2024 සැප්තැම්බර් වන විට රජයේ සක්‍රිය විශ්‍රාමිකයින් 717,000 ඉක්මවයි
චේතනා ගෝමිස්
2024 සැප්තැම්බර් මාසය වන විට ශ්‍රී ලංකාවේ සමස්ත සක්‍රිය රජයේ විශ්‍රාමිකයින් ගණන 717,347ක් බව විශ්‍රාම වැටුප් දෙපාර්තමේන්තුව සඳහන් කරයි. මෙම විශ්‍රාමිකයන් අතරින් 392,966ක් සිවිල් සේවයේ විශ්‍රාමිකයින් වන අතර, 187,913ක් වැන්දඹු හා අනත්දරු විශ්‍රාම වැටුප්ලාභීන් සහ 136,468ක් හමුදා සේවයෙන් විශ්‍රාමගත් පිරිසයි. 2024 වසරේ මුල් මාස 9 තුළදී මෙම විශ්‍රාමිකයින් වෙනුවෙන් දළ වශයෙන් රුපියල් කෝටි 2,540ක් (රුපියල් මිලියන 25,400ක්) වැයකර ඇත.
දිස්ත්‍රික්ක අනුව විශ්‍රාමිකයින් සංඛ්‍යාව
ගම්පහ දිස්ත්‍රික්කය විශ්‍රාමිකයින් වැඩිම ප්‍රමාණයක් වන 90,791ක් සහිත දිස්ත්‍රික්කයයි. එයට සමීපවම කොළඹ දිස්ත්‍රික්කයෙන් 89,601ක් සහ කුරුණෑගලෙන් 70,408ක් වාර්තා වෙයි. මහනුවර දිස්ත්‍රික්කය 62,740 විශ්‍රාමිකයින් සමඟ සිව්වැනි ස්ථානයට පත්වන අතර, කළුතර දිස්ත්‍රික්කය 46,382ක් සමඟ පස්වැනි ස්ථානයේ පවතී. විශ්‍රාමිකයින් අවම ප්‍රමාණයක් සහිත දිස්ත්‍රික්කය මුලතිව් වන අතර, එහි විශ්‍රාමිකයින් සංඛ්‍යාව 1,281කි.
| දිස්ත්‍රික්කය | විශ්‍රාමිකයින් සංඛ්‍යාව |
|---|---|
| ගම්පහ | 90,791 |
| කොළඹ | 89,601 |
| කුරුණෑගල | 70,408 |
| මහනුවර | 62,740 |
| කළුතර | 46,382 |
| මුලතිව් | 1,281 |
2025 විශ්‍රාම වැටුප් ඇස්තමේන්තු
2025 වසර සඳහා විශ්‍රාම වැටුප් ගෙවීම් ඇස්තමේන්තු කර ඇති පරිදි මෙසේය:
- සිවිල් විශ්‍රාම වැටුප් සඳහා රුපියල් මිලියන 317,000ක්
- වැන්දඹු හා අනත්දරු විශ්‍රාම වැටුප් සඳහා රුපියල් මිලියන 77,000ක්
- පාරිතෝෂිත ගෙවීම් සඳහා රුපියල් මිලියන 47,000ක්
- සමාජ සුබසාධන වියදම් සඳහා රුපියල් මිලියන 49,305ක්
- දුම්රිය බලපත්‍ර සඳහා රුපියල් මිලියන 500ක්
- අමතර විශ්‍රාම වැටුප් ගෙවීම් සඳහා රුපියල් මිලියන 35ක්
Comments
Post a Comment
මාතෘකාවට අදාළ නැති හා වෛරී අදහස් ඉවත් කිරීමට ඉඩ ඇති බව කරුණාවෙන් සලකන්න.