සමාජවාදී ජීවිතයකට y සහෝදරයාගෙන් අදහස් කීපයක්
හැමෝ ම කරන්නන් වාලේ කරන හුඟක් දේ අපට නො කර ඉන්න පුළුවන්. ඒකට අවශ්‍ය වන්නේ ආත්ම ශක්තිය හා බිය නැතිකමයි.
අපි මොකට ද මේ රාජපක්ෂලා හා උන්ගේ ඇම්බැට්ටයන් ගණන් ගන්නේ? උන් අපේ ජීවිතවලට සම්බන්ධ බව ඇත්ත. ඒත්, ඒ සම්බන්ධය ඇති වන්නේ අප සූරාකෑමෙන් හා අපේ අනාගතය අඳුරු කිරීමෙන්. උන් හරියට කොකු පණුවෝ, පටි පණුවෝ වගෙයි. කවුරුද පණුවන්ට ආදර ගෞරව කරන්න යන්නේ? ඒත් දැන් සමාජය කරන්නේ ඒකනේ. ඉතින් ඒක නො කරන ඉන්න එක කොයි තරම් සුළු දෙයක් ද?
මේ වගේ හාල් පාරුවන් වීරයන් ලෙස සලකන්න එපා. උන් මරණෙට, මඟුලට ගෙන්න ගන්න එපා. බලෙන් ආවත්, ලොකුවට පිළි ගන්න එපා. උන් එන උත්සව ආදිය බලන්න යනවා නම් වාර්තාකාර කුතුහලයෙන් විතරක් යන්න. කීයටවත් උන්ට ඡන්දෙ දෙන්න එපා කියන එක කියන්න ඕනැ නැහැනේ.
උන්ව විතරක් නොවෙයි, උන්ගේ ඉඳුල් කන, උන්ගේ පස්සා ලෙවන එවුන්වත් අවඥාවෙන් සලකන්න. අත්හළ නො හැකි මිනිස්සු ඒ දේ කරනවා නම් උන්ට උන්ගේ ආතල් එක ගන්න ඉඩ දෙන්න. හැබැයි, උන්ට ගරු කරන්න එපා.
සමාජවාදී ජීවිතයක තවත් ලක්ෂණයක් කර ගත හැකි දෙයක් තමයි, මේ පාරිභෝජනවාදී රැල්ලට ගොදුරු නො වීම. රැල්ල විසින් ප්‍රවර්ධනය කරනු ලබන ජීවිතවලට අනුගත නො වීම. අනුන්ට පෙන්නන්න ගෙවල් හදන්න එපා. අනුන්ට පේන්න, පරිහරණය නො කරන බඩුවලින් ගේ පුරවා ගන්න එපා. අනුන්ට පේන්න කාර් ගන්න එපා. භාණ්ඩ මිළ දී ගන්න ණය වෙලා දුක් විඳින්න එපා. භාණ්ඩ හා සේවා පරිහරණය ජීවිතය නො වෙයි. ජීවිතය පහසු කර ගන්න භාණ්ඩ හා සේවා මිළ දී ගන්න. ඒත්, ජීවිතය අලස කර ගන්න භාණ්ඩ මිළ දී ගන්න එපා. භාණ්ඩ පරිහරණය කරන්න. ඒත්, වන්දනා කරන්න එපා.
අපි හොඳ හෝටල්වලින් කන්න ම අවශ්‍ය නැහැ. හොඳ බීම වර්ග බීලා තිබෙන්න ම ඕනැ නැහැ. හොඳම ඇඳුම් ඇඳලා තිබෙන්න ඕනැම නැහැ. ලංකාවේ හෝ පිටරට හෝ හැමෝ ම යන හැම තැන ම බලන්න ඕනෑත් නැහැ. එහෙම ගිහින් ෆේස්බුක්වල ඡායාරූප දාගන්න බැරි එක ගැන කණගාටු වෙන්න ඕනැත් නැහැ. උදාහරණෙකට y සහෝදරයා කවදාවත් කතරගම ගිහින් නැහැ. අද කාලෙ කතරගම නො ගිහින් ඉන්න සෑහෙන ධෛර්යයක් තිබෙන්න ඕනැ. මොකද, වාමාංශික සහෝදරවරු වුණත් වාහනයක් ගත්තාම කතරගම යනවානේ.
අනෙක බටහිර මිනුම් දඬුවලින් ජීවිතය මනිමින්, කෙසේ හෝ පිටරකට සංක්‍රමණය වීම හෝ නාගරික ජීවිතය සොයා යාම හෝ ජීවිතයේ අරමුණ කර ගන්න එපා. තමන් ජීවත් වන තැන සමාජ වටපිටාව ගොඩනඟා ගන්න උත්සාහ කරන්න.
පාරිභෝජනවාදය හා උන්නතිකාමය ප්‍රතික්ෂේප කරලා සරළ ජීවිතයකට හුරු වෙන්න. ඒක සමාජවාදී ජීවිතයක මූලික ලක්ෂණයක්.
පාරිභෝජනවාදය උපරිමයෙන් ක්‍රියාත්මක වන තැනක් තමයි, පවුල කියන විෂය. සමහරු නිවැරදි සියලු දේ දන්නවා. ඒත්, බිරිඳ කියන නිසා කරනවා. එතැන ම බිරිඳ පාවා දීලායි පටන් ගන්නේ. හුඟක් අයගේ විකල්ප ජීවිත කිසිවක් දරුවන්ට උරුම කර දී නැහැ. ඒ වෙනුවට දරුවන්ට පුංචි කාලේ සිට ම හුරු කරන්නේ තමන්ට සැබෑ කර ගන්නට බැරි වූ කුමක් හෝ ආත්මාර්ථකාමී සිහිනයක් පසුපස යන්නටයි. දරුවන්ට ඔවුන්ගේ ජීවිතයක් හිමි කර ගන්නට මග පෙන්වන්න. ඒත්, ඔවුන්ගේ ජීවිතය මත ආධිපත්‍යය පතුරුවන්න එපා. මේ දේ කරන්න පුළුවන් නම්, ඔබේ ජීවිතය සෑහෙන්න සමාජවාදී වෙනවා.
සමාජවාදී වෙන්න පුළුවන් තවත් ආකාරයක් තමයි, අනුකාරකවාදී නො වී නිදහස් චින්තකයකු වන එක. මනසේ සියලු දොරටු විවෘත කරගෙන ඉන්න එක. ජීවිතය හා ලෝකය යහපත් අන්දමින් වෙනස් කර ගන්න පුළුවන් දර්ශනයන්ට හා අත්දැකීම්වලට විවෘත වෙන එක.
ඔලුවේ තිබෙන වාදයන්, ධූරාවලි හා රාමු බොහොමයක් බිමින් තිබ්බා ම අපි කවුරුත් සමාන වෙනවා. ඉස්සරහින් යන, පස්සෙන් යන අය නැති වුණා ම සමානාත්මතාව තමන්ගේ දෙපතුල් ළඟින් ම පටන් ගන්නවා.
සමාජවාදය ගොඩනැ‍ඟෙන්නේ මහේක්ෂ ව්‍යාපෘතිවලින් ම නොවෙයි. ලෝකයේ මීට කලින් කරන ලද සමාජවාදී අත්හදා බැලීම් අසාර්ථක වෙන්න එක් හේතුවක් තමයි, ඒවා තුළ ජීවිතය හා සම්බන්ධ ක්ෂුද්‍ර ව්‍යාපෘති නො තිබීම. විප්ලවය වෙනකල් බලා නො ඉඳ තමන්ට කරන්න පුළුවන් මට්ටමේ දෙයක් තෝරා ගන්න. ඒ හා සමාන දේ කරන වෙනත් මිනිසුන් එක්ක එකතු වෙන්න.මිනිසුන්ගේ හොඳත් එක්ක වැඩ කරන්න. නරක අමතක කරන්න. මහන්සි වෙලා වැඩ කරන්න. ඔව්, මනස වගේම සිරුරත්. එතන තමයි, නිරෝගීකම තිබෙන්නේ.
කලින් කිව්වා වගේ මේ සියලු දේ y සහෝදරයා තම ජීවිතයෙන් අත්හදා බලන දේවල්. මේ දේවල් කරන්න පොත් ගොඩක් කියවලා තිබෙන්න ඕනැ නැහැ.
(කොම්පියුටරේ ළඟ ඉඳලා දැන් බඩ වැඩියි
අද ඉරිදා මං යනවා වත්තෙ වැඩට)
මේ ලිපිය වෙන අයත් එක්කත් බෙදා ගන්න. උපුටා ගන්නවා නම් මෙතැනින් ගත් බව කියන්න
Read in English blog.parakum.com
අළුත් ශාස්තෲ කෙනෙක් ගේ දේශනාවක් ද මන්දා?
ReplyDeleteබුදු හාමුදුරුවො දේශනා කලෙත් ඔය ටිකම නෙවේද පැරා
ReplyDeleteපාසලෙන් ගොඩනගන වහල් මානසිකත්වය
ReplyDeleteමේ සටහන තිබුනේ ලංකාදීප පුවත්පතේ එක් විදුහල්පතිවරයෙකු පිලිබඳවය.
....එවකට රාහුල විදුහලේ උගත් සිසු දරුවෝ ඔහු විදුහලට පැමිණි බග්ගි කරත්තයේ ගෙජ්ජි හඬ ද බග්ගිය දක්කන කරත්ත කරුවා ගේ ‘චක් මක්‘ හඬ පමණක් නොව ගොනා ගේ කුර හඬ පවා මැනෙවින් හඳුනා ගත්හ. ඒ කුමාරගේ විදුහල්පති තුමාට දැක්වූ භය සම්ප්‍රයුක්ත ගෞරවය නිසා යග විදුහලේ පැරනි තාප්පයට ඉදිරියෙන් පිහිටි දැන් ක්‍රීඩා පිටිය විජේතුංග, විජේසිංහ සහ වනිගසේකර යන මන්දිර ඉදිකර ඇති භූමිය එදා විශාල පොල් රුප්පාවකි. වේලාසනින් විදුහලට පැමිණ එහි ක්‍රීඩා කරන දුවන පනින දරුවෝ විදුහල්පති තුමන් ගේ බග්ගිය එන හඬ ඇසෙත් ම ඒ සියල්ල නවතා පන්ති කාමරවලට දුවති. පන්තිවල විහළු තහළු කරමින් සිටි සිසු දරුවෝ නිහඬ වෙති. කා ගේත් නෙත් ව්දුහල් ගේට්ටුව දෙසට යොමු වේ. ඒ කුමාරගේ විදුහල්පති තුමා පාසලට පිව්සෙන වේලාවයි. ගේට්ටුව ළඟ දී බග්ගියෙන් බසින ව්දුහල්පතිතුමා රටාවකට කුඩය බිම ඔබමින් කාර්‍යාලය දෙසට පිය නගයි. මුළු ව්දුහල් පරිසරය නිහඬ ය. මීයට පිමබා වැනි ය.....
විදුහල්පතිවරයෙකු ,ගුරුවරයෙකු දුටු විට බියට පත් වී එකත්පස්ව සිටීම සිසු විනය ලෙස පසුගාමී ශ්‍රී ලාංකික සමාජය සලකති. සමහර පාසල් වල පීරියඩ් එකෙන් පීරියඩ් එකට ඉගැන්වීමට එන ගුරුවරයන්ට වැඳීමට බල කෙරෙන පාසල් තිබේ. මේවා හීනමානයෙන් පෙලෙන වැඩවසම් පසුගාමී සමාජ වල ලක්ශන වේ. අධ්‍යාපන කාර්‍යාලයකට ගිය විට අධ්‍යාපන අධ්‍යක්‍ෂක ගේ සිට අධ්‍යාපන කාර්‍යාලයේ ක.ක.ස.නි දක්වා පිරිස ගුරුවරයාට සලකන්නේ බල්ලෙකුගේ ගානටය. ඒ නිසා පෟර්ෂ බිඳ වැටීමට මුහුන දෙන ගුරුවරයා තමන්ට නොලැබී ගිය ගරුත්වයේ එරියස් එක ලබා ගන්නේ පාසල් ලමුන් බියට පත් කිරීමෙනි.
විදුහල්පතිවරයෙකු ,ගුරුවරයෙකු එන විට ලමුන් මීයට පිම්බාක් මෙන් නිහඩ කර තැබීමලංකාවේ පාසල් වල සුලබ දසුනකි . මෙයින් ලමයාගේ නිර්නමානශිලීතාව අභිමානය බිඳ හෙලයි , ලංකාව වැනි රටවල මැර දේශපාලකයන්ට එරෙහිව මිනිසුන් නැගී නොසිටින එක් හේතුවක් ද වන්නේ ලමා කාලයේ පාසල් වල ලමයා එක් පුද්ගලයෙකුගේ පෳර්ෂයට අහේතුක බියක් දැක්වීමට පුරුදු කිරීමයි.
සංවර්ධිත රට වල පාසල් දරුවන් ගෙන් විනය ලෙස මෙවැනි බියසුලුබව අපේක්ශා නොකරන අතර ඔවුන් ලමයාගේ මානසික වර්ධනය පාගා නොදමති. සංවර්ධිත රට වල පාසල් දරුවන් විදුහල්පතිවරයෙකු හෝ ගුරුවරයෙකු දුටු විට අහේතුක බියක් දක්වා මුලු නොගැනෙති. ඔවුන් බිය නොමැතිව වැඩිහිටි විදුහල්පතිවරයා හෝ ගුරුවරයා සමග අදහස් හුවමාරු කර ගනිති. වැඩිහිටියා වැරදි නම් නොපැකිලව ඔහුගේ වරද පෙන්වා දෙති. එහෙත් ලංකාව වැනි පසුගාමී සමාජයන් සෑම විටම වැඩිහිටියා නිවැරදි ලෙස ලමයාට ඒත්තු ගන්වනු ලබයි. මේ චින්තනය ඉන්පසු සමාජයට ආදේශ වේ. නිසා දේශපාලකයෝ මොන වැරදි කලද ඔවුන්ට එරෙහිව හඩක් නැගීමට මිනිසුන් පැකිලෙති. මේ වහල් මානසිකත්වය මිනිසුන් තුල මුලින්ම ඇති කරවන්නේ පාසලයි.
well said.very true.
Deleteකාලෙකින් දැකපු වටිනා නිරීක්ෂනයක්
Deleteවිදුහල්පතිවරයෙකු ,ගුරුවරයෙකු දුටු විට බියට පත් වී එකත්පස්ව සිටීම සිසු විනය ලෙස පසුගාමී ශ්‍රී ලාංකික සමාජය සලකති. සමහර පාසල් වල පීරියඩ් එකෙන් පීරියඩ් එකට ඉගැන්වීමට එන ගුරුවරයන්ට වැඳීමට බල කෙරෙන පාසල් තිබේ. මේවා හීනමානයෙන් පෙලෙන වැඩවසම් පසුගාමී සමාජ වල ලක්ශන වේ. අධ්‍යාපන කාර්‍යාලයකට ගිය විට අධ්‍යාපන අධ්‍යක්‍ෂක ගේ සිට අධ්‍යාපන කාර්‍යාලයේ ක.ක.ස.නි දක්වා පිරිස ගුරුවරයාට සලකන්නේ බල්ලෙකුගේ ගානටය. ඒ නිසා පෟර්ෂ බිඳ වැටීමට මුහුන දෙන ගුරුවරයා තමන්ට නොලැබී ගිය ගරුත්වයේ එරියස් එක ලබා ගන්නේ පාසල් ලමුන් බියට පත් කිරීමෙනි.
Deleteවිදුහල්පතිවරයෙකු ,ගුරුවරයෙකු එන විට ලමුන් මීයට පිම්බාක් මෙන් නිහඩ කර තැබීමලංකාවේ පාසල් වල සුලබ දසුනකි . මෙයින් ලමයාගේ නිර්නමානශිලීතාව අභිමානය බිඳ හෙලයි , ලංකාව වැනි රටවල මැර දේශපාලකයන්ට එරෙහිව මිනිසුන් නැගී නොසිටින එක් හේතුවක් ද වන්නේ ලමා කාලයේ පාසල් වල ලමයා එක් පුද්ගලයෙකුගේ පෳර්ෂයට අහේතුක බියක් දැක්වීමට පුරුදු කිරීමයි. //
මේ කොටස ලංකාවෙ හැම කෙනෙක්ම කියවිය යුත්තක්.මෙතනදි විනය අනවශ්‍යයි කියන්න ඕන නෑ.කොහොමටත් පාසල් පද්ධතියෙ තියන බොහෝ දේ වැඩවසම් දේ තමයි.
ඇත්තටම මේ නිරීක්ෂණය නම් සුපිරියි.ඇනෝල විදියට මොන තරම් නිරවද්‍ය ලෙස තාර්කික ලෙස ප්‍රශ්න දකින්න පුළුවන් අය ඉන්නවද කියල හිතෙනව.
Para, I like to know your personal inclination towards liquor. Hope you'll express your honest feelings. Thnx.
ReplyDeleteI like social drinking but I am not a regular drinker. In Sri Lanka drinking means paying excessive taxes to the government.
Deleteඅනේ මේ, ඔහේ දන්න සමාජවාදේ. ඔහේ දන්නවද එකීය පුද්ගලයා නැතුව, එයාගේ අභිලාශයන්, උවමනා-එපාකම්, වලින් තොර සමාජක්‍රමයක් නැහැ. බොරු කියල මිනිස්සු රවට්ටන්න එපා. ඔහේ ඇමරිකාවට ආවොත් තේරෙයි මෙහේ වැඩකෙරෙන විදිය. එකීය පුද්ගලයාට කොයිතරම් තැනැක් තියෙනවාද ඇමරිකන් සමාජයේ, කොයිතරම් නිදහස්ද. ඒකීය පුද්ගලයා ගැන ඉගෙන ගන්න, ඔහේගේ දියුණුව සොයා යන්න.
ReplyDelete"අනෙක බටහිර මිනුම් දඬුවලින් ජීවිතය මනිමින්, කෙසේ හෝ පිටරකට සංක්‍රමණය වීම හෝ නාගරික ජීවිතය සොයා යාම හෝ ජීවිතයේ අරමුණ කර ගන්න එපා. තමන් ජීවත් වන තැන සමාජ වටපිටාව ගොඩනඟා ගන්න උත්සාහ කරන්න." pitaratakata sankramanaya veema yanu batahira minum daduwalin jeevithaya maneemak pamanakda? obata ha obe biridata kumana akaraye ho stheera rakiyawak thibena nisa mehima jeewana parisarayak godanagagatha haka. eheth ewani stheera rakiyawan nathi dahas gananak mehi sarala jeewana parisarayakwath godanagaganeemata nohakiwa sitinneda... !! anik athata obata kisiyam ho stheera adayamak thibiyadee uwath arthika dushkarathawayanta muna denavita pitaratakata sankramanaya veema gana kisidinaka sitha nadda? ahamben ho ewani awasthawaka obe paule siyaludenata videsha ratakata yamata awasthawa labunenam ema awasthawa maga hara oba kiyana samaja wadee jeevithaya lankawa thula gathakireemata kapawanneda? anika videsha ratakata sankramanaya vee samajawadee sarala jeevithyak kenekuta gathakala nohakida ? nagarika watinakam soya videsha gatha u ma danna mithrayin me wana vita ema ratawaldee siduwana hudakalaveema saha wenath boho karana nisa vikalpa jeevithayakata huruwee ema rata walama jeewath wana ayuru mama daka atha. vikalpa jeevithayak yanu ema pudgalayata sapeksha deyaki. vikalpa jeevitha bavithayange swarupayan vivida karaya. oba kiyamin sitinne obe jevithayata sapeksha eka akarayaka vikalpa jeewana bavithayak gana pamanaki.
ReplyDeleteyour point also rite. If we have no job & nothing to do in SL yes no issues, the best option is migration. But did you ever feel how Sri Lankan think about European countries. They just think its a heaven, they cant realize the reality. You know in our Company who earns more than 3laks per month are dreaming about migrating even... I'm just asking from you why do they think like that & for what?
DeleteThats the thing we have to change brother. Have you seen TV programmes about bridal shows, houses in Sri Lanka?? are u telling those are correct & it is the real life we should expect & we have to be?
So then u also have been fooled same as others friend.....
your point also rite. If we have no job & nothing to do in SL yes no issues, the best option is migration. But did you ever feel how Sri Lankan think about European countries. They just think its a heaven, they cant realize the reality. You know in our Company who earns more than 3laks per month are dreaming about migrating even... I'm just asking from you why do they think like that & for what?
ReplyDeleteThats the thing we have to change brother. Have you seen TV programmes about bridal shows, houses in Sri Lanka?? are u telling those are correct & it is the real life we should expect & we have to be?
So then u also have been fooled same as others friend.....
තේරෙන්නෙ නෑ බං උඹ මොනවද කියන්න ට්‍රයි කරන්නෙ කියල
Deleteවයි සහෝදරයගෙ කතාව හරි. තනියම සමාජවාදී ජීවිතයක් ගතකරන්න පුළුවන්. ඒත් සමාජවාදියාගෙ අරමුණ සමාජවාදී සමාජයක් ගොඩනැගීමයි. ඒකට තනියම එළවළු වගා කරල මදි. පළමුවැනි පියවර තමන් සමාජවාදී ජීවිතයක් ගෙන යාම. දෙවැනි එක සමාජවාදී සමාජයක් ගොඩනැගීමට උත්සාහ කිරීම.
ReplyDeleteතනියම සමාජවාදී ජීවතය ගත කරන ගමන් යමක් "ලියන" එකත් ලොකු දෙයක්. ඒක දෙවැනි පියවර ගැනීමේ ආරම්භයක් වේවි.
පළමුවැනි පියවර නොතබා දෙවැනි පියවර තියන එවුන්නම් වැඩක්ම නෑ.
උඹලා සමාජවාදය කියලා අගේ කරන දේවල් මීට ශතවර්ෂ ගාණකට කලින් ජේසුන් වහන්සේත්, බුදුන් වහන්සේත් ඔයිට වඩා ලස්සනට, නිවැරදිව කියලා තියෙනවා. අපි කරන්න ඕනෙ මිනිස්සු වැරදියට යොදා ගත්තු ඒ දර්ශනයන් තුළ හරි විදිහට ජීවත් වෙන්න උත්සහ කරන එකයි. අලුත් නමක් දැම්මට අලුත් දෙයක් බිහිවෙන්නෙ නෑ.
ReplyDelete