W3Lanka: Praja.lk Backup

  ශ්‍රී ලංකාවේ නීතිමය බල ප්‍රදේශයට අයත් විය හැකි කොබෝල්ට් බහුල අක්වෙරළ නිධියක් සඳහා ඉන්දියාව ගවේෂණ අයිතීන් ලබා ගැනීමට උත්සාහ කරමින් සිටින බව වාර්තා වේ. බැටරි, ජෙට් එන්ජින් සහ ගෑස් ටර්බයින සඳහා භාවිතා කරන කොබෝල්ට්, ලැප්ටොප්, ස්මාර්ට්ෆෝන් සහ විදුලි වාහන සඳහා ද ඉතා වැදගත් වේ. ඉන්දියාව සිය වෙරළේ සිට කිලෝමීටර් 1,350 ක් පමණ දුරින් මධ්‍යම ඉන්දියන් සාගරයේ අෆනාසි නිකිටින් මුහුදු කන්ද ගවේෂණය කිරීම සඳහා ජාත්‍යන්තර මුහුදු පතුල් අධිකාරිය (ISA) වෙත අයදුම් කර ඇත. නාවික සැතපුම් 200කින් ඔබ්බට තම පාලන ප්‍රදේශය පුළුල් කරන ලෙස මහද්වීපික මුහුදු සීමා පිළිබඳ කොමිෂන් සභාව (CLCS) වෙතින් ශ්‍රී ලංකාව 2009දී කරන ලද ඉල්ලීම අනුමත කළහොත් මෙම ප්‍රදේශය ශ්‍රී ලංකාවේ මුහුදු සීමාවට ඇතුළත් විය හැකිය. ජර්මනිය සහ දකුණු කොරියාව සමඟ දැනටමත් ඉන්දියානු සාගරයේ ගැඹුරු මුහුදේ ගවේෂණ සඳහා කොන්ත්‍රාත්තු ඇති චීනයට එරෙහිව කලාපීය පැවැත්මක් ස්ථාපිත කිරීම ඉන්දියාවේ අරමුණයි. ඉන්දියාවේ ගැඹුරු මුහුදේ පතල් කැණීමේ ප්‍රයත්නයන් ඉදිරියට පැමිණෙමින් පවතින අතර, සැලකිය යුතු අයවැයක් සහිත 2021 ගැඹුරු සාගර මෙහෙයුමක් සහ බහු ලෝහමය ගැටිති ගවේෂණය කිරීම ...

  ගිය සතියෙ කාර් එකක් හැපීම නිසා කැඩී ගිය වතුර බටයේ පිංතූරයක් ලෙස ෂෙයා කරපු මේ බටය තායිලන්තයේ එකක්ලු. පිංතූරය අරගෙන තියෙන්නෙ 2016දි. එය වෙනුවට වෙනත් බටයක් යෙදූ බව තායිලන්ත බලධාරීනුත් කිව්වා. (Fact Checking මූලාශ්‍රය AFP 1 කමෙන්ටුවේ ඇත) මෙවැනි දුස්තොරතුරු බෙදාහැරීම පසුපස මොන වගේ අරමුණු තිබෙන්නට පුළුවන්ද? 1.  රජය, යටිතල පහසුකම් හා සමාජ ක්‍රමය පිළිබඳ අවිශ්වාසය පැතිරවීමේ අරාජිකවාදී දේශපාලන ප්‍රවණතාව 2. ජල සම්පාදන මණ්ඩලය විසින් සපයනු ලබන පිරිපහදු කරන ලද පානීය ජලය පිළිබඳ අවිශ්වාසය පතුරුවමින් බෝතල් කළ පානීය ජලය ප්‍රවර්ධනය කිරීම ඇතැම් විට මෙවැනි දුස්තොරතුරු පතුරුවන්නන් එසේ කරන්නේ කරුණු නොදැනයි. එවිට එය දුස්තොරතුරු පැතිරවීමකට වඩා වැරදි තොරතුරු (misinformation) පැතිරවීමක් වෙනවා. බෝතල් කරන ලද පානීය ජලය භාවිතය වරක් භාවිතා කර ඉවත දමන ප්ලාස්ටික් බෝතල් හේතුවෙන් විශාල පරිසර දූෂණයකට හේතු වෙනවා. එසේම නල ජලය පිරිසිදු කිරීම සඳහා කරනු ලබන වියදම නාස්ති වී යාමකට ද හේතු වෙනවා. පරිසරය වෙනුවෙන් අපි ආපසු වතුර පයිප්පය වෙත යොමු විය යුතුව තිබෙන කාලයක තමයි අපිත් මේ වගේ දුස්තොරතුරුවලට දායක වෙන්නෙ. Adapted fr...

  ශ්‍රී ලංකාව සිය ද්වි පාර්ශ්වික විදේශ ණය කළමනාකරණය සඳහා රටවල් කිහිපයක් සමඟ ගිවිසුම් බදාදා අත්සන් කිරීමට නියමිතය. මෙය බරපතළ ආර්ථික අර්බුදයකින් පසු රටේ මූල්‍ය තත්ත්වය ස්ථාවර කිරීමට උපකාරී වන විශාල පියවරකි. විදේශ අමාත්‍ය අලි සබ්රි මාධ්‍යවලට පැවසූ පරිදි, ජනාධිපති රනිල් වික්‍රමසිංහ මහතා සඳුදා මෙම ණය සැලැස්ම පිළිබඳව සිය කැබිනට් මණ්ඩලයට දී ඇත. ණය සැලැස්මට කැබිනට් මණ්ඩලය එකඟ වී බව කැබිනට් ප්‍රකාශක බන්දුල ගුණවර්ධන මහතා පැවසීය. කෙසේ වෙතත්, ඒ පිළිබඳ තොරතුරු ප්‍රසිද්ධ කර නැත. පැරිස් සමාජය මෙම බදාදා පැරිස් සංසදය පැවැත්වීමට නියමිතය. ප්‍රංශයේ පැවැත්වෙන මෙම වාර්ෂික උත්සවය විවිධ ණය ගැටලු සාකච්ඡා කිරීම සඳහා ණයහිමියන් සහ ණයගැති රටවල් යන දෙකේම නියෝජිතයන් එක් කරයි. ඩොලර් බිලියන 12කට අධික බැඳුම්කර පිළිබඳ ජාත්‍යන්තර ණය හිමියන් සමඟ සාකච්ඡා මේ සතියේ පැරිස් නුවරදී නැවත ආරම්භ කිරීමට නියමිතය. බැඳුම්කර හිමියන් පිරිසක් පසුගිය සතියේ තොරතුරු රහසිගතව තබා ගැනීමට එකඟ වෙමින් ගිවිසුම් අත්සන් කළ බව රොයිටර් වාර්තා කළේය. ජාත්‍යන්තර මූල්‍ය අරමුදල (IMF) සිය ඩොලර් බිලියන 2.9 විස්තීර්ණ අරමුදල් පහසුකම් වැඩසටහනේ කොටසක් ලෙස ශ්...

  ස්ත්‍රී පුරුෂ සමාජභාවී අනන්‍යතා සහ ජූඩිෂියල් කැනිබාලිසම් Posted on  June 23, 2024 June 23, 2024  by  admin අජිත් පැරකුම් ජයසිංහ “ජූඩිෂියල් කැනිබාලිස්ම්” යන යෙදුම විධිමත් ලෙස ස්ථාපිත නීතිමය යෙදුමකට වඩා රූපකාර්ථ සහිත ප්‍රකාශනයකි. එහි පවතින්නේ අධිකරණයට හෝ අධිකරණ පද්ධතියට අදාළ “අධිකරණ” යන වචනය සහ “තමන්ගේම වර්ගයා ආහාරයට ගැනීම” යන අරුත දෙන වචනවල සංකලනයකි. මෙය ‘අධිකරණමය මිනීකෑම’ ලෙස පරිවර්තනය කළ හැකිය. එමගින් අධිකරණය තුළ ස්වයං-විනාශකාරී හැසිරීමක් පිළිබඳ අදහසක් ඉදිරිපත් කරයි. එහි අර්ථය වන්නේ උසාවි විසින් තමන්ගේම පූර්වාදර්ශයන් සහ ස්ථාපිත නීතිමය මූලධර්ම වලපල්ලට යවන බවයි. රනිල් වික්‍රමසිංහ ජනාධිපතිවරයා මෙම යෙදුම භාවිතා කළේ කාන්තා අයිතීන් සහ ස්ත්‍රී පුරුෂ සමානාත්මතාව සම්බන්ධයෙන් ශ්‍රේෂ්ඨාධිකරණය ලබාදුන් අතීත තීන්දු හා නීතිමය මූලධර්ම නොසලකා හැරීම සම්බන්ධයෙන් විය හැකිය. පසුගිය අඟහරුවාදා පාර්ලිමේන්තුව අමතමින් ජනාධිපති වික්‍රමසිංහ මෙසේ පැවසීය: “ස්ත්‍රී පුරුෂ සමාජ සමානාත්මතා පනත් කෙටුම්පතේ සඳහන් කර ඇති වගන්ති ශ්‍රේෂ්ඨාධිකරණය විසින් නොසලකා හැර තිබේ. කාන්තා අයිතිවාසිකම් සම්බන්ධයෙන් දස...

  ස්ත්‍රී සමලිංගික – වෙනත් කාන්තාවන්ට ආකර්ෂණය වන කාන්තාවන් විස්තර කිරීමට භාවිතා කරන යෙදුමකි පිරිමි සමලිංගික – වෙනත් පිරිමින් වෙත ආකර්ෂණය වන පිරිමින් හැඳින්වීමට භාවිතා කරන යෙදුමකි ද්විලිංගික – පිරිමි සහ ගැහැණු යන දෙඅංශම වෙත ආකර්ෂණය වන පුද්ගලයින් විස්තර කිරීමට භාවිතා කරන යෙදුමකි. සංක්‍රාන්ති ලිංගිකයන් – උපතේදී පවරන ලද ලිංගිකත්වයට නොගැලපෙන ස්ත්‍රී පුරුෂ සමාජභාවයක් විස්තර කිරීමට භාවිතා කරන යෙදුමකි. අන්තර් ලිංගික – පිරිමි හෝ ගැහැණු යන කාණ්ඩවලට මනාව නොගැලපෙන ලිංගික ලක්ෂණ සහිතව උපත ලබන පුද්ගලයින් හැඳින්වීමට භාවිතා කරන යෙදුමකි. ක්වියර් – විෂමලිංගික හෝ cisgender හෙවත් ලිංගිකභාවයක් දැක්විය නොහැකි ඕනෑම අයෙකු විස්තර කිරීමට භාවිතා කළ හැකි පොදු පදයකි. “+”  ධන ලකුණෙන් අදහස් කරන්නේ කුමක්ද? LGBTIQ+ යන කෙටි යෙදුමේ “+” ලකුණ විසින් නියෝජනය කරන්නේ ඊට පෙර අකුරුවලින් දැක්වෙන කිසිදු වර්ගයකට හරියටම නොගැලපෙන පුද්ගලයන්ය. ADapted from praja.lk

  1956 දී වැනීසිය සියවස් ගණනාවකට පසු ප්‍රථම වරට එහි සුප්‍රසිද්ධ ඇළ මාර්ග පිරිසිදු කිරීම සඳහා “Svolte di Popolazio” නමින් ප්‍රධාන ව්‍යාපෘතියක් දියත් කළේය. එහි අරුත මහජන විප්ලවය යන්නයි. ඇළ මාර්ග රොන්මඩ, සුන්බුන් සහ අපද්‍රව්‍යවලින් පිරී තිබූ අතර සෞඛ්‍ය අවදානම් ඇති කළේය. වැනීසියේ ගෘහ නිර්මාණ ශිල්පයට හා සුන්දරත්වයට අවදානමක් විය. ඉංජිනේරුවන්, කම්කරුවන් සහ ස්වේච්ඡා සේවකයන් විසින් ජලය පොම්ප මගින් ඉවත් කර, පුරාවස්තු සහ ගිලී ගිය බෝට්ටුවලින් පිරුණු මඩ පතුල මතු කර ගන්නා ලදි. ඔවුහු ඇළවල ගැඹුර සහ පැහැදිලි බව යථා තත්ත්වයට පත් කිරීම සඳහා අවසාදිත හා කුණු ටොන් ගණනක් ඉවත් කළහ. මෙම අතිවිශිෂ්ට උත්සාහය සනීපාරක්ෂාව වැඩිදියුණු කළ අතර අනාගත පරම්පරාව සඳහා වැනීසියේ උරුමය සුරැකීමේ වැදගත්කම ඉස්මතු කළේය. මෙම මෙහෙයුම මහජන විප්ලවය ලෙස නම් කිරීම කෙතරම් නිවැරදිද? (ලංකාවේ සමාජ ක්‍රමයටත් අවශ්‍යව තිබෙන්නේ මෙවැනි විප්ලවයකි. සමාජවාදී විප්ලවයක් නොවේ.) වැනීසිය අවසාදිත ගොඩ නැගීම වැනි ගැටලු වළක්වා ගැනීමට සහ යාත්‍රා කිරීමට හැකි බව සහ සනීපාරක්ෂාව සහතික කිරීම සඳහා එහි ඇල මාර්ග අඛණ්ඩව නඩත්තු කරයි. 2023 මුල් භාගයේ නියඟයක් ඇති වි...

  අජිත් පැරකුම් ජයසිංහ විප්ලවය පිළිබඳ අදහස මුලින්ම පැනනැගෙන ඇරිස්ටෝටලියානු යුගයේදීයි. ඒ කාලයේ එයින් අදහස් වූයේ ආණ්ඩු ක්‍රමවල චක්‍රීය වෙනස්කම් පිළිබඳවයි. එහෙත්, නූතන යුගයට එන විට විප්ලවයෙන් අදහස් කරනු ලබන්නේ පෙර පැවති දේශපාලන පර්යායට අභියෝගයක් වන රැඩිකල් ලෙස වෙනස් වූ නව පිළිවෙලක් ස්ථාපිත කරනු ලැබීමයි. ඉතිහාසයේ මහා විප්ලවයන් ලෙස සැලකෙන ඉංග්‍රීසි, ප්‍රංශ සහ රුසියානු විප්ලවයන්වලදී ආණ්ඩු ක්‍රමය මෙන්ම එම සමාජවල ආර්ථික ක්‍රමය, සමාජ ව්‍යුහය සහ සංස්කෘතික වටිනාකම් ද පරිවර්තනයට ලක්වුණා. 16 වැනි සියවසේ ඉතාලියේ ජීවත් වූ චින්තකයකු වන නිකොලෝ මැකියාවෙලි විප්ලවයේ තර්ජනය දරාගත හැකි රාජ්‍යයක් නිර්මාණය කිරීම වෙනුවෙන් කටයුතු කළ අයෙක්. එහෙත්, බලය පිළිබඳ ඔහුගේ දැක්ම අනුව, ඇතැම් අවස්ථාවලදී ආණ්ඩු ව්‍යුහයේ වෙනස්කම්වල අවශ්‍යතාවය පිළිගන්නා හෙයින් මැකියාවෙලි නූතන විප්ලවවාදී චින්තනයේ පුරෝගාමියෙක්. ඔහු කිසි විටෙක විප්ලවය යන වචනය ඔහුගේ ග්‍රන්ථවල භාවිතා නොකළ අතර, මූලික වශයෙන් සැලකිලිමත් වූයේ ස්ථාවර රාජ්‍යයක් නිර්මාණය කිරීම සඳහායි. ඒ සඳහා ද පරිවර්තන අවශ්‍ය වුණා. ඒ අර්ථයෙන් ගත් කල 2022 මහජන නැගිටීමෙන් පසු බලය ලබාගත්...

  – අජිත් පැරකුම් ජයසිංහ මිහිරේ මිහිර තිබුණේ එහි තිබූ කතන්දර, කවි, විශේෂාංග ලිපි, ඔන්න බබෝ සහ යෝධයා වගේ චිත්‍ර කතා, කවි, කමලක්කගෙන් අහන්න වගේ සංසද එක්ක. අපි සතියක් පුරා කියවලා ඊළඟ සතියෙ පත්තරේ ආසාවෙන් ගත්තෙ, ඒවා එකතු කළේ ඒ මිහිර නිසා. මම අද ජීවත් වෙන්නෙ ලිවීමෙන්. පොත් ලියලා සම්මාන ලබලා නැති වුණාට මං රස්සාවට කරන්නෙ ලියන එක, පරිවර්තනය කරන එක. මං එක්සත් ජාතීන්ගේ සංවිධානයේත් අන්තර්ගත ලියන්නකු ලෙස රැකියාව කළා. මගේ නම අගට තියෙන ලිපියක් මුලින්ම පළ වුණේත් මිහිර පත්තරේ. නුවන සඟරාව පස්සෙ කාලෙක මිහිර පත්තරේ අතිරේකයක් ලෙස පළ කළා. ලියලා මුලින්ම මුදලක් ඉපැයුවේ මිහිරේ නුවන අතිරේකයේ රචනා තරගවලින් දිනලා. ඒකට මට චෙක් එකක් ලැබුණා. අපි ජීවත් වුණ වැඩිහිටි සමාජයෙන් ඒ චෙක්පත මාරු කරගන්න හැටි කියලා දෙන්නට කෙනෙකු නොසිටි නිසා මට ඒ සල්ලි අතට ගන්නට බැරි වුණා. මං තනියම ගිහින් එතකොටම මතුගම ආනන්ද ශාස්ත්‍රාලය පාරෙ තිබුණු ඉතිරි කිරීමේ බැංකුවෙන් ඒ ගැන ඇහුවාම මොනවද කිව්වා, මට තේරුණේ නැහැ. ඒ කාලෙ රජයේ සේවකයන් වුණ අපේ අම්මලා තාත්තලාවත් චෙක් එකක් මාරු කරගන්න හැටි දැනගෙන හිටියෙ නැද්ද කොහෙද? බැංකු ගිනුම් තිබුණද මන්දා. මේ...

  මෝදිගේ ජයග්‍රහණය ලංකාවට කොහොම බලපායිද? Posted on  June 12, 2024 June 12, 2024  by  admin නරේන්ද්‍ර මෝදි තුන්වන වරටත් ඉන්දියාවේ අගමැති ලෙස තේරී පත් වුණා. එහෙත්, එය  ඔහු බලාපොරොත්තු වුණ අන්දමේ ජයග්‍රහණයක් නෙමෙයි. ඔහුගේ පක්ෂය වන භාරතීය ජනතා පක්ෂයට සන්ධාන ආණ්ඩුවක් පිහිටුවීම සඳහා ප්‍රාදේශීය දේශපාලන පක්ෂවල කේවල් කිරීම්වලට යටත් වෙන්නට සිදු වෙලා. ඒ වගේම ඔහු බලාපොරොත්තු වුණාට වඩා උසස් ප්‍රතිඵලයක් කොංග්‍රස් පක්ෂය ප්‍රමුඛ විපක්ෂයට ලැබුණා. ඉදිරි කටයුතු මෝදි සිතන තරම් පහසු වෙන්නෙ නැහැ. මෝදි නියෝජනය කරන ව්‍යාපාර හිතවාදී ආර්ථික මූලෝපාය හා කොංග්‍රස් පක්ෂය නියෝජනය කරන රාජ්‍ය කේන්ද්‍රීය ආර්ථික මූලෝපාය අතර ගැටුම ඉදිරියේදී තවදුරටත් වර්ධනය වන්නට පුළුවන්. වෙළඳපොළ ධනවාදය ඔස්සේ ඉන්දියාව කෙතරම් ආර්ථික වර්ධනයක් අත්පත් කරගත්තත්, රාජ්‍ය අංශය ශක්තිමත් කිරීම සඳහා වන ඉල්ලීම ඉන්දීය සමාජය තුළ ප්‍රබලව මතු වෙනවා. ලංකාවේ මේ වසරේ පවත්වන්නට නියමිත මැතිවරණයේ ප්‍රධාන පාර්ශ්ව වන ආණ්ඩුව හා ජවිපෙ ඇතුළු විපක්ෂය නියෝජනය කරන්නෙත් මෙම දෘෂ්ටිවාදයන් දෙකමයි. ආණ්ඩුවේ වර්තමාන නායකත්වය වන රනිල් වික්‍රමසිංහ වෙතින...

  අජිත් පැරකුම් ජයසිංහ දැනට බ්‍රිතාන්‍යයේ ජීවත් වන ගාමිනී මුතුකුමාරණ සහෝදරයා ලියූ ‘මතක ගිනි පුපුරු’ පොත 1989 කැරැල්ල සහ ජවිපෙ ඉතිහාසය සම්බන්ධ හොඳ මූලාශ්‍රයක්. එහි බොහෝ කරුණු විවෘතව සාකච්ඡා කරනවා. උදාහරණයක් විදියට, විජය කුමාරතුංග ඝාතනය වැනි දේ වෙනත් අයගේ ඇඟේ තවරන්නට නොගිහින් එම තීරණය ගැනීමට හේතු වුණ තත්වයන් පැහැදිලි කරන්නට ඔහු උත්සාහ කරනවා. පොතේ ගාමිනී මුතුකුමාරණ සහෝදරයා බොහෝ දේ ලියන්නෙ නැහැ. ඒක තේරුම් ගන්න පුළුවන් දෙයක්. ඔහුත්, මාත්, 1988-89 කාලයේ උපතිස්ස ගමනායකගේ කලාප නායකත්වය යටතේ, ගාමිණී විජේගුණසේකරගේ දිසා ලේකම් ධූරය යටතේ දිගු කලක් එක දිස්ත්‍රික් කමිටුවේ දිස්ත්‍රික් දෙකක වැඩ කළා. ගාමිණී විජේගුණසේකරයි මායි තුන්වන දිස්ත්‍රික්කයටත් ගියා. ඒක ඉතාම දුෂ්කර භීම සමයක්. මේ ඉතිහාසය ගැන විවෘතව කතා කළ යුතුයි. මුතුකුමාරණ සහෝදරයාගේ පොතේ දැඩි පක්ෂපාතීත්වය වගේම, අවංකකමකුත්, සහෘද දයා කරුණාවකුත් තියෙනවා. අපට නායකත්වය දීපු නන්දතිලක ගලප්පත්ති සහෝදරයා හෙවත් ලියනගේ මහත්තයා ගැන ඔහු තබා තිබෙන සටහන් ඇතුළෙ ඒ කරුණාව නිර්මාණය වුණ ආකාරය දැක්වෙනවා. මගෙත් එක්ක එකට අත්අඩංගුවට පත් වුණ, මාතර දිස්ත්‍රික්කයේ සන්නද්...

අයිතිය උදෙසා මාධ්‍යවේදියෝ පසුගිය දවසක හිරු ටීවී ආයතනය මල්වානේ ගංවතුර වාර්තා කරද්දී තරුණ මාධ්‍යවේදිනියක් පපුව මට්ටම දක්වා දියේ බැස වාර්තා කරන ආකාරය ගැන මහත් ආන්දෝලනයක් ඇති වුණා. ඒ අවස්ථාවේදී නිවේදිකාව පමණක් නොව සමස්ත කණ්ඩායමම ඉන්නට අත්තෙ ගංවතුරෙ බැසගෙන. එමගින් ගංවතුරේ තරම ගැන මනා සන්නිවේදනයක් වුණා වගේම මාධ්‍යවේදීන්ගේ ආරක්ෂාව ගැනත් සංවාදයක් ඇති වුණා. ගංවතුර මට්ටම ගැන කියන්න වතුරේ බහින තරම් අවදානමක් ගත යුතුද? නාය යාමක් වාර්තා කරන්නට ගල් පෙරළෙන තැනක සිට වීඩියෝවක් ගත යුතුද? මාධ්‍යවේදීන් සඳහා ආපදා වාර්තාකරණයේදී ස්වභාවික විපත්, අනතුරු හෝ වෙනත් ව්‍යසනකාරී සිදුවීම් ආවරණය කිරීම ඇතුළත් වෙනවා. ඵලදායි ආපදා වාර්තාකරණය සඳහා මූලික මූලික කරුණු කිහිපයක් සිහි තබාගත යුතුයි: සූදානම ඉතා වැදගත්. එහිදී පහත දැක්වෙන කරුණු අදාළයි. සන්දර්භය අවබෝධ කර ගැනීම: කලාපයේ බහුලව සිදුවන ආපදා වර්ග, ඓතිහාසික පූර්වාදර්ශ සහ බලධාරීන්ගේ සහ ප්‍රජාවන්ගේ සාමාන්‍ය ප්‍රතිචාර දැන ගන්න. ජාලයක් ගොඩනැගීම: ආපදාවකදී සන්නිවේදනය පහසු කිරීම සඳහා හදිසි සේවා, පළාත් පාලන ආයතන සහ රාජ්‍ය නොවන සංවිධාන සමඟ සම්බන්ධතා ඇති කර ගන්න. භූමියේදී ආරක්ෂාව පළමු...

  අජිත් පැරකුම් ජයසිංහ චම්පික රණවක සමග උපුල් ශාන්ත සන්නස්ගල සිදුකළ මහජනමුත්තා පළමු සංවාදය දේශපාලනිකව ඉතා වැදගත්. චම්පික රණවක දේශපාලන නායකයකු ලෙස ඉදිරියෙන් සිටින බව කිසි සේත්ම ප්‍රතික්ෂේප කළ නොහැකි සත්‍යයක්. දත්තයක්. දේශපාලන නායකත්වය දක්වා ගොඩනැගීමේදී චම්පික ගහපු ගේම් අනෙක් අය ගහපු ගේම්වලට වඩා සුවිශේෂ නැහැ. ඒ වෙලාවෙ ඒ ගේම් ගැහුවෙ චම්පික විතරක් නෙමෙයි. ඒ වගේම චම්පික නොහිටියා නම් වෙන කවුරුහරි ඒ ගේම් ගහනවා. චම්පික දක්ෂ නිසා ඒවාට ශක්තිමත් ලෙස මුලපිරුවා. මහින්ද රාජපක්ෂ වගේ අය එයින් වාසි ගත්තා. ජනතා විමුක්ති පෙරමුණ වගේ පක්ෂ පසුපසින් ආවා. කොහොම වුණත්, චම්පික තනි අලියෙක්. රනිල්ට ඔහු නගන ප්‍රධාන චෝදනාව සහකම්පනය නැහැ කියන එකයි. මං නම් හිතන්නෙ චම්පිකට වෙනත් අයට නායකත්වයට පත් වීමට තියෙන ආශාවන් ගැන කිසිම සහකම්පනයක් නැහැ. ඒ නිසා හැමදාම චම්පික කටයුතු කරල තියෙන්නෙ තමන්ගෙ උන්නතිය වෙනුවෙන්. ඊට වඩා දෙයක් කරන්නට චම්පිකට ඇත්තටම බැරි වෙලා තියෙනවා. ඒකට හේතුව චම්පික හැමදාම පාර්ලිමේන්තුවට පවා ආවෙ අවදානම් මාර්ගයකින්. තමන් ගොඩඑන්න දඟලන ගමන් කොහොමද තවත් අයත් ගොඩගන්නෙ? එහෙම වුණේ ඇයි? හේතුව තමයි චම්පික කවදාවත් ව...