දිනමිණ නැවත කැළෑ පත්තර යුගයට?

දිනමිණ පුවතට අදාළ ඡායාරූපය  

දිනමිණ යනු මහින්ද රාජපක්ෂ සමයේ කැළෑ පත්තරයක් වැනි වූ දෙයකි.

කැළෑ පත්තර කලාවට හුරු වූ ආයතනයකට ලෙහෙසියෙන් සැබූ පුවත්පත් කලාවට හුරු වන්නට බැරි ය.

එපමණක් නොව, දැන් පුවත්පත් ද අනුගමනය කරමින් සිටින්නේ අන්තර්ජාලයයි. ඒකට නම් කමක් නැත. එහෙත් අනුගමනය කළ යුත්තේ වඩා හොඳ දේ ය.

දිනමිණ අනුකරණය කරන්නට පටන් ගෙන තිබෙන්නේ ගොසිප් වෙබ් අඩවි ය.

වගකිව යුතු රජයේ මාධ්‍යයක මෙවැනි පුවත් පළ වන යුගයක් අපට නැවතත් අවශ්‍ය ද?

විපක්ෂ නායක පොසොන් පෝ දවසේ සුරූපී නිරූපිකාවකගේ නිවසට යයි

විපක්ෂ නායක නිමල් සිරිපාල ද සිල්වා මහතා පසුගිය පොසොන් පෝය දවසේ සුරූපී නිරූපිකාවකගේ නිවසට හදිසියේම ගොස් තිබෙනවා..

එම සුරූපී නිරූපිකාව අයිෂ් අතුකොරළයි. විපක්ෂ නායකතුමාගේ මෙම හදිසි ගමනට හේතුව කුමක්දැයි තවමත් අනාවරණය වී නෑ. තමන්ගේ ෆේස්බුක් පිටුවේ විපක්ෂ නායකතුමා ගැන අදහස් දක්වා ඇති අයිෂ් කියා ඇත්තේ ඔහු ශ්‍රේෂ්ඨ දේශපාලනඥයෙකු බවයි.

විපක්ෂ නායකතුමා අයිෂ් අතුකෝරළගේ නිවසට ගිය අවස්ථාවේ ලබා ගත් ඡායාරූප කිහිපයක් අප වෙත ලැබී තිබෙනවා.

මේ ලිපිය වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න

ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි. අසභ්‍ය යයි සාමාන්‍ය ව්‍යවහාරයේ පිළි ගැනෙන වචන සම්බන්ධයෙන් සදාචාරවාදී නො වන මුත්, අනුන්ට අපහාස කිරීම සඳහා එවැනි වදන් භාවිතා කර තිබෙන අවස්ථාවලදී ඒවා ඉවත් කිරීමට සිදු වන බව කරුණාවෙන් සලකන්න. එසේම, නීතිමය ගැටලු මතු කරන අදහස් පළ කිරීම් ද ඉවත් කරනු ලැබේ. අදහස් පළ කිරීම සම්බන්ධ කාරණාවලදී සංස්කාරක වගකීම් සමග සහයෝගයෙන් කටයුතු කිරීම බලාපොරොත්තු වෙමු.