මේ ම්ලේච්ඡත්වයෙන් අත්මිදීම සමාජ වගකීමකි


Sunday Times පුවත්පතින් උපුටා ගන්නා ලද ඉහත ඡායාරූප දෙකෙහි සිටින අලි පැටවුන්ගේ පාද සහ හොඬවැල කැපී වෙන් වන තරමට තුවාල වී තිබෙන්නේ යකඩ කම්බිවලින් අටවන ලද මදු ඒවායේ පැටලීමෙනි.


මෙම මදු අටවනු ලබන්නේ වල් ඌරන් වැනි සතුන් දඩයම් කිරීමට බව කියනු ලැබේ. ඒවායේ පැටලෙන අලි ඒවා කඩාගෙන යති. පැටලුණ තැන සිර වන කම්බිය නිසා එතැනින් පහළට ලේ ගමනාගමනය අඩාල වී තුවාල නරක් වී මේ සත්තු අනන්ත දුක් විඳ අකාලයේ මිය යති. 


මේ වනාහි අද වන විට සමාජය ඉහ වහා පැති ඇති දුෂ්ටත්වයේ තවත් අක්ෂයකි. ධන තණ්හාව හා බලයට කෑදරකම සමාජය ඉහවහා පැතිර ඇත. රටේ පාලකයෝ, ජාතික හා ආගමික නායකයෝ සමාජය වසා පැතිර ඇති ම්ලේච්ඡත්වයෙහි ප්‍රවර්ධකයන් වූ කල සමාජයෙන් බලාපොරොත්තු විය හැක්කේ අන් කුමක් ද? 


අප සමාජ වෙනසක් අවශ්‍ය යයි කියන්නේ මිනිසුන් තිරිසන්භාවයෙන් මුදවා ගැනීමට හා තිරිසනුන්ට මිනිසුන්ගෙන් සහනයක් ලබා දීම ද සඳහා ය. 


පාරිසරික, සමාජ, ආර්ථික, දේශපාලනික ආදී සෑම පැත්තකින් ම ම්ලේච්ඡත්වයට විරුද්ධ වීම හා ම්ලේච්ඡත්වයෙන් අත් මිදීම ප්‍රගත්ශීලීන්ගේ සමාජ වගකීමකි. 

මේ ලිපියට ඔබ කැමති නම් වෙන අයත් එක්කත් බෙදා ගන්න

Comments

  1. සහතික ඇත්ත කතාව. බටහිර බොහොමයක් රටවල සතුන්ට තියෙන නිදහස , අපේ රටේ සතුන්ට නොව මිනිසුන්ටද නැත.

    ReplyDelete
  2. මේ ම්ලේචත්වය යනු මෙම සමාජය පාලනය කිරීම සඳහා යොදා ගන්න පාලක ක්‍රමවේදයයි. ඒ නිසා පාලක පන්තිය මේක දිගටම ප්‍රවර්දනය කරනවා.
    සමාජය නවීකරණය කිරීම වෙනුවට දේශපාලන මන්ද බුද්දික සමාජයක් පවත්වාගැනීම මේ මගින් කෙරෙනවා. මෙය ඔවුන්ට වාසි සහගතයි. පුරවැසිභාවය වෙනුවට යටත්වැසිභාවය ගොඩ නගා ගැනීම...රජකු සමග ජීවත්වීම ගැන හිතන සමාජයක්...ඇති කර ගැනීම...ම්ලේචත්වය සමග ඉන්න සමාජයකින් තමා පහසුවෙන් කර ගන්න පුළුවන්...ප්‍රජාතන්ත්‍රවාදය හා සමාජවාදය මේ වගේ සමාජයකට ටොප් ඩ්‍රරෙසින්ස් විතරයි...ඒ නිසා සමාජයට ඉගැන්වීම කරන්න පුළුවන් මිනිස්සුනට ලොකු කාර්යබාරයක් ඉටු කරන්න තිබෙනවා...මේවා ඔය න්‍යායවාද පැත්තකින් තියල බලන්න වෙන ප්‍රශ්න...සෑම මිනිසකුටම හිමි ගරුත්වය සමානාත්මතාවය ගරු කරන සතා සිව්පාවට ගහ කොළට ආදරය කරන නව පරපුරක් හදන්න හිතන එක තමා කරන්න වෙන්නේ...මේ සමාජය මෙහෙම ගියොත් ලෝක විනාශය වගේ ඉවර වෙලා යනවා...බේරී ඉතිරිවන්නේ අරම හදන නව පරපුර විතරයි...

    ReplyDelete
  3. very true.....! we must act soon in anyway or else we will be left with nothing

    ReplyDelete

Post a Comment

මාතෘකාවට අදාළ නැති හා වෛරී අදහස් ඉවත් කිරීමට ඉඩ ඇති බව කරුණාවෙන් සලකන්න.

Popular posts from this blog

තේරවිලි: සුපුන් සඳක් ඇත. මැදින් හිලක් ඇත.

පාසල් අධ්‍යාපනය ගැන කතා තුනක්

හමුදා කුමන්ත්‍රණ ගැන ලෝකෙට දුරකථනයෙන් කිව්වෙ බීලා වෙන්න ඇති -ෆොන්සේකා