සිරාගෙ කාමරේ ලියන සිරා කොලුවා එක්ක දාපු සිරා චැටක්

මේ චැට දැම්මෙ මට මතක විධියට ජනාධිපතිවරණෙටත් කලින්. මම ඒ වෙලාවෙ කිව්වා මම ඒ අදහස් ටික පළ කරනවා කියලා. ඒත් ඒක සංස්කරණය කරලා පළ කරන්න බැරි වුණා. ඡන්ද කලබල නිසා. මෙතන අපි කතා කළ ඇතැම් දේ විතරයි කපලා දැම්මෙ.

සිරාගෙ කාමරේට මෙතනින් පාර >>>>

ලොකු අයියා

Hello

සිරාගෙ කාමරේ ලියන සිරා කොලුවා

ඔව් මල්ලි

ඔයාගෙ ලිපි මම කියවනවා නිතර. කමෙන්ට් කරන්නෙ නම් කලාතුරකින්

ස්තුතියි

නමුත් ඉස්සර තිබුන සුන්දරත්වය බ්ල‍ොග් වල දැන් නෑ. වල් පල් තමයි වැඩි

කොයි දේ වුණත් කලක් යනකොට එළිය අඩු වෙනවා.

ඒක ඇත්ත

තමන්ගේ දේ ආරක්ෂා කරගෙන ඉදිරියට යන එක තමයි හොඳ

ඔව්

රැළිවලට අහු නොවී

මම මගේ ගමනක් හැමදාම ගියෙ. ඒක තමයි වෙන්න ඕනැ. මම අද ගොඩාක් ලගින් ආශ්‍රය කරන්නෙ ඉස්කෝලෙ යාලුවො නෙමෙයි. බ්ලොග් එකෙන් සෙට් වෙච්ච අය

ඔයා ඉන්නෙ කොහේද?

මැලේසියා

මං හිතුවා

ඒ මොකෝ

ලියූ දේවලින් හා ෆොටෝවලින්

මේ රට ගැන ගොඩාක් දේ ලියන්න තියෙනවා. මම තවම ලියලා නෑ. අපි මෙහෙ විදින පහසුකම් ඇයි අපේ මිනිස්සුන්ට දෙන්න බැරි කියලා දහස් වර හිතෙනවා. කිසිම තැනක දුම්රිය කාලසටහන් නෑ. විනාඩි 5 න් 5 ට කෝච්චි. පොදු ප්‍රවාහන සේවා / මාර්ග පද්ධතිය උපරිම කාර්යක්ෂමයි.

ලංකාව දූපතක් වීම හා වැඩි දෙනෙකුට ලෝකය දකින්නට බැරි වීම මේ ප්‍රශ්න බොහොමයකට හේතුව.

ඇත්ත. දූපත් මානසිකත්වය තමයි ප්‍රධානම හේතුව. අපේ රටේ කාන්තාව ඉදිරියට ගත්තා නම් අපේ ඵලදායිතාව වැඩි කරලා නිෂ්පාදනය වැඩි කරන්න පුලුවන්

ඔව්

රට ඉස්සරහට එනවා ගොඩාක්. මැලේසියාව කාන්තාවගෙන් උපරිම වැඩ ගන්නවා. මෙහෙ පිරිමි කම්මැලියි. මැලේ උන්. කෝච්චි/ බස් / ලොරි හැම එකම එලවනවා මැලේ ගෑනු. පාරෙ වාහන 10 ක් ගියොත් 6 ක් පදින්නෙ ගෑණු. පිරිමියා ඉස්සරහා අනිත් පැත්තෙ ඉදගෙන යනවා. රජයේ සේවයේ ඉන්න බහුතරය ගෑණු.

මේ කාන්තාව ඉදිරියට ගැනීමෙන් ආර්ථිකය දියුණු කළ හැකි ය කියන සංකල්පය ගැන ලිපියක් ලියන්න. ඒක ඉතා හොඳ පොයින්ට් එකක්

මෙයාලා අධ්‍යාපනය අතින් අපි තරම් කොලිටි නෑ. අපේ උන් පට්ට දක්ෂයි. ඒත් නිවැරදි දේශපාලන නායකත්වයක් නෑ. අපිට හැකි උනේ ගෑණු වැඩකාරකමට රට යවන්න විතරයි. පොඩි කෙල්ලො කෝච්චි එලවනවා මෙහෙ. රජය කැමතියි ගෑණු වැඩට ගන්න. මොකද එයාලගෙ ඉල්ලීම් අරවා මේවා අඩුයි පිරිමියට සාපේක්ෂව. දිග තඩි බස් එලවනවා තනියම.සහායකයො නෑ මෙහෙ බස් වල. අපට ගහපු හෙනේ මේ ජාතිවාදය, යුද්ධය හා ඒකෙන් පෝෂණය වුණ දේශපාලනය. අපට හරි හමන් නායකත්වයක් කවදාවත් තිබුණෙ නැහැ.

අපිට සමගිය තිබුනෙ නෑ

තව දෙයක් අයියා, මැලේසියාව මුස්ලිම් බහුතරයක් ඉන්න රටක්. 54 % මුස්ලිම්. 32% චීන. 9% දෙමළ. මෙහෙ තේමාව එක මැලේසියාවක් කියන එක. ඒ කියන්නෙ හැමෝම එකා වගේ කියලා. නමුත් රජය හැම එකාටම එක වගේ සලකන්නෙ නෑ. මුස්ලිම් මිනිහා එක. චීනා දෙක. දෙමළ තුන. මේ අය බැංකු ණයක් ගන්න ගියත්...මේ තුන් විදිය එතන තියෙනවා. මැලේ මිනිහට ඉල්ලන ගානම ණයට දෙනවා. චීනට දෙමළට දෙන්නෙ අනුපාත. නමුත් මේ රටේ උන් සතුටින් ඉන්නවා. අපිට සමාන අයිතීන් ඕන‍ෙ. කියලා මරා ගන්න යන්නෙ නෑ. චීනා තමයි මැලේසියාව දියුණු කලේ. ආර්ථිකය හොඳ නම් මිනිස්සු වෙනස්කම් ඒ තරම් ගණන් ගන්නෙ නැහැ. රටේ ලොකුම සල්ලිකාරයො 10 ඇතුලෙ 6 ක් චීන, 1 දෙමළ මනුස්සයයි. ඒ ලංකාවෙ සම්භවය තියෙන ආනන්ද ක්‍රිෂ්ණන්. මම කියන්න හැදුවෙ මෙහෙම දෙයක්. මේ සංස්කෘතිය මාතෘ මූලික සමාජයක් කියලයි මට හිතෙන්නෙ. අම්මා තමයි පවුලෙ නාරටිය. අම්මා වටේට තමයි හැමෝම එකතු වෙලා තියෙන්නෙ. හැමෝම ලමයි 3 ගානෙ හදනවා. ගෑණියෙක්ට වයස 30 වෙද්දි තිදරු මවක්. 

ඔව්

කාන්තාවට උපරිම ගරු කරනවා. කවුරුවත් අනවශ්‍ය විහිලු කරන්නෙ නෑ කවදාවත්. අපි කෝච්චියක උනත් හැකි තරම් කාන්තාවන්ට ඉදගන්න ඉඩ දෙනවා. පිරිමි හිටගෙන යනවා. මම වතාවක් මැලේ වයසක ගෑණු කෙනෙක්ට මගේ සීට් එක දුන්නා කෝච්චියෙ. එයා මට තට්ටුවක් දාලා කියනවා...ඔයාව මම අගය කරනවා...ඒක ඔයාගෙ සීට් එක ඔයා ඉඳගන්න කියලා. කාන්තාවට ඉදිරියට එන්න ඉඩ දීලා තියෙනවා. එයා බස් එලෙව්වා කියලා කවුරුවත් වෙට්ටු දාන්නෙ නෑ. ඒක මානසිකත්වය අයියා. අපේ ගෑණු මීට වඩා දක්ෂයි. අපේ කුහක පිරිමි ගෑණිට මතුවෙන්න දෙන්නෙ නෑ. පවුල ඇතුලෙම හැකියාව මරනවා. ලිංගික කුහකකම. තමන්ට වඩා ගෑණි මතුවෙයි...ඒක මගේ පිරිමි කමට තර්ජනයක් කියලා. 

ඒක ඇත්ත

අන්න ඒ මානසිකත්වයෙන් අපි මිදිලා. කාන්තාවක් ශ්‍රම බලකායෙ අත්‍යවශ්‍ය සාධකයක් කලා නම් ලංකාව බලාන ඉද්දි දියුණු වෙනවා. අපේ සංස්කෘතික බැදීම් එක්කයි මේ මානසිකත්වය අපිට තියෙන්නෙ. මිදෙන්න අමාරුයි අධ්‍යාපනයෙන් තමයි ඒක වෙනස් කරන්න ඕන‍ෙ. 

දැනටත් ලංකාවෙ ආර්ථිකයෙ ප්‍රධාන කුළුන ගැහැනු තමයි. විදේශ රැකියා, ඇඟලුම්, වැවිලි ක්ෂේත්‍රවල කාන්තාව තමයි ජීවනාලිය

කාත්තාවට මම හරියට ගරු කරනවා. එයාලා ගොඩාක් කම්කටොළු විදිනවා ස්වභාවිකව. මිනිස්සු විදියට අපි මොනවද විදින්නෙ ජීව විද්‍යාත්මකව දුක කියලා දෙයක්. මාස 9 ක් දරුවෙක් බඩේ තියාන දුක් විදිනවා. බිහිකරලා කොච්චර දුක් විදිනවද. ඒ හැමදේමත් කරලා ඒ අය ගෙදරට කීයක් හරි උපයලත් දෙනවා. මේ විදියට හැමෝම හිතුවා නම් අපේ කාන්තාව ඉදිරියට එනවා. පිරිමියා හා සමානව වැඩ කරනවා. රටේ නිෂ්පාදනය ඉහළ යනවා. කොරියාවෙ වගේ පැය 12 ෂිෆ්ට් දෙකක් දුවනවා.

අපි තව දේවලුත් කතා කළා. ඒත්, මේ ටික පළ කරන්න හිතුවෙ ඔහු නිකමට කතා කළ අදහස්වල තිබුණු වැදගත්කම නිසායි. 

මේ ලිපිය වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න

ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි. අසභ්‍ය යයි සාමාන්‍ය ව්‍යවහාරයේ පිළි ගැනෙන වචන සම්බන්ධයෙන් සදාචාරවාදී නො වන මුත්, අනුන්ට අපහාස කිරීම සඳහා එවැනි වදන් භාවිතා කර තිබෙන අවස්ථාවලදී ඒවා ඉවත් කිරීමට සිදු වන බව කරුණාවෙන් සලකන්න. එසේම, නීතිමය ගැටලු මතු කරන අදහස් පළ කිරීම් ද ඉවත් කරනු ලැබේ. අදහස් පළ කිරීම සම්බන්ධ කාරණාවලදී සංස්කාරක වගකීම් සමග සහයෝගයෙන් කටයුතු කිරීම බලාපොරොත්තු වෙමු.