වෘත්තීය සිංහල බ්ලොග්කරුවකු සමග පළමු රූපවාහිනී සාකච්ඡාව

මං දැන් වෘත්තීය බ්ලොග්කරුවෙක්. ඒ කියන්නේ රස්සාවට බ්ලොග්කරණයේ යෙදෙන කෙනෙක්.

අපේ පාඨකයෝ නම් මං එහෙම කෙනෙක් වෙන බව මටත් කලින් දැනගෙන හිටියා. එ නිසා ඒගොල්ලෝ පුන පුනා කීවා මං ලියන්නෙ කොටින්ගෙන්, මුස්ලිම් අයගෙන්, එන්ජීඕවලින්, යූඇන්පියෙන් ලැබෙන ඩොලර්වලට ය කියලා. මාත් ඉතින් දත මැදගෙන බලා හිටියා මගේ ගිනුමට ඩොලර් වැටෙනකල්. කෝ වැටුණයි? නැහ්!

මං දන්නෙ නැහැ ලංකාවෙ තවත් වෘත්තීය සිංහල බ්ලොග්කරුවෝ ඉන්නව ද කියලා. හැබැයි, මේ මොහොතේ මං රස්සාවට කරන්නෙ ඒක.

ඉතින් අපට පාන් ද කියලා කවුරුහරි අහන්න ඉඩ තිබෙනවා. හැබැයි වෘත්තීය සිංහල බ්ලොග්කරුවන් බිහි වීම කියන්නේ ලංකාවේ බ්ලොග්කරණයේ සන්ධිස්ථානයක්.  ඒක සලකුණු කළ යුතු යයි මම හිතන්නේ ඒ නිසායි.

ලංකාවේ මුල් ම සිංහල වෘත්තීය බ්ලොග්කරුවා මං ද දන්නේ නැහැ. අඩු ගානෙ ඒක මුලින් කියපු කෙනා හරි මං වෙන්න පුළුවන්.

මේක මගේ පෞද්ගලික ජයග්‍ර‍හණයක් නොවෙයි. සිංහල බ්ලොග් අවකාශයේ සාමූහික ජයග්‍ර‍හණයක්.

ඉදිරියේදී සංවිධාන, සමාගම් බ්ලොග්කරණය ගැන වඩා බැරෑරුම් විදියට හිතන්නට පෙළඹෙයි කියලා බලාපොරොත්තු වෙන්න පුළුවන්. කවුරුද දන්නෙ අනාගතේ මොනව වෙයි ද කියලා.

මෙම සබඳතා පුරුකේ පළ වෙන්නේ වෘත්තීය බ්ලොග්කරුවකු සමග කරපු ලංකාවේ පළමුවෙනි රූපවාහිනී ඉන්ටවීව් එක ද දන්නෙ නැහැ. ගිහින් බලන්න.

මේ ලිපිය වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න

ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි. අසභ්‍ය යයි සාමාන්‍ය ව්‍යවහාරයේ පිළි ගැනෙන වචන සම්බන්ධයෙන් සදාචාරවාදී නො වන මුත්, අනුන්ට අපහාස කිරීම සඳහා එවැනි වදන් භාවිතා කර තිබෙන අවස්ථාවලදී ඒවා ඉවත් කිරීමට සිදු වන බව කරුණාවෙන් සලකන්න. එසේම, නීතිමය ගැටලු මතු කරන අදහස් පළ කිරීම් ද ඉවත් කරනු ලැබේ. අදහස් පළ කිරීම සම්බන්ධ කාරණාවලදී සංස්කාරක වගකීම් සමග සහයෝගයෙන් කටයුතු කිරීම බලාපොරොත්තු වෙමු.