ගංවතුර කඳවුරේ නයනා

වැල්ලම්පිටිය විද්‍යාවර්ධන ප්‍රාථමික විද්‍යාලයේ ගංවතුර අනාථ කඳවුරේදී 

ගංවතුර, නායයාම වගේ ස්වාභාවික විපත්වලදිත් වැඩියෙන් බැට කන්නේ ස්ත්‍රීන්, ගැහැනු ළමයින්, ළමයින්, වැඩිහිටියන්, අසනීප පුද්ගලයන් හා ආබාධ සහිත ජනයායි.

එයින් අදහස් වන්නේ නැහැ, පිරිමින්, තරුණයන්, පීඩාවට පත් වීමේ අඩුවක් තිබෙනවා ය කියලා.

එහෙත් කාන්තාවන් අමතර ගැටලු රැසකටත් මුහුණ දෙනවා. ඒවා ලැයිස්තු ගත කරන එක වුණත් පහසු කාර්යයක් නොවෙයි.

ගංවතුර නිසා විපතට පත් ස්ත්‍රීන්ගේ ගැටලු ගැන අවධානය යොමු කිරීම සඳහා සටහනක් ලිවීමේ අරමුණින් කරපු අධ්‍යයනයක් එක්ක කොතනින් පටන් අරන් කොතනින් ඉවර කරනවා ද කියා හිතා ගන්නට බැරුව ඉඳිද්දි මට හිතුණා ඒ යථාර්ථය නිරූපණය කරන්නට ප්‍රබන්ධ සාහිත්‍යය යොදා ගන්නා එක වඩා සාර්ථක වේවි ය කියලා.

ඒ නිසා තමයි මෙහි පහත සම්බන්ධ කරන කෙටි කතාව ලිව්වේ.

නයනා ගෙදරට ඇතුළු වන විට එය එකම මඩ ගොඩකි. ඇය නිතර මොප් කර පිරිසිදුව තබා ගත් ටයිල් කළ ගෙබිම කෝපි පැහැති කුණු මඩින් වැසි කුඹුරක් වැනි ය. සාලයේ සෝපාවේ කූලිච්චං මඩින් හා දියෙන් බත් වෙලා ය. ප්ලාස්ටික් පුටු, ඡායාරූප, විසිතුරු බඩු පාවී ගොස් තැන තැන වැටිලා ය. බිත්තිය මත කර වටක් උසට කහට පැහැති දිය පැල්ලමකි.

කාමරයේ අල්මාරිය ඇර බැලූ ඇගේ පපුව හෝස් ගා දැවී ගියේ ය. සාරි, ගවුම්, ළමා ඇඳුම් ආදියෙන් තවමත් දිය බේරේ. ඇය අල්මාරි ලාච්චුව ඇර බැලුවා ය. වටිනා ලියකියවිලි සියල්ල තෙමී ඇත. ඒ අතර රත්තරං බඩු උකස් පත්‍රිකා ද ඇති බව සිහි වී ඇගේ අත නිතැතින් ම ගෙලට ගියේ ය.

ඉතිරි ටික කියවන්න මෙතැනින් අදාළ බ්ලොගයට පිවිසෙන්න. 

ඒ ගැන සටහනක් එතැන හෝ මෙතැන තියලා යනවා නම් ස්තුතියි. විශේෂයෙන් ම මෙවැනි ස්වාභාවික ආපදාවලට ලක් වූ අය පමණක් දන්නා, අප නො දන්නා තවත් ගැටලු එමට ඇති.

පහත සටහන් දෙකේ තිබෙන්නේත් ඒ ආපදාවන් පිළිබඳ වැදගත් තොරතුරු ටිකක්. ඒවාත් කියවන්න.

ගංවතුරෙන් අවතැන් වූවන් අතරිනුත් වැඩිපුරම පීඩාවට පත් වන්නෝ කවරහුද?

වසරකට 67,000කට වඩා ජීවිත බිලි ගන්නා, මිලියන 200ක් පීඩාවට පත් කරන ස්වාභාවික ආපදා

ස්ත්‍රීන්, තරුණයන්, වැඩිහිටියන් මුහුණ දෙන ගැටලු ගැන වැඩි අවධානයක් යොමු කරන ත්‍රෛභාෂා වෙබ් අඩවියක් වන www.kiyanna.lk ඔබේ දෛනික කියවීම් අතරට එකතු කර ගන්න. 

මේ ලිපිය වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න

ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි. අසභ්‍ය යයි සාමාන්‍ය ව්‍යවහාරයේ පිළි ගැනෙන වචන සම්බන්ධයෙන් සදාචාරවාදී නො වන මුත්, අනුන්ට අපහාස කිරීම සඳහා එවැනි වදන් භාවිතා කර තිබෙන අවස්ථාවලදී ඒවා ඉවත් කිරීමට සිදු වන බව කරුණාවෙන් සලකන්න. එසේම, නීතිමය ගැටලු මතු කරන අදහස් පළ කිරීම් ද ඉවත් කරනු ලැබේ. අදහස් පළ කිරීම සම්බන්ධ කාරණාවලදී සංස්කාරක වගකීම් සමග සහයෝගයෙන් කටයුතු කිරීම බලාපොරොත්තු වෙමු.