නීතිය ඉදිරියේ සියල්ලෝ සමානයෝ ය. එහෙත් සමහරු වැඩිපුර සමාන ය

හොරෙන් පොල් ගෙඩියක් කඩා ගත් දුප්පතා ගස් බඳිනු ලැබේ. ගුටි අනිනු ලැබේ. පොලිසිය ඔවුන් ගෙන යන්නේ කුදලාගෙන ය. 

එහෙත් රටක් හා එරට ජනතාව උලා කෑම නම්බුකාර හොරකමකි. ආදම් කන්ද ළඟට යනවා වෙනුවට කන්ද ආදම් ළඟට එන ආකාරයේ සිදුවීම් අසන්නට ලැබෙන්නේ ඒ නිසා ය. සොරුන් පොලිසියට කැඳවනවා වෙනුවට සොරු තමන් කැමති තැනකට පොලිසිය කැඳවති. 

හොරකම් කරනවා නම් හොරකම් කළ යුත්තේ ලොකු ම දේවල් ය. වංචා කරනවා නම් කළ යුත්තේ ලොකු ම වංචා ය. 

ශිරන්ති රාජපක්ෂ සිරිලිය ගිනුමේ බොරු හැඳුනුම්පත් අංක යෙදීම අත්වැරැද්දකි. පොඩි මිනිහෙක් කළා නම් අහෝ දුකකි! ඉරකි! තිතකි! 

නීතිය ඉදිරියේ සියල්ලෝ සමානයෝ ය. එහෙත් සමහරු වැඩිපුර සමාන ය. 

මේ ලිපිය වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න

ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි. අසභ්‍ය යයි සාමාන්‍ය ව්‍යවහාරයේ පිළි ගැනෙන වචන සම්බන්ධයෙන් සදාචාරවාදී නො වන මුත්, අනුන්ට අපහාස කිරීම සඳහා එවැනි වදන් භාවිතා කර තිබෙන අවස්ථාවලදී ඒවා ඉවත් කිරීමට සිදු වන බව කරුණාවෙන් සලකන්න. එසේම, නීතිමය ගැටලු මතු කරන අදහස් පළ කිරීම් ද ඉවත් කරනු ලැබේ. අදහස් පළ කිරීම සම්බන්ධ කාරණාවලදී සංස්කාරක වගකීම් සමග සහයෝගයෙන් කටයුතු කිරීම බලාපොරොත්තු වෙමු.