දේශපාලන කුණු පණුවන් එහා මෙහා පනින ජනපතිවරණ සටන

ජනාධිපතිවරණය සම්බන්ධයෙන් අප විසින් කර තිබෙන බිම් මට්ටමේ නිරීක්ෂණ අනුව පැහැදිලිව දැකිය හැකි කාරණයක් වන්නේ රාජපක්ෂ විරෝධී දැවැන්ත ජන රැල්ලක් ඇති වී තිබෙන බවයි. මේ රැල්ල ගොඩනැගෙන්නේ කුමක් පදනම් කරගෙන ද යන්න තවමත් විපක්ෂය හරි හැටි තේරුම් ගෙන ඇති බවක් නො පෙනේ. 

මෙහි තිබෙන මූලික කාරණය වන්නේ රටේ යහපාලනයේ ගැටලුවයි. ජනතාවට අවශ්‍ය වී තිබෙන්නේ දූෂණයෙන් තොර, නීතියේ පාලනයෙන් යුත්, මනා ආර්ථික පාලනයකින් යුතු රටකි. අනේක විධ බාධා මැද ජනතාව විපක්ෂ රැළිවල රොද බඳින්නේ මේ අපේක්ෂාව වෙනුවෙන් ශක්තිය ගොනු කරන්නට ය. එහෙත් විපක්ෂයේ මැතිවරණ ප්‍රචාරක ව්‍යාපාරය මේ කාරණා නිසි ලෙස ආමන්ත්‍රණය කරනවා වෙනුවට බල තුලනය වෙනස් කිරීමේ ඔලුගෙඩි මාරුවට මුල් තැන දී තිබේ.

මහජන නියෝජිතයන් මිළ දී ගැනීම නම් කාරණයේදී විශේෂඥයන් වන්නේ නිසැකව ම රාජපක්ෂ පවුලයි. ඒ වෙනුවෙන් ධනය, තනතුරු, වරප්‍රසාද පිරිනමමින් ද, අවශ්‍ය නම් භීෂණය මුදා හරිමින් ද කටයුතු කරන්නට ඔවුහු අති දක්ෂයෝ ය. එය ඔවුන්ගේ පොළවයි. ඔවුන් සමග හැප්පෙන්නට ඔවුන්ගේ අවකාශය වෙත යාම කිඹුලා සමග සටන් වදින්නට වතුරට පැනීම වැනි දෙයකි. 

විපක්ෂය වෙනුවෙන් හා ආණ්ඩුව වෙනුවෙන් ජනමත නිර්මානය කිරීම වෙනුවට ජනමාධ්‍ය විසින් නිර්මානය කරමින් තිබෙන්නේ ඒ පැත්තෙන් මේ පැත්තට, මේ පැත්තෙන් ඒ පැත්තට පනින දේශපාලකයන් පිළිබඳ කටකතා නිර්මානය කිරීමයි. මේ කටකතාවල උපත දකින්නට ලැබෙන්නේ ඕපාදූප වෙබ් අඩවිවලයි. එහෙත්, ඒවා ක්ෂණයකින් අන්තර්ජාලය පරිහරණය නො කරන ජනතාව වෙත ද ගමන් කරන ආකාරය විසින් පෙන්නුම් කරන කාරණයක් තිබේ. ඒ කුමක්ද? මෙවර ජනාධිපතිවරණයේදී අන්තර්ජාලය හා සමාජ වෙබ් අඩවි විසින් කරනු ලබන බලපෑම 2010 අවුරුද්දට සමාන වන්නේ නැත. ගත වූ පස් වසර තුළ රටේ සිදු වී තිබෙන අන්තර්ජාල විනිවිදීම තුළ සමාජ මනස හැසිරවෙන ආකාරයේ දැවැන්ත විපර්යාසයක් වී තිබේ. 

මෙහි තිබෙන තවත් විශේෂ ලක්ෂණයක් වන්නේ මේ දේශපාලනඥයන් හැසිරවෙන්නේ ඕපාදූප විසින් වීමයි. මෙය හරියට බල්ලා විසින් වලිගය වැනීම වෙනුවට වලිගය විසින් බල්ලා වැනීම වැනි තත්වයකි. 

විපක්ෂ ජනාධිපති අපේක්ෂකයාගේ මැතිවරණ ව්‍යාපාරයේ අවධානය වෙනස් කළ යුතු ය. ආණ්ඩුවෙන් දේශපාලකයන් විපක්ෂයට දිනා ගැනීම කෙරෙහි මූලික අවධානය යොමු කිරීම යනු ආණ්ඩුවට වාසිදායක පොළවක ක්‍රීඩා කරන්නට විපක්ෂය ඉදිරිපත් වීම වැනි ය. ඒ ක්‍රීඩාව දිනා ගැනීම අමාරු ය. එපමණක් නොව, එමගින් ජනතාවගේ චිත්ත ධෛර්යය ද බිඳ වැටේ. 

මෙතෙක් කල් ආණ්ඩුව සමග නැටවුණු, තීරණාත්මක මොහොතේදී ආණ්ඩුව සමග එක් වන්නට සිදු වන තරමට රාජපක්ෂ පවුලට වහල් වූ දේශපාලන නායකයන් රැසක් එක්සත් ජාතික පක්ෂයේ සිටින බව අප අමතක නො කළ යුතු ය. ඔවුන් වනාහි මේ කුණු වූ දේශපාලන ක්‍රමයෙන් බිහි වී තිබෙන පණුවෝ ය. ජනතා අරගලය දියත් විය යුත්තේ මේ පණුවන් බිහි වන ක්‍රමය වෙනස් කිරීමට මිස පණුවන් තමන්ගේ පැත්තට දිනා ගන්නට නො වේ.

ඒ පැත්තට මේ පැත්තට පැනීමේ දේශපාලනයේ එක් අනතුරුදායක කඩඉමක් පසුගියදා සලකුණු විය. ඒ වනාහි මහින්ද රාජපක්ෂගේ සංස්කෘතික දේශපාලන පෙරමුණේ සුවිසල් භූමිකාවක් රඟපාමින් අති විශාල ලෙස වරප්‍රසාද ලැබූ ප්‍රතිගාමී සිනමාකරුවකු වන සෝමරත්න දිසානායක මෛත්‍රීපාල රැල්ල සමග එකතු වීමයි. ඒ සමග ම මර්වින් සිල්වාගේ නම ද කියැවුණ අතර විපක්ෂ පොදු අපේක්ෂකයකු වෙනුවෙන් මාදුළුවාවේ සෝභිත හිමි සමග මුල පිරූ නිර්මාල් රංජිත් දේවසිරි කළ ප්‍රකාශයක් සිහිපත් කරමින් මේ සටහන අවසන් කරමි. 

"මර්වින් සිල්වා මෛත්‍රී පිළට එන්නේ නම් ඔහු භාර ගැනීමට විරෝධය දැක්විය යුතුය. නිල වශයෙන් ඔහුගේ පැමිණීම භාර නොගත යුතුය. මේ සදහා මතයක් ගොඩ නැංවීම වැදගත්ය. එකම නරක පුදගගයා මර්වින් නොවුනද පසුගිය කාලයේ සිදුවූ රාජ්‍ය තන්ත්‍රෙය් පරිහානිය ඔහුගෙන් සංකේතමත් වේ. ඒ නිසා ඔහුගේ පැමිණීමට විරුද්ධ වීම සංකේතාත්මක වශයෙන් වැදගත්ය."

මේ ලිපිය වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න

ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි. අසභ්‍ය යයි සාමාන්‍ය ව්‍යවහාරයේ පිළි ගැනෙන වචන සම්බන්ධයෙන් සදාචාරවාදී නො වන මුත්, අනුන්ට අපහාස කිරීම සඳහා එවැනි වදන් භාවිතා කර තිබෙන අවස්ථාවලදී ඒවා ඉවත් කිරීමට සිදු වන බව කරුණාවෙන් සලකන්න. එසේම, නීතිමය ගැටලු මතු කරන අදහස් පළ කිරීම් ද ඉවත් කරනු ලැබේ. අදහස් පළ කිරීම සම්බන්ධ කාරණාවලදී සංස්කාරක වගකීම් සමග සහයෝගයෙන් කටයුතු කිරීම බලාපොරොත්තු වෙමු.

Comments

  1. අම්මප මැරවිය ආවොත් නම් මගේ චන්දෙ දෙන්නෙම නෑ පැරා මොනව කිව්වත්.
    මගේ චන්දෙ එච්චර බලු වෙන්න දෙන්න බෑ

    ReplyDelete
    Replies
    1. තෝවයි මර්වියවයි දෙන්නවම කොටියම කාපං. ඊගාව පාර මම එක.

      Delete
    2. ජනාධිපතිවරණයට කලින් මර්වින්ව මයිත්‍රීගේ පැත්තට ගැනීම නොගැනීම කෙසේ වෙතත් ජන්දයෙන් මයිත්‍රී දිනුවොත් ඔවුන්ගේ සහය අවශ්‍යයි.

      ඒ කියන්නේ මේ තිබෙනා මජර මැතිවරණ ක්‍රමය වෙනස් කිරීමට,ජනාධිපතිධුරයේ ඒකාධිපති බලතල අයින් කොට ගෙන එන රෙගුලාසි සම්මත කිරීමට නම් පාර්ලිමේන්තුවේ තුනෙන් දෙකක් ගන්න ඕනි. ඒක මේ පාර්ලි‌‌මේන්තුවතුලම කරනවා නං දැන් ඔය ඉන්නා අයගෙන්ම තමයි ඒක කරන්න වෙන්නේ.

      විෂෙන් විෂ නෂනවා වගේ,මේ මොහොතේ වෙන කලයුතු දෙයක් නෑ. අදාල නව දේශපාලන ක්‍රමය ඇතිකරාම පස්සේ එන ඊලග ජන්දෙදි කවුද පත් කරන්නේ කියලා ජනතාව තීරණය කරන්න. මේ මොහොතේ පාර්ලි‌‌මේන්තුවතුල සිටිනා ඔළුගෙඩි ගානත් වැදගත් පරා.

      Delete
    3. අම්මටසිරි දැන් බලාගෙන යනකොට මෛත්‍රිගෙ මෙහෙයුමත් බොදු බල සේනාවෙ බුද්ධාගම බේරා ගන්න බුද්ධාගමට විරුද්ධ දේ වුණත් කරන්න ඕනැ කියනවා වගේ සංකීර්ණ වැඩක්නෙ. හැබේටම මෛත්‍රිට ඔය 2/3 නොලැබුණොත් මොකද දන්නෙ නෑ කරන්නෙ.

      Delete
  2. Mama oba samaga siyayata siyayak ekangayi!

    ReplyDelete
  3. /මහජන නියෝජිතයන් මිළ දී ගැනීම නම් කාරණයේදී විශේෂඥයන් වන්නේ නිසැකව ම රාජපක්ෂ පවුලයි. ඒ වෙනුවෙන් ධනය, තනතුරු, වරප්‍රසාද පිරිනමමින් ද, අවශ්‍ය නම් භීෂණය මුදා හරිමින් ද කටයුතු කරන්නට ඔවුහු අති දක්ෂයෝ ය. එය ඔවුන්ගේ පොළවයි. ඔවුන් සමග හැප්පෙන්නට ඔවුන්ගේ අවකාශය වෙත යාම කිඹුලා සමග සටන් වදින්නට වතුරට පැනීම වැනි දෙයකි. /
    ඒ අනුව ගත්තම වැඩකරු මහින්ද රාජපක්ශයි මහින්ද සමග අනිත් අයට හැරෙන්නටවත් බැරිය ඒ නිසා මගේ චන්දය මහින්දට

    ReplyDelete
  4. මම නිර්මාල්ට එතන කිව්වෙත්..

    එහෙම එනවනම් කරන්නේ කිරි කලයට අලි ගොම්බෙටි දැමීමක් කියලා..

    අනික මේ ව්‍යාපාරය පටන් ගත්ත නිර්මාල්ලා සෝභිතලා අද පැත්ත ගහලා. එහෙම නැත්නම් ඒ මිනිස්සු විසිවෙලා.. පොදු අපේක්ෂකයා ළඟ ඉන්න ඕන එහෙම මිනිස්සු.. වැදගත් මිනිස්සු.. නම කැත නැති මිනිස්සු.. ඒත අද මොකක්ද වෙන්නේ.. මම දැක්කා කැළණිය පන්සලේදි දහම් පුතත් ඉන්නවා.. එතකොට දැන් මෙයාලගේ මූලික සටන් පාථය නේද, පවුල් පාළණයට එරෙහි වීම.. ඒත් අද මොකක්ද වෙන්නේ.. සහෝදරයොයි, පුත්තුයි, දූලයි, ඔක්කෝම කලටි පොල් කඩනවා..

    සෝමරටන කියන්නේ සමාජය පිලිකෙව් කල මිනිස්සු, මර්වින් කියන්නෙත් එහෙමයි, චන්ද්‍රිකා කියන්නෙත් ඊට හපන්.. කොටින්ම චෞර රැජිණ.. ඉතින් සිරිසේන පැරදුනොත් ප්‍රධනම හේතුව වෙන්නේ ඕකයි.. මම හිතන්නේ නෑ බොක්කේ යූ ඇන් පී කාරයෝ, චන්ද්‍රිකාට චන්දේ දෙයි කියලා... මේ දේවලුත්.. පහළ මට්ටමේ කතා වෙනවා..

    කොටින්ම කියනවා නම් මජර පාළණ ක්‍රමයකට එදිරිව එන කන්ඩායම තුල තිබුන සුපිරිසිඳුභාවය දැන් නෑ.. මම හිතනවා මේකට මුල් උන සිවිල් කන්ඩායම් වේදිකාවේ හිටියනම් මීට වඩා ගැම්මක් තියෙනවා කියලා.. දැන් නම් තියෙන්නේ මළ විකාරයක්.. අච්චාරු හැලියක්.. මිනිස්සුන්ගේ බලාපොරොත්තු සුන් වීමක්..

    ReplyDelete
    Replies
    1. අපේ නං එහෙම බලපොරොත්තු සුන්වෙලා නෑ මාතලන්. සමහරවිට ජනාධිපති මහින්දට ගොට්ට අල්ලන සමහරුන්ට නං එහෙමද දන්නෑ.

      Delete
    2. ඇත්තම තමයි මාතලන් කියන්නෙ, බොක්කෙ යු එන් පි කාරයො චන්ද්‍රිකාට ඒ කියන්නෙ මෛත්‍රිට ඒ කියන්නෙ රනිලට චන්දෙ දෙන්නෙ නැත, බොක්කෙ යු එන් පි කාරයො චන්දෙ දෙන්නෙ මහින්දටය.
      ඇත්තම තමයි මාතලන් කියන්නෙ, චන්ද්‍රිකා චෞර රැජින ඒ නිසා යු එන් පි කාරයො ඔක්කොම මහින්දට චන්දෙ දෙනව
      මජර පාලන ක්‍රමයට එරෙහිව එන කණ්ඩායම තුළ තියෙන්න ඕන පිරිසිදු භාවය නැති නිසා මම මහින්දට චන්දෙ දෙනව
      මෛත්‍රිගෙ කණ්ඩායමේ අයත් පවුලේ උන් එක්ක එනව දැක්ක ඒ නිසා මම මහින්දට චන්දෙ දෙනව
      මේක මල විකාරයක් ඒ නිසා මම මහින්දට චන්දෙ දෙනව
      මේක මල අච්චාරුවක් ඒ නිසා මම මහින්දට දෙනව
      මේක මහ කැද හැලියක් ඒ නිසා මම මහින්දට චන්දෙ දෙනව
      මේක මිනිස්සුන්ගේ බලාපොරොත්තු සුන් වීමක් ඒ නිසා මම මහින්දට චන්දෙ දෙනව
      මගේ ඇට දෙකත් කහනව ඕයි ඒ අස්සෙ ඒ නිසා මම මහින්දට චන්දෙ දෙනව

      Delete
    3. බොහෝම පැහැදිලිව කියනවා නම්, මර්වින් සිල්වත් අරගෙන, අඩු පාඩුවට දුමින්ද සිල්වයි, වසන්ත පෙරේරා හරි ජොනීගෙනුයි එකෙකුත් ගත්තා නම් දෙපැත්ත බැලන්ස්. එතනදි නම් මහින්ද සිරාට වඩා දාහක් හොඳයි.

      Delete
    4. මාතලන් කියන්නේ ඇත්ත. ඊයේ අපේ ගමේ කැපුවත් කොළපාට යූ එන් පී කාරයෙක්ගෙන් ඇහුවාම මොකද්ද කරන්නෙ කියලා කිව්ව තාම බලාගෙන ඉන්නවා රුවන් මහත්තයා මොකුත් කරන්න කිව්වෙ නෑ කියලා. (රුවන් කිව්වෙ ආසන සංවිධායක රුවන් විජේවර්ධන ) වෙනදා මේ අය මෙහෙම බලාගෙන හිටියෙ නෑ. පක්ෂෙන් කිව්වා නැතා සංවිධාන කටයුතු කළා. කැන්වසින් කළා. ඇයි මේ වෙනස මෙදා පාර?

      Delete
    5. මෙවර මිනිස්සු හංසයාට දෙන්නේ , රනිල් ද චන්ද්‍රිකා ද චම්පික ද කියලා සිත නොවේ මහින්ද ට විරුද්දවයි , JVP අය ත් චන්දෙ දෙන්නේ ඔය රනිල් ද චන්ද්‍රිකා ද කියා නොවේ , මේ උන්මන්ථක පාලකයා එලවා ගත්තාට පසුව රනිල් ද මයිත්‍රී ද චම්පික ද කියා තීරණය කල හැක . මහින්ද මිත්‍යදුස්ටියේ ගිලිලා දැන් විජාතික බලවේගවල පිහිට සොයා සේරටම පෙර ඉන්දියාවට ගොස් , මයිත්‍රී ජනතාව අමතන කොට මෙයා ද්වියෝ අමතනවා .

      Delete
    6. දැන් ඔය ප්‍රතිපත්තිමය හේතු උඩ මහින්දට 2015 දි ඡන්දයෙ දෙනවා කියන්නෙත් 2010 දි මහින්දව විශාල වැඩි ඡන්දයකින් පත් කරපු මීහරක් ජනතාවමද? නැත්නම් වෙන කස්ටියක්ද?

      Delete
    7. සොරි. ප්‍රතිපත්තිමය හේතු මත මෛත්‍රිට චන්දය දෙනවා කියන්නෙත්...

      Delete
    8. පට්ට ලිබරල් මගේ පළමු මනාපය වන රනිලුත් තිරුපති යනවා.. ඒ අතින් බැලුවත් ඔක්කෝම එකයි.. කැළණියෝ බෝ ගහට වඳින්න මෛත්‍රීයි, මහින්දයි දෙන්නා පොරකෑවලු.. ගස් ගල් වලට වඳින නායකයෝ ඉන්නේ කොයි පැත්තෙත්.. ජෙප්පොත් යනවා මහානායකවරු මුණ ගැහෙන්න.. ඒ අතින් නම් අපි තාමත් ඉන්නේ ගල් යුගේ...

      Delete
    9. මාතලන් ඇයි කතා දෙකක්? මේ මොහොතේ කල යුතු දෙයක් කෙලින් කියන්න බැරිද පරා වගේ?

      Delete
    10. පොඩි ළමයෙක් ගෙන් ඇහුවාම බස් එකටද කෝච්චියටද වැඩිය හයියෙන් යන්න පුළුවන් කියලා ඔය දෙකෙන් එකක් කියාවි. වඩා කරුණු දන්න කෙනෙකුට එහෙම ලේසියෙන් උත්තර දෙන්න බැහැ. තවත් කරුණු අවශ්‍යයි. දැන් හෙට මර්වින් විපක්ෂයට ආවොත්, නිර්මාල් ඒ හන්දා මෛත්‍රිට සහය පළ කරන එක නැවැත්තුවොත්, චන්ද්‍රිකා මෛත්‍රි මගේ කොන්ත්‍රාත් කාරයෙක් කිව්වොත් පැරා ඔහුගෙ තීන්දුවෙ එහෙමම ඉන්නවද?

      Delete
    11. @ බුවා

      එහෙම කියන්න කලබල වෙන්න ඕන නෑ.. මේ සිරි ලංකාව.. 94 මම ඡන්දේ දෙන්න හිටියේ ගාමිණි දිසානායකට.. ඒත් එයා මළා.. පස්සෙ මම දුන්නේ චන්ද්‍රිකාට.. පාවෙන ඡන්ද කියලා කොටසකුත් ලංකාවේ තියෙනවා.. ඔක්කෝම පක්ෂග්‍රාහී වෙන්න ගියා නම්.. මේ රටේ තියෙන්නේ යූ ඇන් පීය විතරයි.. සම හරක් හිතාගෙන ඉන්නේ පක්ෂයත් ආගම වගේ මව් පිය උරුමයෙන් ලැබෙන දෙයක් කියලා.. මම තීරණය ගන්නේ 7 වෙනිදා.. මගේ ඡන්දය වටින්නේ මට. අනික් එකෙකුටවත් ඒක වැදගත් නෑ කියලයි මම හිතන්නේ. මොකෝ ඒක එක ඡන්දයක් නිසා.. ඕන් පාර්ලිමේන්තුවේ හිටියා නම්.. ඒක බලවත් ඡන්දයක් වෙයි..

      Delete
    12. ඔව් මාතලන් තීරණ ගන්නෙ 7 වෙනිදට, මාත් එහෙමයි 7 වෙනිදට මහින්දට නෑ නෑ මහින්දට නෙවෙයි නෑ නෑ මහින්දට නෑ නෑ මහින්දට නෙවෙයි නෑ නෑ මහින්දට

      Delete
    13. මතලන් එහෙම නිසා මාත් එහෙමයි අනේ

      Delete
  5. අපේ පැරා බෝයි සෝමරත්න දිසානයකගෙයි චම්පිකගෙයි අත් අල්ලගෙන සමාජවාදී රාජ්‍යය ගොඩ නඟන්න යනකොට කාටද ආඩම්බර නොහිතෙන්නෙ අප්පා?

    ReplyDelete
  6. කන්න ඕනැ උනහම නිර්මාල්ලා වගේ අයටත් තලගොයා කබරගොයා වීම කොයි තරම් අවාසනාවක්ද?

    /එකම නරක පුදගගයා මර්වින් නොවුනද පසුගිය කාලයේ සිදුවූ රාජ්‍ය තන්ත්‍රෙය් පරිහානිය ඔහුගෙන් සංකේතමත් වේ. /

    දැන් එතකොට පසුගිය කාලේ සිදු වූ රාජ්‍ය තන්තරේ පරිහාණිය මර්වින්ට පෙර පැමිණි මෛත්‍රිපාල සිරිසේන, චම්පික රණවක, රාජිත සේනාරත්න, හිරුණිකා ප්‍රේමචන්ද්‍ර වගේ අයෙගෙන් සංකේතමත් වෙන්නේම නැද්ද? ඒ අය ඔක්කෝම හොඳ මිනිස්සු, මර්වින් තමයි දුෂ්ඨයා. එහෙමද?

    ReplyDelete
  7. Replies
    1. ලින්ක් දාන්න කතන්දරකාරයාට මුදල් ගෙවා රිසිට් පතක් ලබාගත යුතු බව දන්නේ නැද්ද?

      Delete
    2. රාජ් කියන හැටියට ආවොත් මර්වින් වුණත් ගන්න ඕනැ. ඒ කියන්නෙ කවුරු හරි ගෙදර ඉස්සරහ කක්කා ගොඩක් දාල ගියොත් ඒකත් ගෙට ගන්න ඕනැ කියනවා වගේ වැඩක්. මම නම් ඒ වුණත් ඒකට කැමැතියි. මර්විනුත් ආවම පැරාට සමාජවාදය ගොඩ නඟන්න ලෙහෙසියි. හොඳ සටන් සගයෙක්.

      Delete
  8. "මර්වින් සිල්වා මෛත්‍රී පිළට එන්නේ නම් ඔහු භාර ගැනීමට විරෝධය දැක්විය යුතුය. නිල වශයෙන් ඔහුගේ පැමිණීම භාර නොගත යුතුය. මේ සදහා මතයක් ගොඩ නැංවීම වැදගත්ය. එකම නරක පුදගගයා මර්වින් නොවුනද පසුගිය කාලයේ සිදුවූ රාජ්‍ය තන්ත්‍රෙය් පරිහානිය ඔහුගෙන් සංකේතමත් වේ. ඒ නිසා ඔහුගේ පැමිණීමට විරුද්ධ වීම සංකේතාත්මක වශයෙන් වැදගත්ය."

    මේක මමත් හිතුවා ...... මෙ වගෙ උදවිය මේ පැත්තට එනවා කියන්නේ මේ පැත්තත් අඩු වැඩි වෂයෙන් දූශිතයි කියන එකයි

    ReplyDelete
  9. ඒ පැත්තට පනින කොට අපේ මාරයියා පුක හෝදලා කිස් එකක් දීලා අපේ වීරෝධාර මැතිතුමාට ජයවේවා කියල පිළිගන්නවා.

    මේ පැත්තට පනින කොට පැරා සහ රාජ් පුක හෝදලා කිස් එකක් දීලා අපේ වීරෝධාර මැතිතුමාට ජයවේවා කියල පිළිගන්නවා.

    බලාගෙන යනකොට මාරයියාගෙත් රාජ්ගෙත් පැරාගෙත් පනින් එවුන්ගෙත් කිසිම වෙනසක් නැහැ.

    ReplyDelete
  10. මේ අර හීනෙන්වත් වැරදි කරන්නේ නැති ඒ උනාට නම කියන්න බැරි සුපිරිසිදු එවුන් මර්වින් මේ පැත්තට එන එක ගැන මොකද කියන්නේ?

    ReplyDelete
  11. ආණ්ඩුවෙන් අච්චර පනිනවා, මෙච්චර පනිනවා යන කට කතාවල ප්‍රධාන මූලාශ්‍රයක් වන්නේ සංකිලි පනික්කියාගේ 'ලංකා සී නිවුස්' අඩවිය යි. මෙවැනි කට කතා පතුරුවා හැරීමෙන් පනික්කියා අපේක්ෂා කරන්නේ මෛත්‍රී පාක්ෂිකයා අන්ද මන්ද කිරීම යි.

    ReplyDelete
  12. ඕනෑම පුද්ගලයෙකුට තම දේශපාලන අදහස් වෙනස් කිරීමේ අයිතිය ඇත. නමුත් පිල් මාරුව නිසා කර ඇති හොරමැරකම් වලින් බේරී යාමට ඉඩ ලැබෙයි නම් වරද එතැනය.

    ReplyDelete
  13. නන්නත්තාර වෙලා ඉදල දුප්පත් මනුස්සයාගේ රුපියල් 100 ගානේ හිඟාකාල එගොඩ වුන කාලකන්නි ඇබිත්තයෙකුත් පැන්නා එහෙනම් !!!!!! කෝ අර පචවන්ශයගේ පවුලයි මුගේ පවුලයි පෙන්නලා මුගේ ගෑනි විතරක් හෙළ බොදු කියාපු එවුන් ? තොපිට අඩු අං අත්ට්ටුවයි වල්ගෙයි දිගේලි කොරන්න කනුවකුයි විතරයි!

    ReplyDelete

Post a Comment

මාතෘකාවට අදාළ නැති හා වෛරී අදහස් ඉවත් කිරීමට ඉඩ ඇති බව කරුණාවෙන් සලකන්න.

Popular posts from this blog

තේරවිලි: සුපුන් සඳක් ඇත. මැදින් හිලක් ඇත.

පාසල් අධ්‍යාපනය ගැන කතා තුනක්

හමුදා කුමන්ත්‍රණ ගැන ලෝකෙට දුරකථනයෙන් කිව්වෙ බීලා වෙන්න ඇති -ෆොන්සේකා