වටරැක විජිත නාටකය

වටරැක විජිත නාටකය ගැන අපේ අදහස කුමක්දැයි අප‍ේ පාඨකයෙක් ඇසී ය.

අප වටරැක විජිත ගැන මුලින් ම කතා කළේ මීට අවුරුද්දකට පමණ පෙරයි. මෙන්න ඒ ලිපිය:

ජාතිවාදයට විරුද්ධ වීම යනු සිංහල විරෝධී වීම‍ නො වේ (වටරැක විජිත හිමියන්ට පිළිතුරක්)

වටරැක විජිත බොදු බල සේනාවට අභියෝගයක් වන විට අපි ඔහු ගැන මෙසේ ලියුවෙමු. 

බොදු බල සේනාවේ පය පැටලුණ කොහොල්ලෑ තලිය වටරැක විජිත හිමි

වටරැක විජිත තමන්ට ම පහර දීගෙන ඇති බව පවසන පොලිසිය ඔහුට එරෙහිව නඩු පවරන්නට යයි. 

ඔහු එසේ තමන්ට ම පහර දී ගන්නට ඇත්තේ ඇයි? මොහු රටේ වෙදෙකුට වඩා ගමේ ගොඩේ මෝඩ පහේ හාදයෙක්  බව පෙනේ. ඔහු එසේ කර ගත්තා නම්, එයින් බලාපොරොත්තු වන්නට ඇත්තේ ඥානසාර නිකායේ ත්‍රස්තයන් තමන්ට පහර දුන් බව පෙන්වීමට විය යුතු ය. ඥානසාර නිකාය දැනටත් ඔහුට පහර දී ඇති අතර, ඊට වඩා අපරාධ කර අවසන් ය. ඒ නිසා වටරැක විජිතට පහර දුන්නා ය කියන එක එල්.ටී.ටී.ඊ. සංවිධානය මිනිහෙක් මැරුවා ය කියන්නා වැනි දෙයකි.

වටරැක විජිත මෙයින් බලපොරොත්තු වන්නට ඇත්තේ පිටරටකට පැන ගැනීමට වීසා ගැනීම ද? ඔහුට තිබෙන තර්ජන එවැනි දේකට දැනටත් ප්‍රමාණවත් ය.

ඔහු මේ කරන්නේ මුස්ලිම් අන්තවාදීන්ගේ කොන්ත්‍රාත්තුවකැයි කියන අය ද සිටිති. ඔහු වැනි බෞද්ධ භික්ෂුවකට අද කාලයේ සිංහල බෞද්ධ ජාතිවාදයේ සරණ ගියා නම් බී.එම්.ඩබ්ලිව්වලින් යන්නට බැරිකමක් නැත. 

ඔහු කිසියම් මානසික ගැටලුවකට මැදි වී සිටිනවා විය හැකි ය. අද අප ජීවත් වන්නේ, දායකයන් දානය, සිව්පසය නො දෙන, හාමුදුරුවරු පන්සලක රැකවරණ නො දෙන, සමස්ත සමාජයක් විසින් පිටුදකිනු ලැබූ මිනිසෙක් සිය අසරණකම තුළ පිස්සු වැටෙන එක තේරුම් ගන්නට පුළුවන් නිරෝගී සමාජයක නොවේ. 

ඔහු ඇත්තෙන් ම කළ වරදක් තිබේ ද? ඔහු මුස්ලිම් ජනයා ඇසුරු කළේ ය. එහි ඇති වරද කුමක් ද? ඕතොඩොක්ස් ක්‍රිස්තියානි සරසවියකින් නාමික උපාධියක් ගන්නට ගොස් දියවැඩියාව, හෘද රෝග ආදියෙන් ගිලන් වී, අධික සීතල පරිසරයක් දරා ගන්නට බැරිව, 'අපවත් කළ' සෝම හාමුදුරුවන්ගේ සිට ජාතිවාදී මහණුන් ඔහු මරාගෙන කන්නට හැදූ හේතුව ඔහු හාමුදුරුවරුන් විසින් වපුරන ලද මුස්ලිම් විරෝධී ජාතිවාදය පිටුදැකීමයි. 

මෑත කාලයේ ඔහුට විරුද්ධව පතුරුවනු ලැබූ අවලාදයට පසුබිම් වූ වීඩියෝව අපගේ මුල් ලිපිය සමග තිබේ. එහෙත්, එය ඔහු මුස්ලිම් පිරිසක් ඉදිරියේ කරන කතාවක් මිස ජාතිය අමතා කළ කතාවක් නො වේ. එහි වරදක් ඇත. එහෙත්, බුදුන්ගේ බුදු දහම අදහන හාමුදුරුවන් පිරිසක් සිටියා නම් ඔහුට ඒ වරද නිවැරදි කර ගන්නට අවස්ථාව දිය යුතුව තිබිණි. 

අවසානයේදී, වටරැක විජිත යනු අසරණ මිනිසෙකි. බොරු පැමිණිල්ලක් කළ බවට ඔහුට විරුද්ධව චෝදනාවක් එල්ල වී තිබේ. ඔහු කිසියම සංවිධානයකටබොදු බල සේනාවට හානියක් කරන්නට උත්සාහ කළ බව ඇතැමෙක් කියති. එහෙත්, බොදු බල සේනාවට තිබෙන චෝදනාවල හැටියට මේක කජ්ජකි. ඔහුට පාඩුවේ ජීවත් වන්නට දිය යුතු ය.

මේ ලිපිය වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න

ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි. අසභ්‍ය යයි සාමාන්‍ය ව්‍යවහාරයේ පිළි ගැනෙන වචන සම්බන්ධයෙන් සදාචාරවාදී නො වන මුත්, අනුන්ට අපහාස කිරීම සඳහා එවැනි වදන් භාවිතා කර තිබෙන අවස්ථාවලදී ඒවා ඉවත් කිරීමට සිදු වන බව කරුණාවෙන් සලකන්න. එසේම, නීතිමය ගැටලු මතු කරන අදහස් පළ කිරීම් ද ඉවත් කරනු ලැබේ. අදහස් පළ කිරීම සම්බන්ධ කාරණාවලදී සංස්කාරක වගකීම් සමග සහයෝගයෙන් කටයුතු කිරීම බලාපොරොත්තු වෙමු. Read in English blog.parakum.com