රංග කලන්සූරිය මල්ලීට උපදෙස් දෙන මාධ්‍ය අයියලා හා මාගම්පුර මහින්ද රාජපක්ෂ වරාය

ආණ්ඩුවට කොච්චර අවාසි වුණත් අතිනුත් දාලා ඇත්ත කියන Sunday Observer!

හම්බන්තොට වරායේ වර්ජිත සේවකයන්ට නාවික හමුදාව පහර දීම සම්බන්ධයෙන් ප්‍ර‍ධාන ධාරාවේ හා සමාජ මාධ්‍යවල ප්‍ර‍තිචාර සම්බන්ධයෙන් මගේ නිරීක්ෂණ කීපයක් මෙසේ ය:

නාවිත හමුදාපති කොට කලිසම් ඇඳීම හා හුත්තිගෙ පුතා යි කියා බනින එක වැරදි ය. 

එහෙත් නාවික හමුදාපති ගෝරිල්ලකු වැනි යයි කීම ඔහුට කරන අපහාසයක් නො වන ඉතා විනීත මාධ්‍ය භාවිතාවකි.

එසේම, මීට කලින් අවස්ථාවකදී මත්තල ගුවන් තොටුපළ හා හම්බන්තොට වරාය බලන්නට පැමිණි එජාප පාර්ලිමේන්තු මන්ත්‍රී පිරිසක් අතර සිටි පාර්ලිමේන්තු මන්ත්‍රී අජිත් පී පෙරේරාගේ අතින් ඇද අම්මට හුකන්න හුත්තිගෙ පුතා යි කම්කරුවන් කියන එක කුණුහරුපයක් නො වේ. එය අමතක කරන ලද අතීතයක් පමණි. 

ගැටුම් කළමනාකරණයට හෝ නොකළමනාකරණයට නාවික හමුදාපති පෞද්ගලිකව මැදිහත් නො විය යුතු ය. ඔහු කළ යුත්තේ අනෙක් අය දමා ගැස්සවීම පමණි.

මාධ්‍ය හැඳුනුම්පත හා කැමරාව රැගෙන, වෘත්තීය ආචාරධර්ම පමණක් නො ව ආත්මාරක්ෂාව ද නො තකා ඕනෑ කලහයක් මැද්දට පැන ෆොටෝ ගසා විකුණාගෙන කන්නට අයිතියක් මාධ්‍යකරුවන්ට තිබේ.

රජයේ ප්‍ර‍වෘත්ති අධ්‍යක්ෂ ජනරාල් සිටිය යුත්තේ මාධ්‍යකරුවන්ගේ පැත්තේ ය. එම නිලධාරියා මාධ්‍යකරුවන්ගේ ආචාරධාර්මික වැරදි සම්බන්ධයෙන් කිසිදු සඳහනක් කිසි විටෙක නො කළ යුතු ය. රංග කලන්සූරිය මල්ලී අනෙක් මාධ්‍ය අයියලා කියන විදියට ම වැඩ කළ යුතු ය.

ඕපාදූප මත පදනම් ව පවා වර්ජනය කරන්නට කම්කරුවන්ට අයිතියක් තිබේ. ඒ පිළිබඳව කලින් දැනුම් දීම්, සාකච්ඡා, සම්මුති අනවශ්‍ය ය. ආණ්ඩුව කියන්නේ බොරු ය. ඔවුන්ගේ රස්සා නැති කරනවා ය කියන කටකතාව ඇත්ත ය. ඒ නිසා වර්ජනය කළ යුතු ය.

ජාත්‍යන්තර නාවික ගමනාගමනයට බාධා කරමින් මුහුදු මංකොල්ලකාරයන් ලෙස හැසිරෙන එක වරාය කම්කරුවන්ගේ අයිතිවාසිකමකි.

මහින්දව ජනාධිපතිකමින් පහ කරන ලද නිසා මහින්ද හැදූ වරායට නැව් එන එක නවත්වා, පුළුවන් තරම් පාඩු ඇති කර, ණය ගෙවා ගන්නට බැරි කර, ආණ්ඩුව පෙරළා දැමිය යුතු ය. 

නැවට පිට වන්නට ඉඩ නො දී බාධා කිරීම නිසා පාඩු සිදු වූ නැව් සමාගම ඉදිරියටත් හම්බන්තොටට නැව් එවනවා ඇත. වරාය රැක ගන්නට ය කියා කටයුතු කරන කම්කරුවන් මුහුදු මංකොල්ලකාරයන් ලෙස හැසිරෙන විට වරාය දියුණු වනවා ඇත. 

හදිසි නීතිය නැති නිසා නැව් මුදා ගැනීමට නාවික හමුදාව යොදවන්න බැරි යයි තර්ක කරන නාමල් රාජපක්ෂගේ තාත්තා මහින්ද රාජපක්ෂ ලංකාවේ සිටි ඉතා ම නීති ගරුක ජනාධිපතිවරයා ය.

මේ වරාය සේවකයන් යනු හඬන්නට පවා හැකි ඉතා අහිංසක කම්කරු පිරිසකි. ඔවුන් වනාහි ප්‍ර‍ධාන වශයෙන් ම නාමල් රාජපක්ෂ විසින් ඉතාම පාරදෘෂ්‍ය නො වන ආකාරයට බඳවා ගනු ලැබූ පිරිසක් නො වේ. පසුගිය ජනාධිපතිවරණයේදී ඔවුන් වරායෙන් වැටුප් ලබමින් මහින්ද වෙනුවෙන් කැම්පේන් කළේ නැත.

එක්සත් ජාතික පක්ෂ මන්ත්‍රීන් පිරිසක් හම්බන්තොට වරායේ සංචාරය කළ අවස්ථාවේදී පවා මෙම කම්කරුවන් හැසිරුණේ ඉතා ම විනීත ආකාරයට ය. 

පළමු වීඩියෝවේ සිටින්නේ පහර කන කම්කරුවෝ ය. දෙවන වීඩියෝවේ සිටින්නේ ප්‍ර‍හාරක කම්කරුවන් පිරිසකි. එවකට පැවතියේ ඒ කම්කරුවන්ගේ ආණ්ඩුවකි. 






ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි. අසභ්‍ය යයි සාමාන්‍ය ව්‍යවහාරයේ පිළි ගැනෙන වචන සම්බන්ධයෙන් සදාචාරවාදී නො වන මුත්, අනුන්ට අපහාස කිරීම සඳහා එවැනි වදන් භාවිතා කර තිබෙන අවස්ථාවලදී ඒවා ඉවත් කිරීමට සිදු වන බව කරුණාවෙන් සලකන්න. එසේම, නීතිමය ගැටලු මතු කරන අදහස් පළ කිරීම් ද ඉවත් කරනු ලැබේ. අදහස් පළ කිරීම සම්බන්ධ කාරණාවලදී සංස්කාරක වගකීම් සමග සහයෝගයෙන් කටයුතු කිරීම බලාපොරොත්තු වෙමු.