හොරු යන්නේ කොයි පා‍රේ - ගෝඨාභය ගිය පාරේ

අත්අඩංගුවට නො ගන්නා ලෙස ඉල්ලා මහජන මුදල් කොටින්ට දුන් ටිරාන් හා ලලිත් ද මානව හිමිකම් පෙත්සම් ගොනු කරයි ද? යන මැයෙන් අප විසින් ලියන ලද ලිපියෙන් මතු කරන ලද කරුණු සැබෑ කරමින් පාර්ලිමේන්තු මන්ත්‍රී ටිරාන් අලස් ද තමන් අත්අඩංගුවට ගැනීම නවත්වන ලෙස ඉල්ලා ශ්‍රේෂ්ඨාධිකරණයට පෙත්සමක් ගොනු කර තිබේ. ඔහුගේ කරුණු දැක්වීම අනුව, රාඩා නම් ‍ආයතනයක් විසින් උතුරේ වැසියන්ට ගෙවල් හදන මුවාවෙන් මහජන මුදල් රුපියල් මිලියන 167ක මුදලක් වංචා කිරීම සම්බන්ධයෙන් රාඩා ආයතනයේ සභාපතිවරයා අත්අඩංගුවට ගැනීම පළිගැනීමකි. නීති විරෝධී ක්‍රියාවකි. 

මේ අධිකරණ ක්‍රියාමාර්ගයට පූර්වාදර්ශය සපයා තිබෙන්නේ ඩොලර් මිලියන 10ක් වැය කරමින් මිග් 27 ගුවන් යානා හතරක් මිළ දී ගැනී‍මේදී කරන ලද දූෂණයක් පිළිබඳ ‍පැහැදිලි චෝදනා එල්ල වෙමින් තිබෙන ගෝඨාභය රාජපක්ෂ අත්අඩංගුවට ගැනීම වළක්වමින් ශ්‍රේෂ්ඨාධිකරණය විසින් පසුගියදා නිකුත් කරන ලද මතභේදයට තුඩු දී තිබෙන අතුරු තහනම් නියෝගයයි.

අදාළ අතුරු තහනම් නියෝගය පිළිබඳ අගමැති රනිල් වික්‍රමසිංහ පාර්ලිමේන්තුවේදී අදහස් දැක්වීමක් කළේ ය. එය නීති විරෝධී බව අගමැතිවරයාගේ තර්කය විය. රාවය පුවත්පත විසින් ද එම අධිකරණ ක්‍රියාමාර්ගය දැඩි ලෙස විවේචනය කරන ලදී. 

සාක්ෂි සහිත මෙම වංචා සම්බන්ධයෙන් විමර්ශනය කිරීමේදී හා නඩු පැවරීමේදී මෙම ශ්‍රේෂ්ඨාධිකරණ නියෝගය බාධාවක් වන්නේ නැත. එබැවින් මෙම සැකකරුවන්ට එරෙහිව ඉදිරියේදී අධිකරණ ක්‍රියාමාර්ග ගැනීමට නියමිත ය. 

මේ ලිපිය වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න

ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි. අසභ්‍ය යයි සාමාන්‍ය ව්‍යවහාරයේ පිළි ගැනෙන වචන සම්බන්ධයෙන් සදාචාරවාදී නො වන මුත්, අනුන්ට අපහාස කිරීම සඳහා එවැනි වදන් භාවිතා කර තිබෙන අවස්ථාවලදී ඒවා ඉවත් කිරීමට සිදු වන බව කරුණාවෙන් සලකන්න. එසේම, නීතිමය ගැටලු මතු කරන අදහස් පළ කිරීම් ද ඉවත් කරනු ලැබේ. අදහස් පළ කිරීම සම්බන්ධ කාරණාවලදී සංස්කාරක වගකීම් සමග සහයෝගයෙන් කටයුතු කිරීම බලාපොරොත්තු වෙමු.

Popular posts from this blog

බාලචන්ද්‍රන් මරා දමන්නට සිදු වුණේ ඇයි?

විස්කෝතු කන ළමයා

ඔහු මරා දැමූ මිනිසා (The Man He Killed)