ශ්‍රීලංකන් ඉහගෙන කන්

හිටපු ජනාධිපති ආර්යාවගේ සහෝදරයා වන නිශාන්ත වික්‍රමසිංහ හා එහි ප්‍රධාන විධායක නිලධාරි ලෙස පත් කරන ලද තවත් දේශපාලන ඇම්බැට්ටයකු වන කපිල චන්ද්‍රසේන ශ්‍රීලංකන් ගුවන් සේවයේ නැටූ නාඩගම් ගැන වැලිඅමුණ කමිටුව විසින් සකසන ලද විමර්ශන වාර්තාව පදනම් කර ගත් සවිස්තර ලිපියක් අද දින සිළුමිණ පුවත්පතේ පළ වී තිබේ. මෙතැනින් එම ලිපිය කියවන්නට පුළුවන.

නාමල් රාජපක්ෂගේ කාර්ය මණ්ඩලයට බව කියමින් බඳවා ගත් බව කියැවෙන ගුවන් සේවිකාව පිළිබඳ මෙම ලිපියේ මෙසේ දැක්වේ.

ගුවන් කාර්ය මණ්ඩලයේ සාමාජිකයකු ජනාධිපති ලේකම් කාර්යාලයේ ඉල්ලීම මත මුදා හැරීම.

* හිටපු ජනාධිපති ලේකම් ලලිත් වීරතුංග ගේ ඉල්ලීම මත ගුවන් සේවිකාවක් ජනාධිපති ලේකම් කාර්යාලය‍ට මුදාහැර ඇත්තේ මන්ත්‍රී නාමල් රාජපක්ෂගේ රාජකාරින් සඳහාය. ශ්‍රී ලංකන් ගුවන් සේවයේ සම්පූර්ණ වැටුප හා ඵලදායිතා දීමනාවෙන් කොටසක් ගෙවා ඇත. ඒ දෙකේ ම එකතුව මසකට රුපියල් 70,500 කි. මෙය ගෙවා ඇ‍ත්තේ ජනාධිපති ලේකම් කාර්යාලයෙන් මසකට දුන් රුපියල් 87,500 ක දීමනාවටම අමතරව ය.

පියවර කිහිපයක් ඔස්සේ මේ සිදුවීම විස්තර කර ඇත.

1. 2010 ජනවාරි 01 දින හිටපු ජනාධිපති ලේකම් ලලිත් වීරතුංග ගේ ලිඛිත දැනුම්දීමකට අනුව එම සේවිකාව ජනාධිපති ලේකම් කාර්යාලයේ විශේෂ ව්‍යාපෘති සම්බන්ධීකරණයකට තෝරාගත් බව සඳහන් ව ඇත. වැටුප ද සඳහන් කර ඇත.

2. 2010 ජූනි 23 ඇයව ආණ්ඩුක්‍රම ව්‍යවස්ථාවේ 41.1 දරණ ව්‍යවස්ථාව ප්‍රකාර ජනාධිපති ලේකම් විසින් ජනාධිපතිවරයාගේ පෞද්ගලික ලේකම්වරයාගේ කාර්යාලයේ හිටපු ව්‍යාපෘති සම්බන්ධීකරණ කාර්යයකට ඇය යොමු කරගෙන ඇත.

3. එදින ම ඇය ශ්‍රී ලංකන් ගුවන් සේවයෙන් මුදා හැර ඇති අතර එම ලිපියේ සඳහන් වන්නේ ඇයට ශ්‍රී ලංකන් ගුවන් සේවයේ වැටුප සහ අනෙක් දීමනා ගෙවන බවයි.

* සභාපතිවරයාගෙන් ඒ පිළිබඳ විමසීමේදී ඔහු ප්‍රකාශ කර ඇත්තේ එම සේවිකාව මන්ත්‍රී නාමල් රාජපක්ෂගේ කටයුතු සඳහා ‍මුදාහැර ඇති බවත්, ඇගේ උසස් වීම් අවිධිමත් ලෙස සිදු කළ බව පිළිගන්නා බවත් ය.

ඇයට ජනාධිපති ලේකම් කාර්යාලයේ මසකට රුපියල් 22,680 ක ඉන්ධන දීමනාවක් හා රුපියල් 3000 ක ගමන් දීමනාවක් ද ගෙවා ඇත.

* එම සේවිකාව විමර්ශන කමිටුවට පවසා ඇත්තේ නමුත් තමා කිසිදු ව්‍යාපෘතියකට සම්බන්ධ කර නොගත් බව ය.

ඇය 2014 මාර්තු 27 දින ගුවන් කාර්ය මණ්ඩල සුපරීක්ෂක තනතුරකට ද උසස් කර ඇත.

මේ පිළිබඳ රාජපක්ෂ කඳවුරේ පැහැදිලි කිරීම මෙතනින් කියවන්නට පුළුවන.

මේ ලිපිය වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න

ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි. අසභ්‍ය යයි සාමාන්‍ය ව්‍යවහාරයේ පිළි ගැනෙන වචන සම්බන්ධයෙන් සදාචාරවාදී නො වන මුත්, අනුන්ට අපහාස කිරීම සඳහා එවැනි වදන් භාවිතා කර තිබෙන අවස්ථාවලදී ඒවා ඉවත් කිරීමට සිදු වන බව කරුණාවෙන් සලකන්න. එසේම, නීතිමය ගැටලු මතු කරන අදහස් පළ කිරීම් ද ඉවත් කරනු ලැබේ. අදහස් පළ කිරීම සම්බන්ධ කාරණාවලදී සංස්කාරක වගකීම් සමග සහයෝගයෙන් කටයුතු කිරීම බලාපොරොත්තු වෙමු.