රිසානා වෙනුවෙන් ආණ්ඩුව ගතයුතු පියවර
කොන්ද පණ තිබේනම් කළ යුතුව තිබෙන්නේ දින කීපයකට පෙර රිසානා නිදහස් කරනු ඇතැයි ප්‍රකාශ කළ ලංකාවේ සිටින සවුදි තානාපතිවරයා ආපසු යැවීමයි.
එසේම, පාලකයන්ට රජසැප විඳීම සඳහා මැද පෙරදිග වහල් සේවයට යවා තිබෙන කාන්තාවන් ආපසු කැඳවීමටද නැවත එසේ නොයැවීමටද පියවර ගතයුතුය.
රිසානා මරා දමා තිබියදී පවා ඇය නිදහස් කරගැනීමට ආණ්ඩුව කටයුතු කරන බවට පාර්ලිමේන්තුවේදී කයිවාරු ගැසූ, විදේශ ශ්‍රමිකයන් රටවිරුවන්ය කියා ගොනාට ඇන්දීමේ මූලිකත්වය ගෙන කටයුතු කරන ඇමති ඩිලාන් පෙරේරාද ඉල්ලා අස්විය යුතුය.
රිසානා නිදහස් කරන්නැයි සවුදි රජුට ලියුම් ලියූ ජනාධිපතිතුමා සහ රාජපක්ෂ පවුල ඉල්ලා අස්වන්නේනම් එය මේ රටේ දුප්පත් ගැහැනුන්ට වහල් සේවයට පිටරට යාමට සිදුවන දරිද්‍රතාව නිර්මානය කළ දූෂණය හා නාස්තිය නැතිකිරීම සඳහා ගනු ලබන තීරණාත්මක පියවරකි.
දුප්පත්කම නිසා මැදපෙරදිග ගිය රිසානාට එසේ ගොස් දින කීපයක් තුළ ඇය විසින් රැකබලාගන්නා ලද දරුවා මරා දමන්නට කිසිදු හේතුවක් නැත. ඇයට මානසික රෝගී තත්වයක් තිබූ බවට වෛද්‍ය වාර්තාවක්වත් නැත. ඇය වැනි ගෘහ සේවිකාවන්ගේ හිමිකම් ආරක්ෂා කිරීම වෙනුවෙන් ලංකාවේ ආණ්ඩුව කරන මැදිහත්වීමක් නැති බවට රිසානාට එරෙහි නඩුව දෙස් දෙයි. ඇගේ පාපොච්චරණය පොලිසිය විසින් බලෙන් ලබාගන්නා ලද එකක් බවද, නිසි පරිවර්තකයකුගේ සේවාව ඇයට ලැබී නොමැති බවද, ඇයට නිසි නීතිඥ නියෝජනයක් ලැබී නොමැති බවද, නඩුව සඳහා විද්‍යාත්මක සාක්කි හෝ මරණ පරීක්ෂක වාර්තාවක් හෝ නැති බවද පැහැදිලිවම පෙනේ.
මියගිය දරුවාගේ මව කුරාණයේ දැක්වෙන අන්දමින් දරුවාට කිරිදුන් මවක නොවන්නීය. සිය නොසැලකිල්ල ඔස්සේ ඇය දරුවාගේ මරණය සිදුවන්නට සලස්වා තිබේ.
පළපුරුද්දක් නැතිකම හේතුවෙන් දරුවාට කිරි සිරවීම නිසා සිදුවන්නට ඇතැයි විශ්වාස කළහැකි මෙම වරදට රිසානා පැටලෙනවිට ඇය 17වන වියේ පසුවූවාය. ලංකාව මෙන්ම සවුදි අරාබියද ළමයින්ගේ හිමිකම් පිළිබඳ ප්‍රඥප්තියේ (Convention of the Rights of the Child [CRC]) පාර්ශ්වකරුවෝය. එයට අනුව වයස අවුරුදු 18ට අඩු ළමයකුට මරණදඬුවම දෙන්නට බැරිය.
රිසානාගේ මරණය වැළැක්වීමට අවශ්‍ය පියවර ගැනීමට රජය නිල මට්ටමින් අවශ්‍ය කටයුතු නොකළ බව ඉතා පැහැදිලිය.
මේ ලිපිය වෙන අයත් එක්කත් බෙදා ගන්න. උපුටා ගන්නවා නම් මෙතැනින් ගත් බව කියන්න
පුංචි ප්‍රශ්නයක් තියෙනවා.. ලංකාවේ නොමිලේ අධ්‍යාපන, නොමිලේ ඉස්පිරිතාල, නොමිලේ විශ්ව විද්‍යාල, විශ්‍රාම වැටුප් හා සුවිසල් ඇමතිවරු රොත්තක් නඩත්තු කරන්න උපයන මුදලෙන් වැඩිම උපයන්නේ විදේශීය ශ්‍රමිකයන් (තේ, රබර්, පොල් වලටත් වඩා). මැද පෙරදිග කට්ටිය ගෙන්නගත්තා කියමුකෝ.. එම අදායම බද්දක් හැටියට ගැහුවොත් එකටත් බැනල බ්ලොග් පොස්ට් එකක් ලියන්නේ නැ කියල ඔයා පොරොන්දු වෙනවා නම් එක කරන්න පුළුවන්... :-)
ReplyDeleteඇනොනිමස් රාජපක්ෂ, ඔයා අපෙන් එහෙම පොරොන්දු ඉල්ලන්නේ එහෙම අයකරන ආදායම් බද්දෙන් ඔයාටත් කාර් රේස් යන්න, ජොලි කරන්න ලැබෙනවාද?
Deleteනොමිළේ අධ්‍යාපනය කියා හඳුන්වන අපේ බදු මුදලින් අපට දෙන 'නිදහස් අධ්‍යාපනයෙන්' ගුණාත්මක අධ්‍යාපනයක් අපේ දරුවන්ට ලැබෙනවාද? අනෙක් දේ ගැන කියන්න තිබෙන්නේත් ඒ ටිකමයි.
මේ ඇමතිවරු රොත්තෙන් මේ රටේ මහජනතාවට තිබෙන ප්‍රයෝජනය කුමක්ද? අපි උන්ට කප්පම් ගෙවන්නේ මොකටද?
අපි බ්ලොග් ලියන්නේ ඒ නිසායි.
අනෙක ආසියාවේ ආශ්චර්යයට ඔය ගෑනු බැලමෙහෙ කරලා ගන්න සල්ලි ඕනැද?
DeleteAno1 : අජිත් මාව වැරදි තැනින් අල්ලගෙන් අබව පේනවා. මම රජය කරන දේවල් අනුමත කරන්න හදන කෙනෙක් නෙවෙයි. මගේ කොමෙන්ටුවේ "සුවිසල් ඇමතිවරු රොත්තක් නඩත්තු කරන්න" කියන දේ යෙදුවේ ඔබ මෙන්ම මමත් එය අනුමත නොකරන නිසා බව නොහිතුනු එක පුදුමයි. මම කතා කරන්නේ පවතින යථාර්තය යටතේ ආර්ථික කාරණාවක්. අද රට දුවන්නේ (ඔබ පවසන නොයෙක් අනවශ්‍ය දේ මෙන්ම අවශ්‍ය දේ සදහා යන වියදම් නිසා) ඉතා අමාරුවෙන් බව අපි හැමෝම දන්නවා. ඉතින් සිද්ද වන්නේ එය කෙසේ හෝ යලිත් මහා ජනතාවගෙන්ම හොර කැමයි. බදු ලෙසින් හෝ බඩු මිලෙන්. නැද්ද? ඉතින් මැද පෙර දිග ඉන්න හැමෝම ගෙන්නගමු කියල වීරයෙක් වගේ කියන්න මමත් කැමතයි. එත් ඇත්ත චිත්‍රය ටිකක් වෙනස්.. "මෙම වහල් සේවය නවතා එකී පාඩුවත් මහා ජනතාව හැටියට අපිම දරා ගමු!" කියන එකයි යථාර්තය..
ReplyDeleteඇනෝ සමග එකඟයි මේ ඇනෝ කියන අදහසම මම වෙනත් විදියකට මාතලන් රිසානා ගැන දාපු පොස්ට් එකේ කිව්වා මෙහෙම
Deleteමේ වගේ රටවල් වලට වහල් සේවයට අපේ ගෑනුන්ට ළමයින්ට යන්න වෙන තැනට වැඩ කටයුතු කරල රට දිනෙන් දින අගාධයට දාල තියෙන්නේ සහ දැනටත් කරමින් ඉන්නේ පාර්ලිමේන්තුවේ ඉඳන් රට කරවන මුග්ධ රැල නොවෙයිද? නිදහසින් පසු ආසියානු කලාපයේ අපිට වඩා පහලින් හිටපු අනිත් රටවල් ආර්ථිකව දියුණුවෙලා තියෙද්දී අපි ගෑනු වහල් සේවයට යවල ගෙන අදායම තමයි රටේ මුලික අදායම ඒ සල්ලි වලින් මහා විසාල ආණ්ඩු පාඩු ලබන ආයතන සුභසාධන නඩත්තු කරමින් තවත් නය අරන් මේ කරමින් ඉන්නේ මහා ආශ්චාර්යක් කියල තප්පුලන හරක් ටිකක් කටින් බතල කොළ හිටවන එක විතරයි අපේ රටේ වෙන්නේ.
රිසානලට වහල් වැඩට යන්න වෙන එකට දේශපාලකයන් වගේම පැරරාලගේ වම්මුත් වගකිව යුතුයි, මහා විශාල රජය කියන ආයතනය නඩත්තු කරන්න න්‍යාය සපයල දෙන්නේ වම්මු. අපිට නිදගස් අධ්‍යාපනය සෞඛ්‍ය අපේම කියල ජාතික ගුවන්සේවා දෙනවා කියල අපේ සල්ලි අරන් කාර් රේස් යනවා මේකට පාර කපන්නේ පුද්ගලික අංශයට වඩා රජය හොඳයි රාජ්‍ය ධනවාදය හොඳයි කියන පැරකුම්ලා.එයාලගේ තර්කය තමයි උඩු රැවුල විතරක් මහින්ද වෙනුවට මුණපුරා රැවුල තියන විජේවීර වගේ හොඳ සමනලයෙක් ආවොත් කාර් රේස් තියන්නේ නැතිව අපිට ගුණාත්මක නිදහස් අද්‍යාපනය දෙයි කියන එක.
//රිසානා වෙනුවෙන් ආණ්ඩුව ගතයුතු පියවර//
Deleteආණ්ඩු වලට කල හැකි ලබ්බක් නැත. රාජ්‍ය ධනවාදයට හෝ රාජ්‍ය සමාජවාදයට ජනතාව වෙනුවෙන් කල හැකි කිසිවක් නැත මේවා ට පත්වන වුන් බල තන්හාවෙන් මත් වී ඒකාධිපති වීම හෝ ප්‍රජාතන්ත්‍රවාදී යැයි කියා හෝ සමාජවාදය කියා වෙනසක් නැත රාජ්‍ය ආයතන හරහා ලැබෙන මුදල් ගසා කෑම හැර ආණ්ඩු වලට කල හැකි දෙයක් නොමැති බව අඩු තරමේ එලකිරි ධනවාදියෝ වන අපි කියන එක පිළිගන්න බැරිනම් අඩු තරමේ කොමිනිස්ට් ප්‍රකාශනයේ මාක්ස් කියන දේ බලන්න
“National differences and antagonism between peoples are daily more and more vanishing, owing to the development of the bourgeoisie, to the freedom of commerce, to the world market, to uniformity in the mode of production, and in the conditions of life pertaining thereto.”
The Communist Manifesto
පැරකුම් උබලට තේරුම් ගන්න බැරි සරල දෙය තමයි රිසානල ගෙන් බදු එකතු කරලා එස් බී ලට දීල නිදහස් අද්‍යාපනය කිව්වම උබලට පොඩි වමේ චුන් එකක් යනවා ධනපතියා ගේ සල්ලි පොදුවේ දුප්පතුන්ට සමව නිදහස් අද්‍යාපනය කියල බෙදුවා කියල. ලංකාවේ ධනපති නෑ පොදු රජයේ දේපල කියන්නේ කරුමයක් මේවා එස් බී ල කාල රොඩ්ඩ බෙදන්නේ.එස් බී නොවෙයි කවුරු ආවත් එකයි. ලෙනින් ආවත් එකයි. උඹලගේ ඔය වාමාංශික ක්‍රමය හරියන්නේ නැහැ. ලංකාවේ රාජ්‍ය ව්‍යාපාර සහ සේවා ආයතන ජනතාවගේ සතුරෝ. ඉහත මාක්ස් කියන freedom of commerce කියන එක ලංකාවේ නම් රජයෙන් ජනතාවට අරන් දිය යුතුයි. පුද්ගලික ව්‍යාපාරිකයින්ට රජය වගේ නොවෙයි වෙළඳ පොලේ තරඟ කොට ගුණාත්මකභාවය තහවුරු කලොත් විතරයි පැවැත්මක් තියෙන්නේ. නැත්නම් කවුරුවත් බඩු ගන්නේ නෑ බංකොලොත් වෙනවා. රජයේ ආයතන වලට ඕවා ඕන නෑ ආයිත් අපෙන්ම අරන් පාඩු පියවල පවත්වාගෙන යනවා.
රිසානලට පිට රට ගිහින් කඹුරන්න වෙලා තියෙන්නේ රටේ ජනතාවට රජයෙ මැදිහත්වීම තොරව නියම නිදහස් වෙළඳාම කරා යන්න නොදී රට දියුණුවීමට නොදී කකුලෙන් අදින (89 දී JVP වම්මු අවුරුදු 50 රට ආපස්සට ගේන යන ලදී)රාජ්‍ය ධනවාදයට එහි ආයතන නඩත්තු කිරීමට උඩගෙඩි දෙන වම්මු නිසා.
පැරකුම් උඹල පුද්ගලික විශ්ව විද්‍යාල එපෝ අපිව කන්න බලන් ඉන්න සතුරෙක් කියල දුප්පත් රිසානල හම්බ කරන සල්ලි එස් බී ට(රජයට) දෙන්න උදව් කරනවා එස් බී ල ගසා කනකොට නිර්මාල් රංජිත් ල ට සපෝර්ට් කරනවා (රාජ්‍ය ආයතන වල පඩි ගන්න නිලධාරීන්) දෙකම එකයි නිර්මාල් ල සහ එස් බී ල දෙගොල්ලොම හෙට්ටු කරන්නේ රිසානල හම්බ කරන සල්ලි ටිකේ වැඩි කුට්ටිය බෙදාගන්න. රට වල පල්ලට යනවා අපි නොබියව ධනවාදය කරා යන සිංගප්පුරුව වගේ රටවල් දිහා බලාගෙන හූල්ලමින් ගෑනු පිටරට යවනවා.උන් මැරුණම ආණ්ඩුවට බනිනවා. රිසානලගේ ලේ රට ආර්ථිකව දියුණු කරන්න නොදෙන හිත හොඳ වම්මුගේ දෑත් වල තියනවා.
Deleteපැරා ඔබ කියන කිසිම දෙයක් සිඳුවන්නේ නෑ.. මේක මාෆියාවක්... එයට රජය සහ ඇමතිවරු සහහ දක්වන තුරු මේවා නවතින්නේ නෑ.. ඒ නිසා ඩිලාන් වැනි මිනිසුන්ට ආදරය කරන කෙනෙක් උනත් එතෙනට ගියාම මාෆියා එකට යට වෙනවා. පාර්ලීමේන්තුවේදී බිම බලාගෙන කතා කලේ ඒ නිසයි. නිලධාරීන් ඩිලාන්වත් ඇන්දුවා.. ප්‍රශ්ණය තියෙන්නේ මෙහෙම අඳින ඇමතිවරු අපට මොකටද කියන එකයි... ඩිලාන් පත්වූ විට වෙනසක් සිඳුවේයයි මා බලාපොරොත්තු වූවා. නමුත් ඒය සිහිනයක් පමණයි.. මේක සල්ලි උල්පතක්..
ReplyDeleteමමත් විදේශ ශ්‍රමිකයකු ලෙස සේවය කර ඇති නිසා මේ සෙයළුම දේ ගැන දැණුවත්.. මා නම් පුද්ගලිකව සටන් කොට කිහිප දෙනෙකුට සියළිම අයිතිවාසිකම් ලබාදී තිබෙනවා.. නමුත් එහෙම දෙයක් කරන්න පුළුවන් පිරිස අතේ ඇඟිලි ප්‍රමානයටත් වඩා අඩුයි..
හැමදාමත් වගේ පැරා අදත් නාලා නේද?
ReplyDeleteහොදම දේ කොල්ලො තුන් දෙනාගේ "තොන්ගලේ" කපල මමත් ෂරිය සමගයි කියල කිව්වනම් හරි.
ReplyDeleteAno1 මම කියාගන්න තතනපු දේ උදිත එක වැකියකින් කියනවා.... "නිර්මාල් ල සහ එස් බී ල දෙගොල්ලොම හෙට්ටු කරන්නේ රිසානල හම්බ කරන සල්ලි ටිකේ වැඩි කුට්ටිය බෙදාගන්න."... අනිත් අතට නිදහස් අද්යපනයෙන් (රොඩ්ඩ උනත් ) ඉගෙනගෙන ... නිෂ්පාදනයකට දායක නොවී පණ්ඩිත talks දදා ඉන්න කාටත් රිසානාගේ කඳුළු වල share එකක් තියෙනවා.. ආණ්ඩුවට බැනල අපේ වැරදි වසා ගන්න එක ලංකාවේ අපිට ලැබිල තියෙන කුහක bonous එකක්.
ReplyDelete