ලස්සනයි හරි ලස්සනයි
තිලක් කරුණාතිලක යනු අප අත්‍යවශ්‍යයෙන්ම කතාකල යුතු එහෙත් කිසි දිනෙක ඇගයීමට, කතාබහට ලක් නොවු සංගීතඥයෙකි.
ගුවන් විදුලි ගීත කිහිපයක් සංගීතවත් කලත් ඔහු වැඩිපුරම ගනුදෙණු කලේ සිනමා සංගීතය සමඟිනි. නමුත් ඔහු දායක වු බොහොමයක් චිත්‍රපටි කතාසාරය අතින්ද වානිජ අතින්ද සාර්ථක නොවු හෙයින් ඔහු නිර්මාණය කල ගීත ද වැඩිපුර රසිකයන් අතර ප්‍රචලිත වුයේ නැත.
මා අද පල කරන ගීතය අඩංගු වු "සඳ නැග එද්දි (1967)" චිත්‍රපටියම ඊට මහඟු උදාහරණයකි.එකල දිනමිණ පුවත්පතට සිනමා විචාරක ජයවිලාල් විලේගොඩයන් සිනමාපටය පිලිබඳ අදහස් දක්වා තිබුනේ ලෙසිනි. "මේ අවුරුද්දේ පහත්ම චිත්‍රපටිය මහදැනමුත්තාද නැතිනම් කිංකිණි පාදද යන්න එක එල්ලේ තීරණය කරගත නොහැකිව සිටි මම සඳ නැඟ එද්දි දුටු පසු එය ඉබේම විසඳාගතිමි".
එවැනි අසාර්ථක සිනමා කෘතියක් තුල වුවද සදාකාලික රසයක් ජනිත කල හැකි ගීත දෙකක් කරුණාතිලකයන් සිනමාපටයේ ගීත හතරට එක්කාසු කොට කොට ඇත.අද දින ඉදිරිපත් කරන "සීත නලවැල්" ඉන් එක් ගීයකි.
සිනමා පටයේ නමටම ඔබින සෞන්දර්ය වෑහෙන මේ පද සිත්තම නිමවුයේ චිත්‍රානන්ද අබේසේකරයන් අතිනි.ගායනය හරුන් ලන්ත්‍රා හා ඇන්ජලින් ගුණතිලකයන් විසිනි.ගීතයට දායක වු පාර්ශව හතරින් අද ඉතුරුව සිටින ඇන්ජලින් ගුණතිලක මහත්මියට දිර්ඝායුෂ පතමින් මේ ගීතය රස විඳිමු.
...............................................
සීතල නලවැල් තුරු අතරේ
මීදුම් කඳුමුදුනේ වැතිරේ
මේ කුළු පියඹා යයි අඹරේ
ලස්සනයි හරි ලස්සනයි
ඇල දොළ බැස යයි-මිණිකැට මතු වෙයි
මිහිර ලබාදෙයි -සමඟ විනොදේ
කිරිසිදු දිය ඇල්-පාට පාට මල්
පිපිලා සුවඳේ -මෝහන සුව දේ
තේ දළු නෙළනා කොමලියෝ දකිනා
සන්තොස පතුරයි සම්පත උතුරයි
ඇබරෙන කැරකෙන නයින් වගේ යන
වළලු වළලු වැනි මාවත සිරියයි
අමා වැසි වසී ගම සිනාසිසී
අලංකාර වේ අපේ ජීවිතේ
...........................................................................
ගායනය-හරුන් ලන්ත්‍රා හා ඇන්ජලින් ගුණතිලක
රචනය-චිත්‍රානන්ද අබේසේකර
සංගීතය-තිලක් කරුණාතිලක
Mr. jayasinghe,
ReplyDeletecould you please bring a copy of your novel Shasthru to nelumyaya tomorrow.i want to buy one.
KAPS
හෙට නෙළුම් යායේ තෑගි ලබන සියලු දෙනාටත්, ඔබටත් ශාස්තෘ පිටපතක් නොමිළේ.
Deleteනොමිළේ වුණාට ආධාරයක් කරහල්ලා පවුනෙ.
Deletepinthure inne latha ne ?
ReplyDelete