රට මුහුණ දී තිබෙන බව කියන ආර්ථික අර්බුදයට හේතු

වරාය අධිකාරියේ සභාපති ආචාර්ය ලක්දාස් පනාගොඩ පසුගියදා වැදගත් හෙළිදරව්වක් කළේ ය. ඔහු පවසන පරිදි හම්බන්තොට වරාය ඉදිකිරීම වෙනුවෙන් ගත් ණය පමණක් ආපසු ගෙවීම සඳහා මේ වසරේ රුපියල් බිලියන හතක් ගෙවිය යුතු ය. 

එයින් බිලියන තුනක් පසුගිය ජනවාරියේ ගෙවන ලද අතර හතරක් ජුනි මාසයේ ගෙවිය යුතු ය. 

හම්බන්තොට වරාය උපයා තිබෙන්නේ මේ ගෙවන මුදලින් අංශු මාත්‍රයක් පමණි. 

ඔහු විසින් හෙළිදරව් කරන ලද තවත් කාරණයක් වන්නේ මෙම ඉදිකිරීම වෙනුවෙන් ලබා ගත් ඩොලර් මිලියන 500 වෙනුවෙන් ගෙවීමට නියමිතව තිබූ 2%ක් පමණ වන පොළිය ශ්‍රී ලංකා රජයේ ඉල්ලීමක් මත 6% දක්වා වැඩි කරගෙන ඇති බවයි. 

ණයගැතියා ණය හිමියා ලවා පොළිය වැඩි කරවා ගත් මේ අභිරහස කුමක්දැයි මහින්ද රාජපක්ෂ, ප්‍රියත් බන්දු වික්‍රම වැනි අය හෙළිදරව් කළ යුතු ය.

මෙවැනි ගිවිසුම් අත්සන් කිරීමෙන් අනතුරුව ඔය සිරිලිය ගිනුම වැනි පුණ්‍යාධාර ගිනුම්වලට මේ ආයතන විසින් පිං තකා මුදල් බැර කරනවා විය හැකි ය. ඒවා රාජ්‍ය නො වන සංවිධාන බවත්, ඒවායේ ඇති මුදල් රාජ්‍ය මුදල් නො වන බවත් ඉන් පසු තර්ක කළ හැකි ය. 

සන්ඩේ ටයිම්ස් වාර්තාව මෙතනින්

මේ ලිපිය වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න

ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි. අසභ්‍ය යයි සාමාන්‍ය ව්‍යවහාරයේ පිළි ගැනෙන වචන සම්බන්ධයෙන් සදාචාරවාදී නො වන මුත්, අනුන්ට අපහාස කිරීම සඳහා එවැනි වදන් භාවිතා කර තිබෙන අවස්ථාවලදී ඒවා ඉවත් කිරීමට සිදු වන බව කරුණාවෙන් සලකන්න. එසේම, නීතිමය ගැටලු මතු කරන අදහස් පළ කිරීම් ද ඉවත් කරනු ලැබේ. අදහස් පළ කිරීම සම්බන්ධ කාරණාවලදී සංස්කාරක වගකීම් සමග සහයෝගයෙන් කටයුතු කිරීම බලාපොරොත්තු වෙමු.