ගාලු කොටුවේ ආදරය තහනම් | Love banned in Galle Fort

(2010 ඔක්තෝබර් 10, W3Lanka) පහත පළ වන්නේ ඊයේ Sunday Times වෙබ් අඩවියේ Out of bounds for love birds මැයෙන් පළ වූ පුවතකි.


The Police this morning rounded up 30 couples inside the Galle Fort and hand over them to nearest Army Camp. Later they were warned and released.


In future, the Galle Fort is out of bound for couples.


This raid was conducted on request of the Galle Heritage Foundation.


යටින් ඉරි ඇඳ ඇති පදයේ ව්‍යාකරණ දෝෂය නො තකා හැර රතු පැහැයෙන් දක්වා ඇති කොටස් සැලකිල්ලට ගන්න.


මෙහි couples යයි කියන්නට ඇත්තේ අවිවාහක ආදරවන්තයන්ට වන්නට ඇත. ආදරවන්තයන් පෙම් කරන්නට ගාලු කොටුවට යාම විජයානන්ද දහනායකටත් කලින් කාලේ පටන් තිබුණු දෙයකි. ඒ නිසා එය ද ගාලු කොටුවේ උරුමයක් හෙවත් heritage එකකි. 


අනෙක ආදරය කිරීම එය හොඳ නැතැයි කියන උම්මත්තකයන් අතළොස්සකගේ හැර සියලු මිනිසුන්ගේ උරුමයකි. එසේ ම ලිංගික සංසර්ගය ඉතා හොඳ දෙයකි. ජීවිතයේ සතුට හා පැවැත්මේ පදනම ඇත්තේ එහි ය. කිසියම් කෙනෙක් ගාලු කොටු බැම්මේ ප්‍රසිද්ධියේ සංසර්ගයේ යෙදේ නම් එය පිළිගත් සදාරචාරයන්ට අනුව ප්‍රශ්නයකි. පූර්ව ලිංගික ක්‍රියාවල යෙදේ නම් ඒ කුමන මට්ටමට ද යන්න විමසා බැලිය යුතු ය. මන්ද බලන එක පවා පූර්ව ලිංගික ක්‍රියාවක් ලෙස සැලකිය හැකි බැවිනි. 


පුවතේ කියන පරිදි ඉදිරියේදී ගාලු කොටුව ජෝඩුවලට තහනම් ය. බැඳපු ජෝඩුවලටත් තහනම් ද දන්නේ නැත. 


ආදරය කිරීම තහනම් කරන්නට යොදා ගන්නේ අනාචාරය පිළිබඳ නීති ය. මෙම පුද්ගලයන් ඉහළ පෙළේ ධනවතුන් සේ හෝටල් කාමරවල හා නයිට් ක්ලබ් ආදියේ රති කෙළියේ නො යෙදෙන්නේ වෙන කිසිදු හේතුවක් නිසා‍ නොව මුදල් නැතිකම හා අඩු මිළට කාමර සපයන තැන්වල තිබෙන අනාරක්ෂිත තත්වය නිසා ය. අඩු මිළට ආදරය හා කාමය සඳහා පහසුකම් සලසන ස්ථානවලට හිටි හැටියේ පැන ජෝඩු අල්ලාගෙන පොලිසි ගෙන ගොස් අඩන්තේට්ටම් කිරීම වෙනුවට එම ස්ථානවල තත්වය ඉහළ නංවන්නේ නම් ගාලු කොටුවේ ඔය කියන 'උරුමය' රැක ගත හැකි වනු ඇත. 


ලංකාව යන්නේ අපූරු පාරක ය.  හරියට ඉරානය වැනි ය. ඉරානයේ මේ වන විට ගැහැනියක තම සැමියා හැර වෙනත් පිරිමියකු සමග මහ පාරේ කතා කිරීම අපචාරයක් ලෙස සැලකේ. 


එක්සත් ජාතීන්ගේ සමුළුවට ගිය අවස්ථාවේ අපේ රටේ ජනාධිපති ඉරානයේ ජනාධිපති හමු වී ඡායාරූප ප්‍රසිද්ධ කළේ ය. මේ ජනාධිපතිවරු දෙදෙනාට ම එක්සත් ජාතීන්ගේ සමුළුව අතරතුර වැදගත් රටවල රාජ්‍ය නායකයන් හමු වන්න එතරම් අවස්ථා ලැබෙන්නේ නැත. 


මෙම පුවතේ හොඳ ම කෑල්ල කොයි එකදැයි සිතා ගැනීම අමාරු ය. එහෙත් මේ කෑල්ලත් හරි ෂෝක් ය. අත්අඩංගුවට ගන්නේ පොලිසියයි. අවවාද දෙන්නේ හමුදාවයි. 



Bookmark, remember easily and come again  www.w3lanka.com