රෝහිත – තත්‍යානා විවාහය හා රාජපක්ෂවරුන්ගේ බහු සංස්කෘතිකත්වය
මහින්ද රාජපක්ෂ පවුල සිංහල බෞද්ධ සංස්කෘතියේ කැඩපත, සංකේතය, පරමාදර්ශය, අරක, මේක කෙසේ වෙතත්, නියම බහු සංස්කෘතිකත්වයේ කැඩපතක් බව මහින්ද රාජපක්ෂගේ බාල පුත් රෝහිත රාජපක්ෂගේත්, තත්‍යානා ලී ජයරත්නගේත් විවාහයෙන් පෙන්නුම් කෙරිණි.
ඡායාරූපය ධනූෂ් ද කොස්තා
තනිකර සිංහල චාරිත්‍ර අනුව ද, ක්‍රිස්තියානි චාරිත්‍ර අනුව ද, හින්දු චාරිත්‍ර අනුව ද මෙම විවාහය පවත්වන ලදී.
තත්‍යානා ලී ජයරත්න ක්‍රිස්තියානි ආගමික පවුලකින් පැවත එන්නියකි. ඇගේ පියාගේ පරපුරට ලී යන නාමය එක් වූ ආකාරය සොයා බැලීම ද රසවත් විය හැකි ය.
එසේම, ඔවුන් හින්දු චාරිත්‍රානුකූලව විවාහ උත්සවයක් පැවැත්වූ හේතුව ද එසේ ම රසවත් විය හැකි ය.
දේශපාලනයේදී දැඩි සිංහල ජාතිවාදී ස්වරූපයක් ගත්ත ද රාජපක්ෂ පවුල හැම විට ම බහු සංස්කෘතික විවාහයන්ට විවෘත බවක් පෙනේ.
මහින්ද රාජපක්ෂ විවාහ වූ ශිරන්ති වික්‍රමසිංහ ද ක්‍රිස්තියානි ආගමික කාන්තාවකි.
මහින්ද රාජපක්ෂගේ පියා වන ඩී.ඒ. රාජපක්ෂට මන්ත්‍රී පදවිය හිමි වූයේ ඔහුගේ වැඩිමහල් සහෝදරයා වූ බෙලිඅත්ත හිටපු මන්ත්‍රී ඩී.එම්. රාජපක්ෂගේ අභාවය නිසා ය. ඩී.එම්. රාජපක්ෂගේ පුතුන් වූ ජෝර්ජ් රාජපක්ෂ හා ලක්ෂ්මන් රාජපක්ෂ ද දේශපාලනයේ නිරත වූ හ. ජෝර්ජ් රාජපක්ෂගේ දියණිය වූ නිරූපමා රාජපක්ෂ ද කලක් හම්බන්තොට දිස්ත්‍රික්කය නියෝජනය කරමින් ඇමතිවරියක ලෙස කටයුතු කළ අතර ඇය විවාහ වී සිටින්නේ දෙමළ ජාතිකයකු වන තිරුකුමාරන් නඩේසන් සමගයි.
මේ ලිපියත් කියවන්න:
කවුද මේ රෝහිත රාජපක්ෂ බැන්ද තත්‍යානා ලී ජයරත්න >>>
මහින්ද රාජපක්ෂගේ බාල සොයුරු බැසිල් රාජපක්ෂගේ දියණිය වන බිමල්කා විවාහ වූයේ ද ඇමරිකානු සුදු ජාතිකයකු සමග ය.
Comments
Post a Comment
මාතෘකාවට අදාළ නැති හා වෛරී අදහස් ඉවත් කිරීමට ඉඩ ඇති බව කරුණාවෙන් සලකන්න.