හොරිකඩ සාදුගේ හෙද සංගමය

ජනාධිපතිතුමනි, සර්පයා දුටුවෙහිද?

ලංකාවේ වෘත්තීය සමිති වර්ග කීපයක් තිබේ.

ආණ්ඩුවේ වෘත්තීය සමිති මේ අතරින් විශේෂ වර්ගයකි. ඔවුන් ආණ්ඩුවට විරුද්ධ ක්‍රියාමාර්ගවලට එළඹෙන්නේ නැතිමුත්, ඒවායේ නායකයෝ සාමාන්‍යයෙන් සාධාරණ සේවක ඉල්ලීම්වලට විරුද්ධ වන්නේ හෝ වෘත්තීය අරගලවලදී පැන, පැන හොරිකඩකම් කරන්නේ නැත. එවැනි හොරිකඩ තත්වයක් පාලක ශ්‍රී ලංකා නිදහස් පක්ෂය සිය වෘත්තීය සමිතිවලින් බලාපොරොත්තු වන්නේද නැත.

නිදසුනක් ලෙස විශ්වවිද්‍යාල වෘත්තීය අරගලයේදී ආණ්ඩුවේ වෘත්තීය සමිති එයට සහභාගි නොවූමුත් පැන පැන හොරිකඩකම් කරන්න ගියේද නැත. 

ලංකාවේ හොරකඩකම් කිරීම එකම වෘත්තිය කරගත් වෘත්තීය සමිතියක් තිබේ. ඒ වනාහි මුරුත්තෙට්ටුවේ ආනන්ද භික්ෂුවගේ රාජ්‍ය සේවා එක්සත් හෙද සංගමයයි. 

මේ සංගමය වනාහි උක්ත භික්ෂුවගේ ජීවනෝපාය වන අතර හරිහමන් පරීක්ෂණයක් කළොත් මේ භික්ෂුවට සසර පුරා සිරගතව සිටින්නට තරම් හේතු වන වංචා දූෂණ ප්‍රමාණයක් මේ වෘත්තීය සමිතියෙන් සොයාගත හැකි වනු ඇත. 

ඒ අතර, මේ භික්ෂුව නිරන්තර පෙළෙන බියක්ද තිබේ. ඒ වනාහි සමන් රත්නප්‍රියගේ නායකත්වයෙන් යුත් රජයේ හෙද නිලධාරීන්ගේ සංගමය තමන්ගේ ව්‍යාපාරය පරාජය කරනු ඇතිය යන්නයි. 

ඒවායින් ගැලවී සිටීමට මේ හොරිකඩ නායකයා කරන්නේ හයියෙන් ආණ්ඩුවට සහාය දැක්වීම හා හෙදියන්ගේ සියලු වෘත්තීය අරගලවලට හොරිකඩකම් කිරීමයි.

අද හෙදියන්ගේ වෘත්තීය සටනේදීද සිදුවන්නේ සුපුරුදු නාටකයමය.

මේ ලිපියට ඔබ කැමති වුණත්, අකැමැති වුණත් වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න -->