ජාතියේ තාත්තේ, බාප්පේ, බුදු පුතේ මෙන්න මූ අගමැතිකමටත් කෙළින්න හදනෝ!

(2010 අගෝස්තු 05, W3Lanka) විසි දහසක් පමණ සමෘද්ධි නිලධාරීන් නියෝජනය කරන ප්‍රධාන වෘත්තීය සමිතිය වන සමස්‌ත ලංකා සමෘද්ධි සංවර්ධන හා කෘෂිකර්ම පර්යේෂණ නිෂ්පාදන සහකාර නිලධාරීන්ගේ සංගමය ඇමති මර්වින් සිල්වා සමෘද්ධි නිලධාරියකු කැලනිය ප්‍රාදේශීය ලේකම් කාර්යාලයේදී ගස්‌බැඳීමට විරෝධය පළ කරමින් අද (05 වැනිදා) පෙරවරු 11.00 ට කිරිබත්ගොඩ නගර මධ්‍යයේ උද්ඝෝෂණයක් පවත්වයි.


කිරිබත්ගොඩ මර්වින් සිල්වාගේ සියඹලා ආණ්ඩුවේ අගනුවර වන අතර සමෘද්ධි නිලධාරීන් එහි උද්ඝෝෂණය කර යහතින් ගියහොත් සියඹලා ආණ්ඩුවේ කැළෑ නීතිය අනුව මර්වින් සිල්වාට විලි ලැජ්ජා නැති වැඩකි වනු ඇත.


දැන ගන්නට ඇති පරිදි මේ වන විට අදාළ මුස්ලිම් ජාතික සමෘද්ධි නිලධාරියා දැඩි ලෙස බියවද්දා ඇත. තමන් ගස් බැඳුනේ කැමැත්තෙන් යයි පවසන ලියුමක් ද ඔහුගෙන ලබාගෙන ඇති බව වාර්තා වේ. මේ වන විට ඔහු හැංගී ඇත. කට නො ඇර සිටියොත් සලකන බව ද ඔහුට කියා ඇති බව දැන ගන්නට ඇත. 


සමෘද්ධි අධිකාරිය අයත් වන්නේ බැසිල් රාජපක්ෂ යටතේ ඇති ආර්ථික සංවර්ධන අමාත්‍යංශයටයි. එහෙත් ඔහු හෝ ප්‍රාදේශීය ලේකම් කාර්යාලය අයත් වන රාජ්‍ය පරිපාලන ඇමති ජෝන් සෙනෙවිරත්න හෝ තවමත් සිද්ධිය ගැන කිසිවක් කියා නැත.


මර්වින් සිල්වා මහාමාර්ග නියෝජ්‍ය ‍ඇමති වන අතර ඔහුගේ ෂෘජු ප්‍රධානියා වන්නේ මහාමාර්ග ඇමති ජනාධිපති රාජපක්ෂයි. ඔහු ද මේ පිළිබඳව කතා කර නැත. එහෙත්, ජනාධිපති පුත්‍ර නම් වන රටේ දෙවන වැදගත් තනතුර හොබවන නාමල් රාජපක්ෂ මන්ත්‍රීවරයා ඊයේ පාර්ලිමේන්තුවේදී මෙසේ කීවේ ය.


උතුරේ මෙන්ම දකුණේත් ක්‍රියාත්මක වන්නේ උත්තරීතර පාර්ලිමේන්තුවෙහි සම්මත කර ගන්නා නීතිය මිස කැළෑ නීතිය නොවන බව ද, දිවයින පුරා සෑම බිම් අඟලකම ක්‍රියාත්මක වන්නේ එකම නීතිය බැවින් අප සියලු දෙනාම නීතියට ගරු කළ යුතු බව ද, නීතියට අවනත විය යුතු බව ද පාර්ලිමේන්තු මන්ත්‍රී නාමල් රාජපක්ෂ අධිකරණ සංශෝධන පනත පිළිබඳව පැවැති විවාදයේදී පැවසී ය.


හොඳා....යි. කතාව හොඳා.....යි!


බලමුකෝ  එයත් පරණ පරම්පරාවේ අය වගේ කතා මිසක් වැඩ නැති කෙනෙක්ද කියලා. 


මේ අතර, මර්වින් සිල්වා නැවත වතාවක් සිය ආත්මාරක්ෂාව සඳහා ජනාධිපති‍ගේ තාත්තා වන ඩී.ඒ. රාජපක්ෂ පටලවාගෙන ඇත. ඊයේ පැවති ප්‍රවෘත්ති සාකච්ඡාවකදී ඔහු කීවේ තමන් කොළඹ ගෙන ආවේ ජනාධිපතිගේ තාත්තා බවයි. මේවා ගැන මිනිස්සු විවිධ කයි කතන්දර කියන බව ජනාධිපතිතුමාගේ අවධානයට යොමු විය යුතු ය. තාත්තලාගේ නම රැක ගැනීම පුතුන්ගේ යුතුකමකි. 


තමන් හරි නම් මේ වන විට අගමැති වී සිටිය යුතු බව මර්වින් සිල්වා කීවේ ය.


ආඩම්බරකාර තාත්තේ, ජාතියේ බාප්පේ, ජාතියේ බුදු පුතේ එන පොට හොඳ නැත. ගොනා ඒ පාර ලෑස්ති වන්නේ කොයි පොල් පැළේ කන්නදැයි සෝදිසියෙන් සිටිය යුතු ය.



You may also like to read our English blog  Lanka Polity