නගෝ නගෝ! මේ සුන්දර ගීය ඔබටයි

අන්තර්ජාලය හරහා ලොව පුරා ජනප්‍රිය වූ මෙම වීඩියෝවට ලංකාවේ බොහෝ දෙනෙක් ඇලුම් කරනවා. ඒ සමග වැඩි දෙනෙක් කීවේ මේ ගීතයේ කියා ගන්න බැරි අමුතු සුන්දරත්වයක් තිබෙන බවයි. මම හිතන්නේ ඒ සුන්දරත්වය නිර්මානය වන්නේ ගායිකාවගේ රූ සපුව, ඇගේ ඉදිරිපත් කිරීම, සංදර්ශනයේ පසුබිම, මල් පිරිනැමීම, වළාකුළු පිරි අහස ආදී සියල්ල එකතු වීමෙන්.

එමගින් මැවෙන සුන්දරත්වය තුළ කිසියම් ගුප්ත, දුක්මුසු බවක් ගැබ් වී තිබෙනවා.

මේ ගීය ගයන්නේ තජිකිස්තාන් ජාතික ජනප්‍රිය ගායිකා නොසියා කරමටුල්ලෝයි (Noziyai Karamatullo). මේ ගීයේ තිබෙන භාෂාව තජික් භාෂාවයි. ගීයේ තේරුම සොයා ගන්න අප දැරූ උත්සාහය සාර්ථක වුණේ නැහැ.

නොසියා කරමටුල්ලෝගේ පියා කරමටුල්ලෝ කුර්බොනුව් ද තජිකිස්තානයේ සිටි ජනප්‍රිය ගායකයෙක් හා සංගීතඥයෙක්. 1992 ඔක්තෝබර් 17සා ඔහුගේ සංගීත කණ්ඩායමේ ශිල්පීන් ගණනාවක් සමග ඔහුව ද ඝාතනය කරනු ලැබුවා. එය සිදු වුණේ සෝවියටි සංගමයෙන් නිදහස ලැබූ තජිකිස්තානයේ 1992 සිට 1997 දක්ව පැවති සිවිල් යුද්ධය අතරතුරයි මේ ඝාතනය සිදු වුණේ.

මේ ඔහු ගැයූ ගීයක්.



තජිකිස්තානය කියන්නේ මධ්‍යම ආසියවේ පිහිටි උතුරින් කිර්ගිස්තානයටත්, නැගෙනහිරින් චීනයටත්, දකුණින් ඇෆ්ගනිස්තානයටත්, බටහිරින් උස්බෙකිස්තානයටත් මායිම් වූ කඳුකර රටක්.

නොසියාගේ ගී රැසක් අන්තර්ජාලයේ තිබෙනවා. ඇය ඉහත කී ගීය ගැයූ සංදර්ශනයේ ඇගේ ඉදිරිපත් කිරීම් සියල්ල පහත ඇති වීඩියෝවෙන් බලන්න පුළුවන්.



මේ ලිපිය වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න

ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි. අසභ්‍ය යයි සාමාන්‍ය ව්‍යවහාරයේ පිළි ගැනෙන වචන සම්බන්ධයෙන් සදාචාරවාදී නො වන මුත්, අනුන්ට අපහාස කිරීම සඳහා එවැනි වදන් භාවිතා කර තිබෙන අවස්ථාවලදී ඒවා ඉවත් කිරීමට සිදු වන බව කරුණාවෙන් සලකන්න. එසේම, නීතිමය ගැටලු මතු කරන අදහස් පළ කිරීම් ද ඉවත් කරනු ලැබේ. අදහස් පළ කිරීම සම්බන්ධ කාරණාවලදී සංස්කාරක වගකීම් සමග සහයෝගයෙන් කටයුතු කිරීම බලාපොරොත්තු වෙමු.