තව පන්සියයක් ගිනි තබා ගත්තත් ඔය ටික තමා ය

Bowatte Indrarathana funeral
බෝවත්තේ ‍ඉන්ද්‍රසාර හිමියන්ගේ ආදාහනය අද ඔහුගේ ගමේදී පැවැත්විණි. ඡායාරූපවලින් පෙනෙන ආකාරයට එයට ලොකු සෙනගක් සහභාගි වී නැත. කොළඹ සිංහල බෞද්ධ වීරයන්ට කහවත්ත දුර වැඩි හෝ තමන් වැඩ කරන තැන්වල නිවාඩු නැති හෝ වන්නට ඇත.

මා දුටු තවත් දෙයක් වන්නේ පුද්ගලයන් දෙතුන් දෙනෙකු ඉන්නා සංවිධාන ඉටි රෙදි කපා, කෝටුවල අමුණා අතන මෙතක කහ කොඩි දැම්මා මිස ජනතාව ස්වේච්ඡාවෙන් කහ කොඩි දැමීමක් කළේ නැති බවයි.

ඉන්ද්‍රසාර හිමියන් ගිනි තබා ගත් මහනුවර නගරයේ පවා කහ කොඩි නො එසවීම පිළිබඳ උරණ වූ ජාතික හෙළ උරුමයේ මධ්‍යම පළාත් සභා මන්ත්‍රි තුෂාර ස්වරණතිලක මැයි 27දා දහවල් මහනුවර ජෝර්ජ් සිල්වා උද්‍යානය අසල පැවැති රැස්වීමකදී "හෙට දහවල් 12 වෙන්නට පෙර මහනුවර කහ කොඩි දමන්න කියලා ඉල්ලා සිටිනවා. නැත්නම් අපි හෙට ක්‍රියා මාර්ගයක් ගන්නවා" යි කී බව වාර්තා විය.

මිනිස්සු මේ ගිනි තබා ගැනීම ගැන කතා කරනු ඇසුණ මුත්, ඒ ගැන කම්පනයක් ඇති වී තිබුණු බවක් නම් දක්නට නො ලැබිණි. වෙසක් තොරණ්, පහන් කූඩු, දන්සල් ආදිය ගැන මිනිස්සු ඊට වඩා කතා කළ හ. සිංහල බෞද්ධ ජනතාව කිසිවක් සිදු නො වූවා සේ වෙසක් බලන්නට යනු පෙනිණි.

ඉගෙන ගන්නවා නම් සිංහල බෞද්ධ අන්තවාදීන්ට පමණක් නො ව සියලු ජාතිවාදීන්ට හා ස්වෝත්තමවාදීන්ටත් මේ පාඩමකි. ජාතිවාදය, ආගම්වාදය හා ජනප්‍රිය අන්තවාදයන් යනු සිතූ පැතූ සම්පත් මවා දෙන සුරබිදෙනකැයි මෙතෙක් සිතා සිටියා නම් දැන් ඒ ගැන නැවත කල්පනා කරන්නට මේ අත්දැකීම හොඳ අවස්ථාවකි. 

අන්තවාදය ඔස්සේ බලය හා කීර්තිය නිර්මානය කර ගැනීම දැන් අන්තයකට එමින් තිබෙන බව අපේ අදහසයි. කුමන තත්වයක් තුළ වුණත් ජනතාව මෙවැනි ප්‍රචණ්ඩත්වයක් තම දෑස් අභියස දකින්නට කැමති නැත. එය ස්වපීඩක වුවත්, අන්ත ප්‍රචණ්ඩ ක්‍රියාවකි. එය දෑසින් දුටු අයගේ හා රූපවාහිනියෙන් නැරඹූ අයගේ මනසට කරන ලද දැවැන්ත ප්‍රචණ්ඩ බලපෑමකි.

අනෙක් පැත්තෙන් ජාතික, ආගමික අන්තවාදයන් යනු පූර්ණ පාලනයකට නතු කර ගත හැකි දේ නො වේ. අල් කයිඩා මතවාදයන්ගෙන් පෝෂණය වූ තරුණයෝ දෙදෙනෙක් එම සංවිධානය සමග කිසිදු සම්බන්ධයක් නැතිව, ස්වයංව බෝම්බයක් හදා බොස්ටන්හි පුපුරුවා හැරිය හ.

අන්තවාදයෙන් මෝහයට පත්ව සිටි ඉන්ද්‍රරත්න හිමියෝ ද අන්තවාදී සංවිධානවලට මිනියවත් සාර්ථක ලෙස විකුණා ගන්නට බැරි අන්දමේ ක්‍රියාවකින් දිවි තොර කර ගත් හ. 

තව පන්සියයක් ගිනි තබා ගත්තත් ඔය ටික තමා ය. 

2003දී සෝම හිමි 'අපවත් කළ' අවස්ථාවේ එම මරණය දේශපාලන බල ව්‍යාපෘතිය තුළ ස්ථානගත කළේ අසපු භික්ෂු බලවේගය විසිනි. දිලිසෙන සිවුරු පෙරවූ, මුහුණුවල පියරු ගා, තොල්වල ලිප්ස්ටික් ගා, සුවඳ විහිදුවමින් හුරතල් අන්දමින් බණ කියූ මේ සාදුලා මැද පංතික උපාසකම්මලා අතර මාකට් විය. 

අසපු සාදුලාගේ දේශපාලන ‍අවසානය සලකුණු වුණේ සත්ගුණවත් ආචාර්ය මර්වින් සිල්වා විසින් සිවුර ය‍ටින් අත දමා කලටි පොල් වල්ලක් කරකවන්නා ‍සේ කරන ලද සාංඝික වෘෂණ කෝෂ ඇඹරිල්ලෙනි.

රැඩිකල් දේශපාලන භික්ෂුවක් වන අතුරලියේ රතන හිමි අසපුවක සිරගත වී සිටියදී ඉදිරියට ආවේ බණක්,  භාවනාවක් නො දන්නා, මැරවරකම, ටුවරිස්ට් ගයිඩ් වැඩ, කාර් විකිණීම, බිස්නස් වැනි වැඩ කර කර සිටි අලුත් වලිකාර සංඝ පරපුරකි. හුරතලේට බණ කියන්න නො දත් මේ පරපුර තමන් දන්න, දන්න විධියට එක, එක දේ කරමින් සිටිති. ඔවුන් කරන දේ හැම අතින් ම රටටත්, සිංහල ජාතියටත් වින වේ. 

අනෙක් පැත්තෙන් මේ පරපුර පාලකයන්ගේ අතින් කන කුක්කෝ ය. ඒ බව ඉන්ද්‍රරතන හිමියන්ගේ මරණින් පසු බුද්ධ ශාසන අමාත්‍යංශය සම්බන්ධයෙන් ඔවුන් විසින් කරන ලද‍ ඉල්ලීමෙන් ම පැහැදිලි වේ. 

අන්තවාදය අන්තවාදයෙන් ම අවසන් වෙමින් තිබේ.

මේ ලිපිය වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න
Read in English blog.parakum.com

Comments

  1. අන්තවාදය අන්තවාදය විසින්ම අවසන් වෙමින් තිබේ යැයි නම් කියන්න බැහැ අජිත්.අන්තවාදය නැවැත්විය හැක්කේ නිවැරදි දැනුම දීමත් පීඩනයට විසදුම් දීමෙනුත් පමණයි..

    ඕවත් කරන්න බැරි උනොත් නම් දණ්ඩනය භාවිතා කරන්න වෙනවා..ඒකට ඔය ඕනේ චන්ඩියෙක් යටයි..

    ReplyDelete
  2. අවසර අපෙ හාමුදුරුවනේ....නොවරදවා හැකි විගසින් ගෞරවාර්හ ඉන්ද්‍රසාර ස්වාමීන් වහන්සේ ගිය මඟ වඩිනු මැන!! රට ජාතිය විශේෂයෙන්ම බුද්ධාගම වෙනුවෙන් ඔබ වහන්සේලාට කළ හැකි ඉහලම සේවය එය වනු ඇත. මුළු මහත් ජාතියේම ප්‍රණාමය ඔබට හිමිවනු ඒකාන්තයි!!!

    ReplyDelete
  3. බම්බුව පිරිසකගෙන් කොටසක් ඉන්න පින්තූරයක් දාල මොකක්ද කියන්න හදන්නේ කැලැ මැද්දෙන් මද ගොහොරු අස්සෙන් මිනිස්සු පිරිලා හිටිය අයි අනිත් පැත්ත පෙන්නන්නේ නැත්තේ ලොල්

    ReplyDelete
    Replies
    1. කැලෑ මැද්දෙ මඩ ගොහොරු අස්සෙ හිටියෙ ප්‍රසිද්ධියේ පේන්න ඉන්න ලැජ්ජාව නිසාද?

      Delete
  4. ඔය අවමගුල facebook එකේ තිබ්බා නම් සිය දහසක් දෙනා සහබාගී වෙනවා like කරලා. අපරාදේ.

    ReplyDelete
    Replies
    1. @ කකා
      +++++++++++++++++++++++

      Delete
    2. AJITHGE SATAHAN NIWARADIYA. YATHARTHAYA MEYAI.

      Delete
  5. ඔබේ ලිපිය ලියන්න ඉස්සර වෙලා හොඳට කරුණු සොයා බැලුව නම් නේද හොඳ. වැරදි තොරතුරු ලියන එකෙන් අවමානයට පත් වෙන්නේ ඔබමයි. අඩු තරමේ රිවිර පත්තරේ මේ හිමියන්ගේ ආදාහනට ගැන තියෙන ලිපි කියවන්න. ඔබට මේ හිමියන්ගේ අපවත්වීම ගැන වෙනමම මතයක් තියෙන එක අපි පිලිගන්නවා. ඒ උනත් අපිව අන්දවන්න ඔබට බැහැ.

    ReplyDelete
    Replies
    1. අජිත් කියන්නේ තමන්ගේ මතය හරි කියන්න පට්ට කෙබර දාලා ස්වයං වින්දනයේ යෙදෙන නරුමයෙක්. ඒ කුහකයා කවදාවත් තමුන් දාපු දේ වැරදි කියලා පිළිගන්නේ නෑ. කලින් පාරක් සම්පත් අත්තටගේ කියන ටියුෂන් ගුරුවරයා පෝස්ටරයක් ගහලා තිබිලා ඒකට උඩ දාගෙන පොස්ට් දාලා දැගලුවා. බලද්දී ඒක වෙලා තියෙන්නේ කිසිම අනුදැනුමක් නැතිව. ඒ ගැන ඇත්ත gossip.com එකේ තිබ්බා. ඒක මෙතන දැම්මම අජිත් කුහකයා "මට මොනාද කරන්න කියන්නේ" කියලා අහනවා. වැරදි දෙයක් දාලා අහුඋනාම කිසිම සමාව ගැනීමක් නෑ.

      මේ වගේ කුහකයන් ගේ වැඩ ගැන හෙළිකරන්න තිබ්බ gosssip9.com වගේ වෙබ්සයිට් දැන් ක්‍රියාත්මක නොවීම තමයි හිතට දුක.

      Delete
    2. අනේ පව් නේද..............උඔලට මූ අජූතයි නම් මේ මල ඉලව්ව නොබලා හිටපන්කෝ කැමති අපිට බලන්ඩ දීලා.
      උඔලට බලන්ඩ අර ITN news එහෙම තියෙන්නේ

      Delete
    3. wmk,
      මිනිය ඉල්ලලා කොළඹ පෙළපාලි ගිය සිංහල රාවයේ කට්ටිය මස් කඩ කැඩූ හැටි වාර්තා කළේ කුමන මාධ්‍යයක් ද? ඒ එය සිදු නො වූ නිසා ද?

      anonymous,
      සම්පත් අත්තටගේ පෝස්ටර් එකට අනුග්‍රහය දැක්වූවා. වැඩේ ලීක් වුණාට පස්සේ බොද් බල සේනා කිව්වා අත්තටගේ බොදු බල සේනා එකටත් හොරෙන් ඒකේ රැස්වීමක් ගැන පෝස්ටර් ගහලා ඇලෙව්වලු.

      ගොසිප්ලා මේ ඊනියා විමර්ශන කළේ සල්ලිවලට හෝ ජාතිවාදයට සේවය කිරීමට තිබෙන උවමනාවට.

      මේවාට ඔබ ඇන්දුනාට අපි පළි නැත. සමහර විට ඇනොනිමස් එන ඔබ බොදු බල සේනාකාරයෙක් වන්නට ඇත. ඔබ ගොසිප් ද අල්ලාගෙන තව දුරටත් අප අන්දන්නට හදනවා විය හැකි ය.

      Delete
    4. අහෝ අජිත්
      "ගොසිප්ලා මේ ඊනියා විමර්ශන කළේ සල්ලිවලට හෝ ජාතිවාදයට සේවය කිරීමට තිබෙන උවමනාවට"

      ඉතින් ඔබතුමාත් NGO වුවමනා වලට සල්ලි අරන් ජාතිය ,ආගම පාවාදෙන්නේ,

      Delete
  6. 1963 ජූනි 11 වෙනිදා ඇමරිකාව ඇතුලුව මුලු ලොවම කම්පනයට පත් කරවමින් සංඝයා වහන්සේ නමක් ගිනි තබා ගත්තේ වියට්නාමයේ හැනෝයි නුවරයි. කුවාන් ඩක් නම් එහිමියන් ගිනිතබාගෙන සමාධි ඉරියව්වෙන්ම නොසැලී සිටියා. එම ඡායාරූපය පවා අදත් ලෝක පූජිතයි. උන්වහන්සේගේ ගිනි තබාගෙන අපවත්වීම ලෝක පූජිත වන්නේ එවකට දකුණු වියට්නාමය පාලනයකල ඩින් ඩියෙම්ගේ රජයට විරෝධය පෑමක් ලෙස සිරුරට ගිනිතබාගත් නිසයි. අදත් උන්වන්සේගේ ගින්නෙන් නොදැවුනු හදවත සු‍රැකිව තබා තියෙනවා. කුවාන් ඩක් හිමියන් ජීවිතය පූජා කලේ තමන්ගෙ රට වෙනුවෙන්, ජරා ජීර්ණ රජයකට විරුද්ධව.

    ReplyDelete
  7. "අද ඔහුගේ ගමේදී පැවැත්විණි." මෙතන ඔහුගේ කිව්වාට කමක් නැද්ද?

    ReplyDelete
  8. @ KAKA - PUKA, CHOO, JEE, JOKKU KATHA F/B DANNE NEDDA.

    ReplyDelete
  9. සිය දිවි නසාගත් මේ හාමුදුරුවෝ විශාල වශයෙන් නොමග ගිය භික්ෂුවක්. මේක ජීවිත පූජාවක් නොවෙයි. බුදු දහමේ ජීවිත පූජාව කියන්නේ වෙනත් අදහසකට.

    මේ හාමුදුරුවන් දිවි නසාගත්තා කියලා ගවඝාතනය, ගව මස් වෙළඳාම, සහ ගවමස් කෑම අප රටේ නතර වෙන්නේ නැහැ. මේ සම්බන්ධයෙන් රාජ්‍ය ප්‍රතිපත්තියක් හදන්නත් බැහැ. රජයට කරන්න පුළුවන් එකම දේ මස් කර්මාන්තය සහ වෙළඳාම සම්බන්ධයෙන් ප්‍රමිතීන් හැදීම පමණයි. ගව මස් මඩුව දළදා මාලිගාව ලඟින් ඉවත් කිරීම වැනි දේ රජයට කල හැකියි. එහෙම නැතිනම් ගව මස් පිට රටින් ආනයනය කිරීම වගේ දෙයක් රජයට කළ හැකියි. එවැනි කටයුත්තක් රජයෙන් කර ගැනීමට මිනිස්සු දිවිනසාගන්න ඕනි නැහැ.

    ශ්‍රී ලංකාවේ සමාජය ඉතිහාසයේ පටන්ම නිර්මාංශ අහාර මත පමණක් යැපුන සමාජයක් නොවෙයි. තමන් කැමැත්තෙන් නිර්මාංශ වීම හැරෙන්න නිර්මාශ ප්‍රතිපත්තියක් නීතිය ලෙස ක්‍රියාත්මක කරන්නට බැහැ. තව සතෙකුගේ මස් කන ගමන් වෙනත් සතෙකුගේ මස් කෑමට විරුද්ධ වීම සමාජයක ක්‍රියාත්මක කරන්නට හදන කොටම හැදෙන්නේ කුහක ප්‍රතිපත්තියක්.

    සිංහල බෞද්ධ භික්ෂූන් වහන්සේ වඩා විචාරශීලීව හැසිරෙන ප්‍රජා නායකයෙකු බවට පත් කිරීම විශාල අභියෝගයක් වෙමින් තිබෙනවා. කෑමට බීමට ඇඳුමට පැළඳුම මෙච්චර කාලයක් තහංචි දැම්මේ මුස්ලිම් මූල ධර්මවාදීන් විතරයි. දැන් බෞද්ධ්යනුත් මේ ලෙඩේ නොමිලේම බෝකරගෙන තිබෙන පාටයි.

    ගව මස් කෑමට විරුද්ධව අදහසක් ප්‍රචාරය කිරීමට කාටහරි ඕනානම් යට අයිතියක් තිබිය යුතුයි. නමුත් එය කල යුත්තේ ගව මස් කන කෙනාට අපහාස නොකරමිනුයි.

    ReplyDelete
  10. Anonymous නමින් මගේ අදහස පල කිරීම ගැන සමාවන්න. එසේ කරන්නේ වෙන හෙතුවකන නොව, මගේ නම සඳහන් කොට පිළිතුරක් එව්වොත් හෝ අපහාසයක් කළහොත් මට පිළිතුරු දීමට කාලය නොමැති වන බැවිනි. නම කෙසේවෙතත් අදහස පමණක් ඇතොත් සෑහේ යයි සිතමි.

    අජිත් මහතාණනි ඔබට ඔබේ මතයක් ඔබේ දේශපාලනයක් තිබීම ගැන මම උරණ නොවෙමි. එය ඔබේ අයිතියකි. ඔබ පල කල අදහසේ සත්‍යය මෙන්ම අසත්‍යය ද ගැබ්ව ඇතිබව මගේ හැඟීමයි. පළමුව මම එකඟ වන කරුණු ගෙන හැර දක්වමි.

    "තව පන්සියයක් ගිනි තබා ගත්තත් ඔය ටික තමා ය." : මෙය නම් මම 99.99% එකඟවන කතාවකි (ඉතිරි 0.01% සැකයේ වාසියට තබමි). නමුත් තත්වය එසේවෙතත්, යමකට උත්සාහ දැරීමේ වරදක් මම නොදකිමි.

    "අසපු සාදුලාගේ දේශපාලන ‍අවසානය සලකුණු වුණේ සත්ගුණවත් ආචාර්ය මර්වින් සිල්වා විසින් සිවුර ය‍ටින් අත දමා කලටි පොල් වල්ලක් කරකවන්නා ‍සේ කරන ලද සාංඝික වෘෂණ කෝෂ ඇඹරිල්ලෙනි": අසපු සාදු කතාව කෙසේවෙතත් වෘෂණ කෝෂ ඇඹරිල්ල නම් ඇත්තය. මවින් සිල්වා මහතා කතාව ඔහුට ආචාර්ය උපාධිය ලබාදුන් වෛද්‍ය තුමාගේ නිවසේ පවසනු මම අසා සිටියෙමි. Bill Gates එම වෛද්‍ය තුමාගේ පෞද්ගලික මිතුරෙකි. එකල Bill Gates ලංකාවට ගෙන්වාගැනීමට ඔහු උත්සාහ දරමින් සිටියේය. එම වෑයම ව්‍යර්ථ වුයේද මෙම සිදුවීම පසුබිම් කොටගෙන බව බොහෝ දෙනා නොදත් කතාවකි.

    "ඡායාරූපවලින් පෙනෙන ආකාරයට එයට ලොකු සෙනගක් සහභාගි වී නැත.": මෙයනම් පට්ටපල් බොරුවකි. මෙමෙ ආදාහන උත්සවයේ video clip එකක් මම ප්‍රවෘත්ති විකාශයක නැරඹුවෙමි. ඔය පෙන්වා ඇති චායාරූපය ලබගත් ස්ථානයේම එයට දෙපසින් විශාල ජනකායක් රොක්ව සිටිනු එහිදී දැකගතහකිවිය.

    "අන්තවාදයෙන් මෝහයට පත්ව සිටි ඉන්ද්‍රරත්න හිමියෝ ද අන්තවාදී සංවිධානවලට මිනියවත් සාර්ථක ලෙස විකුණා ගන්නට බැරි අන්දමේ ක්‍රියාවකින් දිවි තොර කර ගත් හ.": මෙය හුදෙක් ප්‍රකාශයක් පමණක්මය. ඔබ සාධක සහිතව මෙම ප්‍රකාශය කලානම් ඒවා වෙත අවධානය යොමුකොට අවබෝධයක් ලබාගැනීමට සැමට අවකාශ උදාවීමට තිබුණි.

    " "හෙට දහවල් 12 වෙන්නට පෙර මහනුවර කහ කොඩි දමන්න කියලා ඉල්ලා සිටිනවා. නැත්නම් අපි හෙට ක්‍රියා මාර්ගයක් ගන්නවා" යි කී බව වාර්තා විය." : මේ සඳහා සාධක ඇත්ද? මෙය වර්තවුනේ වෙබ් අඩවියකද? පුවත්පතකද?

    "රැඩිකල් දේශපාලන භික්ෂුවක් වන අතුරලියේ රතන හිමි අසපුවක සිරගත වී සිටියදී": මම දැනට විදේශ රටක වැඩිදුර අද්‍යාපනය හදාරමින් සිටිමි. නමුත්, ලංකාවෙන් ලැබෙන වාර්තා වලට අනුව, උන්වහන්සේ කෘමි නාශක ගෙන්වන මාෆියාව සමග දැඩි සටනක නිරතවී ඇතිබව මගේ අවබෝධයයි. 1983 අධිෂ්ඨානයේ භික්ෂුව නමින් හැඳින්වුනේ උන්වහන්සේ බව මගේ දැනීමයි.

    ------

    "AnonymousMay 29, 2013 at 10:49 PM
    සිය දිවි නසාගත් මේ හාමුදුරුවෝ විශාල වශයෙන් නොමග ගිය භික්ෂුවක්. මේක ජීවිත පූජාවක් නොවෙයි. බුදු දහමේ ජීවිත පූජාව කියන්නේ වෙනත් අදහසකට": ඔබ කියන ඔය වෙන අදහස අපටත් දැනගන්න එක්ක කියමු බලන්න......උන්වහන්සේ කල දෙය 100% ක් මම අනුමත නොකලත්, එය විවේචනය කිරීමට තරම් බොහෝ සාධක මට නැහැ. වැදගත් වන්නේ උන්වහන්සේගේ චේතනාවයි..එය දන්නේ ඔබහෝ මම නොව, උන්වහන්සේ ම පමණි.
    උන්වසන්සේ ගේ එම පුජාව නොවන්නට අද මෙම කතිකාවත හෝ ඇතිවන්නේ නෑ නේද? ගව ඝාතනය සම්පුරණයෙන් කෙසේවෙතත, ඉතා කෘර ලෙස වදහිංසා කිරීම,හොර හරක් අලෙවිය, හා ගවමස් ඇතුළු අනෙකුත් මාංශ භාවිතය හෝ යම දුරකට පාලනය කරගත හැකිනම්, එයද යහපත් ප්‍රවණතාවයකි.

    විචාරයට විවෘත්ත ය. හැකිවිට පිළිතුරක් සපයනම්.

    P.S: මම දැකපු වීඩියෝවත් සොයා අමුනනම්. පමාවනවාට සමාවන්න.

    ReplyDelete
  11. මම බවුද්ධයෙක් .හොඳට හෝ නරකට මම කන්න ආසකරන්නෙ හරක්මස් විතරයි.ඒකත් අතේ සල්ලි යහමින් තියෙන වේලාවකදී විතරයි.දැන් ඉතින් තොපි හරක්මස් කඩ වැහුවම මම කන්න ඕන තොපේ මස්ද?

    ReplyDelete

Post a Comment

මාතෘකාවට අදාළ නැති හා වෛරී අදහස් ඉවත් කිරීමට ඉඩ ඇති බව කරුණාවෙන් සලකන්න.

Popular posts from this blog

තේරවිලි: සුපුන් සඳක් ඇත. මැදින් හිලක් ඇත.

පාසල් අධ්‍යාපනය ගැන කතා තුනක්

හමුදා කුමන්ත්‍රණ ගැන ලෝකෙට දුරකථනයෙන් කිව්වෙ බීලා වෙන්න ඇති -ෆොන්සේකා