2014-11-10

හොර වෙදුන්ට එරෙහි සටන

ලංකාවේ ජනතාවගේ ඉහ මත කඩා වැටී තිබෙන ලොකු ම පිළල දෙකක් වන්නේ හොර වෙද්දු හා නක්ෂත්‍රකාරයෝ ය.

මේ දෙපිරිස කෙතරම් රාජ්‍ය අනුග්‍රහය ලබන්නේ ද යත්, ජනාධිපතිවරයාට නිල හොර වෙදෙක් හා නක්ෂත්‍රකාරයෙක් සිටිති.

මහ එවුන් හිටගෙන මුත්‍රා කරන විට පොඩි එවුන් ඇවිද, ඇවිද මුත්‍රා කරන බවට කියමනක් තිබේ.

එහි ප්‍රතිඵලයක් ලෙස මේ වන විට මුළු රට ම කේන්දරකාරයන්ගේ හා හොර වෙදුන්ගේ ග්‍රහණයට නතු වී තිබේ. තත්වය දරුණු වී තිබෙන්නේ ජනමාධ්‍ය ද ඔවුන්ගේ ග්‍රහණයට ලක් වීමත් සමගයි.

මේවා සාර්ථක වීම පසුපස තිබෙන එක් දෙයක් වන්නේ සමාජයක් ලෙස ආත්ම විශ්වාසයක් නැති වීමයි. තමා අවට තිබෙන ලෝකයේ පවතින විෂම, අසාධාරණ, පීඩාකාරී තත්වයෙන් මිදීමට මග ලෙස මිනිසුන් දකින්නේ හාස්කම් ය. එසේම, අධික උන්නතිකාමී හා පාරිභෝජනවාදී ආශාවන් පසුපස හඹා යාම ද මිථ්‍යා විශ්වාසයන් පැතිරීමට හේතු වී තිබේ.

අනෙක් පැත්තෙන්, නවීන විද්‍යාවට එරෙහිව ඇති වූ ඇතැම් ප්‍රගතිශීලී කතිකාවන් පවා අවසානයේදී මිථ්‍යාවට දායක වී තිබෙන ආකාරයක් පෙනේ.

එසේම, මෙවැනි මිථ්‍යාවන් පතුරුවන පුද්ගලයන්ගේ මනෝභාවයන් පරීක්ෂා කර බැලීම ද වටියි. එක පැත්තකින් මොවුන් හෘදය සාක්ෂියක් නැතිව මිනිසුන් සූරා කන කපටීන් වන අතර අනෙක් පැත්තෙන් මානසික ව්‍යාකූලභාවයන්ගෙන් පෙළෙන්නෝ ද වෙති.

නෙත් රේඩියෝවේ බැලුම්ගල වැඩසටහන මිථ්‍යාවට එරෙහිව කරන අරගලය අගය කරමින් පහත හඪපටය අසන්නැයි අපි ඔබට ආරාධනා කරමු.



මේ ලිපිය වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න

ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි. අසභ්‍ය යයි සාමාන්‍ය ව්‍යවහාරයේ පිළි ගැනෙන වචන සම්බන්ධයෙන් සදාචාරවාදී නො වන මුත්, අනුන්ට අපහාස කිරීම සඳහා එවැනි වදන් භාවිතා කර තිබෙන අවස්ථාවලදී ඒවා ඉවත් කිරීමට සිදු වන බව කරුණාවෙන් සලකන්න. එසේම, නීතිමය ගැටලු මතු කරන අදහස් පළ කිරීම් ද ඉවත් කරනු ලැබේ. අදහස් පළ කිරීම සම්බන්ධ කාරණාවලදී සංස්කාරක වගකීම් සමග සහයෝගයෙන් කටයුතු කිරීම බලාපොරොත්තු වෙමු. මෙම අඩවියේ සිදු වන සංවාද කඩාකප්පල් කිරීම සඳහා දරන කුමන්ත්‍රණකාරී උත්සාහයන් හෙළා දකිමු.