තමන්ගේ රූපය තමන්ගේ ම ටී කමිසයේ ගසාගෙන ඇඳ ගත් ජනාධිපතිතුමා

ලංකාව පුරා විවිධ වස්තූන්ට හා ස්ථානවලට තම දමාගෙන තිබෙන ජනාධිපති මහින්ද රාජපක්ෂ අලුත්ගම ප්‍රදේශයේ ජනවාර්ගික ගැටුම්වලින් පසුව කරනු ලබන ප්‍රතිසංස්කරණ නැරඹීමට ගොස් සිටියේ තමන්ගේ ම රුව දැක්වෙන ටී කමිසයක් ඇඳගෙනයි. 

චේ ගුවේරා, බොබ් මාලි වැනි ජනප්‍රිය සංස්කෘතික හා දේශපාලනික සංකේතවල රුව දැක්වෙන ටී කමිස ලොව පුරා තරුණ තරුණියන් අතර ජනප්‍රියයි. ප්‍රසාංගික කලාවන්හි ඇතැම් ජනප්‍රිය පුද්ගලයන් තමන්ගේ ම රුව දැක්වෙන ටී කමිස ඇඳ සිටින අවස්ථා දක්නට ලැබුණත්, දේශපාලකයන් අතර එය එතරම් සුලබ නැත. ‍එය දේශපාලකයන්ගේ පුද්ගලාභිවන්දනාවේ එක් අන්තයක් ලෙස සලකන්නට පුළුවන. 

ජනාධිපතිවරයා තමන්ගේ ම රුව සහිත ටී කමිසයකින් සැරසී නරඹන්නට යන්නේ තමන් විසින් ම උත්තේජනය කරන ලද ජාතිවාදයෙන් සිදු වූ විනාශයයි.  ඔහු සිය පැවැත්ම තහවුරු කර ගන්නට උත්සාහ කරන්නේ ද ඒ ජාතිවා‍දයේ සරණිනි. 

තමන් විසින් තමන් ම මේ අන්දමින් උත්කර්ෂයට නංවා ගැනීම බොහෝ ඒකාධිපති පාලකයන් අතර දක්නට ලැබුණු ලක්ෂණයකි. එහි අනෙක් පැත්ත වන්නේ ඔවුන් මේ පුද්ගලාභිවන්දනා කර ගන්නේ මහජන මුදලින් ම වීමයි.

පහත පළ වන්නේ ජනාධිපති මහින්ද තමන්ගේ ම රුව සහිත ටී කමිස ඇඳ සිටින ඡායාරූප බෙදා හදා ගත් ෆේස්බුක් ජාලයක කිසිවකු විසින් බෙදාගෙන තිබුණු විස්තරයකි.

රජයේ කාර්යාලවල සිය ඡායාරූප ප්‍රදර්ශනය කිරීම හා විවිධ ඵලක වල සිය නම කෙටීම තහනම් කරමින් නියෝගයක් නිකුත් කිරීමට කොස්ට රීකා රාජ්‍යයේ නව ජනපතිවරයා කටයුතු කර ඇතැයි වාර්තා වේ.

"අවම වශයෙන් මගේ රජය යටතේ වත් ජනපතිවරයාගේ රුව නැමදීමේ යුගය අවසන් වෙනවා," යැයි ලුයිස් සෝලිස් ජනපතිවරයා පවසා ඇති බව බීබීසී පුවත් සේවයේ දැක්වේ.

මාධ්‍යවේදීන් වෙත අදහස් දක්වමින් කොස්ටාරිකා ජනපතිවරයා පවසා ඇත්තේ මාර්ග හා පාලම් වැනි ඉදිකිරීම් ව්‍යාපෘති විවෘත කිරීම් වලදී එහි ඇති ඵලක වල සිය නම සනිටුවහන් කිරීම මගින් ජනතාවට වැරදි පණිවිඩයක් ලැබෙන බවට තමා විශ්වාස කරන බවයි.

මෙවැනි දේවල් රජයක් හෝ එක්තරා නිලධාරියෙකු විසින් ලබා දෙන දේ නොව රට විසින් ලබාදෙන්නක් බව ඔහු වැඩිදුරටත් පවසා තිබේ.

මේ නියෝගයත් සමග, අතීතයේ මෙන් නොව, කොස්ටාරිකාහි ඉදිරියේදී විවෘත කෙරෙන මෙවැනි ව්‍යාපෘති ඵලක වල අදාල ව්‍යාපෘතිය විවෘත වූ වසර පමණක් දැක්වෙනු ඇති බව බීබීසී යේ දැක්වේ.

පසුගිය පෙබරවාරි මාසයේ එරට පැවති ජනාධිපතිවරණයේදී විශිෂ්ට ජයගත් අත්කරගත් සෝලිස්, ජනපති ධූරයට විනිවිදභාවයක් ගෙන ඒමට හා එරට අනවශ්‍ය වියදම් කපාහැරීමට ජනතාවට පොරොන්දු විය.

මේ ලිපිය වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න

ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි. අසභ්‍ය යයි සාමාන්‍ය ව්‍යවහාරයේ පිළි ගැනෙන වචන සම්බන්ධයෙන් සදාචාරවාදී නො වන මුත්, අනුන්ට අපහාස කිරීම සඳහා එවැනි වදන් භාවිතා කර තිබෙන අවස්ථාවලදී ඒවා ඉවත් කිරීමට සිදු වන බව කරුණාවෙන් සලකන්න. එසේම, නීතිමය ගැටලු මතු කරන අදහස් පළ කිරීම් ද ඉවත් කරනු ලැබේ. අදහස් පළ කිරීම සම්බන්ධ කාරණාවලදී සංස්කාරක වගකීම් සමග සහයෝගයෙන් කටයුතු කිරීම බලාපොරොත්තු වෙමු. Read in English blog.parakum.com