විමල් වීරවංශ තම ලේකම් පාවා දෙයි. රජයේ නිලධාරීනි, දැන් සනීප ද?

ඇමති කාලයේ සිය නෑ හිතවතුන්ට ගෙවල්, වාහන ආදිය වංචාකාරී ලෙස ලබා දීම ගැන විශේෂ ජනාධිපති කොමිෂම විමල් වීරවංශගෙන් ප්‍රශ්න කළ අවස්ථාවේදී ඔහු දැඩි ලෙස කැළඹීමට පත් වී ඇති බව වාර්තා වේ.

ඒවාට වග කිව යුත්තේ තමන් නොව, අමාත්‍යාංශයේ ලේකම් හා ගණකාධිකාරී බව ඔහු පවසා ඇතැයි ඊයේ ලංකාදීප පුවත්පත වාර්තා කළේ ය. 

ලංකාවේ සිදු වන දූෂණවලට දේශපාලකයන් තරමට ම රජයේ ඉහළ නිලධාරීන් ද වගකිව යුතු බව ඉතා පැහැදිලි ය. රජයේ නිලධාරී පල් හොරුන් කරන්නේ ඇමතිත් සමග එකතු වී හවුලේ කෙළීමයි. 

ආසන්න ම උදාහරණය කෘෂිකරුම අමාත්‍යාංශයේ මූලස්ථාන ගොඩනැගිල්ලයි. ඇමති ලේකම් මෙම ගොඩනැගිල්ල කුලියට ගැනීමේ ගිවිසුම ඩී.පී. ජයසිංහ ටුවර්ස් ඇන්ඩ් ට්‍රාන්ස්පෝට් සමාගම සමග අත්සන් කර ඇත්තේ මාර තදියමකට ය. 

මෙම ගොඩනැගිල්ල කුලියට ගැනීමේ විචක්ෂණභාවය පිළිබඳ විගණකාධිවරයා විසින් කර තිබෙන ප්‍රශ්න කිරීමවත් සැලකිල්ලට ගෙන නැත. කුලියට ගත් ගොඩනැගිල්ලේ ඉන්වෙන්ට්‍රියේ සඳහන් බඩු තිබේ ද යන්න පරීක්ෂා කර තිබෙන්නේ කුලියට ගෙන මාස ගණනකට පසුව ය. එහි විදුලි සෝපාන දෙකෙන් එකක් කැඩිලා ය. අකුණු සන්නායකය ද කැඩී ඇති බවට සැකයක් ඇත. ඇමති දුමින්ද දිසානායකගේ කාර්යාල මෙහි උඩම තට්ටුවේ පිහිටුවිය යුතු ය. ගිනි නිවන පද්ධතියත් ක්‍රියාත්මක නො වන නිසා තව හොඳ ය. 

නව විගණන පනත යටතේ මුදල් අවභාවිතා කරන නිලධාරීන්ට දඩ ගැසීමේ බලතල දෙනවාට මේ පරිපාලන නිලධාරීන් විරුද්ධ ඇයි ද යන්න දැන් පැහැදිලි ය.  

මේ ලිපිය වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න

ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි. අසභ්‍ය යයි සාමාන්‍ය ව්‍යවහාරයේ පිළි ගැනෙන වචන සම්බන්ධයෙන් සදාචාරවාදී නො වන මුත්, අනුන්ට අපහාස කිරීම සඳහා එවැනි වදන් භාවිතා කර තිබෙන අවස්ථාවලදී ඒවා ඉවත් කිරීමට සිදු වන බව කරුණාවෙන් සලකන්න. එසේම, නීතිමය ගැටලු මතු කරන අදහස් පළ කිරීම් ද ඉවත් කරනු ලැබේ. අදහස් පළ කිරීම සම්බන්ධ කාරණාවලදී සංස්කාරක වගකීම් සමග සහයෝගයෙන් කටයුතු කිරීම බලාපොරොත්තු වෙමු.