වාරණය, අත්තනගල්ල හා හෙලිකොප්ටර් මයිනෝ

රාජපක්ෂ ආණ්ඩුවේ අන්තිම කාලයේදී දිනක් මම මගේ කාරයෙන් වක්වැල්ල පාර දිගේ ගාල්ල නගරය මැදට වාහනය පදවමින් සිටියමි. පසුපසින් නළා හඩවමින් ආ පොලිස් මෝටර් බයිසිකලයක නැග ආ බල්ලෝ දෙදෙනෙක් මගේ දරුවන්ට ද ඇසෙන්නට “ඕක අයින් කර ගනින් පකයො," යි කීවේ ය.

ඒ වෙලාවේ පොඩි එවුන් දෙන්නා වාහනයේ සිටි හෙයින් මට කියන්නට බැරි වූ දෙය මේ වෙලාවේවත් කිව යුතු යයි සිතමි. සමස්ත පොලිසියම අම්මට (හිතාගනිල්ලා) ය.

උන්ගේ ආරක්ෂාව ඇතුව පස්සෙන් ආ දේශපාලක හැතිකරය ද අම්මට හිතාගනිල්ලා ය.

එවැනි බල්ලන් ද උන්ගේ ආරක්ෂාව ඇතිව පාරේ යන ඌරන් ද තවමත් සිටින බව මෑතදී උදුල් ප්‍රේමරත්න සම්බන්ධ නීතිමය ක්‍රියාමාර්ගයක් සමග සිහි වේ. (පාඨක ප්‍රතිචාර අනුව සංස්කරණය කරන ලදී)

මේ දේශපාලක නරිප්පඩයං උඩ තියා ගන්නේ අප ම ය. මහේක්ෂ තලයේදී දැවැන්ත රජයක් තිබෙන තරමට දේශපාලකයන්ගේ පඩේ වැඩි වේ. ක්ෂුද්‍ර තලයේදී මුන්ව අප ගණන් නො ගත යුතු ය. රස්සාවල් ඉල්ලාගෙන පස්සෙන් යාම විතරක් නො ව, ඕකුන් පෙනී සිටින රූපවාහිනී වැඩසටහන්, පත්තර සම්මුඛ සාකච්ඡා ආදිය බලන එක පවා නතර කර දැමිය යුතු ය.

ඇත්තම කියනවා නම් මේ වන විට ඔය සිල්ලර දේශපාලකයන්ගෙන් අපට ගත හැකි මෙලෝ බෝලයක් නැත. හේතුව ආණ්ඩුවට දෙකොණ ගැටගහගන්නටවත් සල්ලි නැත. ගන්න තියෙන එකක් ගන්නේ උන් ම ය.

බල්ලට ඇති වැඩක් නැති මුත්, හෙමින් ගමනකුත් නැත කීවා සේ මුන් දැන් යන්නේ උඩින් ය. පසුගියදා පාර්ලිමේන්තුවේදී ඉදිරිපත් කළ හෙලිකොප්ටර් ගමන් ලැයිස්තුවේ ඉන්න සමහර ඇමතිවරුන් අහසට නැග තිබෙන්නේ නහින දෙහින කාලේ ව්‍යාඝ්‍රාවලින් නග්ගා ගත් ආසාවට ම බව පෙනේ. දිවන්ගත විය යුතු එවුන් පාර්ලිමේන්තුගත කරගෙන දැන් අපට උන්ගේ ආසාවල් ගුවන්ගත කරන්නටත් වෙලා ය.

මේ අස්සේ ප්‍රසන්න විතානගේගේ නවතම චිත්‍රපටය වන උසාවිය නිහඬයි චිත්‍රපටයට ප්‍රචාරය ලබා දීමේ කාර්යය අධිකරණය විසින් භාර ගෙන තිබේ. උසාවියත් දැන් දැන් කලාත්මක වීගෙන එනවා ය. 

ඒ වාරණය ගැන කතා කරන එකත් ඉස්ටැයිල් එකක් වෙලා ය. එහෙම වෙන එක තව හොඳ ය. ඒ නිසා අප කතා කරන්නට අවශ්‍ය නැත. 

එහෙත්, විශ්වවිද්‍යාලවල ශිෂ්‍ය ව්‍යාපාර යයි කියන මෙව්වා-ඒවා විසින් කරන කලා වාරණ ගැන එහෙම කතා කරන ඇතැමෙකුගේ කටේ පිට්ටු ය.

වාරණේ ආණ්ඩුව කරන විට වාරණයි. එයම තමන්ගේ ගෝලබාලයන් කරන විට එය අත්තනගල්ල වේ.

ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි. අසභ්‍ය යයි සාමාන්‍ය ව්‍යවහාරයේ පිළි ගැනෙන වචන සම්බන්ධයෙන් සදාචාරවාදී නො වන මුත්, අනුන්ට අපහාස කිරීම සඳහා එවැනි වදන් භාවිතා කර තිබෙන අවස්ථාවලදී ඒවා ඉවත් කිරීමට සිදු වන බව කරුණාවෙන් සලකන්න. එසේම, නීතිමය ගැටලු මතු කරන අදහස් පළ කිරීම් ද ඉවත් කරනු ලැබේ. අදහස් පළ කිරීම සම්බන්ධ කාරණාවලදී සංස්කාරක වගකීම් සමග සහයෝගයෙන් කටයුතු කිරීම බලාපොරොත්තු වෙමු.