විමල් වීරවංශ එජනිස රැස්වීම මගහැරියේ ඇයි?

විමල් වීරවංශ එක්සත් ජනතා නිදහස් සන්ධානයේ රැස්වීම මගහැරියේ ය. 

ඒ ඇයි? 

ඔහුට තිබෙන ප්‍රශ්නය ජනාධිපති මෛත්‍රීපාල සිරිසේනගේ මුහුණ දෙස ‍බලන්නට ගට නැතිකම ය. ජනාධිපති මෛත්‍රීපාල සිරිසේන මෙම රැස්වීමේදී එක්සත් ජනතා නිදහස් සන්ධානයේ සභාපති පදවියට පත් විය. 

විමල් වීරවංශට මීට පෙර මේ ප්‍රශ්නය මහින්ද රාජපක්ෂ සම්බන්ධයෙන් ද තිබිණි. යෝජනා 12ක් ඔස්සේ මහින්දගේ ආණ්ඩුවට කොන්දේසි දමමින්බැන අඬ ගසමින් සිටි කාලයේ විමල් වීරවංශ මහින්දගෙන් ද කට්ටි පනිමින් සිටියේ ය. 

එහෙත්, මහින්දට ගැලරි ප්‍රජාවට ඇමතීම සඳහා ඔහුගේ කට අවශ්‍ය වූ හෙයින් විමල්ට නැවතත් මහින්දගේ අගුපිලේ ඉඩක් ලැබිණි. 

මෛත්‍රීපාල සිරිසේනගේ රජයකට නම් විමල්ගේ කතා අවශ්‍ය වන්නේ නැත. විමල්ට තව දුරටත් මාකට් එක තිබෙන්නේ මහින්ද ළඟ ම ය.  

දුබල පෞරුෂයන් ඇති මිනිස්සු මොබ් ඉදිරියේ මහා වීරයන් වනවාට විමල් කදිම උදාහරණයකි. විමල්ට සරත් ෆොන්සේකාගේ හා මෛත්‍රීපාල සිරිසේනගේ මුහුණ බලන්නට බැරි මේ වීරකම නිසා ය. 

මේ මොබ් වීරයන්ගේ හැසිරීම නිරීක්ෂණය කරන්නට මේ නම් හොඳම කාලයකි. තවත් මොබ් වීරයෝ සිටිති. මහින්ද රාජපක්ෂ, මර්වින් සිල්වා, අර බොදු බලේ නායක (දැන් නමත් එක පාරට එන්නේ නැහැ) ගලගොඩඅත්තේ ඥානසාර, එතකොට අර රාවණා බලය එක්ක නැටූ හාමුදුරුවෝ වැනි මොබ් වීරයන් දැන් හැසිරෙන හැටි හැදෑරීම වටිනා ක්‍රියාවකි. මොබ් වීරයන් වැඩි දෙනෙක් හිස් පඹයෝ ය. ඔවුන්ට මොබ් නිර්මානය කර ගන්නට තිබෙන අවස්ථා නැති කළ යුතු ය. 

මහින්ද රාජපක්ෂ ආණ්ඩුව ‍ම මොබ් ආණ්ඩුවකි. එහි තිබුණේ අයුතු ජනරාශියක හැසිරීමයි. 

ඉන්දීය අගමැති මෝදි ද කලෙක මොබ් වීරයෙකි. දැන් තැන්පත් නායකයෙකි. අතුරලියේ රතන හිමි ද මොබ් මානසිකත්වයෙන් මිදුණු පුද්ගලයෙකි. 

මේ ලිපිය වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න

ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි. අසභ්‍ය යයි සාමාන්‍ය ව්‍යවහාරයේ පිළි ගැනෙන වචන සම්බන්ධයෙන් සදාචාරවාදී නො වන මුත්, අනුන්ට අපහාස කිරීම සඳහා එවැනි වදන් භාවිතා කර තිබෙන අවස්ථාවලදී ඒවා ඉවත් කිරීමට සිදු වන බව කරුණාවෙන් සලකන්න. එසේම, නීතිමය ගැටලු මතු කරන අදහස් පළ කිරීම් ද ඉවත් කරනු ලැබේ. අදහස් පළ කිරීම සම්බන්ධ කාරණාවලදී සංස්කාරක වගකීම් සමග සහයෝගයෙන් කටයුතු කිරීම බලාපොරොත්තු වෙමු.