පොලිසිය බොදු බල සේනාවේ සන්නද්ධ අංශය ද?

**** Read:Hail Gotabhaya Rajapaksa, but prevention is better than cure
මේ දිනවල සමාජ ජාල ඔස්සේ වයිරල් වෙමින් තිබෙන වීඩියෝවක දැක්වෙන පරිදි ශ්‍රී ලංකා පොලිසිය පාරේ යන මිනිසුන්ට වෙඩි තබා මරන්නේ අතේ ධර්ම චක්‍රය පැළඳගෙන ය. පොලිසියත්, ආගමත් අතර බැඳීම ඊටත් එහා ගොස් ඇති බව දැන් දැන් සිදු වන දෙයින් පෙනේ. 

පොලිසිය යනු බොදු බල සේනා වැනි සිංහල බෞද්ධ ත්‍රස්තවාදී සංවිධානවල සන්නද්ධ අංශය ද යන සැකය මතු වන අවස්ථා කීපයකි මේ.

බොදු බල සේනාවේ ගලගොඩඅත්තේ ඥානසාර විසින් අවුස්සන ලද බෞද්ධයන්ට දැඩි ආතතියක් පැවති මුස්ලිම් ආධිපත්‍යයෙන් යුත් ධර්ගා නගරය මැදින් පෙළපාලි යන්නට අවසර දුන්නේ පොලිසියයි. 

ධර්ගා නගරයේ ඇඳිරි නීතිය මැද ජාතිවාදීන්ට විනාශකාරී ක්‍රියාවල යෙදෙන්නට ඉඩ දුන්නේ පොලිසියයි.

මතුගම නගරයේ මොබිටෙල් නියෝජිතායතනයේ සී.සී.ටී.වී. කැමරාවේ සටහන් වී ඇති ආකාරයට කඩ කඩන විට එතනින් ට්‍රැෆික් බයිසිකලයකින් හීන් සැරේ මාරු වෙන්නේ ද පොලිසියයි.

මුස්ලිම් මිනිසුන් ‍බේරා ගැනීම සඳහා ගිය එජාප මන්ත්‍රී පාලිත තෙවරප්පෙරුමට ආරක්ෂාව සපයන්නට කියා ජීපි රියකින් ඉදිරියෙන් ගොස් මැරවරයන් අසලදී ඔහු‍ගේ රථයට ඉදිරියට යා නොහැකි වන පරිදි පාර හරස් කර පාලිතට හා ඔහුගේ රියේ සිටි මුස්ලිම් අනාථයන්ට ගුටි කන්නට සැලැස්වුවේ පොලිසියයි.

ගලගොඩඅත්තේ ඥානසාර කිසිදු ප්‍රකෝපකාරී කතාවක් පවත්වා නැති බව හා එම නිසා ඔහුගෙන් ප්‍රකාශයක් ලබා ගන්නටවත් දෙයක් නැති බව කියන්නේ ද පොලිසියයි.

මේ අතර, පසුගිය දිනක ඇමති රිසාඩ් බදුර්දීන්ගේ කර්මාන්ත හා වානිජ අමාත්‍යාංශයට කඩා පැන නින්දිත අන්දමින් පොලිසියට පවා තර්ජනය කරමින් වටරැක විජිත භික්ෂුව සෙවූ හාමුදුරුවන් ගැන පැහැදිලි වීඩියෝ සාක්කි පවා තිබියදී ඔවුන් හඳුනා ගන්නට බැරි බව කියන්නේ ද පොලිසියයි. 

මේ සියල්ල මෙසේ තිබියදී, වටරැක විජිත තමන්ට ම පහර දුන්නා ය කියා ක්ෂණිකව සොයා ගන්නේත් පොලිසිය ය. පොලිසියට බොරු පැමිණිල්ලක් දැමුවා ය කියන ඇප ලබා දිය හැකි සුළු චෝදනාවට වටරැක විජිතට ඇප නො ලැබෙන පරිදි කටයුතු කර, ඔහු ජුලි 02දා තෙක් රිමාන්ඩ් වන්නට සැලැස්වුවේ ද පොලිසිය ය. 

ඥානසාරගේ වෛරී ප්‍රකාශ සමාජ ‍ජාල ඔස්සේ හා වෙබ් අඩවි ඔස්සේ ඇති තරම් ප්‍රචාරය වී තිබියදීත්, ඒවා නො දකින්නේත්, එහෙත්, ජනමාධ්‍යවලින් ලද තොරතුරු ඔස්සේ, පැමිණිල්ලකින් තොරවම මංගල සමරවීරට එරෙහිව විමර්ශන ආරම්භ කරන්නේත් පොලිසියම ය. ආරක්ෂක බුද්ධි අංශ විසින් ජාතිවාදීන් මෙහෙයවනු ලබනවා ය කියා මංගල සමරවීර කියූ කියමන රාජ්‍ය රහසක් හෙළි කිරීමක් ය කියන‍්නේත් පොලිසිය ය. 

දීකිරට බළල්ලුත් සාක්කි ය කියා කියමනක් ඇත.

මේ ලිපිය වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න

ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි. අසභ්‍ය යයි සාමාන්‍ය ව්‍යවහාරයේ පිළි ගැනෙන වචන සම්බන්ධයෙන් සදාචාරවාදී නො වන මුත්, අනුන්ට අපහාස කිරීම සඳහා එවැනි වදන් භාවිතා කර තිබෙන අවස්ථාවලදී ඒවා ඉවත් කිරීමට සිදු වන බව කරුණාවෙන් සලකන්න. එසේම, නීතිමය ගැටලු මතු කරන අදහස් පළ කිරීම් ද ඉවත් කරනු ලැබේ. අදහස් පළ කිරීම සම්බන්ධ කාරණාවලදී සංස්කාරක වගකීම් සමග සහයෝගයෙන් කටයුතු කිරීම බලාපොරොත්තු වෙමු. Read in English blog.parakum.com