන්නද්ධ ව්‍යාපාරයක් නො වේ. එවැනි සන්නද්ධ කැරැලිකාරී ව්‍යාපාරයකට ශ්‍රී ලංකාවේ නුදුරු අනාගතයේදී අවස්ථාවක් ලැබෙනු ඇතැයි සිතිය නො හැකි ය. ජවිපෙ හා එහි ක්‍රියාකාරිකයන්ගේ ශරීර ද එවැනි කැරැලිකාරී ව්‍යාපාරයකට උචිත තත්වයක නැත. එහෙත්, ජවිපෙ තවමත් සිය සාමාජිකයන් අතර ප්‍රවර්ධනය කරන්නේ ප්‍රායෝගික නො වන විප්ලවීය ජීවන භාවිතාවකි. පක්ෂය වෙනුවෙන් දිවි කැප කර දේශපාලනයට අන් සියල්ලට ම වඩා මුල් තැන දෙන සාමාජිකයාගේ සම්ප්‍රදායික ආදර්ශනයක් මත ජවිපෙ තවමත් පදනම් වී සිටියි.
ජවිපෙ එතනින් ගැලවෙන්නට බියක් දක්වන්නේ පෙරටුගාමී සමාජවාදී පක්ෂයට බියෙනි. පෙසප ජවිපෙ බිම් මට්ටම කඩා ගත් නමුත් එය තමන් ළඟ තබා ගැනීමට ද අසමත් විය. පෙසපට ඉලක්කම් හතරක ඡන්ද ප්‍රමාණයක් ලබා ගන්නට හැකි වූයේ හිටපු මන්ත්‍රී අජිත් කුමාර තරග කළ ගාල්ල දිස්ත්‍රික්කයෙන් පමණි. අජිත් කුමාරගේ පදනම වන හබරාදූව ආසනයෙන් ඔහුට ලබා ගත හැකි වූයේ ඡන්ද 206ක් පමණි. පෙසප මූලික පදනම වන කොළඹ දිස්ත්‍රික්කයෙන් ඡන්ද 500ක්වත් ලබා ගැනීමට එම පක්ෂය අසමත් විය. මනෝරාජික විප්ලවයක් මත පදනම් වී සිටින එවැනි කුඩා කල්ලියකට බියෙන් වැරදි උපායමාර්ග තේරීම ජවිපෙ පැත්තෙන් ගත් කල තේරුමක් නැති තත්වයකි.
සමාජවාදී විප්ලවය පරමාදර්ශය කර ගැනීම වෙන ම තත්වයකි. එහෙත්, ජවිපෙ යනු මෙරට පීඩිත ජනතාව වෙනුවෙන් බලය ගොඩනැගීමේ ක්‍රියාවලිය තුළ සැමදා නිමග්න ප්‍රායෝගික පක්ෂයකි. ජවිපෙ එම තත්වය වර්ධනය කර ගත යුතු ය. දේශපාලන පැවැත්ම තහවුරු කර ගත යුතු ය.
මධ්‍යගත පෙරටුගාමී පක්ෂ මාදිලියෙන් වෙනස් වන්නට ජවිපෙට පක්ෂයක් ලෙස බැරි නම්, පුළුල් ප්‍රජාතන්ත්‍රවාදී බහුජන පෙරමුණක් තුළ හෝ ජවිපෙ ස්ථානගත විය යුතු ය. තමන් වෙතින් ගිලිහී ගිය බලවේග නැවත දිනාගන්නට ජවිපෙ උත්සාහ කළ යුතු ය. ඉදිරි පළාත් පාලන මැතිවරණය අලුත් විදියක දේශපාලනයක් සඳහා ජවිපෙට කදිම අවස්ථාවකි. ජවිපෙ මෙරට දිළින්දන්ගේ, පීඩිතයන්ගේ පක්ෂය ලෙස නැවත ස්ථානගත කළ යුතු ය.
(සත්හඬට ලියූ ලිපියකි)
මේ ලිපිය වෙන අයත් එක්කත් බෙදා ගන්න. උපුටා ගන්නවා නම් මෙතැනින් ගත් බව කියන්න
ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබගේ වගකීමකි. අසභ්‍ය යයි සාමාන්‍ය ව්‍යවහාරයේ පිළි ගැනෙන වචන සම්බන්ධයෙන් සදාචාරවාදී නො වන මුත්, අනුන්ට අපහාස කිරීම සඳහා එවැනි වදන් භාවිතා කර තිබෙන අවස්ථාවලදී ඒවා ඉවත් කිරීමට සිදු වන බව කරුණාවෙන් සලකන්න. එසේම, නීතිමය ගැටලු මතු කරන අදහස් පළ කිරීම් ද ඉවත් කරනු ලැබේ. අදහස් පළ කිරීම සම්බන්ධ කාරණාවලදී සංස්කාරක වගකීම් සමග සහයෝගයෙන් කටයුතු කිරීම බලාපොරොත්තු වෙමු.
ජෙප්පො කියන විපක්ෂයේ ඉදන් 'ආන්ඩුව ආම්බාන් කිරීම' කියන එකම විකාරයක්..
ReplyDeleteලන්කාවෙ නෙමේ ලෝකෙ කොහේවත් විපක්ශයට ආන්ඩුව කොන්ට්‍රෝල් කරන්න බෑ... ආසන 10% වත් ලැබෙන්නෙ නැති පක්ශෙකට කොහොමවත් බෑ... විපක්ෂෙට යන පක්ෂෙ කරන්නෙ ආන්ඩුවෙ වැරදි ජනතාවට පෙන්නල තමන් ආන්ඩුවක් පිහිටෙව්වහම ඒව නිවැරදි කරන හැටි කියල බලය ඉල්ලන එක.. එහෙන නැතිව ආන්ඩු 'සුපවයිස්' කරකර විපක්ශෙ ඉන්න එක නෙමේ... ආන්ඩු නීතියට පිටින් ගිහින් වැරදි කර්න එක නවත්වන්න තමා අධිකරන හා සිවිල් සංවිධාන තියෙන්නෙ... ඒක වෙනම කතාවක්..
කවදාවත් තනිවම ආන්ඩු පිහිටවන්න බැරිබව දන්න කුඩාපක්ෂ කරන්නෙ මහ පක්ෂෙකට සහයෝගය දීල ඊටපස්සෙ උන්ගෙ ආන්ඩුවට සම්බන්ධ වෙලා තමන්ගෙ මතවාදය ඉස්සරහට ගෙනියන්න හදන එක...
ඉන්ද්යාවෙ කොන්ග්‍රස් එකත් එක්ක එකතුවෙලා ආන්ඩුවක් පිහිටවපු ඉන්දීය කොමියුනිස්ට පක්ශෙ ඉදන් ඇමරිකාවෙ රිපබ්ලිකන් පක්ෂය එක්ක එකතුවෙලා ඉන්න 'ටී පාටිය' වෙනකම්ම සුලුපක්ස කරන්නෙ ඒකයි....
ජෙප්පො මේක තේරුම්ගන්නකම් හැමදාම ඔච්චර තමා....
ඈ බොල බූරුවෝ 2002-2004 කාලේ යූ.ඈන්.පී ආන්ඩුව සාම සුදියෙන් මත්වෙලා පිස්සු කෙලිනකොට,රටේ සදාචාරේ කාලා රට ලාස්වේගාස් කරනකොට රනිල්ව ගෙදර යවලා රටට වෙන්න තිබ්බ අනතුර වෑලෑක්කුවේ උඹද?
Deleteඵතකොට පරිවාසේ ගහලා 17වෙනි ආණ්ඩුක්‍රම ව්‍යවස්තා සශෝදනේ සම්මත කරවලා රටේ උන්ටත් අමතක වෙලා තිබ්බ ප්‍රජාතන්ත්‍රවාදේ ආය ගෙනාවෙ උඹද?
පාර්ලිමේන්තුවේ හොද බලයක් තිබුන ජේවීපී නෙවෙයිද?
අනේ උබයි මමයි දන්න දේසපාලනේ..................හුකෑස්...
ගොනෝ 3වෙන බලවේගයකට පාර්ලිමේන්තුවේ හොද බලයක් ලෑබුනාහම රටට අහිතකර නීති හදන්න මහ පක්ශ බයවෙනවා....පාර්ලිමේන්තුවේ මහ පක්ශ විතරක් වෑඩියෙන් හිටපුහාම උන් කරන්නේ උන්ට ඔන දේ විතරයි.....හරියට මහින්ද රාජපක්ශ 2/3 අරගෙනත් ජේආර් 5/6 අරගෙනත් පිස්සු කෙලියා වගේ.
මේ තත්වය පාලනය කරන්න නම් විකල්ප බලයක් තියෙන්න ඔන.
කොල උන් නිල් පෑත්තට යනවා නිල් උන් කොල පෑත්තට යනවා......උන්ට වෙනසක් නෑ....උන් ගහන්නේ උන්ගේ බිස්නස් ඈන්ඩ් පොලිටිකල් ගේම්.....උන්ට වාසඉනම් රටත් විකුනයි මිනිස්සුත් ඵක්කම....
මේ පිස්සුව පාලනය කරන්න නම් රතු බලය වෑඩිවෙන්න ඔන....බලගෙන ඉදපන්කො තව මාස 6ක් උඹලට තේරෙයි.....ගොo පන්ඩිතයො.....
AnonymousAugust 22, 2015 at 8:47 AM
Deleteඔබ නිවැරදියි. ජෙප්පො කරන කිසි මෙහෙයවීමක් නැහැ. උන් කරන්නෙ ආණ්ඩු කොරන කොයි එකත් විවේචනය කර කර කඩාකප්පල් කරන එක. ඔන්න ඕක තමයි උන්ගෙ මහලොකු "ආණ්ඩු කෙරවිල්ල". ලංකාව වගේ ප්‍රශ්න ඔද්දල් වෙච්චි රටක කොහොමහරි ඒවට විසඳුම් දෙන්න හදනකොට මුන් කරන්නෙ මිනිස්සු අවුස්සල වැඩේ ඔද්දල් කරන එක. ඊට පස්සෙ කියනව "අපිට දෙන්න අපි හදන්නම්" කියල. උන් කොරන බම්බුව.
චන්දෙ ඉල්ලන ජෙප්පො කරන්නෙ රඟපෑමක්ද කියල හිතෙනවා. මොකද විශ්වවිද්‍යාලවල ජෙප්පොන්ගෙ ලදරු වලිප්පු දැක්කම. උන් වෙනත් මත ඉවසන්නෙ නෑ. ජෙප්පො බලවත් කැම්පස් වල අනිත් උන් ගුටිකන්න ඕන. අන්තවාදි රැග් කරගෙන අසහනයෙන් පෙලෙන පොරවල් ටිකක් තමයි ජෙප්පො කියන්නෙ. මේ තත්වය දන්න කැම්පස් ගියපු එකෙක් ජෙප්පොන්ට කවදාවත් චන්දෙ දෙන්නෙ නෑ.
ReplyDeleteඅන්‍ය මත නොඉවසීම නම් ලොකුම ලොකු අවුලක්. ජෙපෙ ආන්ඩුවකින් අන්‍ය මත දරණ අය මරන්නෙත් ඔහොමයි. අද ජෙපි ආණ්ඩුවක් ආවොත් එක්කෝටි විසිපන් ලක්ෂයක් වත් මරන්න වෙයි. අළුත් සමාජය හදන්න පරන කුණු කසල ඉවත් කළ යුතු බවත් මහවැලිය හදනකොට ගැඩවිල්ලු මැරෙන බවත් ජෙප්පො කියාවි. වධ කදවුරු පිහිටුවාගන්න අමාරු නිසා කැම්පස් වල අන්‍ය මත දරන අය ගුටි කාල බේරෙනව.
Deleteජෙප්පො කියන්නෙ අසහනකාරයො තමයි.
යකෝ උඹ වෑස්සකටවත් කෑම්පස් ගිහිල්ල තියනවාද?
Deleteකොයි ආණ්ඩුවතත් හෙන අමාරුවක් තියෙන්නේ නිදහස් අද්‍යාපනයට කෙලින්න.
ඈයි ඈමතිලාගේ මෝඩ පුතාලා පිස්සු කෙලිනකොට ගමේ උන් නිකන් ඉගනගෙන තෑනකට ඵන ඵක බාලාගෙන ඉන්නකොට වාවන්නෑ නේ මයෙ දෙයියො.
ඉතින් මොකක් හරි ගේමක් ඈදලා නිදහස් අද්‍යාපනයට කෙලවන්න තමා බලන්නේ.
කෑම්පස්වල කොල්ලෝ ඔක තේරුම් අරගෙන ඔකට විරුද්දව සටන්කරනකොට ආණ්ඩුව ගහනවා කඩාකප්පල්කාරි ලේබලය.
සාමකාමී සාදාරන ආණ්ඩුව....ත්‍රස්තවාදී කෑම්පස් ළමයි....පවු නේ අහින්සක ආන්ඩුව අහින්සක ඵහෙම....
උබල වගේ හීනමාන හෙන්චයියොත් ඔක කියකිය රට වටේ යනවා.
රටේ ඉන්න පොතක් පතක් පත්තරයක් කියවන්නෙ නෑති මෝඩයොත් විශ්වාසකරනවා ඔය කතාව.
ඊට පස්සේ ආණ්ඩුව හොදවෙනවා....කෑම්පස් ලමයි නරක්වෙනවා......සිසු සටන්වලට ගරහන ජනතාව දන්නේ නෑ උන් මේ ගරහන්නේ උන්ගේ දරුවන්ගේ අනාගතයට කියන ඵක.
මේවා අපි කොච්චර කිව්වත් රටේ බහුතරයකට තේරෙන්නේ නෑ......අවුරුදු 500ක වහල්බාවයේ ප්‍රතිපල තමා ඉතින් !
ජ.වි.පෙ. භූමිකාව කෙසේ වෙතත් විපක්ෂයේ සිට රජය කොන්ට්‍රෝල් කරන්න පුළුවන් වෙන්නෙ රජයට විපක්ෂයේ සහයෝගය අවශ්‍ය වන අවස්ථාවකදි විතරයි. ඒ වගේ වෙලාවක විපක්ෂයේ එක ආසනයක් පවා තීරණාත්මක වෙන්න පුළුවනි.
ReplyDeleteජෙප්පොන්ගෙ තියන විශේෂතාව වෙන්නෙ උන් මෙතෙක් හොරකම් කරල වංචා දූෂණ වල පැටලිලා නැති එකයි. ධනපති ශ්‍රී ලංකා යූ ඇන්පී පක්ෂ එක්කල ගත්තහම දේශපාලන ප්‍රතිපත්ති වල පැහැදිළි වෙනසක් පේන්නෙ නැහැ.
ජවිපෙට මේ පාර චන්ද අඩුවෙන්න ප්‍රධාන හේතුව ජවිපෙට දුන්නොත් මහින්ද විරෝදී චන්ද කැඩෙයි කියන බය.අනික ජවිපෙ දැන් ටාගට් කරන මධ්‍යම පාන්තිකයන්ට තාමත් ජවිපෙට චන්දෙ දෙන්න ගටක් නොමැති වීම. 94න් පටන් ගත්තු ජවිපෙ දෙවැනි ගමනෙ පලමුවන කඩා වැටීම තමයි වීරවංශ නන්දන ඇතුළු සෙට් එකේ ඉවත් වීම දෙවැනි කඩා වැටීම කුමාර් මහත්තයා ඇතුළු සෙට් එක ජවිපෙන් ඉවත්වී පෙසපෙ හදා ගැනීම.අද පෙසපෙ ජවිපෙටත් වඩා නන්නත්තාර වුනත් විරවංශ සෙට් එක ඉවත් උනාට වඩා මේ දෙවැනි බිඳ වැටීම ජවිපෙට දරුණුවට වැදුන.ජවිපෙ කියන්නේ බිම් මට්ටමේ පුර්ණ කාලීන කාඩරයන් සහ ශිෂ්‍ය ,කම්කරු ව්‍යාපාර මතින් දේශපාලනය කරපු පක්ෂයක්. කුමාර් මහත්තයා ඇතුළු පිරිසත් එක්ක මේ බිම් මට්ටම විතරක් නෙමෙයි අන්තරේ ඇතුළු ශිෂ්‍ය ව්‍යාපාරයත් ජවිපෙට අහිමි වෙනව.හැබැයි ඒකෙන් එක වෙනසක් වෙනව.ජවිපෙ තමුන් මෙතෙක් ආමන්ත්‍රණය නොකරපු ජන කොටස් ටාගට් කරන්න පටන් ගන්නව.ප්‍රබල බිම් මට්ටමක් සහිත විප්ලවීය වාමාංශික පක්ෂයක ඉඳන් ජනමාධ්‍ය සමාජ ජාල මගින් දේශපාලනය කරන අන්නා හසාරේ පන්නයේ දේශපාලන ව්‍යාපාරයක් බවට පත් වෙමින් තියෙනව.ජවිපෙ තාමත් ඉන්නේ මේ සංක්‍රමණික අවස්ථාවෙ.මෝස්තරේට මාක්ස්වාදය ගැන මොනා හරි දෙඩෙවුවට ජවිපෙ අද ටාගට් කරන මාකට් එකට අවශ්‍ය කුමාර් මහත්තයගෙ සමාජවාදෙ වත් වීරවංශගෙ ජාතිකත්වෙවත් නොවන බව අනුර කුමාර දන්නව.ඉස්සරහට අවලංගු වෙන 'මහින්ද විරෝධය' කියන එදාවේල වෙනුවට අලුත් ප්‍රවේශයක් හොයා ගැනීමට ඔහුට සිදු වේවි.
ReplyDeleteඉස්සෙල්ල පැරාගෙ ලිපිය ගෑන:
Deleteසමස්ථයක් වශයෙන් එකඟයි. "ඉතා මධ්‍යගත, සංවෘත පක්ෂයක් වන ජවිපෙ.." මෙන්න මේ කොටසෙ, ජවිපෙ ගැන හොඳ අර්ථ කථනයක් තියනවා. වරක් හිතවතෙක් වන, පක්ෂ සමාජිකයෙක් පැවසූවේ , ජවිපෙ ඇතුලත පමණක් ප්‍රජාතන්ත්‍රවාදය ක්‍රියාත්මක වන බවය.
ජවිපෙට පක්ෂ බොහෝ අය කියන දෙයක් නම්, ජවිපෙ දුෂණ, හොරකම් වලින් නම කැතකරගෙන නැති බවය. ඕකට අපේ ගම් පලාතෙ නම් කියන්නේ " කැත ගෑණිගෙ පතිවෘත්තාව" කියලාය.
ඇනෝ, හොඳ වීග්‍රහයක්.ජවිපෙ ගැන මගේ තිබුණ කැමැත්තට , ප්‍රධාන සාධකය වුනේ බිම් මට්ටමේ සාමාජිකයන්ගෙ තිබුණ කැපවීම. එහෙමං ඒකත් ඉවරයි.
මට ප්‍රශ්ණයක් තියනවා . සමාජවාදය නිසා අපි අද භුක්ති විඳින බොහෝ දේ තියන බව ඇත්ත. ඒත් එව්වයින් නියම ඵල ප්‍රයෝජනේ ගත්තෙ ධනවාදය නෙව? . දැං බලාගෙන ගියාම ජවිපෙ කියන්නෙත් , මොන දහන් ගැටේ ගහලහරි බලයට එන්න බලාගෙන ඉන්න තවත් එක පක්ෂයක් විතරයි නෙව?
//මෝස්තරේට මාක්ස්වාදය ගැන මොනා හරි දෙඩෙවුවට ජවිපෙ අද ටාගට් කරන මාකට් එකට අවශ්‍ය කුමාර් මහත්තයගෙ සමාජවාදෙ වත් වීරවංශගෙ ජාතිකත්වෙවත් නොවන බව...//
මේ කුලුගෙඩි පාර වදින්නේ, අත්තිවාරමටම නේද? සමාජවාදයයනු ඉතාමත් ආකර්ෂණීය තියරියකි. ප්‍රශ්ණය ඇත්තේ " ප්‍රායෝගික" සමාජවාදයේය.ප්‍රායෝගික සමාජවාදයේ කඩා වැටිම, යකඩ තිරයකටවත් නැවැත් වීමට නොහැකි විය. "පූර්ණ සමාජවාදී රාජ්‍යයක් යනු ෆැන්ටසියකි, ඔය මවල පෙන්නන සුඅර පුරේ නෙමෙයි ඇතුලෙ තියෙන්නෙ" යැයි යමෙකු තර්ක කලොත්, ඔබේ පිළිතුඅර කුමක්ද?
කැම්පස් වල දැන් ජෙප්පන් නැත,පෙරටූ ගාමීන් ඇත,ලිංගික ප්‍රශ්නය විසදුන විට විප්ලවාදීන් අතුරුදහන් වෙයි,රුහුනේ 2000-2003 කබරයා කොහිද?,උඩුල් ප්‍රෙමරත්න කොහිද,රවින්ඩ්‍ර මුදලිගේ කොහිද?,තනි අලියා කොහේද?විප්ලවය කොහේද?මැරුන අය ජිවත් වුනත් එහෙමයි,දනපති සැකිල්ලට ගෙවල් හදන අය එලියට අවාහම එලියේ ධනපතියන්ට වඩා දනපති වෙනවා,කැම්පස් විප්ලව කරුවන් ඝාතනය කල යුතුය ඒ සද හා එස්.බී ම පත් කල යුතුය.
ReplyDelete